Iintlanganiso Zenkonzo KaMeyi
Iveki Eqala NgoMeyi 2
5 imiz: Izaziso zasekuhlaleni neZaziso ezikhethiweyo kuBulungiseleli Bethu BoBukumkani. Hlolisisa nawaphi na amalungiselelo okwandisa umsebenzi wenkonzo yasentsimini.
15 imiz: Ulwakhiwo LweeHolo ZoBukumkani. Ingxubusho ngabadala ababini. Hlolisisani inkcazelo engenkqubo yokuzalisa iifomu zabasebenzi bokuzithandela ukuba ubani uyakufanelekela ukusebenza kulwakhiwo lweeHolo zoBukumkani. Gxininisani (1) iindidi ezimbini zabo bakufanelekelayo ukufaka iifomu zabasebenzi bokuzithandela nokuba (2) bonke abasebenzi bokuzithandela, kuquka nabo babekhe bangabo, kufuneka bazalise enye yezi fomu zintsha. Yandulani ke nihlolisise iimbalasane zomsebenzi weeKomiti Zokwakha Zenqila njengokuba zinikelwe kwiphepha 322-8 lencwadi ethi AmaNgqina KaYehova—Abavakalisi BoBukumkani BukaThixo.
10 imiz: “Ngaba Ndifanele Ndiqhubeke Nditshintshatshintsha?” Ingxubusho ngabadala ababini. Gxininisani iingenelo zokuba nesabelo ngokuthe rhoqo kwinkonzo yasentsimini.
15 imiz: “Sebenzisa Amaphephancwadi Ukwabelana Nabanye Ngenyaniso.” Mayixutyushwe nabaphulaphuli. Cacisa okwenza amaphephancwadi ethu ahluke nesizathu sokuba oku kufanele kusishukumisele ekubeni siwahambise ngamathuba onke. Lungiselela imiboniso emibini emifutshane.
Ingoma 128 nomthandazo wokuqukumbela.
Iveki Eqala NgoMeyi 9
10 imiz: Izaziso zasekuhlaleni. Sifanele siwaphaphele amathuba okufumana imirhumo. Sinokuyihambisa kwabo bebewamkela ngokuthe rhoqo baze bawafunde amaphephancwadi kwixa elidluleyo. Kutheni ungenzi uludwe lwabo ubungathanda ukubahambisela umrhumo? Cacisa indlela yokuzalisa iifomu zomrhumo.
15 imiz: “Ngaba Uyisebenzisa Ngokuzeleyo IMboniselo NoVukani!?” Ingxubusho ekhuthazayo ngumdala oqhuba kakuhle ekunikeleni ubungqina ngamaphephancwadi. Yazisa abazalwana ngamalungiselelo enziwe ngabadala ukunceda bonke babe nesabelo ngokuthe rhoqo ekunikeleni ubungqina ngamaphephancwadi. Nikela umlinganiselo weenyanga ngeenyanga wamaphephancwadi asasazwa libandla nangumvakalisi ngamnye. Bakhuthaze bonke bazibekele usukelo lobuqu. (Ukuze ufumane amacebiso, bona IMboniselo, kaJanuwari 1, 1994, iphepha 25, isiqendu 21.) Ngokufunda amaphephancwadi rhoqo siya kuzaliswa luxabiso ngawo, ibe ngokomphumo siya kufuna ukuwasasaza.
20 imiz: “Yenza Abo Ubaqhubela Izifundo ZeBhayibhile Balungele Ubulungiseleli.” Imibuzo neempendulo. Kwisiqendu 4 nesesi-5, yiba nomboniso omfutshane obonisa indlela yokunceda lowo uqhutyelwa isifundo alungiselele ukunikela ubungqina emzini. Lowo uqhutyelwa isifundo uqalisa ngentshumayelo elula esebenzisa INdumiso 37:11. Lowo umqhubela isifundo uyamphazamisa, esithi: “Ndinecawa yam.” Lowo uqhutyelwa isifundo akaqiniseki ngoko afanele akuthethe. Bobabini batyhila kwincwadi Ukuqiqa, kwiphepha 18-19, bahlolisisa iimpendulo ezicetyisiweyo, baze bakhethe leyo anelisekayo yiyo lowo uqhutyelwa isifundo. Lowo uqhutyelwa isifundo uyaqalisa kwakhona, aphendule kakuhle, aze akhuthazeke yimiphumo.
