Mga Miting sa Serbisyo para sa Oktubre
Semana sang Oktubre 4-10
Ambahanon 164
10 min: Lokal nga mga pahibalo kag pinili nga Mga Pahibalo gikan sa Ang Aton Ministeryo sa Ginharian.
15 min: “Ano ang Himuon Naton sa Sining Tuig sang Pag-alagad?” Pamulongpulong upod ang paghinun-anon sa tumalambong. Pagadumalahan sang nagadumala nga manugtatap. Repasuha ang nagligad nga tuig sang pag-alagad sang kongregasyon kag palig-una ang tanan nga maghimo sing mga plano para sa dugang nga hilikuton sa 1994 nga tuig sang pag-alagad.
20 min: “Gamita sing Maayo ang mga Magasin.” Pamangkot kag sabat nga pagtuptop. Mangin positibo sa pagpalig-on sa iban nga itanyag ang suskripsion sa Magmata! Kon indi makapasuskriber apang ang tawo nagapakita sing interes, palig-una ang mga kauturan nga sugdan ang isa ka ruta sa magasin: paghupot sing maayong house-to-house record; pagpukaw sing interes sa ulihi nga mga guwa paagi sa pagsambit sang masunod nga mga artikulo; pagbangon sing mga pamangkot nga pagasabton sang mga artikulo; nian pagpat-od sa pagbalik nga dala ang masunod nga mga guwa.
Ambahanon 108 kag nagatakop nga pangamuyo.
Semana sang Oktubre 11-17
Ambahanon 112
10 min: Lokal nga mga pahibalo. Ilakip ang report sa kwenta kag ang mga pasalamat sa donasyon. Hatagi sing komendasyon ang kongregasyon tungod sa maalwan nga suporta sa lokal nga mga kinahanglanon subong man sa bug-os kalibutan nga hilikuton sang Sosiedad.
20 min: Palig-una ang Inyo Kabataan Para sa Eskwelahan. Pamulongpulong upod ang mga interbyu kag pasundayag. Ang Cristianong mga pamatan-on karon nagaatubang sing mga palaligban nga indi gani mahanduraw sang madamo sa kongregasyon. Ang mga ginikanan ilabi na nga dapat makahibalo sing maayo sining mga palaligban agod mapalig-on ang ila kabataan sa paglandas sa mga pagtilaw sa integridad. Interbyuha ang tatlo ka pamatan-on nga lainlain sing pang-idaron. Ano ang pila ka espesipiko nga mga pag-ipit sa eskwelahan ang dapat nila atubangon adlaw-adlaw? Ano ang nagabulig sa ila sa paghupot sang ila maayong kaangtanan kay Jehova? Maghimos sing isa ka pasundayag tuhoy sa isa ka pamilya nga nagabinagbinag sing dungan sang mga parapo 2 kag 3 sa pahina 11 sang School nga brosyur. Ginasugid sang kabataan nga ginayaguta sila kag ginalikawan bangod sang pagsakdag sa mataas nga mga talaksan sang Biblia sa moralidad. Ang ulo sang pamilya nagapalig-on sa kabataan nga ipabutyag ang ila kalipay paagi sa ila huwaran kag nagapahanumdom sa ila nga si Jehova nahamuot gid sa ila paggawi. (Hulu. 27:11) Ang utod nga lalaki nga may bahin magahinakop paagi sa paghatag sing komendasyon sa mga pamatan-on sa kongregasyon tungod sang ila maayong binuhatan kag sa pagpalig-on sa ila nga makigkomunikar sa ila mga ginikanan agod mapabakod sila sa espirituwal sining bug-os nga tuig sang pag-eskwela.
15 min: “Tun-i ang Mabuhi sing Dayon kag Nahiusa sa Pagsimba nga mga Libro.” Pagkatapos marepaso ang artikulo sa tumalambong, ipapasundayag sa nakahanda sing maayo nga manugbantala kon paano iliton ang pagtuon sa Pinakabantog nga Tawo pakadto sa Mabuhi sing Dayon nga libro.
