Sauniga o le Auaunaga mo Aokuso

MĀTAU: E mafai e faapotopotoga ona faia ni fesuiaiga pe a manaomia ina ia mafai ai ona auai i le Tauaofiaga Itumalo “O Avefeau o le Filemu,” ona sosoo ai lea ma se autaluga e 30 minute o mea tāua o le polokalame i le Sauniga o le Auaunaga i le vaiaso e sosoo ai. O le autaluga o aso taitasi o le polokalame o le tauaofiaga itumalo, e tatau ona tofia a o mamao le taimi i ni uso agavaa se toalua po o se toatolu, o ē o le a mafai ona taulai atu i manatu e sili ona tāua. O lenei autaluga saunia lelei o le a fesoasoani i le faapotopotoga e manatua ai manatu autū mo le faatatauina totino, ma le faaaogaina i le fanua. O tali mai le aofia ma faamatalaga i ni mea na tutupu e tatau ona faapupuu ma ia fana saʻo i le manatu tāua.

Vaiaso e Amata ia Aokuso 5

Pese 18 (162)

10 minu: Faasilasilaga masani a le faapotopotoga. Faasilasilaga e fili mai i La Tatou Faiva o le Malo.

20 minu: “Tauaofiaga Itumalo o le 1996 ‘O Avefeau o le Filemu Mai le Atua.’” Lauga mai le faaopoopoga.

15 minu: “Folafola le Tala Lelei o le Malo e Ala i Polosiua.” (Palakalafa 1-5) Faaaogā le uluai palakalafa e faatomua ai le lauga. Ia fai ni faaopoopoga faalaeiau e uiga i aogā o le faaaogaina o polosiua Ola i Le Lalolagi ma le “Faauta!” i le faiva. Faatulaga ni faataitaiga saunia lelei se fa, e faaalia ai le auala e mafai ona taulimaina ai ni uluai asiasiga ma ni toe asiga i polosiua nei. Ia faataitai e se tagata talaʻi laitiiti o loo galulue ma sona matua ia taulimaga i le polosiua Ola i Le Lalolagi. Atonu e mananao le ʻau talaʻi e saunia a latou lava taulimaga o isi polosiua e faavae mai i taulimaga ia ua fautuaina iinei.

Pese 21 (191) ma le tatalo faaiu.

Vaiaso e Amata ia Aokuso 12

Pese 22 (130)

15 minu: Faasilasilaga masani a le faapotopotoga. Tala o le tupe. Ia faaaofia ai ni faaopoopoga faalaeiau i “Auala e Fai ai le Foai,” i Le Olomatamata o Tesema 1, 1993, itulau e 29-31.

15 minu: “Folafola le Tala Lelei o le Malo e Ala i Polosiua.” (Palakalafa 6-8) Talanoa puupuu i manatu atoa o loo iai i le polosiua o le Malo. Faataitai taulimaga ua fautuaina mo le uluai asiasiga ma le toe asiga. Faalaeiau tagata uma ina ia toe asia tagata uma na tuu ai polosiua.

15 minu: “Aua le Mapu i le Folafolaina Atu o le Tala Lelei.” Lauga ma se talanoaga ma le aofia. Ia faaaofia ni manatu mai le Insight on the Scriptures, Tusi 2, itulau e 673, palakalafa 1.

Pese 15 (127) ma le tatalo faaiu.

Vaiaso e Amata ia Aokuso 19

Pese 28 (224)

10 minu: Faasilasilaga masani a le faapotopotoga. Autalu le Pusa Fesili.

15 minu: “O Ai ua Agavaa e Talaʻi?” Ia talanoaina e se toeaina ma ni tagata talaʻi se toalua po o se toatolu le mataupu. Ia faamamafa e faapea o loo tatou mauaina le toleniga e aupito sili ona lelei ua mafai ona maua, ua faaauupegaina atoatoa ai i tatou e avea o faifeau a le Atua. E leai se mafuaaga e tatou te lagona ai faapea e tatou te lei agavaa e talaʻi.

10 minu: “Foai Tauofo i le Galuega a le Sosaiete i le Lalolagi Aoao e Lagolagosua i le Faatelega.” Se lauga aasa e faia e se toeaina. Ia faaaofia ai ma ni fuainumera faamaumauina i le agaigai i luma ua iai le galuega o le Malo i nisi o atunuu ua taʻua e pei ona lipotia mai i le Yearbook.

Pese 8 (53) ma le tatalo faaiu.

Vaiaso e Amata ia Aokuso 26

Pese 11 (85)

10 minu: Faasilasilaga masani a le faapotopotoga. Autalu le “Polokalame Fou o le Aso Faapitoa o Fonotaga.” Ia faasilasila atu ni fuafuaga mo le auaunaga i le fanua mo le faaiuga o le vaiaso.

10 minu: “Le Auala e Faia ai Soo e Ala i le Tusi o Le Poto.” Ia talanoa ma le aofia le palakalafa e 17-26 o le faaopoopoga o La Tatou Faiva o le Malo o Iuni, 1996. Ia sauniuni mamao ina ia faaaofia ai ni mea na tutupu ia i latou o loo faia suesuega i le tusi o Le Poto. E mafai ona latou faia ni faamatalaga mautinoa e uiga i le auala ua latou faatatauina ai fautuaga o loo aumaia i le faaopoopoga, ma le auala na fesoasoani ai ia i latou e faia ni suesuega faale-Tusi Paia e sili ona agaigai i luma i aiga. Faalaeiau i tagata uma ina ia teu le faaopoopoga ma autalu e le tagata lava ia i so o se taimi e latou te amataina ai se suesuega fou.

15 minu: Autalu Lomiga mo le Ofo ia Setema. O le a tatou faaaogaina le tusi Faia o Lou Olaga Faaleaiga ia Fiafia po o le E Mafai ona E Ola e Faavavau i Parataiso i Le Lalolagi. Ia faataitai le aogā tele o nei lomiga. Ia faataitaia e se tagata talaʻi tomai se taulimaga puupuu o le tusi Olaga Faaleaiga.

Pese 12 (113) ma le tatalo faaiu.