Iintlanganiso Zenkonzo KaJulayi
Iveki Eqala NgoJulayi 1
12 imiz: Izaziso zasekuhlaleni. IZaziso ezikhethiweyo kuBulungiseleli Bethu BoBukumkani. Khumbuza abavakalisi bafake ingxelo yabo yenkonzo yasentsimini kaJuni ngokukhawuleza. Unobhala nabaqhubi bezifundo zencwadi bafanele baqinisekise ukuba zonke iingxelo zenkonzo yasentsimini zeenyanga ezidluleyo ezingekafakwa ziyangeniswa.
15 imiz: “Ukuzalisa Isibhambathiso Sethu Imihla Ngemihla.” Imibuzo neempendulo. Quka amagqabaza aphuma kwi-Insight, Umqulu 2, iphepha 1162, isiqendu 6-7, abonisa isizathu sokuba isibhambathiso sibe yimbopheleleko enzulu.
18 imiz: “Xelisa UYehova Ngokubakhathalela Ngokwenene Abanye.” (Isiqendu 1-3) Sebenzisa isiqendu sokuqala ukuze ubalaselise umxholo weli nqaku. Chaza iincwadana ezinemifanekiso ezikhoyo ngoku kwisitokhwe sebandla ezisenokwamkelwa kakuhle kwintsimi yenu. Yandula ke uhlolisise isiqendu 2-3 kuphela, uze wenze umboniso ngendlela ekunokwenziwa ngayo kutyelelo lokuqala nakwibuyelo kusetyenziswa incwadana enemifanekiso ethi Ngaba Ngokwenene UThixo Usikhathalele? Bonisa indlela abavakalisi abanokuzenzela ngayo intshumayelo yabo xa behambisa enye incwadana enemifanekiso esenokuyifanela intsimi yasekuhlaleni.
Ingoma 112 nomthandazo wokuqukumbela.
Iveki Eqala NgoJulayi 8
10 imiz: Izaziso zasekuhlaleni. Ingxelo yemali.
15 imiz: “Xelisa UYehova Ngokubakhathalela Ngokwenene Abanye.” (Isiqendu 4-5) Xubusha kuphela isiqendu 4-5 nezinye zeembalasane zencwadana enemifanekiso ethi Xa Umntu Omthandayo Esifa. Yandula ke wenze umboniso ngeentshumayelo ezicetyisiweyo kutyelelo lokuqala nakwibuyelo.
20 imiz: “Kufuneka Abazalwana Abangakumbi Kwinkonzo Yobuvulindlela.” Imibuzo neempendulo. Ukuba ixesha liyavuma, hlolisisa amacebiso ngendlela yokusingatha iintswelo zemali, njengoko axutyushwa kwiMboniselo kaSeptemba 15, 1993, iphepha 28-31.
Ingoma 16 nomthandazo wokuqukumbela.
Iveki Eqala NgoJulayi 15
10 imiz: Izaziso zasekuhlaleni. Umveleli wenkonzo ufanele azise ibandla ngamalungiselo okugqibela omhlaba ongabelwanga bani—imihla, indawo ekuza kusetyenzwa kuyo, indawo yokuhlala, amalungiselelo ento ekhwelwayo nomnikelo woncwadi.
20 imiz: “Ngaba Ukhe Wakulinga Ukunikela Ubungqina Ngamarhatya?” Intetho kunye nengxubusho nabaphulaphuli nodliwano-ndlebe. Balisa oko kuphawulwe ekuhlaleni xa bekusetyenzwa kwintsimi emalanga. Quka namava abonisa imiphumo emihle yokunikela ubungqina ngamarhatya. Chaza amalungiselelo eentlanganiso zenkonzo asekuhlaleni eeveki ngeeveki.
15 imiz: “Xelisa UYehova Ngokubakhathalela Ngokwenene Abanye.” (Isiqendu 6-8) Sebenzisa isiqendu sokugqibela seli nqaku ukukhuthaza bonke babuyele ngokukhawuleza kwabo babashiyele iincwadana ezinemifanekiso. Ngoxa usebenzisa isiqendu 6-7, yenza umboniso ngendlela yokuhambisa incwadana enemifanekiso ethi Injongo Yobomi kutyelelo lokuqala nendlela yokuqalisa isifundo kwisahluko sokuqala sencwadi ethi Ulwazi kwibuyelo. Khumbuza abavakalisi ukuba basenokuzenzela iintshumayelo zezinye iincwadana ezinemifanekiso, belandela umzekelo weentshumayelo ezicetyisiweyo kuBulungiseleli Bethu BoBukumkani.
