Fivoriana Momba ny Fanompoana Amin’ny Jolay
Herinandron’ny 1 Jolay
12 min: Fampandrenesana eo an-toerana. Fampandrenesana nofantenana avy ato amin’ny Ny Fanompoantsika Ilay Fanjakana. Manaova teny ny amin’ny tatitra momba ny fanompoana tamin’ny Aprily teto amin’ny nosy sy tao amin’ny kongregasiona.
15 min: “Fanatanterahana Isan’andro ny Voadintsika”. Fanontaniana sy valiny. Mampidira fanazavana avy amin’ny Auxiliaire pour une meilleure intelligence de la Bible, pejy 1520 fehintsoratra 11 hatramin’ny pejy 1521 fehintsoratra voalohany, izay mampiseho hoe nahoana ny voady no adidy lehibe.
18 min: “Manahafa An’i Jehovah Amin’ny Fiahiana Marina ny Hafa”. (Fehintsoratra 1-3). Ampiasao ny fehintsoratra voalohany hamelabelarana ny loha hevitr’ilay lahatsoratra. Fantaro hoe bokikely inona avy ao amin’ny tahirin’ny kongregasiona amin’izao fotoana izao no mety horaisin’ny olona tsara ao amin’ny faritaninareo. Avy eo, dia aza mandinika afa-tsy ny fehintsoratra 2 sy 3, ary anaovy fampisehoana ny fomba azo anaovana ny fitsidihana voalohany sy ny fiverenana mitsidika amin’ny alalan’ny bokikely Tena Miahy Antsika ve Andriamanitra? Asehoy ny fomba mety hanaovan’ireo mpitory ny fomba fampisehony manokana ny bokikely hafa izay hifanentana eo amin’ny faritany eo an-toerana.
Herinandron’ny 8 Jolay
10 min: Fampandrenesana eo an-toerana. Tatitra momba ny kaonty.
15 min: “Manahafa An’i Jehovah Amin’ny Fiahiana Marina ny Hafa”. (Fehintsoratra 4 sy 5). Aza mandinika afa-tsy ny fehintsoratra 4 sy 5 ary ny hevitra misongadina sasany ao amin’ny bokikely Rehefa Nody Mandry ny Olona Iray Tianao. Avy eo, dia anaovy fampisehoana ireo fomba fampiseho anolorana hevitra ho amin’ny fitsidihana voalohany sy ny fiverenana mitsidika.
20 min: “Ilana Rahalahy Betsaka Kokoa ao Amin’ny Fanompoan’ny Mpisava Lalana”. Fanontaniana sy valiny. Arakaraka ny hamelan’ny fotoana hanao izany, dia diniho ireo fanoloran-kevitra ny amin’ny fomba hikarakarana ireo zavatra ilaina ara-bola, araka ny nodinihina tao amin’ny Ny Tilikambo Fiambenana 15 Septambra 1993, pejy 28-31.
Herinandron’ny 15 Jolay
10 min: Fampandrenesana eo an-toerana.
20 min: “Efa Nanandrana ny Fitoriana Takariva ve Ianao?” Lahateny misy fandraisana anjaran’ny mpanatrika ary fanadinadinana sasantsasany. Tantarao izay hita teo an-toerana rehefa nisy niasa tamin’ny takariva teny amin’ny faritany. Mampidira fanandraman-javatra mampiseho fa misy vokatra manorina ny fitoriana takariva. Sorito ny fandaharam-potoana eo an-toerana ho an’ny fivoriana ho amin’ny fanompoana isan-kerinandro.
15 min: “Manahafa An’i Jehovah Amin’ny Fiahiana Marina ny Hafa”. (Fehintsoratra 6-8). Ampiasao ny fehintsoratra farany amin’ilay lahatsoratra mba hampirisihana ny rehetra hiverina hitsidika haingana an’ireo izay nametrahana bokikely. Amin’ny fampiasana ny fehintsoratra 6 sy 7, dia anaovy fampisehoana ny fomba hanolorana ny bokikely Zava-kendren’ny Fiainana amin’ny fitsidihana voalohany, sy ny fomba hanombohana fampianarana Baiboly amin’ny toko voalohany amin’ny boky Fahalalana amin’ny fiverenana mitsidika. Ampahatsiahivo an’ireo mpitory fa afaka manao ny fomba fampisehony manokana bokikely hafa izy ireo, amin’ny fanarahana ny fomba fampiseho modely anolorana hevitra ato amin’ny Ny Fanompoantsika Ilay Fanjakana.
