Erinerst tuu tich?

Host tuu Te Wachthorm mit acht tiise yoer kelees? Kuk eps tuu khanst tiise frooche antworte:

Was petayt unser “ferxtant nay mache”? (Rom. 12:2)

Es petayt mee wii ploos phaar kuute tinge mache. Meyer mise tenke aan te persoon woo mer inwënich sin un ti neetiche ënerunge mache fer Kot kefale. (Wachthorm 01/23 sayte 8-9)

Wii khene mer ferninftichkheet tsayche wën mer peopachte was uf te welt pasiirt?

Meyer hon kuute uersache fer se peopachte wii ti ewënte woo hayt pasiire, piiplixe profetsiie erfiile. Xtats fersuuche se roote was pasiire tuut — woo khent ti eenichkheet in te kemaynt fersaue — sole unser wërter sich xtaype aan was Yeehoowa sayn Orkanisatsyoon puplitsiirt. (1 Kor. 1:10) (Wachthorm 02/23 sayt 16)

Wii is Yeesus sayn taaf anerste wii te taaf fon sayn tisipele?

Yeesus praycht sich net tsu Yeehoowa tetikiire, wii meyer hayt, wayl eyer uf te welt khom is in een natsyoon woo xon tetikiirt waar. Tee praycht sich net fon sinte peroye wayl tee perfekt waar, oone sint. (Wachthorm 03/23 sayt 5)

Wii khene mer anere helfe komentaare in te fersamlunge kepe?

Meyer khene khortse komentaare kepe. Soo, mee layt kriin ti xans fer se xpreche. Meyer sole aach net iwer tsu fiile phunkte xpreche. Soo, khene ti layt iwer anere phunkte komentiire. (Wachthorm 04/23 sayt 23)

Was petayt te “Weech fon Haylichkheet” woo in Isayas 35:8 xteet?

In te friirixe tsayte, tiise simpoolix xtroos hat se tuun mim rees woo ti yuute kemacht hon fon Papiloon pis sayn haymlant. Un hayt? Hunerte yoore foer 1919, is ti aarwayt fer te weech foer perayte kemacht kep — ti iwersetsung un aptrukeray fon te Piipel, tswixich anere tinge. Kot sayn folek, woo in een kaystlich paratiis is, is im “Weech fon Haylichkheet” am reese un tas nëmt tsu seechen fom Raych. (Wachthorm 05/23 sayte 15-19)

Iwer was fer 2 simpoolixe fraae xprecht Xpriiche 9?

Xpriiche 9 xprecht iwer een “tume fraa”; sayn inlaatung nëmt tsum “Kraap”. Tas puuch xprecht aach iwer een aner fraa, woo ti “woer kluucheet” representiirt; sayn inlaatung nëmt tsum “weech fon ferxtëntnis” un tsum leepe. (Xpr. 9:1, 6, 13, 18) (Wachthorm 06/23 sayte 22-24)

Wii hot Yeehoowa ketsaycht tas eyer teemuutich is un net xtreng, wii Eyer mit Lot um kang is?

Yeehoowa hot Lot oryentiirt fon Sotooma tsu te përiche aus rayse. Wii Lot aus kehal hot fer tsu Soar aus rayse, hot Kot tas aan kenom. (Wachthorm 07/23 sayt 21)

Was khan een fraa mache wën sayn man pornokrafii kukt?

Tii mus sich erinere tas se net ti xult hot. Tii mus sich traan hale aan sayn fraayntxaft mit Kot un triwer noo tenke aan piiplixe kexichte iwer fraae woo troost aan Yeehoowa kefun hon. Tii khan sayn man helfe sich wech hale fon situatsyoone woo khente een fersuuchung sin. (Wachthorm 08/23 sayte 14-17)

Wën yemant unser klaape in frooch xtelt, wii khan tas ferxtëntnis uns helfe tsaam sin?

Meyer khene ti frooch siin wii een aat fer se wise was ti persoon tenkt un was wichtich fer tii is. Soo wëre mer peser foer perayt fer een tsaam antwort kepe. (Wachthorm 09/23 sayt 17)

Was khene mer fon Maria lërne iwer kraft kriin?

Wii se tsum wise kriit hot tas se mama fom Mesias weyer, is Maria fon te anere ferxtërkt kep. Kapryël un Elisapët hon se uf kemuut torich ti Xrifte. Unser priiter khene aach uns ferxtërke. (Wachthorm 10/23 sayt 15)

Wii khan Yeehoowa unser kepeete antworte?

Tee ferxprecht unser kepeete horiche un eyer tenkt aan wii se mit sayn tsiil xtime. (Yee. 29:12) Tee khan eenliche kepeete in unerxiitliche aate antworte, awer eyer tuut uns imer helfe. (Wachthorm 11/23 sayte 21-22)

Romaaner 5:2 xprecht iwer “hofnung”; soo, warom xprecht te wërs 4 wiiter too triwer?

Wën yemant ti kuute notisye heert, khan eyer ti hofnung hon fer in een paratiis too uf te eyert leepe. Awer soo lang wii eyer proope mit macht, tëne wayter aus halt un xpiirt tas Yeehoowa sich mit tëm frayt, wërt sayn hofnung xtërker un tuut tëm wii noch nii petrefe. (Wachthorm 12/23 sayte 12-13)