Состаноци за служба за февруари
Седмица што почнува од 5 февруари
10 мин: Локални известувања. Избрани известувања од Наша служба за Царството. Теократски вести.
15 мин: „Секојдневно да ја објавуваме вистината во знак на имитирање на Исус“. Прашања и одговори. Прочитај го 5. пасус.
20 мин: „Откровението — клуч за вистинска среќа“. Дискутирај за предложените презентации и нека се изнесат еден или два приказа. Потсети ги објавителите да објаснат како може да се приложат донации за светското дело.
Песна 63 и заклучна молитва.
Седмица што почнува од 12 февруари
10 мин: Локални известувања. Благајнички извештај.
13 мин: „Подготви се за активност со списанија во текот на април“. Нагласи ја вредноста на Стражарска кула и Разбудете се! во објавувањето на добрата вест. Прочитај ги двата пасуса на статијата и накратко изнеси што ќе стори вашето собрание за да го направи април посебен месец за дистрибуција на списанија.
22 мин: „Како можам да дојдам до уво што слуша?“ Прашања и одговори. Два објавитела нека дискутираат за тоа како да се обидат да покажат поголема срдечност кога зборуваат на врата, користејќи некои предлози што се дадени во Водичот за школата, страници 162-164, пасуси 10-21.
Песна 133 и заклучна молитва.
Седмица што почнува од 19 февруари
10 мин: Локални известувања.
15 мин: „Извлечи корист од Теократската школа за проповедање за 1996 — 2. дел“. Говор од надгледникот на школата. Нагласи ја потребата секојдневно да се чита Божјата Реч.
20 мин: „Помогни им да разберат“. Разгледај ги предложените презентации за правење повторни посети. Еден старешина дискутира со двајца или тројца објавители за некои обележја на книгата Откровение — Кулминација и за тоа како можат да се истакнат. Прикажи една или две презентации. Дај предлози како да се развие интерес до тој степен што ќе може да се започне библиска студија со книгата Спознание кое води до вечен живот.
Песна 53 и заклучна молитва.
Седмица што почнува од 26 февруари
10 мин: Локални известувања.
15 мин: Да се подготвуваат привлечни презентации. Надгледникот за служба или друг старешина дискутира со двајца или тројца објавители за користите од презентациите од куќа до куќа кои се одбележени со нешто што е привлечно за луѓето од вашиот крај. На пример, извештаи од локалните вести во врска со моменталните обиди да се подобри животниот стандард; пораст на брачните проблеми, деликвентни деца или проблем да се најде вработување; можеби новински статии кои покажуваат зошто луѓето стануваат сѐ поскептични во поглед на решенијата што ги нудат политичарите и свештениците. Спомни некои текушти новински теми во твојата средина и дискутирај за тоа како можат да се употребат за да се започне разговор.
20 мин: Понуда на книгата Спознание кое води до вечен живот во текот на март. Истакни некои интересни обележја на книгата кои можат да се користат за да се започнат разговори. 1) Обрни внимание на впечатливите илустрации, како што се оние кои се прикажани на страници 4, 5, 86, 124, 125, 188, 189. 2) Покажи дека на крајот од секое поглавје има рамка со прашања за разгледување и објасни на кој начин тие може да се користат како темел за презентации. Би можело станарот да се запраша дали би сакал да ги дознае одговорите. Избери некои прашања од оние кои се наведени на страници 11, 22, 61 и 149. 3) Осврни се на рамката на страница 102 и дај предлози како може да се употребат „Некои обележја на последните денови“ за да се поттикне интерес. 4) Нагласи дека книгата е наменета особено за водење на напредни студии. Поглавјата се кратки, материјалот е лесно разбирлив, силните библиски стихови се цитирани, а проникливите прашања се сосредоточуваат на клучните точки. Поттикни ги сите да ја нудат книгата со цел да започнат студии.
Песна 151 и заклучна молитва.