Hogi Ein Sgiliau yn y Weinidogaeth—Dangos i’r Deiliad Sut i Astudio’r Beibl

Pam Mae’n Bwysig? Wrth gynnig astudio’r Beibl â phobl, nid yw llawer yn deall yr hyn rydyn ni’n ei feddwl. Efallai maen nhw’n dychmygu ymuno â grŵp astudio, neu gofrestru ar gwrs trwy’r post. Yn hytrach na chynnig astudiaeth yn unig, beth am ichi ddangos iddyn nhw sut rydyn ni’n dysgu pobl? Mewn ychydig o funudau, ac ar stepen y drws, mae’n bosibl dangos i’r person faint maen nhw’n gallu dysgu a’i bod hi’n hawdd astudio’r Beibl.

Sut i Fynd Ati?

Ar ôl eich cyflwyno eich hun, gofynnwch i’r deiliad a yw’n poeni am y dyfodol.
Dywedwch wrtho fod llawer yn teimlo’r un fath, a dangoswch gynnwys y llyfr Beibl Ddysgu iddo. Eglurwch fod gan y llyfr hwn wersi sy’n hawdd eu deall ac sy’n dangos beth mae’r Beibl yn ei ddweud am y dyfodol ac am bynciau eraill hefyd. Yna, gofynnwch iddo pa bennod sy’n tynnu ei sylw.
Rhowch gopi o’r llyfr iddo a chyfeiriwch ef at y bennod honno. Eglurwch fod y cwestiynau ar gychwyn y bennod yn cael eu hateb yn y paragraffau dilynol.
Gofynnwch i’r deiliad ddarllen y paragraff cyntaf os yw’n gyfforddus gwneud hynny. Yna, gofynnwch y cwestiwn ar gyfer y paragraff hwnnw a thrafod yr ateb gyda’ch gilydd. Darllenwch a thrafod yr adnodau sy’n cefnogi’r ateb. Dangoswch iddo sut rydych chi wedi tanlinellu’r atebion yn eich llyfr chi.
Ewch at y paragraff nesaf, ond y tro hwn, gofynnwch i’r deiliad geisio ateb y cwestiwn gan ddefnyddio ei eiriau ei hun.
Rhowch ganmoliaeth iddo, a threfnu mynd yn ôl er mwyn gorffen y wers.
Os yw’n addas, cyfeiriwch ei sylw at y fideo Beth Sy’n Digwydd ar Astudiaeth Feiblaidd? ar jw.org.

Rhowch Gynnig ar Hyn yn Ystod y Mis:

Gweddïwch ar Jehofa er mwyn iddo fendithio eich ymdrechion i ddechrau astudiaeth Feiblaidd newydd.—Phil. 2:13.
Gan ddefnyddio’r llyfr Beibl Ddysgu, ceisiwch ddangos i rywun sut rydyn ni’n cynnal astudiaeth Feiblaidd, neu dangoswch y fideo Beth Sy’n Digwydd ar Astudiaeth Feiblaidd? o leiaf unwaith wrth bregethu.