სარაიონო კონგრესის ახალი პროგრამა

ქვეყნიერება ცდილობს დაგვარწმუნოს, რომ ის ყოველთვის იარსებებს. მაგრამ ღვთის სიტყვა განსხვავებულ აზრს გვაწვდის (1 იოან. 2:15—17). ეს გვეხმარება იმის გაგებაში, თუ რამდენად ამაოა განძის მოგროვება დედამიწაზე. ღვთის ხალხის განსამტკიცებლად 2007 სამსახურებრივ წელს ჩატარდება სარაიონო კონგრესი თემით: „მოაგროვეთ განძი ზეცაში“ (მათ. 6:19, 20).

გამდიდრებისკენ სწრაფვა იმასაც მოიცავს, რაც ეფესოელების 2:2-ში აღწერილია „იმ ჰაერის ძალაუფლების მთავრის ანუ იმ სულის გავლენად, რომელიც ახლა ურჩობის ძეებში მოქმედებს“. „ქვეყნიერების სული“ ჰაერივით ყველგან არის (1 კორ. 2:12). მისი გავლენა ძალიან ძლიერია, ამიტომ მასზე ნათქვამია, რომ ძალაუფლება აქვს. სარაიონო კონგრესის ახალი პროგრამა დაგვეხმარება, რომ მოვერიდოთ მატერიალიზმისკენ სწრაფვას და ყოველთვის გვახსოვდეს, რა არის ყველაზე მნიშვნელოვანი (მათ. 6:33). გარდა ამისა, ეს პროგრამა დაგვეხმარება, მივენდოთ იეჰოვას და ზეწოლისა და განსაცდელების მიუხედავად გავაგრძელოთ ჩვენი მსახურება.

აუცილებლად დაესწარი ორივე დღის პროგრამას და მოსმენილს „განსაკუთრებული ყურადღება“ მიაქციე (ებრ. 2:1). მოკლედ ჩაიწერე ის აზრები, რომლებსაც ცხოვრებაში და მსახურებაში გამოიყენებ. თუ ამ სულიერად გამამდიდრებელ პროგრამას თავიდან ბოლომდე დაესწრები, გამხნევდები და განმტკიცდები, რათა ‘მოაგროვო განძი ზეცაში’!