Ucwangciso Lweentlanganiso Zenkonzo
PHAWULANI: UBulungiseleli Bethu BoBukumkani buza kulungiselela iNtlanganiso Yenkonzo yeveki nganye ebudeni bexesha lendibano, yaye kulungiselelwe ucwangciso lwempinda zeembalasane lwemizuzu engama–30 kwiveki kaDisemba 27. Amabandla anokwenza uhlengahlengiso oluyimfuneko olunokuwavumela aye kwiNdibano yeSithili ‘Yelizwi LikaThixo Lesiprofeto’ aze kwiveki elandelayo abe nempinda kwiNtlanganiso Yenkonzo.
(2) Ukuqalisa kule nkupho yoBulungiseleli Bethu BoBukumkani, uCwangciso lweNtlanganiso Yenkonzo luza kuquka ulwandlalo lweNtlanganiso Yenkonzo yokuqala yenyanga elandelayo. Olu hlengahlengiso lwenzelwa ukuba luhlangabezane nokulibaziseka okunokubakho xa kuthunyelwa UBulungiseleli Bethu BoBukumkani.
Iveki Eqala NgoDisemba 6
10 imiz: Izaziso zasekuhlaleni. Izaziso Ezikhethiweyo kuBulungiseleli Bethu BoBukumkani. Bakhuthaze bonke bancede babe nesabelo kubulungiseleli basentsimini ekuqaleni kukaDisemba. Abo baza kungabikho okanye abaza kuya endibanweni ekupheleni kwenyanga bafanele bafake iingxelo zabo ngaphambi kokuba banduluke. Bethelela imfuneko yokuba bonke bafake iingxelo zabo zikaDisemba kule nyanga.
15 imiz: “Xelisa Ukungakhethi Buso KukaYehova.” Yenza amagqabaza entshayelelo angaphantsi komzuzu, uze ulandelise ngengxubusho yemibuzo neempendulo. Chaza intsingiselo yokungakhethi buso, indlela akubonisa ngayo uYehova, nendlela esinokukubonisa ngayo oku kubulungiseleli bethu.—Bona i-Insight, Umqulu 1, iphepha 1192, isiqendu 4-7.
20 imiz: “Ngaba Asizange Sikuve Oko Ngaphambili?” Intetho nengxubusho nabaphulaphuli. Cela abaphulaphuli bagqabaze ngendlela oluye lwabanceda ngayo uphindaphindo ukuze bayiqonde nokuze bayixabise ngakumbi inyaniso.—Bona IMboniselo, kaJulayi 15, 1995, iphepha 21-2, neka-Agasti 15, 1993, iphepha 13-14, isiqendu 10-12.
Ingoma 218 nomthandazo wokuqukumbela.
Iveki Eqala NgoDisemba 13
10 imiz: Izaziso zasekuhlaleni. Ingxelo yemali. Nikela amacebiso ngendlela yokusabela ngobuchule kwimibuliso yeeholide. Ukuba ibandla linemibhalo yencwadi ethi Oyena Mntu Ubalaseleyo okanye ethi UMfundisi Omkhulu esitokhweni, bonisa indlela ezinokusetyenziswa kakuhle ngayo kubulungiseleli ebudeni beeholide zeKrismesi.
15 imiz: “Isikolo Sobulungiseleli Sobuthixo Sowama-2000.” Intetho ngumveleli weSikolo Sobulungiseleli Sobuthixo. Hlolisisa ezi nguqulelo zilandelayo kucwangciso lonyaka omtsha. INtetho Yesi-3 iya kusekelwa “kwiMixholo YeBhayibhile Yengxubusho” njengokuba ifumaneka kwiNguqulelo Yehlabathi Elitsha YeZibhalo ZamaKristu ZesiGrike. INtetho Yesi-4 iya kusekelwa kwincwadi ethi Ukuqiqa NgeZibhalo yaye ebudeni beenyanga ezintathu zokugqibela zonyaka iya kusekelwa ‘kwiMixholo YeBhayibhile Yengxubusho’ njengoko ifumaneka kwiNguqulelo Yehlabathi Elitsha YeZibhalo ZamaKristu ZesiGrike. Xa esi sabelo sinolu phawu (#), kunconyelwa ukuba sisingathwe ngumzalwana. Bakhuthaze bonke ukuba bahambisane nofundo lweBhayibhile lweeveki ngeeveki yaye bakukhuthalele ukuphumeza izabelo esikolweni.
