Ovuswelo Wendana La Kalasa K’olimu Wa Teokrasi

Ovuswelo w’aha la mbifola abuku w’endana l’awui wakekama lo Kalasa k’Olimu wa Teokrasi lo ndjela asawo wakashama tatɛ ma lo lomingu la Ngɔndɔ ka Divwa 7 polo ndo lo Ngɔndɔ ka Dikumi l’Ahende 21, 1998. Nyɔsɛ tɛtshi t’akatshi dia funda ekadimwelo anyu lɔkɔ lo ndjela lofulo la wembola wahombanyu kadimola lo yɛdikɔ ya wenya yoshami.

[Diewoyelo: L’edja kayotshama ovuswelo a lofunda, paka Bible keto kahombama munandema dia kadimola lo wembola tshɛ. Ahole wotumbi wembola ndo wele l’ekomelo ka wembola ele dia nyokimanyia woho wa nyu ntsha eyangelo anyu. Esangɔ ɛmɔtshi, numɛlɔ ya ndjɛkɛ la y’edingɔ lo oseka Tshoto y’Etangelo tshɛ hɛ̂nyama.]

Kadimola ɔnɛ Mɛtɛ kana Kashi lo wetelo wayela ɛnɛ:

1. Lo 2 Timote 1:​6, “ushasha” mɛnyaka dikoka dia tɛkɛta l’ɛtɛkɛta wotshikitanyi diakalongola Timɔtɛ lo tshimbo ya nyuma k’ekila ka Nzambi. [Walelo wa Bible wa lomingu la lomingu; enda lo w85 1/5 lɛkɛ 16 od. 15.]

2. Okristo wambotshunda ‘mbekiyaka akoka wele lande wa tshikitanya ɔlɔlɔ la kɔlɔ’ lo mongaka la mbekelo ka kambaka la yema y’ewo kele lande k’Ɔtɛkɛta wa Nzambi. (Heb. 5:14) [Walelo wa Bible wa lomingu la lomingu; enda lo w85 15/6 lɛkɛ 9 od. 7.]

3. Kânga mbakoka Ɛmɛnyi wa Jehowa fundama l’abuku wa Lɛɛta oko tshunda di’ɔtɛmwɛlɔ, ekɔ mɛtɛ dia aha onto kana mbolamatadi kahomba mbisha dikimɔ di’anto ndjela ɔtɛmwɛlɔ a mɛtɛ. [jv lɛkɛ 696 od. 1]

4. Jakɔba y’ofundji wa Bible mbaki ndo ɔtɛkɛtshi waki ‘apɔstɔlɔ la dikumanyi’ l’etena kakawɔsɛ yɛdikɔ lo dikambo dia wahemelo w’ohekele. (Etsha 15:​6, 13; Jak. 1:⁠1) [si lɛkɛ 233-4 od. 2-3]

5. Kânga mbata 1 Petero 5:13 ɔnɛ Petero aki la Babilɔna etena kakandafunde mukanda ande wa ntondo, tolembetelo mɛnyaka ɔnɛ Babilɔna ekɔ lokombo la didjidji la Rɔmɔ. [si lɛkɛ 237 od. 4]

6. Etelo katawɔ lo 1 Joani 2:18 k’ɔnɛ “utunyi a Kristu ukuya” mɛnyaka onto ɔtɔi. [Walelo wa Bible wa lomingu la lomingu; enda lo rs lɛkɛ 35 od. 1.]

7. Tamu tatawɔ lo Etsha 15:​36-41, takatombe oma lo nganɛ wakakanaka Paulo lo dikambo dia Mako, koshila pondjo. [ad lɛkɛ 970 od. 4]

8. Dibuku di’Enyelo diekɔ l’ekomelo ka Bible nɛ dia diɔ mbele dibuku dia ndjihelo diakafunde ɔpɔstɔlɔ Joani. [si lɛkɛ 248 od. 1]

9. Enyelo 13:​11-15 mɛnyaka mɛtɛ nganɛ wakayala Wedja Woleki Wolo l’Andja w’Otondo, mbut’ate Angleterre l’États-Unis, tshonga esambu ndo osukɔ wa Tshunda dia Wedja (Société des Nations) ko ndo osukɔ w’ɔlɔngɔswamelo wakahɛnɛ tshunda diakɔ welɛwɔ ɔnɛ Wedja Wosanganyi (Nations Unies). [Walelo wa Bible wa lomingu la lomingu; enda lo w88 15/12 lɛkɛ 19 od 3.]

