Ndenge ya kolakisa bazulunalo (Soki zulunalo ya Lingala ezali te bósalela ya Lifalanse)
Linɔ́ngi ya Mosɛnzɛli 15 Feb.
“Osilá komituna wapi lolenge ya malamu mpenza ya kotambwisa bomoi na yo mpe ya kozwa bikateli ya minene? [Tiká ye apesa eyano.] Na Biblia, okokuta mwa ndambo ya mitinda oyo ekosalisa moto amitambwisa malamu koleka, na ndakisa Lilako Lileki Malamu. [Tángá Matai 7:12.] Wapi mitinda mosusu ya Nzambe oyo ekoki kopesa biso matomba banda sikoyo? Okozwa eyano na kati ya zulunalo oyo.”
Lamuká! 22 Feb.
“Ntango mosusu osili komona ete bisika mingi ya mosala ekómá na makama mingi. Zulunalo oyo ezali na toli ya malamu oyo ezali komonisa ndenge ya kosala mpo na kolongola makama mosusu na bisika yango. Ezali mpe komonisa ete mpo tózala malamu na bomoi na biso tosengeli kozala na bokatikati na ndenge totalelaka mosala oyo tosalaka. Nasɛngi yo otánga yango.”
Linɔ́ngi ya Mosɛnzɛli 1 Mar.
“Na kotalela makambo nyonso oyo ezali koleka lelo, mingi kati na biso bazali komituna soki tokozala ndenge nini na mikolo ezali koya. Na libondeli moko oyo asalaki, libondeli oyo eyebani mingi, Yesu Klisto amonisaki ntina oyo tokoki kozala na elikya mpo na mikolo ezali koya. [Tángá Matai 6:9, 10.] Bato bazali se kozongela mabunga oyo esalemaki kala. Kasi na ntango wana, baoyo basalelaki Nzambe bazalaki na elikya ya bomoi ya malamu mpo na mikolo oyo esengelaki koya. Zulunalo oyo ezali komonisa ndenge nini biso mpe tokoki kozala na elikya ya bomoi ya malamu na mikolo oyo ezali koya.”
Lamuká! 8 Mar.
“Biblia emonisaka polele ntina ya kotánga kelasi malamu. [Tángá Masese 2:10, 11.] Biso nyonso toyebi ete ezali na ntina mingi bana na biso bázala na balakisi oyo bayebi koteya malamu. Lamuká! oyo elobeli mosala ya ntina mingi oyo balakisi bazali kosala, ndenge nini tokoki komonisa ete tosepelaka na milende nyonso oyo basalaka, mpe nini baboti bakoki kosala mpo na kosalisa balakisi na mosala monene oyo bazali kosala.”