JULAI 28–OGASITI 3

IVYUMA IVYAYA UMWI IZWI LYAKWE LEZA

1. Mwacita Ivingalenga Mutwalilile Ukuya Aakome Lino Mwakwata Intazi

(10 min.)

Twalililini ukusambilila nu kuya na Mano (Mapi. 24:5; it-2 ifwa 610 pala. 8)

Mwatwalilila ukupepa, kubelenga Baibo cila wanda nu kuzanwa umu kulongana lyonsi nanti icakuti mukuvwa uyi pa mulandu ni ntazi (Mapi. 24:10; w21.02 mafwa 30-31 mapa. 17-19)

Utailo ukome nu kutemwa Yeova vikatwazwa ukuzizimizya intazi (Mapi. 24:16; w20.12 ifwa 15)

Nkazi uwalwala ulwale uwipishe, akuipakizya ukuombela pamwi na cuza wakwe lino yakusimikila ku ng’anda ni ng’anda. Akulangizya umwanaci vimwi pali tabuleti yakwe ala umwanaci ayimi pa mulyango.

2. Ukuvwikisha Sana Ivyaya Umu Malembo

(10 min.)

Mapi. 24:27—Uzye ipinda lii likatusambilizya vyani? (lvs cipa. 10 mapa. 13-15)

Casuko
I vyuma ci vino mwazanyile umu kubelenga Baibo kwa mulungu uu vino mungatunenako?

Casuko

3. Kubelenga Baibo

(4 min.) Mapi. 24:1-20 (th sambililo 11)

SAMBILILINI KUOMBA NINGO UMULIMO WA KUSIMIKILA

4. Vya Kutandika Ukulanzyanya

(2 min.) KUSIMIKILA KONSI KUNO TULI. Langililini ukuti ukulanzyanya kwasila ukwaula ukuti musimikile. (lmd sambililo 2 cisinka 4)

5. Vya Kutandika Ukulanzyanya

(3 min.) KU NG’ANDA NI NG’ANDA. (lmd sambililo 3 cisinka 4)

6. Vya Kutandika Ukulanzyanya

(3 min.) KUSIMIKILA UKUKAZANWA ANTU AINGI. Munene wino mu kusimikilako pali vino tukasambilizya antu Baibo, nupya mumupeele kakaadi kakulengelapo isambililo lya Baibo. (lmd sambililo 4 cisinka 3)

7. Lyasi

(3 min.) lmd Ivyeo na vyuze pa A cisinka 11—Mutwe: Leza akalanda naswe. (th sambililo 6)

VINO SWE INA KLISTU TWAAYA

8. Mwaazwana Lino Kwaya Intazi

(15 min.) Kulanzyanya.

Cikuko, uzanzo wa kuiponela, vimvulunganya, nkondo, nanti ukucuziwa vingacitika insita ili yonsi. Ndi cakuti vya musango uu vyacitika aina na ya nkazi yakaazwana nu kukomelezyanya. Nomba, nanti icakuti vitatucitikile umu kulungatika, tukauvwa uyi ndi cakuti vyacitikila aina Klistu yanji nupya tukaomba papezile amaka itu pakuti tuyazwe.—1 Kol. 12:25, 26.

Vikope ivipusanepusane ivili pa cikope conga: Aina na ya nkazi yakwazwilizya yakapepa yauze mu nzila izipusanepusane. 1. Aina na ya nkazi yakukuula cipya cipya Ing’anda ya Wene ino yononike uku uzanzo wa kuiponela. 2. Aina na ya nkazi yapokelela ningo nyina nu mwana imbutusi. 3. Nkazi akusumbila umusangulo mu kambokosi ka misangulo mu Ng’anda ya Wene. 4. Aina na ya nkazi yakupeela ya kapepa yauze imbutusi vino yakulondekwa ala yali pa Ng’anda ya Wene. 5. Aakwazwilizya aatiyaponela na mazanzo yapokelela mabotolo ya manzi. 6. Mwina akupepa.

Belengini 1 Yamwene 13:6 na Yakobo 5:16b. Alino muzye iumba iuzyo lii:

U mulandu ci uno mapepo yano aomvi yakwe Leza yakapepelako yauze yakwatila maka?

Casuko

Belengini Mako 12:42-44 na 2 Kolinto 8:1-4. Alino muzye iumba iuzyo lii:

Nanti cakuti tutakwata impiya izingi nupya tungakwanisha ukusangwilako sile kapiya kanono ku mulimo wa mu nsi yonsi pa kwazwilizya aina aali ni intazi, u mulandu ci uno tulinzile ukusangwilako?

Casuko

Tambishini VIDYO iyakuti Kukomelezya Aina na ya Nkazi Lino Yainda Umulimo. Alino muzye iumba mauzyo yaa:

Uzye aina na ya nkazi yaipeelishe uli ukwazwa Aina Klistu yauze aaku Eastern Europe kuno mulimo witu wainzilwe?

Casuko
Nanti cakuti aina na ya nkazi yayainzile, uzye yuvwilile uli isunde lya kulongana pamwi nu kukomelezyanya?—Aeb. 10:24, 25

Casuko

9. Sambililo Lya Baibo pa Cilongano

(30 min.) lfb masambililo 4-5