10. Didjango dia mbokana ngandji, diakafundama lo Joani 13:​34, aki ‘ɔlɛmbɛ w’oyoyo’ nɛ dia vɔ wakayoshamaka edja l’ɔkɔngɔ w’Ɛlɛmbɛ wa Mɔsɛ. [jv lɛkɛ 711 od. 4]

Kadimola lo wembola wayela ɛnɛ:

11. Lam’atawɔ ɔnɛ omendji hahombe monga ‘onto lakɔmana,’ lâsɔ ɛnyande? (Tito 1:⁠7) [Walelo wa Bible wa lomingu la lomingu; enda lo w90 1/9 lɛkɛ 27 od. 21.]

12. Ngande weyaso ɔnɛ ndo Lɔyi ndo Eyunikɛ, vɔ tshɛ waketsha Timɔtɛ oma l’Afundelo na? [ad lɛkɛ 935 od. 4]

13. Yeso akandalange mbuta lam’akandate ate: “We kunanga elambu la eshasha”? (Heb. 10:⁠5) [Walelo wa Bible wa lomingu la lomingu; enda lo w96-OT 1/7 lɛkɛ 21 od. 3.]

14. Ngande wakoka Akristo ‘nɛmbia andja’ na? (1 Joani 5:​3, 4) [si lɛkɛ 243 od. 12]

15. Ɛtɛkɛta wakate Petero w’ɔnɛ ‘nyolamake lushi la Jehowa lo timba tanyu’ ɛnyawɔ na? (2 Pet. 3:12) [Walelo wa Bible wa lomingu la lomingu; enda lo w97-OT 1/9 lɛkɛ. 26 od. 2.]

16. Pudipudi ka lo nyuma mendanaka ndo la pudipudi kakɔna, ndo ngande wakimanyiya dikambo sɔ ase nkumbo dia vɔ ndjakokɛ? (2 Kor. 7:⁠1) [fy lɛkɛ 46 od. 14]

17. Dia mbɔtɔnganɛ la kɛnɛ kata Enyelo 1:​7, wanɛ wakôngola Yeso dikɔnga ngande wayowowɛna ‘ayaye lo wange’ na? [Walelo wa Bible wa lomingu la lomingu; enda lo w93 1/5 lɛkɛ 22 od. 7.]

18. Akristo wenda ɔlɔlɔ ngande ‘wayâlamawɔ ndo wasungukalawɔ’ na? (Luka 21:​34, 36) [jv lɛkɛ 714 od. 4]

19. Wanɛ wakenga tshɔi yakɔ y’ɔlɔngɔswamelo wa mɛtɛ w’Akristo ɛlɔ kɛnɛ, ngande wayowokondjaka eokelo ka dimɛna k’Ɔtɛkɛta wa Nzambi na? [jv lɛkɛ 708 od. 3]

20. Naa adjango wa l’Afundelo wahomba kotsha tshɔi yakɔ y’ɔlɔngɔswamelo wa mɛtɛ w’Akristo lo nshi y’ekomelo nyɛ na? [jv lɛkɛ 706 od 3]

Kotsha wetelo wayela ɛnɛ:

21. Wadi l’omi pombaka monga oko anto_________________________, wêya wonya tshɛ ɔnɛ _________________________ ndeka ɛnamelo ka l’andja ohomba. [fy lɛkɛ 26 kiombo y’ovuswelo]

22. Mukanda wakafundɛ Paulo Ase Hɛbɛru mɛnyaka ɔnɛ akambo wa weho weho wa l’_________________________ waki paka didjidji dia kɛnɛ kakakambe Nzambi la tɔ dia mɛnya akambo woleki weke wayoya, akambo akɔ tshɛ wakakome lo kondoko le _________________________ , nde ɔnɛ lele ekotshamelo k’Ɛlɛmbɛ. [si lɛkɛ 232 od. 23]

23. Lo 2 Petero 1:​5-8, Ɔpɔstɔlɔ Petero tɔlɔmbaka dia sho mbidja _________________________ dia ndjâla la waonga w’Akristo wayotoshimba di’aha sho monga _________________________ kana _________________________ . [si lɛkɛ 240 od. 9]

