ბროშურები მათთვის, ვინც არაქრისტიანულ რელიგიებს მიეკუთვნება

„როგორ მივაღწიოთ ხანგრძლივ მშვიდობას და ბედნიერებას?“a

ქადაგებისას ჩინელ სტუდენტს შეგიძლია უთხრა:

„როგორც შევნიშნე, დღეს ყველა სტუდენტს სურს, მშვიდობიან გარემოში ცხოვრება და ბედნიერება. თქვენი აზრით, ეს მნიშვნელოვანია? [გიპასუხოს]. განა სასიხარულო არ იქნება, როდესაც საუკუნეების წინათ დაწერილი ეს სიტყვები შესრულდება?“ წაუკითხე ფსალმუნების 36:11 და შესთავაზე ბროშურა (km 02.98, გვ. 5).

„ნახე! მე ვქმნი ყოველივე ახალს“

ხანდაზმულ ადამიანს, რომელიც ბუდისტია, შეგიძლია უთხრა:

„ალბათ, თქვენც წუხხართ იმის შესახებ, რომ დღეს ზნეობა უფრო და უფრო ეცემა, რაც გავლენას ახდენს ჩვენს შვილებზე. რატომ ეცემა ასე ზნეობრივი ნორმები ახალგაზრდებს შორის? [გიპასუხოს]. იცოდით, რომ ამის შესახებ ნაწინასწარმეტყველები იყო წიგნში, რომლის დაწერაც მუსლიმანური, ქრისტიანული და ინდუისტური რელიგიების ჩამოყალიბებამდე დიდი ხნით ადრე დაიწყო? [წაიკითზე 2 ტიმოთე 3:1—3]. კაცობრიობის მიერ შეძენილი ცოდნის მიუხედავად, მდგომარობა უფრო უარესდება [წაიკითხე მე–7 მუხლი]. პირადად მე ეს პუბლიკაცია ჭეშმარიტების გაგებაში დამეხმარა, რომელიც მრავალს არასდროს სმენია. ხომ არ წაიკითხავდით?“ (km 08.99, გვ. 8).

„ჩვენი პრობლემები — ვინ დაგვეხმარება მათ გადაჭრაში?“b

ახალგაზრდა ინდუსს შეგიძლია უთხრა:

„უდავოა, რომ გწამთ ღმერთი. როგორ ფიქრობთ, რა განზრახვა აქვს ღმერთს ჩვენ მიმართ? [გიპასუხოს. შემდეგ წაუკითხე დაბადების 1:28]. დღეს ბევრი ქვეყანა მჭიდროდ არის დასახლებული და პრობლემებითაა სავსე. თქვენი აზრით, სურს შემოქმედს, დაგვეხმაროს პრობლემების გადაჭრაში?“ გიპასუხოს. შემდეგ შესთავაზე ბროშურა (km 09.99, გვ. 8).

„ღვთის ხელმძღვანელობა — გზა სამოთხისკენ“c

მუსლიმანს შეგიძლია უთხრა:

„განსაკუთრებით ვცდილობ, მუსლიმანებს ვესაუბრო. როგორც ვიცი, მუსლიმანებს სწამთ ერთადერთი ჭეშმარიტი ღმერთი და ყველა მისი წინასწარმეტყველი. ასეა ხომ? [გიპასუხოს]. მსურს, თქვენი ყურადღება გავამახვილო უძველეს წინასწარმეტყველებაზე, რომლის თანახმადაც დედამიწა სამოთხედ გადაიქცევა. შეიძლება წაგიკითხოთ, რას წერს ერთი წინასწარმეტყველი? [დაელოდე პასუხს და შემდეგ წაუკითხე ესაიას 11:6—9]. მსგავსი აზრია ამ ბროშურაში ყურანიდან მოყვანილ ციტატაში“. გადაშალე ბროშურა მე–9 გვერდზე და წაიკითხე მსხვილი შრიფტით დაბეჭდილი ციტატა. თუ მსმენელი ინტერესს გამოავლენს, განაგრძე იმ აბზაცების განხილვა, რომლებიც მოცემულია მომდევნო გვერდზე (km 11.99, გვ. 8).

„რატომ უნდა ვცეთ თაყვანი ღმერთს სიყვარულითა და ჭეშმარიტებით?“d

ეს შეთავაზება შეგიძლია გამოიყენო დაოჯახებულ ინდუსთან საუბრის დასაწყებად:

„ვესაუბრები ადამიანებს, რომელთაც აღელვებთ მსოფლიო მასშტაბით ოჯახებში არსებული მდგომარეობის გაუარესება. თქვენი აზრით, რა შეუწყობს ხელს ოჯახის სიმტკიცეს? [გიპასუხოს] ზოგისთვის ცნობილია, რას ამბობს ინდუიზმის წერილები ოჯახზე, მაგრამ არასდროს ჰქონიათ შესაძლებლობა, ამ საკითხზე ბიბლიის სწავლებებს გაცნობოდნენ. ერთ ადგილს წაგიკითხავდით ბიბლიიდან [წაიკითხე კოლოსელების 3:12—14]. ამ ბროშურაში არის მსჯელობა ციტატებზე ინდუსური წერილებიდან და ასევე ბიბლიიდან“. შესთავაზე ბროშურა და ყურადღება გაამახვილე მე–8, მე–9, აგრეთვე მე–20 და 21–ე გვერდებზე მოცემულ ინფორმაციაზე (km 09.99, გვ. 8).

„იქნება ოდესმე ქვეყნიერება ომის გარეშე?“e

ებრაელს შეგიძლია უთხრა:

„უმრავლესობას განცდილი გვაქვს საყვარელი ადამიანის დაკარგვით გამოწვეული ტკივილი. თქვენი აზრით, რა ემართება ადამიანს სიკვდილის დროს?“ გიპასუხოს. შემდეგ მსმენელის ყურადღება გაამახვილე ბროშურის 22–ე გვერდზე მოცემულ ჩარჩოზე „რა არის სიკვდილი და სული?“. წაიკითხე 23–ე გვერდზე აბზაცი 17, სადაც საუბარია აღდგომაზე. აღნიშნე, რომ პატრიარქ იობს მკვდრეთით აღდგომის იმედი ჰქონდა. შესთავაზე ბროშურა და შეუთანხმდი განმეორებით მონახულებაზე, რათა იმსჯელოთ მე–17 აბზაცის ბოლოს ციტირებულ ბიბლიურ მუხლებზე (km 10.99, გვ. 8).

[სქოლიოები]