Ambahanon 17 kag nagatakop nga pangamuyo.
Semana sang Oktubre 18-24
Ambahanon 100
10 min: Lokal nga mga pahibalo. Ipatalupangod ang mga artikulo sa bag-o nga mga magasin nga mahimo magamit sini nga semana sa pag-alagad sa latagon.
20 min: “Himusli sing Bug-os ang 1993 nga ‘Balaan nga Panudlo’ nga Distrito nga Kombension—Bahin 1. Paghinun-anon sang tumalambong sa parapo 1-15. Dapat ipaathag sang mga manugbantala ang nagakaigo nga mga punto sa ila mga estudyante sa Biblia nga gin-agda sa pagtambong sa kombension.
15 min: “Pagsugod sing mga Pagtuon sa Biblia sa Puluy-an.” Pamangkot kag sabat. Pagkatapos sang parapo 4, ipakilala ang mapagsik nga pasundayag tuhoy sa isa ka pagduaw liwat diin Biblia lamang ang ginagamit, apang pasad sa mga bahin sa Mabuhi sing Dayon ukon Reasoning nga libro, subong sang ginapanugda.
Ambahanon 84 kag nagatakop nga pangamuyo.
Semana sang Oktubre 25-31
Ambahanon 109
10 min: Lokal nga mga pahibalo. Mga Balita Teokratiko.
20 min: “Himusli sing Bug-os ang 1993 nga ‘Balaan nga Panudlo’ nga Distrito nga Kombension—Bahin 2. Paghinun-anon sang tumalambong sa parapo 16-18 kag mahalungon nga repasuha ang “Mga Pahanumdom sa Distrito nga Kombension” kon ginatugot sang tion. Ilakip ang nagakaigo nga mga pahanumdom pasad sa impormasyon sa Hunyo 15, 1989 nga Lalantawan, pahina 10-20, ukon palig-una ang mga grupo sang pamilya nga repasuhon ang mga punto sa sining mga artikulo antes magtambong sa kombension.
15 min: “Buligi ang Katulad-Karnero nga Katawhan sa Pagtukod sing Malig-on nga Sadsaran.” Hambali upod sa tumalambong. Ipadaku ang kinahanglanon nga handaan ang tagsa ka pagduaw liwat. Maghimos nga ipasundayag sang kalipikado nga manugbantala ang pagduaw liwat sa tawo nga nakakuha sang nagligad sing Mabuhi sing Dayon nga libro, nagagamit sang impormasyon gikan sa parapo 3 ukon 5.
Ambahanon 21 kag nagatakop nga pangamuyo.
Semana sang Nobiembre 1-7
Ambahanon 6
10 min: Lokal nga mga pahibalo. Mga Balita Teokratiko.
15 min: “Buligi ang Iban Paagi sa Paggamit sing mga Magasin.” Pamulongpulong upod ang mga pasundayag. Ipadaku ang kabilihanan sang paggamit sing bug-os sang bag-o kag daan nga mga guwa sang mga magasin. Maghatag sing duha ka pasundayag, ang isa nagagamit sing bag-o nga magasin kag ang isa nagapakita kon paano gamiton ang mas daan nga guwa agod ibagay sa espesipiko nga kinahanglanon sang tagbalay.
20 min: Diin Na ang Aton mga Hinigugma nga Napatay? Paghinun-anon sang pamilya. Nagagamit sang pinili nga materyal gikan sa pahina 98-100 sang Reasoning nga libro, ginabinagbinag sang ulo sang pamilya ang pagkapatay sang isa ka suod nga abyan sang pamilya. Nagakonsentrar sia sa pagbulig sa iya kabataan nga mahangpan ang pagtamod sang Biblia. Nagapamangkot sia agod pat-uron nga nahangpan nila kon ano ang buot silingon sang kamatayon kag nga mapabutyag nila ang ila kaugalingon sing maathag suno sa ila edad. Subong man, ginapakita niya sa ila kon paano nila magamit ang Reasoning nga libro sa paglugpay sa iban.
Ambahanon 15 kag nagatakop nga pangamuyo.