Ingoma 64 nomthandazo wokuqukumbela.
Iveki Eqala NgoJulayi 22
10 imiz: Izaziso zasekuhlaleni. Ngokufutshane hlolisisa iinkupho zakutshanje zamaphephancwadi, ubalaselisa iingongoma ezibangel’ umdla ezisenokusetyenziswa ekuwahambiseni kwindlu ngendlu.
15 imiz: Zibekele Usukelo Lwenkonzo Yexesha Elizeleyo. Ingxubusho phakathi komdala nokwishumi elivisayo omnye okanye ababini, ngokusekelwe kwiMboniselo kaDisemba 15, 1988, iphepha 25-7. Olu lutsha luzama ukwenza isigqibo ngosukelo oluya kuzibekela lona emva kokuba lugqibile kwisikolo samabanga aphakamileyo. Lubonakala lunomdla kwiingenelo zokuphathekayo ezinikelwa yimisebenzi yehlabathi. Lo mdala uchaza izizathu eziphilileyo zokuba kuyinto elunge ngakumbi ukungenela inkonzo yobuvulindlela. Aba bakwishumi elivisayo bayavuma kodwa bayathandabuza ukuba banganako ukuba ngoovulindlela baze bakwazi ukuzinyamekela ngokwezinto eziphathekayo. Lo mdala ubabalisela amava ngokuphuma kwinqaku elithile leMboniselo, abonisa ukuba inkonzo yobuvulindlela lusukelo olusengqiqweni, nolufikelelekayo olubangela uvuyo kwabaninzi. Le ngxubusho iphela ngokuthi aba bakwishumi elivisayo bavakalise uxabiso ngamagqabaza alo mdala bevakalisa nesigqibo sabo sokucinga nzulu ngokuzibekela usukelo lokuba nesabelo esizeleyo kwinkonzo yoBukumkani.
20 imiz: “Indlela Yokwenza Abafundi Ngencwadi Ethi Ulwazi.” Intetho egubungela isiqendu 12-16 kwisihlomelo sikaJuni 1996. Yiba nemiboniso emibini yesifundo seBhayibhile siqhubeka. Owokuqala ubonisa indlela yokuqeqesha umfundi alungiselele isifundo ngokuphawula okanye ngokukrwelela amagama namabinzana aziintloko aphendula ngokuthe ngqo imibuzo eshicilelweyo. Owesibini ubonisa oko unokukuthetha ukukhuthaza umfundi weBhayibhile aye kwiNtetho Yesidlangalala nakwiSifundo seMboniselo.
Ingoma 116 nomthandazo wokuqukumbela.
Iveki Eqala NgoJulayi 29
10 imiz: Izaziso zasekuhlaleni. Hlolisisa “Ucwangciso Olutsha Lwendibano Yesiphaluka.” Bakhumbuze ngamalungiselelo okusebenza kumhlaba ongabelwanga bani. Bonke bakhumbuze bazifake ngokukhawuleza iingxelo zabo zenkonzo yasentsimini kaJulayi. Bakhuthaze ngobubele bonke babe nesabelo esizeleyo kwinkonzo yasentsimini kule nyanga yokugqibela yonyaka wenkonzo.
20 imiz: Yintoni Efunekayo Ukuze Ufumane Isifundo SeBhayibhile? Umdala uqhuba ingxubusho nabantu ababini okanye abathathu abaye banempumelelo kumsebenzi wokuqhuba izifundo zeBhayibhile, behlolisisa iindlela zokuba nempumelelo ngakumbi ekuqaliseni izifundo: (1) Thandazela uncedo lukaYehova. (2) Yiba nesabelo rhoqo kwiinkalo ezahlukeneyo zobulungiseleli ukuze ufumane abanomdla. (3) Babhale bonke ababonise umdla, uze ubuyele ngokukhawuleza kubo. (4) Ngamaxesha onke cela ukuqhuba isifundo apho kuboniswe umdla. (Bona umxholwana othi “Ukuqalisa Isifundo SeBhayibhile,” kwiphepha 20 leMboniselo kaFebruwari 15, 1996.) (5) Yakha intembelo kubuchule bakho bokufundisa ngokusebenzisa amacebiso amane achazwe kwiphepha 27-31 kwiMboniselo kaMatshi 15, 1985.
15 imiz: Iimfuno Zasekuhlaleni. Okanye umdala unikela intetho kwinqaku elithi “Intuthuzelo Nokhuthazo—Zibubuncwane Ngeendlela Ezahlukeneyo,” kwiMboniselo kaJanuwari 15, 1996, iphepha 21-3.
Ingoma 165 nomthandazo wokuqukumbela.