20 imiz: “Uya Kuthini Kumntu Ongakholelwayo Kubukho BukaThixo?” Imibuzo neempendulo. Hlolisisa izizathu ezahlukahlukeneyo zokuba abaninzi beye baphelelwa lukholo kuThixo. Cebisa iindlela esinokuthetha ngazo nabo, ukuze sibancede babuqonde ubukho bukaThixo. Yiba nomboniso omnye okanye emibini emifutshane. Ukuze ufumane inkcazelo engakumbi, bona incwadi ethi Ukuqiqa, iphepha 350-56, nethi Iphulo Loluntu Lokufuna UThixo, isahluko 14.
Ingoma 220 nomthandazo wokuqukumbela.
Iveki Eqala NgoDisemba 20
10 imiz: Izaziso zasekuhlaleni. Yiba nabavakalisi ababalisa amava amafutshane abaye bawanandipha kutshanje kwinkonzo yasentsimini.
15 imiz: Indlela Yokusabela Kumazwi Anokuthintela Incoko. Ingxubusho nabaphulaphuli nemiboniso. Funda “Amagqabaza” akwiphepha 15-16 encwadi ethi Ukuqiqa. Khetha “amazwi anokuthintela incoko” abe mabini okanye abe mathathu kwiphepha 16-20, okanye usebenzise amanye ekudla ngokudityanwa nawo kumhlaba wenu. Hlolisisa ezinye zeendlela zokusabela ezicetyisiweyo, uze uhlalutye isizathu sokuba zinokuba nempumelelo ekuhlaleni. Yenza imiboniso emifutshane ngazo. Cela abaphulaphuli babalise iindlela zokuphendula abaye bazisebenzisa eziye zanemiphumo emihle.
20 imiz: Ngaba Ndifanele Ndiwamkele Umsebenzi Obandakanya Intlangano Yonqulo? Intetho ngumdala, esekelwe kwiMboniselo ka-Aprili 15, 1999, iphepha 28-30. Bambi abantu baye bayamkela imisebenzi elolo hlobo baza kamva bafumanisa ukuba oko babekwenza kwakungavisisani nemigaqo yeBhayibhile. Hlolisisa imibuzo ekufuneka siyiqwalasele xa sisenza isigqibo ngokuphathelele ukwenza umsebenzi wehlabathi onento yokwenza nonqulo. Bakhuthaze bonke basukele ikhondo eliya kuqinisekisa ukuma okuhle kuYehova.—2 Kor. 6:3, 4, 14-18.
Ingoma 109 nomthandazo wokuqukumbela.
Iveki Eqala NgoDisemba 27
15 imiz: Izaziso zasekuhlaleni. Iindaba Ezingokobuthixo. Ukuba ibandla lenu liza kuwatshintsha amaxesha eentlanganiso kulo nyaka mtsha, bakhuthaze ngobubele uze ubabongoze bonke ukuba nakula maxesha matsha beze ngokuthe rhoqo ezintlanganisweni njengoko bebeqhele ukwenjenjalo. Yazisani izifundo zeBhayibhile nabanye abanomdla ngazo naziphi na iinguqulelo, yaye niqalise ukusebenzisa izimemo ezibonisa ucwangciso olutsha. Bakhumbuze bonke bangenise ingxelo yenkonzo yasentsimini kaDisemba.
30 imiz: Impinda yeNdibano yeSithili ‘Yelizwi LikaThixo Lesiprofeto.’ Mayisingathwe ngabadala abathathu, ababelwe kwangaphambili. Qhuba uhlolisiso olubangel’ umdla nolunehlombe lweengongoma ezibalaseleyo zolo suku ulwabelweyo. Le mpinda ilungiselelwe kakuhle iya kunceda ibandla likhumbule iingongoma eziziintloko ukuze lizisebenzise ngokobuqu nasentsimini. Nawaphi na amagqabaza avela kubaphulaphuli namava abaliswayo afanele abethe koomofu yaye ahlabe emxholweni.
Ingoma 224 nomthandazo wokuqukumbela.
Iveki Eqala NgoJanuwari 3
10 imiz: Izaziso zasekuhlaleni. Bakhumbuze bonke bangenise ingxelo yenkonzo yasentsimini kaDisemba.
15 imiz: Iimfuno zasekuhlaleni.
20 imiz: Yazi Indlela Yokuphendula. (Kol. 4:6) Intetho nengxubusho nabaphulaphuli. Incwadi ethi Ukuqiqa luncedo olungummangaliso lokutyeneneza indlela yokwabelana nabanye ngeenyaniso zeBhayibhile. Xa umninimzi ebuza ngezinye zeenkolelo zethu mhlawumbi singasebenzisa inxalenye ethi “Ukuba Ubani Uthi—” esekupheleni kwecandelo elixubusha ngaloo nkolelo. Xubusha amagqabaza amalunga neBhayibhile akwiphepha 76-80, uze uhlolisise isizathu sokuba iimpendulo ezicetyisiweyo zinokuba nempumelelo.
Ingoma 56 nomthandazo wokuqukumbela.