Mga Miting sa Serbisyo para sa Septiembre
Semana sang Septiembre 6-12
10 min: Lokal nga mga pahibalo kag pinili nga Mga Pahibalo gikan sa Ang Aton Ministeryo sa Ginharian. Ipaathag ang mga punto nga mahambalan gikan sa bag-ong mga magasin. Palig-una ang tanan nga makigbahin sa pag-alagad sa latagon sining talipuspusan sang semana.
20 min: “Panikasugi nga ang mga Tawo Mamati sing Maayo.” Paghinun-anon upod sa tumalambong. Ipadaku ang importansia nga tamdon ang tagsa ka tagbalay subong isa ka indibiduwal, upod ang tulumuron nga makapakigsugilanon sa iya. Maghatag sing malip-ot nga mga presentasyon pasad sa mga panugda sa parapo 2 kag 3. Ipadaku ang regular nga paggamit sing mga magasin sa pag-alagad sa latagon.
15 min: Pamulongpulong sang isa sa mga gulang sa topiko nga “Masako sa Patay nga mga Buhat Ukon sa Pag-alagad kay Jehova?” sa Hulyo 1, 1992, nga guwa sang Ang Lalantawan, pahina 26-29. Ukon hambali ang lokal nga mga kinahanglanon.
Ambahanon 193 kag nagatakop nga pangamuyo.
Semana sang Septiembre 13-19
10 min: Lokal nga mga pahibalo, lakip ang report sa kwenta kag ang mga pasalamat sa donasyon. Hatagi sing komendasyon ang kongregasyon tungod sa pinansial nga suporta sa lokal nga kongregasyon kag subong man sa bug-os kalibutan nga hilikuton sang Sosiedad.
15 min: “Madumduman Mo Bala?” (Tan-awa Ang Lalantawan, Disiembre 15, 1992, pahina 30.) Isa ini ka pamulongpulong ayhan sang Konduktor sa Pagtinuon sa Lalantawan nga magatuptop sang madamo nga mga punto suno sa ginatugot sang tion bilang pagrepaso sa materyal nga ginpresentar sa Lalantawan para sa 1992.
20 min: “Manumbalik Agod Buligan ang mga Tawo sa Paghibalo Kon Paano Sila Mabuhi sing Dayon.” Pamangkot kag sabat nga pagtuptop. Maghatag sing isa ka pasundayag tuhoy sa pagduaw liwat pasad sa presentasyon nga ginbalay sa parapo 5 kag 6.
Ambahanon 71 kag nagatakop nga pangamuyo.
Semana sang Septiembre 20-26
10 min: Lokal nga mga pahibalo. Mga Balita Teokratiko. Palig-una man ang pagpakigbahin sa hilikuton sa latagon sa talipuspusan sang semana.
15 min: Ipatalupangod ang balor sang libro nga Mabuhi sing Dayon. Mahimo mahatag ang mga numero agod ipadaku ang mga pag-uswag sang mga tinuig nga ining publikasyon gingamit. Madamo ang nakatuon sang kamatuoran paagi sa paggamit sini nga libro. Interbyuha ang isa ukon duha ka manugbantala nga nagtuon sining libro sang magsulod sa kamatuoran. Pasugira sila kon ano ang gin-apresyar nila nga natun-an gikan sa sini kag kon paano ini magamit sa latagon. Palig-una ang mga kauturan nga itanyag ini sing mapagsik kon makita ang interes.
20 min: “Mga Tulumanon Para sa Bag-o kag Eksperiensiado nga Ministro.” Pamangkot kag sabat nga pagtuptop sang gulang. Maghinakop paagi sa mainit apang malip-ot nga pagsumaryo sang mga punto nga maaplikar sa lokal nga mga kinahanglanon sang kongregasyon.
Ambahanon 6 kag nagatakop nga pangamuyo.
Semana sang Sept. 27–Okt. 3
10 min: Lokal nga mga pahibalo.
20 min: “Hanuot nga Mangita sing mga Pagtuon sa Biblia.” Pamangkot kag sabat nga pagtuptop sa artikulo sang manugtatap sa latagon. Basaha kag iaplikar ang tanan nga nasitar nga mga kasulatan. Repasuha ang pag-uswag sa pagtuon sa Biblia nga hilikuton sang kongregasyon sa nagligad nga lima ka tuig, kag ibagay sa lokal nga mga kinahanglanon ang nagatakop nga mga komento.
15 min: Ang Importansia sang mga Petsa sa Aton Pagtuon sang Biblia. Pagkatapos sang malip-ot nga pamulongpulong sa materyal sa ubos sang “Definition” sa pahina 93 sang Reasoning nga libro, hambali ang iban pa nga impormasyon upod sa tumalambong sa ubos sang “Dates.” Binagbinaga ang “Why do Jehovah’s Witnesses say that God’s Kingdom was established in 1914?” Ipadaku kon paano ining impormasyon makabulig sa mga bag-uhan nga makahanda sa pagpangapin sang mensahe sang Ginharian.
Ambahanon 43 kag nagatakop nga pangamuyo.