Ingoma 139 nomthandazo wokuqukumbela.
Iveki Eqala NgoMeyi 16
10 imiz: Izaziso zasekuhlaleni. Funda ingxelo yemali nezaziso zokufunyanwa komnikelo. Hlolisisa amaphephancwadi asenokunikelwa, uze utsalele ingqalelo kwiingongoma ezimbalwa ekunokuthethwa ngazo.
17 imiz: “Buyela Apho Ufumene Umdla.” Imibuzo neempendulo. Yiba nomboniso omnye okanye emibini ekusetyenziswa kuyo iintshumayelo ezicetyisiweyo.
18 imiz: “Ukungenelwa Ngokuzeleyo KwiSikolo Sobulungiseleli Sobuthixo.” Intetho nengxubusho nabaphulaphuli ngumveleli wesikolo. Khuthaza bonke bamkele baze baziphumeze izabelo zabo. Bethelela ukubaluleka kokuhambisana nofundo lweBhayibhile lweeveki ngeeveki. Cacisa indlela ibandla liphela elinokungenelwa ngayo kwisiluleko esinikwa abafundi.
Ingoma 53 nomthandazo wokuqukumbela.
Iveki Eqala NgoMeyi 23
15 imiz: Izaziso zasekuhlaleni. Hlolisisa amanqaku abalaseleyo kumanqaku amaphephancwadi akutshanje, uze ulungiselele umboniso omfutshane ube mnye okanye ibe mibini.
15 imiz: “Ngaba Ubaphatha Ngesidima Abanye Xa Ubaluleka?” Intetho ngumdala, isekelwe kwiMboniselo kaFebruwari 1, 1994, iphepha 25-9.
15 imiz: Umveleli wenkonzo uxubusha ngamalungiselelo ohlaselo lomhlaba ongabelwanga bani lowe-1994. Ngokufutshane gubungela ileta yoMbutho ka-Aprili 1, 1994, uze uchaze oko kucetywe liqumrhu labadala. Amabandla angenasabelo kuhlaselo lomhlaba ongabelwanga bani anokuxubusha oko anokukwenza ukuze ashumayele kumhlaba wawo ongafane usetyenzwe okanye osemagqagaleni, okanye indlela anokulinceda ngayo ibandla eliselumelwaneni ligubungele umhlaba walo.
Ingoma 19 nomthandazo wokuqukumbela.
Iveki Eqala NgoMeyi 30
10 imiz: Izaziso zasekuhlaleni. IiNdaba Ezingokobuthixo.
15 imiz: Hlolisisa umnikelo woncwadi ngoJuni: IBhayibhile—Ngaba Ililizwi LikaThixo Okanye Lomntu? Tsalela ingqalelo kwimifanekiso enjengekwiphepha 4, 137, 138 nele-143. Yiba nomvakalisi onobuchule esenza umboniso ngentshumayelo emfutshane esekelwe komnye waloo mifanekiso, esebenzisa uMateyu 24:7, 8. Chaza amalungiselelo enkonzo yasentsimini eveki ezayo.
20 imiz: Iimfuno zasekuhlaleni okanye intetho ekhuthazayo ethi “AmaKristu Okuqala Nehlabathi,” esekelwe kwinqaku lokuqala lenkupho yeMboniselo kaJulayi 1, 1993. Balaselisa imfuneko yokuba namhlanje sixelise umzekelo wamaKristu okuqala.
Ingoma 12 nomthandazo wokuqukumbela.