Salmi

145 Jien se ngħollik bit-​tifħir, O Alla tiegħi s-​Sultan,+

U se nbierek lil ismek għal żmien indefinit, iva, għal dejjem.+

 2 Il-jum kollu se nbierkek+

U nfaħħar ismek għal żmien indefinit, iva, għal dejjem.+

 3 Ġeħova hu kbir u jistħoqqlu kull tifħir,+

U l-​kobor tiegħu ma jistax jinkixef.+

 4 Ġenerazzjoni wara ġenerazzjoni se tfaħħar xogħlijietek,+

U dwar l-​atti setgħanin tiegħek se jitkellmu.+

 5 Fil-ġmiel glorjuż tad-​dinjità tiegħek+

U fl-​aspetti taʼ l-​għemejjel tiegħek taʼ l-​għaġeb se nkun moħħni jien.+

 6 U se jitkellmu dwar il-​qawwa taʼ l-​affarijiet tiegħek li jqanqlu l-​biżaʼ;+

U jien inxandar il-​kobor tiegħek.+

 7 Għall-abbundanza tat-​tjubija tiegħek huma se jbaqbqu,+

U minħabba s-​sewwa tiegħek jgħajtu bil-​ferħ.+

 8 Ġeħova grazzjuż u ħanin,+

Bil-​mod biex jirrabja u kbir fil-​qalb tajba bl-​imħabba.+

 9 Ġeħova hu tajjeb maʼ kulħadd,+

U l-​ħniniet tiegħu huma fuq xogħlijietu kollha.+

10 Xogħlijietek kollha se jfaħħruk, O Ġeħova,+

U dawk leali lejk iberkuk.+

11 Dwar il-​glorja taʼ saltnatek se jitkellmu,+

U jgħidu dwar is-​setgħa tiegħek,+

12 Biex lil ulied il-​bnedmin jgħarrfuhom l-​atti setgħanin tiegħu+

U l-​glorja tal-​ġmiel taʼ saltnatu.+

13 Saltnatek hi saltna għal dejjem,+

U d-​dominju tiegħek huwa għall-​ġenerazzjonijiet kollha.+

14 Ġeħova qed iżomm lil kulmin qed jaqaʼ,+

U qed iqajjem lil kulmin hu mtaqqal.+

15 Għajnejn il-​ħlejjaq kollha jħarsu lejk mimlijin tama,+

U int qed tagħtihom l-​ikel fl-​istaġun tiegħu.+

16 Int qed tiftaħ idek+

U tissodisfa x-​xewqa taʼ kull ħaġa ħajja.+

17 Ġeħova hu ġust fi triqatu kollha+

U leali fl-​għemejjel kollha tiegħu.+

18 Ġeħova hu qrib dawk kollha li jsejħulu,+

Dawk kollha li jsejħulu bil-​verità.+

19 Hu se jwettaq ix-​xewqa taʼ dawk li jibżgħu minnu,+

U se jismaʼ l-​għajta tagħhom għall-​għajnuna u jsalvahom.+

20 Ġeħova qed iħares lil kulmin iħobbu,+

Imma lill-​ħżiena kollha se jeqridhom għalkollox.+

21 Tifħir lil Ġeħova se jxandar fommi;+

U ħa tbierek kull ħliqa tal-​laħam lill-​isem qaddis tiegħu għal żmien indefinit, iva, għal dejjem.+