Herinandron’ny 22 Jolay
10 min: Fampandrenesana eo an-toerana. Diniho vetivety ireo nomerao farany amin’ireo gazety, ka asehoy ireo hevitra misongadina mahaliana izay ho azo ampiasaina amin’ny fampisehoana azy ireny eny am-baravarana.
15 min: Katsaho ny Tanjon’ny Fanompoana Manontolo Andro. Dinika ataon’ny loholona iray sy ny zatovo iray na roa, miorina amin’ny Ny Tilikambo Fiambenana 15 Martsa 1989, pejy 25-27. Miezaka hanapa-kevitra ireo tanora hoe tanjona inona no hotratrariny rehefa vita ny fianarany any amin’ny lise. Mampiseho fahalianana amin’ny tombontsoa ara-nofo atolotry ny asa eo amin’izao tontolo izao izy ireo. Asehon’ilay loholona ireo antony tsara haha-tsara lavitra ny hiezahana handroso ho amin’ny fanompoan’ny mpisava lalana. Manaiky ireo zatovo, nefa tsy mino hoe ho afaka ny ho mpisava lalana no sady hamelon-tena. Mitantara fanandraman-javatra avy amin’ny lahatsoratry Ny Tilikambo Fiambenana ilay loholona mba hampisehoana fa ny fanompoan’ny mpisava lalana dia tanjona araka ny antonona sy azo tratrarina izay mitondra fifaliana ho an’ny maro. Mifarana ilay dinika amin’ny fanehoan’ireo zatovo fankasitrahana noho ireo tenin’ilay loholona, sy ny fahatapahan-kevitr’izy ireo hieritreritra amim-pitandremana ny fanatratrarana ny tanjona handray anjara feno amin’ny fanompoana ilay Fanjakana.
20 min: “Ny Fomba Fanaovana Mpianatra Amin’ny Alalan’ny Boky Fahalalana”. Lahateny andinihana ny fehintsoratra 12-16 amin’ny takelaka fanampiny tamin’ny Jona 1996. Asio fampisehoana roa ny amin’ny fampianarana Baiboly eo am-panaovana azy. Ny voalohany dia mampiseho ny fomba fampiofanana ilay mpianatra mba hanomana ny fianarana amin’ny fanasongadinana na fanipihana ireo teny sy fitambaran-teny fototra izay mamaly mivantana indrindra an’ireo fanontaniana vita pirinty. Ny faharoa dia mampiseho izay ho azonao lazaina mba hampirisihana ilay olona ampianarina Baiboly hanatrika ny Fivoriana Ampahibemaso sy ny Fianarana Ny Tilikambo Fiambenana.
Herinandron’ny 29 Jolay
10 min: Fampandrenesana eo an-toerana. Diniho ny hoe “Fandaharana Vaovaon’ny Fivoriamben’ny Fizaran-tany”.
20 min: Inona no Ilaina mba Hahazoana Fampianarana Baiboly? Mitarika ny fiaraha-mandinika amin’ny olona roa na telo izay nahita fahombiazana teo amin’ny asa fampianarana Baiboly ny loholona iray, ka mandinika ireo fomba hahombiazana kokoa eo amin’ny fanombohana fampianarana Baiboly: 1) Mivavaha mba hahazoana ny fanampian’i Jehovah. 2) Mandraisa anjara tsy tapaka amin’ny lafiny maro samihafa amin’ny fanompoana mba hahitana olona liana. 3) Raketo an-tsoratra ny fahalianana rehetra ary manaova fiverenana mitsidika haingana. 4) Manolora fampianarana foana amin’izay nampiseho fahalianana. (Jereo ny lohatenikely hoe “Fanaovana Izay Hanombohana Fampianarana Baiboly”, ao amin’ny pejy 20 amin’ny Ny Tilikambo Fiambenana 15 Febroary 1996.) 5) Manorena fatokiana ny fahaizanao mampianatra amin’ny fampiasana ny fanoloran-kevitra efatra voasoritra ao amin’ny pejy 13-17 amin’ny Ny Tilikambo Fiambenana 1 Febroary 1985.
15 min: Zavatra ilaina eo an-toerana. Na lahateny ataon’ny loholona iray momba ny hoe “Fampiononana sy Fampaherezana — Vatosoa Misy Lafiny Maro”, avy ao amin’ny Ny Tilikambo Fiambenana 15 Janoary 1996, pejy 21-23, ny loholona iray.