१० “यहोवा तिमीहरूका परमेश्‍वरले तिमीहरूका पुर्खा अब्राहाम, इसहाक र याकुबलाई दिन्छु भनेर कसम खानुभएको देशमा+ तिमीहरूलाई पुऱ्‍याउनुभएपछि त्यहाँ तिमीहरूले ठूलठूला र सुन्दर सहरहरू पाउनेछौ, जसलाई तिमीहरूले बनाएका होइनौ;+ ११ तिमीहरूले असल-असल थोकहरूले भरिएको घर पाउनेछौ, जसको निम्ति तिमीहरूले मेहनत गर्नै परेन; तिमीहरूले इनार पाउनेछौ, जसलाई तिमीहरूले खन्‍नै परेन; तिमीहरूले अङ्‌गुर र जैतुनको बगान पाउनेछौ, जसलाई तिमीहरूले रोप्नै परेन। अनि त्यहाँ तिमीहरूले नअघाउन्जेल खानेछौ र सन्तुष्ट हुनेछौ।+ १२ तब होसियार रहनू! तिमीहरूलाई दासत्वको घर—मिश्रबाट छुटाएर ल्याउनुहुने यहोवा परमेश्‍वरलाई नबिर्सनू।+

 ४ क्रोधको दिनमा धनसम्पत्तिले बचाउनेछैन+

तर धार्मिकताले मानिसलाई मृत्युबाट जोगाउनेछ।+

२८ धनसम्पत्तिमा भरोसा राख्ने मानिसको पतन हुन्छ+

तर धर्मी मानिसको फलिफाप हुन्छ।*+

 ४ धन कमाउन बेसरी घोटिने नगर,+

त्यसो गर्न छोड र सुझबुझ देखाऊ।*

 ५ तिमीले नजर लगाउन नपाउँदै त्यो धनसम्पत्ति हराइहाल्छ।+

किनकि त्यसमा पखेटा लाग्छ र चील आकाशतिर उडेझैँ त्यो उडेर गइहाल्छ।+

१९ “आफ्नो निम्ति पृथ्वीमा धनसम्पत्ति थुपार्न छोडिहाल,+ जहाँ त्यसलाई किरा र खियाले खान्छ अनि चोरहरूले फोरेर लैजान्छन्‌।

२४ “कोही पनि दुई मालिकको दास बन्‍न सक्दैन किनकि उसले एक जनालाई घृणा र अर्कोलाई प्रेम गर्नेछ+ अथवा ऊ एक जनासित टाँसिनेछ र अर्कोलाई तुच्छ ठान्‍नेछ। तिमीहरू परमेश्‍वर र धनसम्पत्ति दुवैको दास बन्‍न सक्दैनौ।+

३६ हुन पनि कुनै मानिसले सारा संसार प्राप्त गर्छ तर आफ्नो ज्यान* गुमाउँछ भने उसलाई के फाइदा हुन्छ र?+

१५ तब उहाँले मानिसहरूलाई भन्‍नुभयो: “तिमीहरूका आँखा खुला राख र हरप्रकारको लोभबाट आफूलाई जोगाओ+ किनभने मानिस जति नै सम्पन्‍न भए तापनि त्यसले उसलाई जीवन दिँदैन।”+

१७ जो यस वर्तमान युगमा* धनी छन्‌, तिनीहरूलाई के निर्देशन* देऊ भने तिनीहरू अभिमानी नहोऊन्‌ अनि आफ्नो आशा अस्थिर धनसम्पत्तिमा होइन+ तर परमेश्‍वरमा राखून्‌, जसले हामीले आनन्द उठाइरहेको सबै चिज हामीलाई प्रशस्तगरि दिनुहुन्छ।+

१६ किनकि संसारमा भएको जुनसुकै थोक अर्थात्‌ शरीरको अभिलाषा,+ आँखाको अभिलाषा+ र तडकभडक * बुबाबाट होइन तर संसारबाट आउँछ।