Iskedyul sa Miting sa Serbisyo

Semana sang Abril 11

Ambahanon 4

10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Ang pinasahi nga kampanya sa pagpanagtag sing Magpadayon sa Pagbantay! nga brosyur matapos sa Abril 17. Sa nabilin nga bahin sang Abril, itanyag naton ang mga magasin. Gamita ang mga panugda sa pahina 8 sa pagpasundayag kon paano itanyag ang Abril 15 nga ang Lalantawan kag ang Abril 22 nga Awake! Mahimo magamit ang iban pa praktikal nga mga presentasyon. Sa isa sa mga pasundayag, ipakita ang manugbantala nga nagapanaksi sa kalye.

15 min: “Magpadayon sa Pagbantala.”a Kon ginatugot sang tion agdaha ang tumalambong sa pagkomento sa ginsitar nga mga teksto.

20 min: “Mangin ‘Masako Kaayo’ sa Imo Ministeryo.”b Palig-una ang 100% nga pagpakigbahin sa tion sang pinasahi nga kampanya sa Abril. Agdaha ang duha ukon tatlo ka manugbantala sa pagsugid sang ila mga eksperiensia sa pagbulig sa iban subong ginpanugda sa parapo 3-5.

Ambahanon 47 kag nagatakop nga pangamuyo.

Semana sang Abril 18

Ambahanon 76

5 min: Lokal nga mga pahibalo. Ilakip ang mga punto sa “Pamangkot.”

20 min: “Pagdumala Sing Mainuswagon nga mga Pagtuon sa Biblia—⁠Bahin 7.”c Kon ginahanda ini nga bahin, tan-awa ang Hulyo 15, 2002, nga Lalantawan, sa pahina 27, parapo 5-6.

20 min: Palambua ang Interes Paagi sa Paggamit Sing Bag-o nga Brosyur. Pamulongpulong kag paghinun-anon sa tumalambong nga pagadumalahan sang manugtatap sa pag-alagad. Dapat balikan naton agod mapalambo ang interes sang mga tawo nga nagbaton sing Magpadayon sa Pagbantay! nga brosyur. Nagagamit sang listahan sang mga kaundan sa pahina 2, maghatag sing malip-ot nga sumaryo sa brosyur, nagapadaku sing talalupangdon nga mga seksion (nalista sa idalom sang madukot nga mga tig-ulo). Ini nga materyal magamit para sa malip-ot, makahulugan nga paghinun-anon liwat. Halimbawa, kon ang pahina 3-4 ang ginpadaku sa una nga pagduaw, ang seksion nga “Nagaulikid Gid Bala ang Dios?” sa pahina 5 mahimo magamit sa pagbalik-duaw. Hinun-anuni kon paano ini himuon. Repasuha ang iban pa nga talalupangdon nga mga seksion, kaangay sang makit-an sa pahina 6-8 kag 17-18 ukon ang iban pa nga nagakabagay sa inyo teritoryo. Ipasundayag ang isa ka pagbalik duaw, nga nagagamit sing isa sa talalupangdon nga mga seksion. Isa ukon kapin pa ka ginsitar nga teksto ang kinahanglan nga basahon kag hinun-anunan. Ang manugbantala nagahinakop paagi sa pagpatalupangod sa iban pa talalupangdon nga seksion nga mahimo mahambalan sa masunod nga pagduaw.

Ambahanon 169 kag nagatakop nga pangamuyo.

Semana sang Abril 25

Ambahanon 111

10 min: Lokal nga mga pahibalo. Basaha ang report sa kuenta kag pasalamat sa mga donasyon. Pahanumduma ang mga manugbantala sa paghatag sang ila report sa pag-alagad sa bulan sang Abril. Nagagamit sing mga panugda sa pahina 8 (kon nagakaigo sa inyo teritoryo), ipasundayag kon paano itanyag ang Mayo 1 nga Lalantawan kag ang Mayo 8 nga Magmata! Mahimo magamit ang iban pa realistiko nga presentasyon. Sa isa sa mga pasundayag, ipakita kon paano sabton ang balibad nga “Indi ako interesado.” (Tan-awa ang Reasoning nga libro, pahina 16.) Hinambiti ang mga artikulo nga mahimo mas makagalanyat sa mga tawo sa inyo teritoryo.

20 min: Pagsugod sa Pagtuon sa Biblia sa mga Nagbaton Sing Bag-o nga Brosyur. Pamulongpulong kag paghinun-anon sa tumalambong nga pagadumalahan sang manugtatap sa pag-alagad. Repasuha sing malip-ot ang pagbalik duaw nga ginpasundayag sa nagligad nga Miting sa Serbisyo, nagapatalupangod ilabi na sa talalupangdon nga seksion nga ginhinambitan sa hingapusan sang pagduaw. Kon mahimo, ang amo gihapon nga mga manugbantala ang magagamit sinang materyal agod ipasundayag ang masunod nga pagduaw-liwat. Nian gamiton sang manugbantala ang nalikod nga panghapin sang brosyur sa pagtanyag sing pagtuon sa Biblia, kag himuon ang mga kahimusan sa pagbinagbinag sang leksion 1 sang Ginapatuman nga brosyur sa masunod nga pagduaw. Palig-una ang tanan nga magkonsentrar sa pagsugod sing mga pagtuon sa Biblia sa mga nagbaton sing Magpadayon sa Pagbantay! nga brosyur.

15 min: “Maghimo Sing Maayo kag Magpaambit sa Iban.”d Maghimo sing lokal nga aplikasyon sang materyal, nagahinambit sing praktikal nga mga paagi nga mabuligan naton ang iban.

Ambahanon 8 kag nagatakop nga pangamuyo.

Semana sang Mayo 2

Ambahanon 148

10 min: Lokal nga mga pahibalo. Repasuha sing malip-ot ang artikulo nga “Pagtuon sa Brosyur nga Magpadayon sa Pagbantay!,” sa pahina 6. Hinambiti nga ini nga materyal nagbalay sing mga iskedyul para sa pagbinagbinag sang brosyur. Palig-una ang tanan nga maghanda sing maayo kag makigbahin sa tagsa ka semana sa pagtinuon, nga pagasugdan sa semana sang Mayo 23.

15 min: Lokal nga mga kinahanglanon. Mahimo malakip ang mga eksperiensia nga natigayon sa pagbalik sa mga napahamtangan sing Magpadayon sa Pagbantay! nga brosyur. Maghimo sing abanse nga kahimusan agod iakto liwat ang bisan ano nga tumalagsahon nga mga eksperiensia.

20 min: “Ang Tanan nga Sahi Sang mga Tawo Maluwas.”e Maghimo sing praktikal nga aplikasyon sang materyal sa inyo teritoryo.

Ambahanon 112 kag nagatakop nga pangamuyo.

[Mga nota]