Sɔɔmɔ Kpeei Kɛha September
Otsi ni Jeɔ Shishi September 6
Lala 190
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ May shiɛmɔyaa he akɔntaabuu kɛha maŋ lɛ kɛ nyɛ asafo lɛ he.
17 min: “Ani Ootsu Nii Kɛ Yiŋtoo Ko?” Okɛ nɔ ni shɛɛɛ miniti kome akpa hiɛ, koni no sɛɛ lɛ oha akɛ sanebimɔ-kɛ-hetoo asusu he. Okɛ saji ni jɛ Our Ministry wolo lɛ baafai 88-89 afata he. Wo mɛi fɛɛ hewalɛ koni amɛya nɔ be fɛɛ be yɛ amɛsɔɔmɔ nitsumɔ lɛ mli ní amɛha emɔ shi hu.
18 min: “Fɔlɔi—Nyɛfea Nɔkwɛmɔnɔ Kpakpa Nyɛhaa Nyɛbii.” Onukpa ko kɛ wiemɔ fioo ko baakpa hiɛ, koni no sɛɛ lɛ nyɛmimɛi hii enyɔ ni amɛji fɔlɔi lɛ agba nikasemɔ lɛ he sane. Amɛtsɔɔ bɔ ni amɛsusuɔ he waa akɛ amɛaabu amɛbii lɛ ahe kɛjɛ subaŋi gbohii ni jɛɔ skul, tɛlivishiŋ nɔ, kɛ wekumɛi ni amɛjeee Odasefoi kɛ mɛi krokomɛi aŋɔɔ kɛbaa lɛ he. Nyɛmimɛi lɛ asusu subaŋi ni bulɛ bɛ mli, je lɛŋ wiemɔ kɛ hesaamɔ, kɛ hiɛtserɛjiemɔ ni ehiii lɛ ahe. Beni amɛsusu bɔ ni ehe hiaa ni afee nɔkwɛmɔnɔ kpakpa he sɛɛ lɛ, amɛgba gbɛ̀i ni amɛaatsɔ nɔ amɛtswa miishɛɛ amɛma shi kɛha weku nikasemɔ, asafoŋ kpeei, kɛ shiɛmɔyaa lɛ he sane.—Kwɛmɔ July 1, 1999 Buu-Mɔɔ lɛ baafai 8-22, kɛ September 22, 1991 Awake! lɛ baafai 8-9.
Lala 101 kɛ naagbee sɔlemɔ.
Otsi ni Jeɔ Shishi September 13
Lala 171
10 min: Asafoŋ adafitswai. Shika he akɔntaabuu.
15 min: Te Wɔtee nɔ Wɔha Tɛŋŋ Nyɛsɛɛ Afi Lɛ? Wiemɔ ni shiɛmɔ nitsumɔ nɔkwɛlɔ lɛ kɛbaaha. Wiemɔ saji otii ni jɛ asafo lɛ shiɛmɔyaa he akɔntaabuu kɛha afi 1999 sɔɔmɔ afi lɛ mli lɛ he. Jiemɔ amɛ yi yɛ nibii kpakpai ni atsu lɛ hewɔ. Tsɔɔmɔ hei ni ehe baahia ni aya hiɛ yɛ mli lɛ. Gbalamɔ jwɛŋmɔ kɛya bɔ ni asafo lɛ kpeeibaa kɛ Biblia mli nikasemɔi afeemɔ tee nɔ ha. Tsɔɔmɔ otii ni abaanyɛ atsu he nii ni akɛbaama hiɛ yɛ afi ni baa lɛ mli.
20 min: “Mɛni Obaakɛɛ Hindunyo?” Sanebimɔi kɛ hetooi. Maa bɔ ni sɛɛnamɔ yɔɔ he akɛ akɛ sane ko ni baaha akpã gbee atsu nii lɛ nɔ mi, ni otsɔɔ saji ni wɔbaanyɛ wɔkɛ Hindunyo ko akpã gbee yɛ mli lɛ. Tsɔɔmɔ bɔ ni abaanyɛ atsake shiɛmɔ wiemɔi ni akɛha lɛ amli koni akɛye mɔ fɛɛ mɔ ni yɔɔ jamɔ ko mli lɛ odase. Ha afee nɔkwɛmɔnɔ ni asaa he jogbaŋŋ yɛ mli ni tsɔɔ Hindunyo ni aaye lɛ odase. Kɛha saji babaoo ni kɔɔ Hindujamɔ he lɛ, kwɛmɔ nɔ ni aŋma ahɔ February 1998 Wɔ Maŋtsɛyeli Sɔɔmɔ lɛ mli; Bɔ ni Ajeɔ Biblia Mli Sanegbaa Shishi ni Atsaa Nɔ wolo bibioo lɛ baafa 13-14; kɛ Nyɔŋmɔ Sɛɛ Gbɛ ni Adesai Taoɔ, yitso 5.
