Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Me 1 e oo ia Aokuso 21, 2000. Faaaogā se pepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava saʻiliʻiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga nei i le Saʻo po o le Sesē:

1. O le tali atu a Kitiona i faamatalaga lē tonu na osofaʻi mai ai tane o Efaraima na atagia atu ai lona agamalū ma le lotomaulalo ma na liliu ese mai a latou faitioga lē saʻo ae faatumauina le filemu. (Faama. 8:1-3) [Faitau Tusi Paia faalevaiaso]

2. E ui ina faapea mai Manoa “ua ta vaaia le Atua,” ae o le mea moni sa vaai totino o ia ma lana avā i le fofoga fetalai mo le Atua ua liu tino mai ae lē o Ieova lava ia. (Faama. 13:22) [Faitau Tusi Paia faalevaiaso; tagaʻi i le w88-E 5/15 itu. 23 pala. 3.]

3. I le Faamasino 5:31, o le faaupuga “o e ua alolofa atu” e faasino faavaloaga atu i suli o le Malo e 144,000. [bsi00 itu. 6 pala. 10]

4. E leai ni vaega o le tusi o Ruta na maua faatasi ma Tusi Taai o le Sami Mate. [bsi00 itu. 7 pala. 3]

5. O loo faasino atu le Faamasino 21:25 i se vaitaimi na tuua ai e Ieova le nuu o Isaraelu e aunoa lava ma so o se taʻitaʻiga. [Faitau Tusi Paia faalevaiaso; tagaʻi i le w95 6/15 itu. 22 pala. 16.]

6. O faatagata o kerupi i luga o le atolaau o le feagaiga ua faaalia mai ai le faatasi faatupu o Ieova, o lē ua faapea mai “o loo afio i le va o kerupi.” (1 Samu. 4:4) [Faitau Tusi Paia faalevaiaso; tagaʻi i le w82 2/1 itu. 16 pala. 7.]

7. Ina ua ʻaia e fitafita a Saulo le toto i se tulaga mataʻutia ae na lē faasalaina, na faaalia ai i lenei mea faapea e iai lava mafuaʻaga tonu mo sina taimi e lē amanaʻia ai tulafono tauatua ina ia puipuia ai le ola o se tasi. (1 Samu. 14:24-35) [Faitau Tusi Paia faalevaiaso; tagaʻi i le w94 4/15 itu. 31 pala. 7-9.]

8. E ui ina faafesootaʻi e nisi le upu “faatauanau” ma taaʻiga lē lelei ma le matapoto, ae e mafai ona faaaogāina i se uiga mautinoa ina ia faamatalaina ai le manatu o le faatalitonu ma le faatupuina o se suiga o le mafaufau e ala i ni fefulisaʻiga o manatu e lelei ma aogā. (2 Timo. 3:14, 15) [w98 5/15 itu. 21 pala. 4]

9. “O le taʻui o le ola” e faasino atu i le sauniuniga tauatua o le puipuia ma le faasaoina, lea o le a faamanuiaina ai Tavita pe afai na te ʻalofia le nofosala i le toto i luma o fofoga o le Atua. (1 Samu. 25:29) [Faitau Tusi Paia faalevaiaso; tagaʻi i le w91 10/15 itu. 14 pala. 3.]

10. O le feagaiga o le Malo faa-Tavita, lea o loo faasino i ai i le 2 Samuelu 7:16, na faamaʻoti mai le gafa o le Fanau e oo atu i le Mesia ma na avea o se faamaoniga faaletulafono faapea o se tasi mai le gafa o Tavita o le a oo mai ina ia pule “e faavavau.” [Faitau Tusi Paia faalevaiaso; tagaʻi i le w89 12/1 itu. 11 pala. 21, 22.]