24. Etena kasawola wadi l’omi, _________________________ la _________________________ ekɔ ohomba efula. [fy lɛkɛ 36 od. 21]

25. Mariya wa nyango Yeso aki lo dioho dia _________________________ ndo kanula ya Davidi; oma lo tshimbo yande mbakakondja Yeso lotshungɔ la monga _________________________ lo “kiti ka diulelu ka Davidi tshendi.” (Luka 1:32) [ad lɛkɛ 979 od. 3]

Ekɛ oshidi la tshina di’ekadimwelo wa mɛtɛ wa wetelo wayela ɛnɛ:

26. Lam’akadjama Paulo mbala ka ntondo lo lokanu la Rɔmɔ, (Ɔnɛsifɔrɔ; Ɔnɛsimɔ; Ɔnana), ɔhɔmbɔ wakalawɔ oma lo luudu laki (Filipɛ; Fɛstɔ; Filɛmɔna), aki l’atei a wanɛ wakalonge esambishelo kande. [si lɛkɛ 227 od. 2]

27. (Ngandji; Dilɛmiɛlɔ; Olongɔnelo) kɛdikɛdi “tshelo ya monga la lɔlɛmia otsha le anto akina, mbasha nɛmɔ.” [fy lɛkɛ 30 od. 7]

28. Lo Luka 14:​28, Yeso ekɔ lo tɛkɛta dia (tɔ̂shi tɛdikɔ la ntondo; aha manaka falanga omanamana; tshika awui wa sɔmba falanga). [fy lɛkɛ 40 od. 4]

29. “Diulelu” diakawate lo Jude 8 mɛnyaka (dihole diele la Yeso; lowandji la Jehowa; lowandji lakadje Nzambi l’atei w’etshumanelo k’Akristo). [si lɛkɛ 247 od. 9]

30. L’Enyelo 11:​11, “nshi shatu l’etenyi” yayɛnama akitami oko edo lo washo w’atunyi awɔ, nembetshiyaka (ɛnɔnyi esato l’etenyi; etena ka mondo; ngɔndɔ shato l’etenyi). [Walelo wa Bible wa lomingu la lomingu; enda lo re lɛkɛ 167 od. 21.]

Ɔtɔnganyiya wetelo wayela ɛnɛ l’avɛsa wasungana: Tuk. 8:30; Mat. 19:​13-15; Heb. 2:1; Jak. 4:15; 1 Pet. 3:4

31. Dia shika ekolo la ntondo ka tɔsɛngiya t’etshaka wenya tatoyɛ oma l’andja ɔnɛ, sho la dia ‘mbidja yimba efula’ l’Ɔtɛkɛta wa Nzambi oma lo monga la mbekelo k’ɔlɔlɔ ka mbekaka ndo ekongelo k’ɔlɔlɔ ka mbadiaka Bible. [Walelo wa Bible wa lomingu la lomingu; enda lo w98-OT 1/1 lɛkɛ 19 od. 9.]

32. Etena tshɛ kakanyiyaso dia ntsha akambo amɔtshi lo nshi yayaye, sho pombaka mbidja lo dɔmbɛlɔ ko menda woho wɔtɔnɛwɔ la sangwelo dia Nzambi. [Walelo wa Bible wa lomingu la lomingu; enda lo w97-OT 1/12 lɛkɛ 16 od. 10-11.]

33. “Otema a memakana la ki” wele la wadi lele Okristo ndo nyango ana hangɛnyangɛnya paka omɛnde oto koko ngɛnyangɛnya djekoleko Nzambi. [Walelo wa Bible wa lomingu la lomingu; enda lo w89 15/5 lɛkɛ 18 od. 12.]

34. Lo ndjela ɛnyɛlɔ ka Jehowa, ombutshi a pami w’ɔlɔlɔ pombaka ntsha tshɛ dia monga la diokanelo di’oshika l’ɔnande oma ko dikɛnda. [fy lɛkɛ 53 od. 7]

35. Lam’ele Yeso komonga la shɔnɔdi lo tshɔkɔla tɔkɛndakɛnda, sho hatohombe mɛna ɔnɛ ana w’apami ndeka ana wa amato. [fy lɛkɛ 52 od. 4]