სარაიონო კონგრესის ახალი პროგრამა

იეჰოვა განდიდებას იმსახურებს. როგორ შეგვიძლია ამის გაკეთება? რატომ არის რთული ზოგისთვის იეჰოვას განდიდება? რა კურთხევებს იღებენ ისინი, რომლებიც ახლავე განადიდებენ ღმერთს? 2008 სამსახურებრივი წლის სარაიონო კონგრესის პროგრამა დამაკმაყოფილებელ პასუხებს გაგვცემს ამ კითხვებზე. ამ კონგრესის თემაა „ყველაფერი ღვთის სადიდებლად აკეთეთ“ (1 კორ. 10:31). ვნახოთ, რას ვისწავლით ორი დღის განმავლობაში ამ უხვ სულიერ ნადიმზე.

საოლქო ზედამხედველი ისაუბრებს თემებზე „რატომ უნდა განვადიდოთ ღმერთი?“ და „იყავი სამაგალითო ღვთის მოთხოვნების შესრულებაში“. ის წარმოთქვამს საჯარო მოხსენებას „ვინ განადიდებს დღეს ღმერთს?“ და დასკვნით მოხსენებას „ყველამ ერთად განვადიდოთ ღმერთი“. ის აგრეთვე ჩაატარებს თეოკრატიული სამსახურის სკოლას. სარაიონო ზედამხედველი გამოვა მოხსენებებით „სიხარულით აირეკლეთ ღვთის დიდება“ და „მივაქციოთ ყურადღება რაიონის მოთხოვნილებებს“; აგრეთვე ის წარმოთქვამს 2 პეტრეს 1:12-ზე დაფუძნებულ მოხსენებას «კვლავაც ‘მტკიცედ იდექით ჭეშმარიტებაში’». გარდა ამისა, ჩვენ გავიგებთ, თუ როგორ განადიდებს ღმერთს პიონერული მსახურება, როდესაც მოვისმენთ მოხსენებას „პიონერული მსახურება ღმერთს განადიდებს“. პირველ მოხსენებათა სერიაში, „აჩვენე შენი ცხოვრებით, რომ ღმერთს განადიდებ“, უფრო ღრმად გამოვიკვლევთ 1 კორინთელების 10:31-ში ღვთის შთაგონებით ჩაწერილი სიტყვების მნიშვნელობას. მოხსენებათა მეორე სერიაში, „შეასრულეთ წმინდა მსახურება იეჰოვას განსადიდებლად“, შევეხებით ჩვენი თაყვანისმცემლობის სხვადასხვა მხარეს. კვირას მოვისმენთ „საგუშაგო კოშკისა“ და ყოველდღიური მუხლის განხილვას. კონგრესზე აგრეთვე ჩატარდება ნათლობა.

ადამიანთა უმრავლესობა არ აღიარებს ღმერთს. კაცობრიობის მიღწევებით ბევრი იმდენად არის მოხიბლული, რომ იეჰოვას სიდიადეზე არც კი ფიქრობს (იოან. 5:44). მაგრამ, ჩვენ გვესმის, რამდენად ძვირფასია კონგრესზე გატარებული დრო, რომელსაც გამოვყოფთ იმაზე ფიქრისთვის, თუ როგორ ‘ვაკეთოთ ყველაფერი ღვთის სადიდებლად’. ახლავე დაგეგმე კონგრესზე დასწრება და სრულად მიიღე სარგებლობა კონგრესის პროგრამის ოთხივე ნაწილიდან.