Tali fesili ia o loo mulimuli mai:

11. O le ā le faamautinoa ua saunia mai e le Salamo 34:18? [w98 4/1 itu. 31 pala. 2]

12. O le ā ua faaalia e le mea moni faapea o le igoa fai o Iosefa o Panapa? (Galu. 4:36) [w98 4/15 itu. 20 pala. 3, faamatalaga pito i lalo.]

13. Aiseā ua faapea mai ai le tala a le Tusi Paia na faasili e Eli ona atalii na i lo le āva ia Ieova? (1 Samu. 2:12, 22-24, 29) [Faitau Tusi Paia faalevaiaso; tagaʻi i le w96 9/15 itu. 13 pala. 14.]

14. Aiseā e ao ai ona faamalosia e le tusi o Ruta lo tatou mautinoa i folafolaga a le Malo? [bsi00 itu. 8 pala. 5]

15. E tusa ai o le 1 Samuelu 1:1-7, o le ā le faaaʻoaʻoga matilatila na faataatia e le aiga o Samuelu? [Faitau Tusi Paia faalevaiaso; tagaʻi i le w98 3/1 itu. 16 pala. 12.]

16. I le ā le uiga e mafai ona faapea atu ai e ‘pepelo le oa’? (Mata. 13:22) [w98 5/15 itu. 5 pala. 1]

17. Na faapefea ona faaalia e Ionatana, e ui ina matua, le amanaʻiaina o lē faauuina a Ieova, o Tavita, ma o le ā ua faaāta mai e lenei mea i aso nei? (1 Samu. 18:1, 3, 4) [Faitau Tusi Paia faalevaiaso; tagaʻi i le w89-E 1/1 itu. 24, 26 pala. 4, 13.]

18. E ui ina “sao lana amio ma le amiotonu,” ae faapefea ona faaalia e le tusi o Iopu e leʻi uiga lenei mea faapea sa lelei atoatoa Iopu? (Iopu 1:8) [w98 5/1 itu. 31 pala. 1]

19. O le ā o loo faauiga i ai le faaupuga “ia outou finafinau”? (Luka 13:24) [w98 6/15 itu. 31 pala. 1, 4]

20. A o tatou galulue faatasi ma isi, o le ā le lesona tāua e mafai ona aveina i o tatou loto, e pei ona faamauina i le 2 Samuelu 12:26-28? [Faitau Tusi Paia faalevaiaso; tagaʻi i le w93 12/1 itu. 19 pala. 19.]

Tuu ane le upu, ni upu po o se fasi fuaiupu manaʻomia e faauma ai fuaiupu nei:

21. O le matuā taʻusalaina e Ieova o le tapuaʻiga ia Paala e ao ona uunaʻia ai i tatou e tutū matilatila ese mai i ona uiga tutusa faaonaponei o le ․․․․․․․․, ․․․․․․․․, ma ․․․․․․․․. (Faama. 2:11-18) [bsi00 itu. 6 pala. 8]

22. O aso o Samuelu na gata ai le vaitaimi o ․․․․․․․․ ma amata ai le vaitaimi o ․․․․․․․․ ma iʻu ina mulimuli ane ai lē toe mauaina e Isaraelu le finagalo malie o Ieova. [bsi00 itu. 8 pala. 1]

23. O le suafa tauatua, o Ieova, o lona uiga “․․․․․․․․” ma o lona uiga faapea e mafai e Ieova ona faataunuuina so o se matafaioi lava e manaʻomia ina ia faataunuuina ai ana ․․․․․․․․. [w98 5/1 itu. 5 pala. 3]

24. Na lē taulau uma Eli ma Saulo i le uiga faapea o le isi na ․․․․․․․․ ona gaoioi a o le isi na gaoioi ma le ․․․․․․․․. [bsi00 itu. 9 pala. 7]

25. O le tala faatusa a Iesu i le tuaoi Samaria ua faaalia ai faapea o le tagata e amiotonu moni o lē e lē gata ina usitai i ․․․․․․․․ a le Atua ae e faataʻitaʻi foʻi i ona ․․․․․․․․. (Luka 10:29-37) [w98 7/1 itu. 31 pala. 2]