Lala 140 kɛ naagbee sɔlemɔ.
Otsi ni Jeɔ Shishi September 20
Lala 193
12 min: Asafoŋ adafitswai kɛ shiɛmɔyaa mli niiashikpamɔi. Ha asusu “Ani Obaaya?” lɛ he.
15 min: Asafoŋ hiamɔ nii.
18 min: Okɛ Creator Wolo lɛ Atsu Nii Jogbaŋŋ. Wiemɔ kɛ nɔkwɛmɔnii. April 1999 Wɔ Maŋtsɛyeli Sɔɔmɔ lɛ tsɔɔ mli akɛ abaanyɛ akɛ Creator wolo lɛ aha be fɛɛ be ni wɔkɛ mɛi aaakpe ni (1) amɛheee Nyɔŋmɔ nɔ amɛyeee loo (2) amɛheɔ Nyɔŋmɔ nɔ amɛyeɔ shi amɛbɛ susumɔ diɛŋtsɛ ko ni tsɔɔ mɔ ni eji loo nɔ ni esui kɛ eyiŋtoi ji. Abaanyɛ akɛ sanebimɔi ni teeɔ sanegbaa shi kɛ saji ni yɔɔ wolo lɛ sɛɛ lɛ atsu nii koni akɛtee miishɛɛ shi yɛ wolo lɛ kanemɔ mli. Aloo abaanyɛ akɛ baafa 152 atsu nii kɛmɔ shi. Shiɛlɔ ko baanyɛ abi akɛ: “Nɛgbɛ wɔbaanyɛ wɔná ŋaawoo ni hi fe fɛɛ ni tsɔɔ bɔ ni wɔɔfee wɔná wɔnaagbai ni amɛshishinumɔ wa fe fɛɛ lɛ anaa tsabaa?” Ebaanyɛ etsɔɔ mɔ lɛ bɔ ni gbɔmɛi wuji ni ale amɛ waa lɛ ejie Yesu Gɔŋ nɔ Shiɛmɔ lɛ yi, bi koni ehala saji otii kpawo lɛ ateŋ ekome ni ŋɔɔ enaa fe fɛɛ, no sɛɛ lɛ, kanemɔ ŋmalɛi kukuji ni aŋmalako emli wiemɔi lɛ fioo komɛi. Ha afee gbɛtsɔɔmɔi enyɔ ni atsɔɔ nɔ akɛ Creator wolo lɛ haa nɛɛ he nɔkwɛmɔnii. Wo mɛi fɛɛ hewalɛ koni amɛhiɛ wolo lɛ eko yɛ shiɛmɔ nitsumɔ mli, ní afee klalo akɛ akɛbaaha yɛ he fɛɛ he ni sa.
Lala 175 kɛ naagbee sɔlemɔ.
Otsi ni Jeɔ Shishi September 27
15 min: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabuu kɛha September aha. Wo mɛi fɛɛ hewalɛ ni amɛto gbɛjianɔ koni amɛná woji tɛtrɛbii ashɛɛ he tafaa yɛ October mli lɛ mli gbɛfaŋnɔ kɛmɔ shi. Tĩi gbɛtsɔɔmɔi ni je kpo yɛ October 1996 Wɔ Maŋtsɛyeli Sɔɔmɔ lɛ baafa 8 lɛ ekomɛi amli, nɔ ni tsɔɔ gbɛ ni aaatsɔ nɔ afee shiɛmɔ wiemɔi lɛ. Okɛ woji tɛtrɛbii heei lɛ atsu nii, ní otsĩ saji otii kpakpai komɛi atã ni afee shiɛmɔ wiemɔ kome loo enyɔ he nɔkwɛmɔnii kuku.
15 min: Sanebimɔ He. Wiemɔ ni onukpa ko kɛbaaha.
15 min: “Anɔkwa Jamɔ Miishwere yɛ Europa Bokagbɛ.” Onukpa ko kɛ sanebimɔ kɛ hetoo atsu he nii. Tsɔɔmɔ niiashikpamɔi loo odaseyeli ni tsɔɔ bɔ ni maji ni yɔɔ biɛ lɛ etee hiɛ, taakɛ abɔ he amaniɛ yɛ nyɛsɛɛ nɛɛ Yearbook srɔtoi lɛ amli lɛ.
Lala 87 kɛ naagbee sɔlemɔ.