Yobu

30 “Tsopano anthu amene ndi ana aang’ono poyerekeza ndi ine,+

Akundiseka.+

Anthu amene abambo awo sindikanalola

Kuwaika pamodzi ndi agalu oweta nkhosa zanga.

 2 Ngakhale mphamvu za manja awo zinali zopanda ntchito kwa ine.

Ndiponso nyonga zawo zatha.+

 3 Chifukwa cha njala ndiponso kusowa, iwo ali ngati akufa.

Amatafuna dera lopanda madzi,+

Limene dzulo kunali mphepo yamkuntho ndi chiwonongeko.

 4 Iwo anali kubudula chitsamba cha mchere m’tchire,

Ndipo mizu ya timitengo ndiyo inali chakudya chawo.

 5 Ankathamangitsidwa m’mudzi.+

Anthu ankawakuwiza ngati mbala.

 6 Iwo amakhala m’malo otsetsereka a m’zigwa,*

M’maenje a m’nthaka ndi m’matanthwe.

 7 Amalira mokuwa ali pakati pa zitsamba,

Amaunjikana pansi pa zitsamba zaminga.

 8 Ana a munthu wopusa,+ komanso ana a munthu wopanda dzina.

Iwo akwapulidwa n’kuthamangitsidwa m’dziko.

 9 Tsopano ine ndakhala mutu wa nyimbo yawo,+

Ndipo kwa iwo ndine chinthu choseketsa.+

10 Akunyansidwa nane, ndipo akukhala patali ndi ine.+

Sakuzengereza kundilavulira kumaso.+

11 Pakuti iye anakhwefula chingwe cha uta wanga n’kunditsitsa,

Ndipo zingwe za pakamwa pa hatchi,* iwo anazisiya zomasula chifukwa cha ine.

12 Iwo aimirira kudzanja langa lamanja ngati kagulu ka anthu oipa.

Amasula mapazi anga,

Koma andiikira zopinga zovulaza kwambiri.+

13 Iwo awononga njira zanga.

Anangondibweretsera mavuto,+

Popanda aliyense wowathandiza.

14 Amabwera ngati akudutsa pampata waukulu,

Amakokoloka ndi madzi a mvula yamkuntho.

15 Zoopsa zadzidzidzi zandibwerera.

Ulemerero wanga wachoka ngati kuti wauluzika ndi mphepo,

Ndipo chipulumutso changa chapita ngati mtambo.

16 Tsopano moyo wanga ukukhuthuka mwa ine.+

Masiku a masautso+ ali pa ine.

17 Usiku mafupa anga+ amabooledwa n’kugwa pansi.

Zowawa zonditafuna sizipuma.+

18 Chifukwa cha kuchuluka kwa mphamvu, chovala* changa chimasintha,

Ndipo chimandithina ngati kolala yothina.

19 Iye wanditsitsa mpaka m’dothi,

Moti ndikukhala ngati fumbi ndi phulusa.

20 Ndimafuulira kwa inu kuti mundithandize, koma simundiyankha.+

Choncho ndaimirira kuti mundimvere.

21 Mwasintha n’kukhala wankhanza kwa ine.+

Ndi mphamvu yonse ya dzanja lanu, mwandisungira chidani.

22 Mwandiuluza ndi mphepo, mwandinyamula nayo.

Kenako mwandisungunula ndi mkokomo wake.

23 Pakuti ndikudziwa bwino kuti mudzandibwezera ku imfa,+

Kunyumba yosonkhanako aliyense wamoyo.

24 Koma palibe amene amatambasula dzanja lake polimbana ndi mulu wa zinthu zowonongeka.+

Komanso pa kuwonongeka kwa munthu, palibe amene amapempha thandizo la zinthu zimenezo.

25 Ndithu, ndalirira munthu amene zinthu sizikumuyendera bwino.+

Moyo wanga walirira munthu wosauka.+

26 Ngakhale kuti ndinkadikirira zabwino, zoipa n’zimene zinabwera.+

Ndinkadikirira kuwala, koma kunabwera mdima.

27 Matumbo anga anawira ndipo sanakhale chete.

Masiku a masautso anandipeza.

28 Ndinayendayenda mwachisoni+ pamene kunalibe kuwala.

Ndinaimirira mumpingo, ndipo ndinkangofuula popempha thandizo.

29 Ndinakhala m’bale wake wa mimbulu,

Ndi mnzawo wa ana aakazi a nthiwatiwa.+

30 Khungu langa linakhala lakuda+ ndipo linayoyoka pathupi panga.

Mafupa anga anatentha chifukwa chouma.

31 Zeze wanga anangokhala wolirirapo,

Ndipo chitoliro changa chinangokhala choimbapo mawu a anthu olira.