Taimi-Tēpile ki he Fakataha Ngāué

Uike Kamata ʻEpeleli 12

Hiva 20 (93)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e ngaahi fokotuʻu ʻi he peesi 8, fakahāhā ʻa e founga ke tuʻuaki ai ʻa e Taua Leʻo ʻo ʻEpeleli 15 mo e ʻĀ Hake! ʻo ʻEpeleli-Sune. ʻI he tuʻunga taki taha, ʻoku totonu ke tuʻuaki fakatouʻosi ʻa e ongo makasiní ko ha seti, neongo ko e taha pē ʻe fakaʻaliʻalí. ʻI he fakahāhā taki taha, fakahaaʻi ha founga kehekehe ke fakaleleiʻi ai ʻa e taʻofiʻanga fetalanoaʻaki “ʻOku ou femoʻuekina.”—Sio ki he kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, peesi 11.

15 min: “Foaki kia Sihova ʻEtau Lelei Tahá.”a ʻI he lāulea ki he palakalafi 4, fakaafeʻi ʻa e kau fanongó ke nau fakamatala ki he ngaahi founga pau ʻe lava ke tau fakahaaʻi ai ʻa e ʻofa ki he kakaí ʻi he taimi ʻoku tau fakahoko ai ʻetau ngāue fakafaifekaú.

20 min: “ʻE Lava Fēfē Ke Tau Tokoniʻi ʻa e Ngaahi Hoa ʻIkai Fakamoʻoní?”b Fokotuʻutuʻu ki muʻa ki he toko taha pe toko ua ʻa ia ko hona hoa naʻá na ʻuluaki maʻu ʻa e moʻoní ke na fakamatala ki he meʻa naʻá ne tokoniʻi kinaua ke na hoko ai ko e ongo sevāniti ʻa Sihová.

Hiva 11 (85) mo e lotu tuku.

Uike Kamata ʻEpeleli 19

Hiva 7 (51)

8 min: Ngaahi fanongonongo fakalotofonua.

20 min: “Faʻifaʻitaki ki he Fakakaukau Fakaeʻatamai ʻa Sīsuú.”c Ngāueʻaki ʻa e ngaahi fehuʻi ʻoku ʻoatú. ʻI he lāulea ki he palakalafi 4, fakaafeʻi ʻa e faʻahinga ʻoku tāimuʻa tokoní ke nau fakamatala ki he ngaahi tāpuaki kuo nau hokosia ko ha ola ia ʻo e fai peheé.

17 min: Puha Fehuʻi. Malanga ke fai ʻe ha mātuʻa.

Hiva 9 (37) mo e lotu tuku.

Uike Kamata ʻEpeleli 26

Hiva 5 (46)

12 min: Ngaahi fanongonongo fakalotofonua. Fakamatala paʻangá. Fakamanatu ki he kau malangá ke ʻomai ʻenau līpooti malaʻe ngāue ki ʻEpelelí. Lave ki he tohi ʻoku tuʻuaki ʻi Meé. ʻI hono ngāueʻaki ʻa e ngaahi fokotuʻu ʻi he peesi 8, fakahāhā ʻa e founga ke tuʻuaki ai ʻa e Taua Leʻo ʻo Mē 1 mo e Awake! ʻo Mē 8. ʻI he tuʻunga taki taha, ʻoku totonu ke tuʻuaki fakatouʻosi ʻa e ongo makasiní ko ha seti, neongo ko e taha pē ʻe fakaʻaliʻalí. ʻI he taha ʻo e ongo tuʻuakí, fakahāhā ai ha faifakamoʻoni ki ha kaungāngāue pe ko ha kaungāako.

15 min: Ngaahi fiemaʻu fakalotofonua.

18 min: “Te Ke ʻi Ai?” Malanga mo e ngaahi meʻa naʻe hokosia, ke fai ʻe ha mātuʻa. Kuo fakahoko ʻe he ngaahi fakatahataha lalahí ha ngafa lahi ʻi hono fakaivimālohiʻi ʻa e kakai ʻa e ʻOtuá mei he taimi ʻo e Tohi Tapú ʻo aʻu mai ki hotau ʻahó ni. (Sio ki he tohi Proclaimers, peesi 254, palakalafi 1-3, mo e Insight, Voliume 1, peesi 821, palakalafi 5.) Fakalototoʻaʻi ʻa e tokotaha kotoa ke ne kamata fai he taimí ni ʻa e ngaahi teuteu ke maʻu ʻa e ʻaho kotoa ʻe tolu ʻo e fakataha-lahi fakavahe ʻi he taʻu ní. Fakaafeʻi ʻa e kau fanongó ke nau fakamatala ki ha ngaahi meʻa ne hokosia ʻo fakahaaʻi ai ko ʻenau ngaahi feinga tōtōivi ke ʻi ai he kuohilí naʻe fakapaleʻi fakalaumālie.

Hiva 23 (200) mo e lotu tuku.

Uike Kamata Mē 3

Hiva 26 (212)

10 min: Ngaahi fanongonongo fakalotofonua mo e ngaahi meʻa naʻe hokosia. Fakaafeʻi ʻa e fakatahaʻangá ke nau fakamatala ki ha ngaahi meʻa naʻe hokosia lolotonga ʻa e ngāue fakalahi ʻa ia naʻe fakahoko ʻi Maʻasi mo ʻEpelelí. Fakaongoongoleleiʻi kinautolu ʻi heʻenau ngaahi feingá, pea fakalototoʻaʻi ʻa e tokotaha kotoa ke kau ʻi he kakato tahá ʻo fakatatau ki he meʻa ʻoku fakaʻatā ʻi honau ngaahi tuʻungá lolotonga ʻo Meé.

15 min: “Toʻutupu—Lau ʻa e Folofola ʻa e ʻOtuá!”d Fokotuʻutuʻu ki muʻa ki ha talavou ʻe toko taha pe toko ua ke na fakamatala ki heʻena polokalama lau Tohi Tapú mo e anga ʻo ʻena maʻu ʻaonga mei aí. Fakalototoʻaʻi ʻa e kau talavoú ke ʻai ko ʻenau taumuʻá ia ke lau ʻa e Tohi Tapú fakakātoa. Fakakau ai ʻa e ngaahi fakamatala ʻi he tohi Ako Fakafaifekau, peesi 10, palakalafi 4.

20 min: “Fakataha-Lahi Fakavahe 2004 ‘ʻAʻeva mo e ʻOtuá’ ʻa e Kau Fakamoʻoni ʻa Sihová.” Ke fai ʻe he sekelitali ʻa e fakatahaʻangá. Hili e lāulea ki he palakalafi 1, lau ʻa e tohi fekauʻaki mo e meʻa ʻoku vahe ki he fakataha-lahí ʻo Nōvema 24, 2003. ʻI he fetalanoaʻaki ʻi he palakalafi 3, ʻai ke lau ʻe ha kau pole mei he kau fanongó ʻa e poini kotoa ʻi he ngaahi palakalafi tokoni (a)-(i) ʻi he peesi 3. Fakaafeʻi ʻa e tokotaha kotoa ke fai ʻenau ngaahi fokotuʻutuʻu ki he fakataha-lahí ʻi he vave taha ʻe ala lavá.

Hiva 19 (164) mo e lotu tuku.

[Fakamatala ʻi lalo]