როგორ მდგომარეობაშია გასავრცელებელი ლიტერატურა?

კარგია, თუ დავფიქრდებით ამ კითხვაზე ნებისმიერი ლიტერატურის გავრცელებამდე. თუ ვავრცელებთ პუბლიკაციას, რომელსაც კიდე გადმოკეცილი აქვს, გახუნებული, დასვრილი ან დახეულია, ეს ცუდად წარმოაჩენს ჩვენს ორგანიზაციას და მობინადრეს ხელს შეუშლის, დააფასოს ამ ლიტერატურაში მოცემული შესანიშნავი, გადამრჩენი ინფორმაცია.

როგორ შევინახოთ ჩვენი პუბლიკაციები აკურატულად? მრავალი სხვადასხვა პუბლიკაციას ჩანთის სხვადასხვა განყოფილებაში ალაგებს. მაგალითად, ცალკე დებენ წიგნებს, ცალკე ჟურნალებს და ბროშურებს, ცალკე ტრაქტატებს და ასე შემდეგ. როდესაც ბიბლიასა და ლიტერატურას ჩანთაში ვდებთ, საჭიროა სიფრთხილე, რომ არ დავაზიანოთ ისინი. ზოგი მაუწყებელი, ლიტერატურას საქაღალდეში ან ცელოფნის პარკში დებს. რა მეთოდიც არ უნდა ავირჩიოთ, არ გვინდა ვინმეს მივცეთ დაბრკოლების საფუძვლიანი საბაბი იმით, რომ შევთავაზებთ დაზიანებულ ლიტერატურას (2 კორ. 6:3).