Nsanganya Y’olimu Ya Mɔmbi
Lomingu la Mɔmbi 7
Taahe 10: Waewoyelo. “Ekadimwelo lo Wembola Anyu” ndo Waewoyelo wendana l’Olimu Aso wa Diolelo. Keketsha onto tshɛ dia mbesa saki kakɛnya wanɛ wakɔtɔ lo losanganya la Eohwelo ka Nyɔi ka Yeso lo Asase a Ndjoko 23.
Taahe 15: “Toke Nkumbo Kaso.” La wembola ndo ekadimwelo. Ta awui wakatshama oma l’Annuaire 1995, lɛkɛ 228.
Taahe 20: “Tokimanyiya Nkumbo dia Yɔ Ndjalamɛ Nshi Yayaye ya Pondjo.” (od. 1-5) Sha kɔmatɛrɛ lo tshena pe lo od. 1 ko wɛ ndjota woho wa kotola yambalo y’onto lo dibuku Ɔngɛnɔngɛnɔ wa lo Nkumbo l’ekimanyielo k’ɛtɛ w’awui wa totshapita, esato w’alangi ndo tokombokombo t’ovuswelo. Sɛngɔla apandjudi wakoka dia vɔ sala od. 2-5 oko ɛnyɛlɔ. Keketsha onto tshɛ asale la wolo ande tshɛ dia tshikɛ nkumbo yambɛnyaka saki dibuku Ɔngɛnɔngɛnɔ wa lo Nkumbo. Tanyohɛke mbuta oshinga adiɔ.
Osambu 71 ndo dɔmbɛlɔ dia ndjihelo.
Lomingu la Mɔmbi 14
Taahe 10: Waewoyelo. Alapɔlɔ wa falanga ndo “Nsango ya Teokrasi.”
Taahe 20: “Tônge la Lowando.” La wembola ndo ekadimwelo. Keketsha wanɛ wele la diaaso dia vɔ monga ambatshi mboka wa tshanda lo Yitshu.
Taahe 15: “Tokimanyiya Nkumbo dia Yɔ Ndjalamɛ Nshi Yayaye ya Pondjo.” (od. 6-8) Sha tokanyi tɔmɔtshi tendana la yoho ya mbisha anto dibuku Ɔngɛnɔngɛnɔ wa lo Nkumbo lam’asambishaso lo tshakitudi l’olimu, la kalasa, lo lobingu, lo mituka wɛmba anto tshɛ, kâmɛ ndo lam’atshɔso dia tenda ase nkumbo kaso. Sɛngɔla opandjudi ɔmɔtshi wakoka dia nde sala ɛnyɛlɔ kɛmɔtshi ka toho tele lo od. 6 la 7. Ɔkɛtshanyelo wa lo diendelo di’oyoyo pombaka kimanyiya onto akɔ dia nde mbeya ɔnɛ wekelo wa Bible kokaka keketsha amama wa lo nkumbo. Pombaka mbeka l’anto l’ekimanyielo ka biukubuku Kakɔna Katɔlɔmba Nzambi? l’oyango wa ndjɔtɔ lo dibuku Ewo, onyake kana wekelo ambomɛ mbala kakɔ ɔtɔi lo dibuku Ewo.
Osambu 72 ndo dɔmbɛlɔ dia ndjihelo.
Lomingu la Mɔmbi 21
Taahe 5: Waewoyelo. Ta ɔnɛ etena kekekɔ ka kimɔ dɛmandɛ dia monga ombatshi mboka wa tshanda lo Yitshu. Tɛkɛta dia nsanganya kina yambɔlɔngɔsɔma lo dikambo di’esambishelo ngɔndɔ kɛnɛ l’etshumanelo.
Taahe 25: “Tokeketale dia Sala Waendelo w’Eyoyo.” (od. 1-16) La wembola ndo ekadimwelo. Ɛnyɛlɔ ka lo tshena pe lo od. 16.
Taahe 15: Tokimanyiya opandjudi w’oyoyo wambomɛ sambisha. Sɛdingola od. 19 wa dikatshi di’okotsha di’Olimu Aso wa Diolelo wa Lotena Eduwa 1996. Ɛnyɛlɔ: opandjudi ɔmɔtshi wakoka ɛnya ombeki wa Bible woho wa ndjalɔngɔsɔlaka, ombeki weke kambetawɔma le dikumanyi dia nde monga opandjudi wahatabatizama. Wasɛdingole dibuku Notre ministère vɔ ahende, lo lɛkɛ 111, od. 2. Opandjudi weya akambo efula atɛkɛtɛ dia kɛnɛ kokoki komɛ onto tena dimɔtshi lam’atandasambisha lo luudu la luudu, lo mɛnya ɔnɛ hatokoke mpekɔ naka anto efula hawotolongudi dimɛna. Akɔndɔlɛ ɛnyɛlɔ kɛmɔtshi kasha ekeketshelo kɛnya ɔngɛnɔngɛnɔ watongaka naka tambohomana l’onto lele l’otema w’ɔlɔlɔ lalanga tolonga. Vɔ ahende walɔngɔsɔlɛ sawo dimɔtshi dia tshena pe ndo diaha okakatanu dia mɛnyanya periodikɛ ko vɔ pemba sala mbala efula. Wamboshana ekeketshelo ka mamba ko apandjudi akɔ ahende wambɔsa tɛdikɔ t’eshika dia vɔ sambisha kâmɛ l’atei a lomingu.
Osambu 89 ndo dɔmbɛlɔ dia ndjihelo.
Lomingu la Mɔmbi 28
Taahe 15: Waewoyelo ndo tokambe l’Annuaire des Témoins de Jéhovah 1997 dimɛna. Papa kɛmɔtshi asɛdingole la nkumbo kande awui wakotola yambalo wele lo lɛkɛ 3-9. Ta bonde kangɛnangɛnaso dia mɛna ehamelo wa Teokrasi l’andja w’otondo. Papa kakɔ alembetshiya ɔnɛ l’ɔnɔnyi ɔnɛ weke ka tatɛ vɔ wayɔsaka taahe tɔmɔtshi lushi tshɛ lo wonya w’olelo dia tadiaka Annuaire yema yema, woho wasalawɔ divɛsa dia lushi la lushi.
Taahe 15: “Tokeketale dia Sala Waendelo w’Eyoyo.” (od. 17-21) La wembola ndo ekadimwelo. Sɛdingola kiombokombo ya lo lɛkɛ 3. Keketsha onto tshɛ dia mbadia waendelo w’eyoyo wosadinde lo ngɔndɔ lam’ayondofunda alapɔlɔ ande w’olimu w’esambishelo.
Taahe 15: Ekanda wayotosha anto lo Yitshu. Tayosha anto Tshoto y’Etangelo la Réveillez-vous ! Tɛkɛta lo tshena pe dia tokanyi tele l’od. 3, 4 la 8, lɛkɛ 8, l’Olimu Aso wa Diolelo wa Tshaka Fudu 1996 dia yoho ya nɔngɔsɔla asawo wa mbisha anto periodikɛ. Diɛnyɛlɔ: apandjudi ahende wasale sawo ɔtɔi kana asawo ahende wa tomondo. Apandjudi pombaka funda nkombo ya wanɛ walongola periodikɛ ko mbâkotsha l’otadimbo awɔ wa periodikɛ.
Osambu 92 ndo dɔmbɛlɔ dia ndjihelo.