Sɔɔmɔ Kpeei Kɛha August
Otsi ni Jeɔ Shishi August 4
7 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ April shiɛmɔ nitsumɔ he akɔntaabuu kɛha maŋ lɛ, kɛ nyɛ asafo lɛ he.
13 min: “Kpeei Kanyaa Wɔ Kɛyaa Nitsumɔi Kpakpai Ahe.” Sanebimɔi kɛ hetooi. Atsɔɔ sɛɛnamɔi ni yɔɔ sanegbaa ni tswaa mɔ maa shi ni yaa nɔ dani ajeɔ kpeei ashishi kɛ beni agbe naa lɛ mli.—Kwɛmɔ School Guidebook wolo lɛ, baafa 82, kukuji 17-18 lɛ mli.
25 min: “Okɛ Ohiɛ Afɔ Yehowa nɔ Koni Eha Nibii Ashwere.” Wiemɔ kɛ nɔkwɛmɔnii. Ama bɔ ni ehe hiaa ni ayafee sɛɛsaramɔi yɛ hei ni akɛ woji bibii lɛ eha yɛ lɛ nɔ mi. Afee bɔ ni ajeɔ nikasemɔi ashishi ní asaa he jogbaŋŋ yɛ mli lɛ he nɔkwɛmɔnii enyɔ atsɔɔ. Awie ŋaawoi ni yɔɔ nɔ ni aŋma ahɔ March 1997 Wɔ Maŋtsɛyeli Sɔɔmɔ lɛ mli kukuji 7-11 he.
Lala 78 kɛ naagbee sɔlemɔ.
Otsi ni Jeɔ Shishi August 11
7 min: Asafoŋ adafitswai. Shika he akɔntaabuu.
15 min: “Mɛi ni Egbɔlɔ lɛ Shiɛɔ ni Amɛkpaaa.” Sanebimɔi kɛ hetooi. Awie niiashikpamɔ ni yɔɔ July 1, 1988 Blɔfo Buu-Mɔɔ lɛ baafa 13 lɛ mli ni kɔɔ naa ko ni eda yɛ afii amli ni ekɛ ehe ewo gbɛgbalɔi awalɔ nitsumɔ lɛ mli lɛ he.
23 min: “Nyɛbaa Nyɛjeŋ Fɛfɛo yɛ Jeŋmajiaŋbii lɛ Ateŋ.” Sanebimɔi kɛ hetooi.
Lala 177 kɛ naagbee sɔlemɔ.
Otsi ni Jeɔ Shishi August 18
10 min: Asafoŋ adafitswai. “Ye Obua Mɛi Fɛɛ ni Amɛkɛ Amɛhe Awo Sɔɔmɔ lɛ Mli Daa.” Wiemɔ. Abaanyɛ awie saji otii ni yɔɔ June 1996 Wɔ Maŋtsɛyeli Sɔɔmɔ lɛ baafa 1 ni kɔɔ yelikɛbuamɔ ni akɛaaha mɛi ni amɛfee kpɔkee lɛ ahe lɛ he.
15 min: “Ani Esa akɛ Obi Aya Skul ni Awɔɔ Jɛmɛ Lɛ?” Wiemɔ ni damɔ March 15, 1997 Buu-Mɔɔ lɛ baafai 25-8 lɛ nɔ, ni onukpa ni yɔɔ weku kɛbaaha. Wo fɔlɔi ekaa ni amɛkɛ amɛbii lɛ amumɔŋ shidaamɔ aye klɛŋklɛŋ gbɛhe yɛ be mli ni amɛsaa amɛ kɛhaa wɔsɛɛ shihilɛ lɛ.
20 min: Okɛ Wolo Bibioo ni ji Beni Mɔ Ko ni Osumɔɔ Lɛ Egbo lɛ Atsu Nii Kɛfee Sɛɛsaramɔi. Tsɔɔmɔ bɔ ni abaanyɛ atee sanebimɔ ko shi ni atsɛ wolo bibioo lɛ sɛɛ kɛha hetoo. Akɛ nɔkwɛmɔnɔ lɛ, wolo bibioo lɛ haa sanebimɔi ni nyiɛ sɛɛ nɛɛ ahetoo: Ani hiɛnɔkamɔ yɛ kɛha gbohii lɛ? (Baafai 5-6) Ani eji tɔmɔ akɛ aaye awerɛho? (Baafai 8-9) Te Mɔ ko aaafee tɛŋŋ edamɔ awerɛhoyeli naa? (Baafa 18) Mɛɛ gbɛ nɔ mɛi krokomɛi baanyɛ aye abua yɛ? (Baafai 20-3) Mɛɛ gbɛ nɔ abaanyɛ aye abua gbekɛbii ni amɛnu gbele shishi? (Baafa 25) Mɛɛ miishɛjemɔ Biblia lɛ kɛhaa? (Baafa 27) Koni agbɛnɛ, akɛ shiɛlɔi enyɔ ni he esa agba bɔ ni amɛkɛ wolo bibioo lɛ etsu nii yɛ sɛɛsaramɔi amli ni amɛkɛha saji ni afɔɔ bimɔ yɛ gbele he lɛ ahetoo he sane kuku. Afee bɔ ni abaanyɛ akɛ wolo bibioo lɛ atsu nii kɛ aafee sɛɛsarmɔ lɛ he nɔkwɛmɔnɔ.
Lala 94 kɛ naagbee sɔlemɔ.
Otsi ni Jeɔ Shishi August 25
10 min: Asafoŋ adafitswai. Kaimɔ mɛi fɛɛ ni amɛkɛ amɛ shiɛmɔyaa he akɔntaabuu aha. Tswaa sɔɔmɔ lɛ he gbɛjianɔtoi kɛha otsi lɛ he adafi.
15 min: “Ná Nɔ ni Hi Fe Fɛɛ Kɛjɛ Skulyaa Mli.” Tsɛ kɛ gbekɛbii lɛ miigba saneyitso lɛ he sane, ni ewie saji otii ni baaye abua ni yɔɔ December 22, 1995, Awake!, lɛ baafai 7-11 mli lɛ he.
20 min: Okɛ Yiŋtoo ko Ashiɛ. Onukpa ko kɛ asafoŋ sɔɔlɔ kome loo enyɔ asusu Our Ministry wolo lɛ baafai 8-12 lɛ he. Agbala jwɛŋmɔ kɛba yiŋtoi ni tsirɛɔ wɔ, ni no hewɔ lɛ esa akɛ wɔhiɛ jwɛŋmɔ ni ja kɛ wɔ sɔɔmɔ lɛ he su ni yaa hiɛ lɛ mli daa, ni agbɛnɛ ehaa akɛ gbɛjianɔtoo lɛ feɔ ekome waa kɛtsuɔ nii daa lɛ nɔ.
Lala 100 kɛ naagbee sɔlemɔ.