Purogiramu Itsva Yegungano Redunhu
1 Musoro uchakudziridzwa mupurogiramu itsva yegugano redunhu rinotanga muna October ndowokuti “Rambai Makamuka, Mirai Makasimba, Ivai Nesimba.” Wakavakirwa pamashoko omuapostora Pauro ekurudziro kuvaKristu vomuzana rokutanga ramakore akanyorwa pana 1 VaKorinte 16:13, NW.
2 Purogiramu yacho ichavamba nokusimbisa kudikanwa kwedu kwenguva dzose kwokuzvinzvera kwomudzimu. Kuchengeta chimiro chakasimba nokuda kwechiri chakarurama muna ano “mazuva okupedzisira” kunorayira kuyerwa kwapachokwadi kwoukama hwedu naJehovha uye chimiro chedu nesangano rake rapasi. (2 Tim. 3:1) Tichayeuchidzwa nezvekuonga kwaMwari basa redu rose rakaoma. Tinoda kurayiridzwa munzira dzokuvandudza nadzo mavara edu echiKristu nokuchengeta mufambiro womuenzaniso.
3 Kudikanwa kwokuva vanoshingaira mubasa rokuita vadzidzi tichisvasvavirira enderero mberi yomudzimu nomutoro zvichasimbiswawo. Zvikarakadzo zvinoshanda pamusoro penzira iyo vanhu vamwe navamwe uye mhuri vangachengeta nayo gadziriro yenguva dzose yokudya kwomudzimu zvichasimbiswa mumhatsa yehurukuro, mienzaniso nekurukurirano.
4 PaChitanhatu, vanoda kubhapatidzwa vanokwaniriswa vachakwanisa kuita danidziro yapachena yetsauriro yavo norubhapatidzo rwomumvura. Ipapo, paSvondo tose zvedu tichada kuvapo nokuda kwehurukuro yavose ine musoro unoti “Chii Chiri Chimiro Chako naMwari?”
5 Purogiramu yacho ichaguma nekurudziro yokuramba takasimba mukutenda, nguva dzose tichibata nomumwe nomumwe mumudzimu worudo norugare. Gungano redunhu mumwe wemikana chaiyo Jehovha anogovera kuti isu tose ‘tikurudzirane kurudo namabasa akaisvonaka.’ (VaH. 10:24, 25) Ita gadziriro chaidzo dzokuvapo nokuda kwepurogiramu yose pamazuva ose ari maviri.