Koheleta

12 E TENANA e akamanako i Tei anga ia koe i to ou anga ra, kare i tae ki te au rā kino ra, e kare i tae ki te au mataiti, e karangaʼi koe ra e, Kare rava oku e mataora anga:

2 E kare rai te rā e te mārama, e te marama, e te au etu, i poiri, e kare rai i oki te au tumurangi i te ua i mao ra:

3 E kare rai i tae ki te rā e ruketekete ei te aronga i tiaki i te are, e piko ei oki te aronga maroiroi ra ki raro; e kore ei oki te au tavini e taviri ra, no te mea kua iti, e tei na roto i te māramārama i te akara ra, kua popaniia ïa i te poiri;

4 E kua topiriia nga ngutupa i te arataa ra, e kare i kitea te aruru o te taviri anga ra; kia tu ua ki runga i te tangi o te manu ra, e kua tuku akaakaia te au tamaine atu peʼe ra;

5 Kia mataku i te au ngai teitei, e kia matakuia te arataa ra; kia ruperupe oki te sekadi ra, e teiaa oki te kereteki ra, e te kaki ra e kore roa ïa; kia riro te tangata ki tona nooanga roa, e kia aere te aronga aue ra na roto i te au arataa:

6 E kare rai te taura ario i tuku paruparuia, e kare te kapu auro i ngaa, e kare te ue i ngaa i te punavai ra, e kare te porotata i ngaa i te āriki.

7 Ei reira te one-pueu e oki ei ki raro i te enua no reira aia ra, e oki ra te vaerua ki te Atua i oronga maira.

8 Te tuatua nei te Orometua, E mea puapinga kore maata teia; e mea puapinga kore te au mea katoa nei.

9 Te maata ra te pakari o te Orometua, te maata ra tana apii anga ki te tangata kia kite; e kua kimi tikai, e kua akamakitoro marie aia, kua akapapa marie i te maseli e manganui.

10 Kua kimi te Orometua kia kitea te tuatua te ka ārikiia ra: e ko tei tataia ra, e mea tiratiratu ïa, e te tuatua-mou.

11 E tau te tuatua a te aronga pakari ra ki te ko e mei te nairo akamou meitakiia ra e te aronga e uipa ra; kua akonoia ïa e te Tiaki okotai ra.

12 E teianei kia akarongo koe, e taku tamaiti, ia ratou: kia akapapa tini i te buka ra, kare e akaeaanga, e roiroi te kopapa ra kia maata te kimi i te tuatua.

13 E akarongo ana tatou i te akaotianga o taua au tuatua katoa nei; Ko te Atua te mataku atu, e akono oki i tana au akauenga: ko ta te tangata katoa ïa e pini ua ake.

14 E apai oki te Atua i to au tuatua katoatoa ki te akavaanga, e te au mea ngaro katoa ra, te au mea meitaki, e te kino katoa ra.