ബൈബിൾ നന്നായി ഉപയോ​ഗി​ക്കു​ക

1. ബൈബിൾ ഇത്രമാ​ത്രം ഉപയോ​ഗ​പ്ര​ദ​മാ​യി​രി​ക്കു​ന്നത്‌ എന്തു​കൊണ്ട്‌?

¹ ദൈവ​ത്തി​ന്റെ നിശ്വ​സ്‌ത​വ​ച​ന​ത്തി​ന്റെ സമർഥ​വും വിവേ​ക​പൂർവ​ക​വു​മായ ഉപയോ​ഗം, സത്യം വ്യക്തമാ​യി ഘോഷി​ക്കാ​നും പഠിപ്പി​ക്കാ​നും നമ്മെ സഹായി​ക്കു​ന്നു. കൂടാതെ വ്യാ​ജോ​പ​ദേ​ശ​ങ്ങ​ളും തിരു​വെ​ഴു​ത്തു​വി​രു​ദ്ധ​മായ മനുഷ്യ പാരമ്പ​ര്യ​ങ്ങ​ളും തുറന്നു​കാ​ട്ടാ​നും അത്‌ ഉപകരി​ക്കു​ന്നു.—2 തിമൊ. 2:15; 1 പത്രോ. 3:15.

2. തിരു​വെ​ഴു​ത്തു​കൾ എളുപ്പം കണ്ടുപി​ടി​ക്കാൻ നമ്മെ എന്തു സഹായി​ക്കും?

² ബൈബിൾ നന്നായി ഉപയോ​ഗി​ക്കാൻ പഠിക്കുക: ഏതൊരു ഉപകര​ണ​ത്തി​ന്റെ​യും കാര്യ​ത്തി​ലെ​ന്ന​പോ​ലെ, കൂടെ​ക്കൂ​ടെ കൈകാ​ര്യം​ചെ​യ്യു​മ്പോ​ഴാണ്‌ നാം ബൈബി​ളി​ന്റെ ഉപയോ​ഗ​ത്തിൽ സമർഥ​രാ​യി​ത്തീ​രു​ന്നത്‌. ബൈബിൾ പുറ​ത്തോ​ടു​പു​റം വായി​ക്കു​ന്ന​തി​ലൂ​ടെ അതിന്റെ പ്രതി​പാ​ദ്യ​വി​ഷയം സംബന്ധിച്ച്‌ ഒരു ആകമാന വീക്ഷണം നമുക്കു ലഭിക്കു​ന്നു. തിരു​വെ​ഴു​ത്തു​കൾ ഓർത്തി​രി​ക്കാ​നും പെട്ടെന്നു കണ്ടുപി​ടി​ക്കാ​നും അതു നമ്മെ സഹായി​ക്കും. അനൗപ​ചാ​രി​ക​മാ​യും വീടു​തോ​റും സാക്ഷീ​ക​രി​ക്കു​മ്പോൾ കൂടുതൽ ഉത്സാഹ​ത്തോ​ടെ​യും ബോധ്യ​ത്തോ​ടെ​യും സംസാ​രി​ക്കാ​നും നാം പ്രാപ്‌ത​രാ​യി​ത്തീ​രും.—1 തെസ്സ. 1:5.

3, 4. (എ) ബൈബി​ളി​ന്റെ ഉപയോ​ഗ​ത്തിൽ വൈദ​ഗ്‌ധ്യം നേടു​ന്ന​തി​നുള്ള ചില മാർഗ​ങ്ങ​ളേവ? (ബി) ഇതിനാ​യി മറ്റെ​ന്തെ​ങ്കി​ലും മാർഗങ്ങൾ നിങ്ങൾ പരീക്ഷി​ച്ചി​ട്ടു​ണ്ടോ?

