Ngaahi Fakataha Ngāue ki Maʻasi
Uike Kamata Maʻasi 6
Hiva 51
13 min: Ngaahi fanongonongo fakalotofonua mo e Fanongonongo kuo filifili mei he Ko ʻEtau Ngāue Fakafaifekau ʻo e Puleʻanga. Fetalanoaʻaki ʻi he Puha Fehuʻi.
15 min: “Foaki ha Meʻa Lahi—Fiemaʻu ha Meʻa Lahi.” Fehuʻi mo e tali. Fakalototoʻaʻi ʻa kinautolu ʻoku taau ke fakakaukau ʻo fekauʻaki mo e hoko ko ha kau tāimuʻa tokoni ʻi ʻEpeleli.
17 min: “Ngāueʻaki ʻa e Tohi Foʻoú ke Tokoniʻi ʻa e Niʻihi Kehé.” Fakamanatu ʻa e ngaahi meʻa mahuʻinga. Fakaafeʻi ʻa e kau fanongó ke lave ki he ngaahi meʻa naʻe hokosia ʻi heʻenau ngāueʻaki pe tuku ʻa e tohi Fāʻūtaha ʻi he Lotu. Fakaʻaiʻai kotoa ke fakakaukau pau ʻi heʻenau tuʻuaki ʻa e tohí, koeʻuhi he ʻoku lave ki he ngaahi meʻa ʻoku lolotonga hokó ʻa ia ʻoku kaunga ki he tokotaha kotoa pē. ʻAi ha fakahāhā ʻe taha pe ua.
Hiva 113 mo e lotu tuku.
Uike Kamata Maʻasi 13
Hiva 172
10 min: Ngaahi fanongonongo fakalotofonua. Fakamatala fuonounou ʻo fai ha tokanga ki he puha ko e “Fakamanatu ki he Sēkelitalí mo e ʻOvasia Ngāué.” Fakamatala paʻanga.
15 min: “ʻOku Taimi Totonu ʻa e Ongoongo ʻo e Puleʻanga ke Tufaki ʻi Māmani Lahi.” Malanga ke fai ʻe ha mātuʻa. Fakamamafaʻi ʻa e mahuʻinga ʻo e ngāue makehe ko ʻení ʻe fai he lolotonga ʻo ʻEpeleli mo Mē. Fakaʻaiʻai kotoa, kau ai mo e kau foʻoú, ke palani ke kau kakato ki ai.
20 min: Ngaahi fiemaʻu fakalotofonua. Pe malanga mei he kupu “Hokohoko Atu Ke Fakatonutonuʻi,” ʻi he Taua Leʻo ʻo ʻEpeleli 1, 1991, peesi 30-32.
Hiva 107 mo e lotu tuku.
Uike Kamata Maʻasi 20
Hiva 14
15 min: Ngaahi fanongonongo fakalotofonua. Fakahāhā ʻa hono ngāueʻaki ʻe he fāmilí ʻa e 1995 Yearbook. ʻOku fakahāhā ʻe he kulupu fakafāmilí ʻa e houngaʻia ʻi he tohí; fakamatala fuonounou ʻe ha tamai ʻa e ngaahi meʻa mahuʻinga ʻo e fakamatala talateu ʻi he peesi 3-11. ʻOku nau fetalanoaʻaki ki he anga ʻo ʻenau feinga ke lau ha ngaahi peesi ʻi he Yearbook fakataha ʻi he uike taki taha mo fakapapauʻi ʻoku fai ha tokanga ʻi he ʻaho taki taha ki he konga Tohi Tapu kuo vaheʻi ʻi he Ko Hono Vakaiʻi Fakaʻaho ʻa e Tohi Tapú.
15 min: Ngaahi fiemaʻu fakalotofonua. Pe malanga ʻi he kupu “Kapau ʻOku ʻi Ai Haʻo Ngaahi Tukuhau, Totongi ʻa e Ngaahi Tukuhaú,” ʻi he Watchtower ʻo Nōvema 15, 1994, peesi 26-28.
15 min: “Tokoniʻi ʻa e Niʻihi Kehé ke ‘Tauhi ʻa e Ngaahi Meʻa Kuo Tohí.’” Fakamanatu ʻa e ngaahi poini tefitó, pea ʻai ha fakahāhā ʻe taha pe ua ʻo ha toe ʻaʻahi.
Hiva 84 mo e lotu tuku.
Uike Kamata Maʻasi 27
Hiva 87
5 min: Ngaahi fanongonongo fakalotofonua.
12 min: “Ko e Meʻa Mahuʻinga Lahi Taha ʻi he Hisitōlia ʻo e Faʻahinga ʻo e Tangatá.” Fetalanoaʻaki mo e kau fanongó. Toe fakamanatu ʻa e ngaahi fokotuʻutuʻu fakalotofonua ki he Fakamanatú. Fakamatala ki he ʻuhinga ʻoku fiemaʻu ai ke tau fakaafeʻi ʻa e faʻahinga mahuʻingaʻiá mo tokoniʻi ke nau kau ki ai.
18 min: Ngaahi fiemaʻu fakalotofonua. Pe malanga ʻi he kupu “Ko e Hā ke Faʻa Fakamolemole Aí?” ʻi he Taua Leʻo ʻo Sanuali 1, 1995, peesi 4-7.
10 min: Tuʻuaki ʻa e Taua Leʻo mo e Awake! lolotonga ʻo ʻEpeleli. ʻI he ngaahi kauhala kuo toutou ngāueʻí, te tau tuʻuaki nai ai ha polosiua pē (tukukehe ʻa e polosiua School). ʻI he maʻu ʻo ha mahuʻingaʻia ʻi he ngaahi toe ʻaʻahí, ʻe tuʻuaki nai ai ʻa e ngaahi tukuhaú. Fakamanatu ʻa e ngaahi fokotuʻutuʻu ko ʻeni ki hono tuʻuaki ʻa e makasiní mei he fale ki he fale: Malimali anga-fakakaumeʻa. ʻAi ke loto-māfana. Lea māmālie. Fakamatala ki ha kupu pē ʻe taha ʻi ha makasini. ʻOatu ʻa e ngaahi makasiní ki he tokotaha ʻapí. ʻAi ke ne ʻilo te ke toe foki atu mo e tatau hono hokó. Maʻu ha fakakaukau pau kapau kuo fakafisingaʻi ʻa e makasiní. Tauhi ha lekooti ʻo e faʻahinga mahuʻingaʻiá mo e makasini kotoa pē naʻe tukú. ʻI he fakaʻosí, fai ha fakahāhā nounou ʻe taha pe ua ʻo hono tuʻuaki ʻo e ngaahi tatau ʻo e makasini ʻoku lolotonga maʻú.
Hiva 114 mo e lotu tuku.