Zaburi
Kwa kiongozi; umepatanishwa na mtindo wa “Paa Jike wa Mapambazuko.”* Muziki wa Daudi.
22 Mungu wangu, Mungu wangu, kwa nini umeniacha?+
Kwa nini uko mbali usiweze kuniokoa,
Mbali na vilio vyangu vya maumivu makali?+
2 Mungu wangu, ninaendelea kukuita wakati wa mchana, nawe hunijibu;+
Na wakati wa usiku sinyamazi.
8 “Alijikabidhi mwenyewe kwa Yehova. Acha Yeye amwokoe!
Acha Yeye amwokoe, kwa sababu Yeye anampenda sana!”+
9 Wewe ndiye uliyenitoa tumboni,+
Ni Wewe uliyenifanya nihisi nikiwa salama kwenye matiti ya mama yangu.
10 Nimewekwa chini ya utunzaji wako* tangu nilipozaliwa;
Tangu nilipokuwa katika tumbo la mama yangu, umekuwa Mungu wangu.
13 Wanafungua vinywa vyao wazi dhidi yangu,+
Kama simba anayenguruma ambaye anararua windo lake vipandevipande.+
14 Nimemwagwa kama maji;
Mifupa yangu yote imeteguka.
15 Nguvu zangu zimekauka kama kigae;+
Ulimi wangu unashikamana na fizi zangu;+
Unanishusha chini kwenye mavumbi ya kifo.+
16 Kwa maana mbwa wananizunguka;+
Wananizingira kama kundi la watenda maovu,+
Kama simba, wanaishambulia mikono yangu na miguu yangu.+
17 Ninaweza kuhesabu mifupa yangu yote.+
Wananitazama na kunikodolea macho.
18 Wanagawana mavazi yangu,
Nao wanalipigia kura vazi langu.+
19 Lakini wewe, Ee Yehova, usiendelee kukaa mbali.+
Wewe ni nguvu zangu; njoo haraka unisaidie.+
20 Niokoe* kutoka kwa upanga,
Uhai wangu wenye thamani* kutoka katika makucha ya* mbwa;+
21 Niokoe kutoka katika kinywa cha simba+ na pembe za ng’ombe dume wa mwituni;
Nijibu na uniokoe.
23 Ninyi mnaomwogopa Yehova, msifuni!
Enyi nyote uzao wa* Yakobo, mtukuzeni!+
Mwogopeni yeye, enyi nyote uzao wa* Israeli.
24 Kwa maana hajadharau wala kuchukizwa na mateso ya yule anayekandamizwa;+
Hajauficha uso wake kutoka kwake.+
Alipomlilia amsaidie, alisikia.+
25 Nitakusifu katika kutaniko kubwa;+
Nitatimiza nadhiri zangu mbele ya wale wanaomwogopa.
Na ufurahie maisha* milele.
27 Miisho yote ya dunia itakumbuka na kumgeukia Yehova.
Familia zote za mataifa zitainama chini mbele zako.+
28 Kwa maana ufalme ni wa Yehova;+
Anayatawala mataifa.
29 Watu wote wenye ufanisi* duniani watakula na kumwinamia;
Wote wanaoshuka mavumbini watapiga magoti mbele zake;
Hakuna yeyote kati yao anayeweza kuokoa uhai wao.*
30 Wazao wao watamtumikia;*
Kizazi kitakachokuja kitaambiwa kumhusu Yehova.
31 Watakuja na kusimulia uadilifu wake.
Watawaambia watu ambao bado hawajazaliwa mambo aliyofanya.