Jesaja
25 Jehóva, þú ert minn Guð.
Ég upphef þig, ég lofa nafn þitt
því að verk þín eru stórkostleg,+
verkin sem þú áformaðir fyrir löngu.+
Þú vannst þau í tryggð og trúfesti.+
2 Þú hefur gert borg að grjóthrúgu,
víggirta borg að molnandi rústum.
Virki útlendingsins er ekki lengur borg
og verður aldrei endurreist.
4 Þú ert orðinn vígi lítilmagnans,
vígi hins fátæka í neyð hans,+
skjól í slagviðri
og skuggi í hitanum.+
Reiði harðstjóranna er eins og slagviðri sem bylur á vegg,
5 eins og hitinn í skrælnuðu landi,
en þú bælir niður uppþot óvinanna.
Eins og hiti dvínar í skugga af skýi,
þannig er þaggað niður í söng harðstjóranna.
6 Á þessu fjalli+ mun Jehóva hersveitanna halda veislu handa öllum þjóðum,
veislu með úrvalsréttum,+
veislu með eðalvíni,*
með mergjuðum úrvalsréttum,
með tæru eðalvíni.
7 Á þessu fjalli mun hann svipta burt hulunni sem umlykur alla menn
og dúknum sem breiddur* er yfir allar þjóðir.
Hann tekur burt smán fólks síns um alla jörð.
Jehóva sjálfur hefur talað.
9 Á þeim degi segja menn:
„Þetta er Guð okkar!+
Þetta er Jehóva!
Við höfum sett von okkar á hann.
Gleðjumst og fögnum yfir björguninni sem hann veitir.“+
10 Hönd Jehóva mun hvíla á þessu fjalli+
en Móab verður troðinn niður í landi sínu+
eins og hálmur er troðinn niður í mykjuhaug.
11 Hann réttir út hendurnar og slær Móab
eins og sundmaður þegar hann tekur sundtökin.
Hann sópar burt hroka hans+
með fimlegum handbrögðum.
12 Víggirta borgina með háum varnarmúrum sínum
rífur hann niður.
Hann jafnar hana við jörðu, gerir hana að dufti.