³ സഭാ​യോ​ഗ​ങ്ങ​ളു​ടെ സമയത്ത്‌ സ്വന്തം ബൈബിൾ തുറന്ന്‌ വാക്യങ്ങൾ ഒത്തു​നോ​ക്കു​ന്നതു ശീലമാ​ക്കുക. വ്യക്തി​പ​ര​മായ പഠനം നടത്തു​മ്പോ​ഴും യോഗ​ങ്ങൾക്കു തയ്യാറാ​കു​മ്പോ​ഴും പരാമർശിത വാക്യങ്ങൾ എടുത്തു​നോ​ക്കി അവയെ​ങ്ങനെ ബാധക​മാ​കു​ന്നു എന്നതി​നെ​ക്കു​റി​ച്ചു ധ്യാനി​ക്കുക. ബൈബിൾവാ​ക്യ​ങ്ങൾ കമ്പ്യൂ​ട്ട​റിൽനി​ന്നോ ഒരു പേപ്പറിൽ പ്രിന്റ്‌ചെ​യ്‌ത്‌ എടുത്തി​ട്ടോ വായി​ക്കു​ന്ന​തി​നു പകരം ബൈബി​ളിൽനി​ന്നു നേരി​ട്ടു​വാ​യി​ക്കു​ന്നത്‌ പിന്നീട്‌ ശുശ്രൂ​ഷ​യിൽ ഏർപ്പെ​ടു​മ്പോൾ ആ വാക്യങ്ങൾ എളുപ്പം കണ്ടുപി​ടി​ക്കാൻ സഹായ​ക​മാ​ണെന്ന്‌ അനേകർ കണ്ടെത്തി​യി​രി​ക്കു​ന്നു.—യോഹ. 14:26.

⁴ ബൈബിൾവാ​ക്യ​ങ്ങൾ മനഃപാ​ഠ​മാ​ക്കാൻ ചില കുടും​ബങ്ങൾ സമയം വേർതി​രി​ച്ചി​രി​ക്കു​ന്നു. ഒരു വശത്ത്‌ തിരു​വെ​ഴു​ത്തു പരാമർശ​വും മറുവ​ശത്ത്‌ ആ വാക്യ​വും എഴുതി​യി​ട്ടുള്ള കാർഡു​കൾ ഇതിനാ​യി ഉപയോ​ഗി​ക്കാ​വു​ന്ന​താണ്‌. തിരു​വെ​ഴു​ത്തു​കൾ ഉദ്ധരി​ക്കാൻ അല്ലെങ്കിൽ അവ ബൈബി​ളിൽ എവി​ടെ​യാ​ണെന്നു പറയാൻ ഓരോ​രു​ത്തർക്കും കഴിയു​മോ​യെ​ന്ന​റി​യാൻ ഈ കാർഡു​കൾ എല്ലാവ​രും മാറി​മാ​റി ഉപയോ​ഗി​ക്കു​ന്നു. കൂടാതെ വയൽസേ​വ​ന​ത്തി​നുള്ള അവതര​ണങ്ങൾ നടത്തി​നോ​ക്കു​ന്ന​തും തടസ്സവാ​ദ​ത്തി​നോ ചോദ്യ​ത്തി​നോ ബൈബി​ളു​പ​യോ​ഗിച്ച്‌ ഉത്തരം നൽകാൻ പരിശീ​ലി​ക്കു​ന്ന​തും നമ്മുടെ വൈദ​ഗ്‌ധ്യം വർധി​പ്പി​ക്കും.

5. ബൈബിൾ ഉപയോ​ഗി​ക്കു​ന്ന​തിൽ നാം വിദഗ്‌ധ​രാ​യി​ത്തീ​രേ​ണ്ടത്‌ എന്തു​കൊണ്ട്‌?

⁵ ബൈബി​ളി​നോ​ടു കിടപി​ടി​ക്കുന്ന മറ്റൊരു ഗ്രന്ഥവു​മില്ല. ആളുകളെ “രക്ഷ പ്രാപി​ക്കു​ന്ന​തി​നു . . . ജ്ഞാനി​യാ​ക്കാൻ പര്യാ​പ്‌ത​മായ” വചനങ്ങൾ അടങ്ങിയ ഏക പുസ്‌ത​ക​മാണ്‌ അത്‌. (2 തിമൊ. 3:15) ബൈബി​ളി​ലെ അമൂല്യ​മായ നിക്ഷേ​പ​ത്തെ​ക്കു​റിച്ച്‌ മിക്കവർക്കും അറിയി​ല്ലാ​ത്ത​തി​നാൽ, അതിലെ വിവരങ്ങൾ അവർക്കു പകർന്നു​കൊ​ടു​ക്കാ​നാ​യി നാം നമ്മുടെ വൈദ​ഗ്‌ധ്യം വർധി​പ്പി​ക്കേ​ണ്ട​തുണ്ട്‌.—സദൃ. 2:1-5.