Fili le tali saʻo i faamatalaga ia o loo mulimuli mai:

26. O le maoaʻe o le tulaga o le (atamai; malosi; alofa) o Ieova o loo faaalia i lona filifilia o le fafine Moapi o (Ruta; Naomi; Orepa), o lē sa tapuaʻi muamua ia (Paala; Kimosa; Takono), ae ua liliu mai i le tapuaʻiga moni ma avea o se tasi na tupuga mai ai Iesu Keriso. (Mata. 1:3, 5, 16) [bsi00 itu. 7 pala. 1]

27. Na iʻu le vaitaimi o le pulea o Isaraelu e faamasino ina ua faauuina (Samuelu; Tavita; Saulo) e avea ma tupu ma e leʻi umi mulimuli ane ae faatoʻilaloina loa (sa Amonī; sa Moapi; ʻau Filisitia) faatasi ai ma le lagolagosua a Ieova. (1 Samu. 11:6, 11) [Faitau Tusi Paia faalevaiaso; tagaʻi i le w95 12/15 itu. 9 pala. 2–itu. 10 pala. 1.]

28. O (le aposetolo o Paulo; lona tamā; lona tinā ma le tinā o lona tinā) sa taulamua i le aʻoaʻoina o Timoteo i “tusi paia” seʻia oo ina la vaai atu ua avea o ia ma se misionare ma se ovasia e sili ona lelei. (2 Timo. 3:14, 15; Fili. 2:19-22) [w98 5/15 itu. 8 pala. 3–itu. 9 pala. 5]

29. O le faiva mai lava i le laitiiti o (Tavita; Samuelu; Ionatana) e ao ona faamalosia ai le ʻautalavou ina ia auai i le faiva i aso nei, ma o lona faaauau e aunoa ma le taofia seʻi oo i le iʻuga o lona soifua, e ono faamalosia ai foʻi i latou ua fai ifo le malosi ma āfu le soifua. [bsi00 itu. 10 pala. 10]

30. O le vaitaimi o loo aofia ai i le tusi o 2 Samuelu e mai le (1077 seʻi oo mai pe tusa o le 1040; 1077 seʻi oo mai pe tusa o le 1037; 1070 seʻi oo mai pe tusa o le 1040) T.L.M. [bsi00 itu. 11 pala. 3]

Faafetaui mau ia o loo mulimuli mai i faamatalaga o loo lisiina i lalo:

Faama. 11:30, 31; 1 Samu. 15:22; 30:24, 25; 2 Tu. 6:15-17; Iako. 5:11

31. Ua saunia mai e Ieova le faamautinoaga faapea o le a ia faaaogāina ana ʻau faalelagi ina ia puipuia ona tagata e tusa ma lona finagalo. [w98 4/15 itu. 29 pala. 5]

32. Ua iai i ovasia o le faapotopotoga le tiute tauave ina ia pipii mau i a latou maliega e ui lava i nisi taimi e tigā ma faigatā. [w99 9/15 itu. 10 pala. 3-4]

33. O le tumau i le faamaoni i lalo o tofotofoga e taʻitaʻia atu ai i taui sili mai i a Ieova le Atua. [w98 5/1 itu. 31 pala. 4]

34. O le alofa moni i le Atua e manaʻomia ai le usiusitai i taʻitaʻiga tauatua na i lo le na ona ofoina atu o taulaga. [Faitau Tusi Paia faalevaiaso; tagaʻi i le w96 6/15 itu. 5 pala. 1.]

35. E faaalia e Ieova le talisapaia loloto mo i latou o loo auauna i matafaioi e lagolagosua i lana faalapotopotoga i aso nei. [Faitau Tusi Paia faalevaiaso; tagaʻi i le w86-E 9/1 itu. 28 pala. 4.]