१५ हे यहोवा, तपाईँको पालमा कसले बास पाउला?

तपाईँको पवित्र डाँडामा को बस्न पाउला?+

 २ त्यो मानिस, जसले निर्दोष* जीवन बिताउँछ,+

जसले असल काम गर्छ+

र मनैदेखि सत्य बोल्छ।+

 ३ त्यो मानिस, जसले निन्दा गर्दैन,+

छिमेकीको खराबी गर्दैन+

र साथीहरूको बेइज्जत गर्दैन।*+

 ४ त्यो मानिस, जसले नीच मानिसलाई तिरस्कार गर्छ+

तर यहोवाको डर मान्‍नेलाई आदर गर्छ

र आफ्नै हानि भए पनि आफ्नो वचन* पूरा गर्छ।+

 ५ त्यो मानिस, जसले पैसा ब्याजमा लगाउँदैन,*+

जसले निर्दोष मानिसविरुद्ध घुस लिँदैन।+

यस्ता कामहरू गर्ने कहिल्यै डग्नेछैन।*+

 ४ तर मैले यहोवासित एउटा कुरा मागेको छु,

—मैले चाहेको पनि यही हो—

यहोवाको शोभा हेर्न

र कृतज्ञ भई* उहाँको मन्दिरलाई हेर्न+

जीवनभर यहोवाको भवनमा* रहन पाऊँ।+

८४ हे सेनाहरूका परमेश्‍वर यहोवा,

तपाईँको भव्य वासस्थान* कत्ति प्रिय!+

 २ तपाईँको चोकमा जान

म एकदमै इच्छा गर्छु;

त्यसको तिर्सनाले म मुर्छा पर्न लागिसकेँ।+

मेरो तन र मन दुवैले चर्को स्वरमा जीवित परमेश्‍वर यहोवाको जयजयकार गाउँछ।

 ३ हे मेरा परमेश्‍वर र मेरा राजा;

हे सेनाहरूका परमेश्‍वर यहोवा, तपाईँको भव्य वेदीसामु

चराचुरुङ्‌गी पनि बास गर्छन्‌,

गौँथलीले त्यहाँ गुँड बनाउँछे

अनि आफ्ना बचेराहरूलाई त्यहीँ हुर्काउँछे।

 ४ आनन्दित हुन्‌ ती मानिसहरू, जसले तपाईँको भवनमा बास गर्छन्‌;+

तिनीहरू निरन्तर तपाईँको प्रशंसा गर्छन्‌।+ (सेला)

१० तपाईँको मन्दिरको चोकमा बिताएको १ दिन अरू ठाउँमा बिताएको १,००० दिनभन्दा उत्तम हुन्छ!+

दुष्टको पालमा बस्नुभन्दा त

तपाईँको भवनको ढोके हुनु नै मलाई मन पर्छ।