के तपाईंले बाइबल अध्ययन गर्ने तरिका देखाउनुभएको छ?
बाइबल अध्ययनको प्रस्ताव राख्दा केही घरधनीहरू आफूलाई चासो नभएको वा आफ्नै चर्चमा बाइबल अध्ययन गरिरहेको कुरा बताउँछन्। बाइबल अध्ययन भन्नेबित्तिकै उनीहरूको बुझाइ आफ्नै अनुभवमा आधारित हुने भएकोले बाइबल अध्ययन गर्नु कत्तिको शिक्षाप्रद र रमाइलो हुन्छ, त्यसबारे उनीहरूलाई थाहै हुँदैन। त्यसैले बाइबल अध्ययनको प्रस्ताव मात्र राख्नुको सट्टा बाइबल अध्ययन गर्ने तरिका देखाउन दुई-चार मिनेट लिए कसो होला? उदाहरण दिनुपर्दा, म मीठो खाना पकाउँछु भन्दै अर्कोचोटि मीठो खाना लिएर आउने प्रस्ताव मात्र नराख्नुहोस्; त्यति नै खेर चाख्न पनि दिनुहोस्! जनवरी २००६ को हाम्रो राज्य सेवकाई, पृष्ठ ६ मा पाइने सुझाव प्रयोग गर्दै केही मिनेटमै यसो गर्न सक्ने यो तरिका विचार गर्नुहोस्:
हामीले सुनाउने सन्देशमा ती व्यक्ति साँच्चै इच्छुक छन् भन्ने पक्का भएपछि तपाईं यसो भन्न सक्नुहुन्छ: “के तपाईंलाई यी शब्दहरू पूरा हुने दिन कहिल्यै आउला जस्तो लाग्छ? [यशैया ३३:२४ पढ्नुहोस् र जवाफ दिने मौका दिनुहोस्।] म तपाईंलाई यस विषयमा केही रोचक कुरा देखाउँछु।” घरधनीलाई बाइबलले सिकाउँछ किताब दिनुहोस् र पृष्ठ ३६ को अनुच्छेद २२ देखाउनुहोस्। उक्त पृष्ठको पुच्छारमा भएको प्रश्न पढ्नुहोस् र तपाईंले अनुच्छेद पढ्दा त्यस प्रश्नको जवाफ पत्ता लगाउन घरधनीलाई आग्रह गर्नुहोस्। त्यसपछि त्यो प्रश्न फेरि सोध्नुहोस् र घरधनीको टिप्पणी सुन्नुहोस्। अरू शास्त्रपदहरू सँगै पढ्नुहोस्। अर्को चोटी आउँदा जवाफ दिनको लागि एउटा प्रश्न खडा गर्नुहोस् र फेरि भेट्ने निश्चित प्रबन्ध मिलाउनुहोस्। तपाईंको एउटा बाइबल अध्ययन सुरु भयो!