Programi i Mbledhjes së Shërbimit

Java që fillon më 10 korrik

Kënga 4 (43)

12 min.: Njoftime lokale. Njoftime të zgjedhura nga Shërbimi ynë i Mbretërisë. Komento lidhur me raportin e shërbimit të vendit dhe të kongregacionit për muajin prill. Drejto vëmendjen në kutinë «Shih në faqen e fundit» dhe demonstro një nga prezantimet e sugjeruara që do të ishte i efektshëm në territorin lokal.

15 min.: «Ne nuk mund të mos flasim.» Kufizoji komentet hyrëse në më pak se një minutë dhe vazhdo me një diskutim me pyetje dhe përgjigje. Thekso arsyet përse e marrim kaq seriozisht caktimin tonë për të predikuar. Përfshi pika që lidhen më këtë nga Kulla e Rojës, 15 janar 1997, faqet 23, 24.

18 min.: «Çdo gjë le të bëhet për ndërtim!» Artikulli të trajtohet nga dy pleq ose dy vëllezër të kualifikuar. Të lexohet secili paragraf dhe shkrimet e cituara. Të nxirren në pah parimet e përfshira. Të theksohet nevoja për të pasur aftësi dalluese kur merremi me çështje tregtare ose kur bëhen investime. Të rishikohen këshillat në Kullën e Rojës, 15 mars 1997, faqet 18, 19, 22.

Kënga 7 (51) dhe lutja përmbyllëse.

Java që fillon më 17 korrik

Kënga 20 (93)

15 min.: Njoftime lokale. Raporti i llogarisë. Shpjego shkurtimisht si të përdoret broshura Cili është qëllimi i jetës: Si mund ta gjesh? në shërbim gjatë këtij muaji.

10 min.: «Programi i asamblesë së re qarkore.» Me pyetje dhe përgjigje. Njofto datën e asamblesë tjetër qarkore dhe nxiti të gjithë që të jenë të pranishëm të dyja ditët. Inkurajoi të gjithë që të bëjnë një përpjekje të veçantë për të ftuar studentët e Biblës. Duke ndjekur asamblenë atyre mund t’u ngjallet dëshira për t’u shoqëruar rregullisht me kongregacionin.

20 min.:  Kush duhet të jetë modeli juaj? Një baba drejton studimin familjar me një ose dy fëmijë adoleshentë. (Nëse kjo nuk është e mundur, një vëlla i kualifikuar të trajtojë materialin në formë bisede me një lajmëtar të ri në moshë, që është shembullor.) Kohët e fundit ai ka vërejtur se bisedat e tyre sillen shpesh rreth heronjve të sportit, yjeve të kinematografisë, personaliteteve televizive dhe muzikantëve. Ai shpreh shqetësim, sepse kjo lloj tërheqjeje e fortë është një shfaqje e frymës së botës. Ata diskutojnë Kullën e Rojës, 1 prill 1999, faqet 20-22. Të rinjtë e kuptojnë se t’i bësh idhuj figurat botërore është e rrezikshme dhe pranojnë se spikatja në botë nuk u sjell asnjë dobi të krishterëve. Ata shqyrtojnë dobitë që vijnë kur konsiderojnë si model të tyre, prindërit, pleqtë, persona të tjerë shembullorë në kongregacion dhe veçanërisht Jezu Krishtin.​—Shih edhe Zgjohuni!, 22 maj 1998, faqet 12-14, anglisht.

Kënga 9 (37) dhe lutja përmbyllëse.

Java që fillon më 24 korrik

Kënga 25 (204)

5 min.: Njoftime lokale.

15 min.: Ta rekomandojmë veten si shërbëtorë të Perëndisë. Dy shërbëtorë ndihmës ose dy vëllezër të kualifikuar, diskutojnë këshillat biblike të dhëna në Kullën e Rojës, 15 dhjetor 1998, faqet 19, 20. Ata e vlerësojnë nevojën për t’u kualifikuar në një mënyrë të shkëlqyer si shërbëtorë ndihmës dhe shqyrtojnë çfarë mund të bëjnë personalisht për të treguar se po i përmbushin caktimet e tyre. Shohin që është e rëndësishme të jenë shembuj të mirë në shërbim dhe diskutojnë mënyrat si mund të jenë një ndihmë për pleqtë, duke u dhënë mbështetje personale të tjerëve. Janë të një mendjeje se duan të bëjnë gjithçka munden për të ndihmuar kongregacionin që të kuptojë urgjencën e kohës dhe të rritet e të lulëzojë në aspektin frymor.

10 min.: T’u shkruajmë letra njerëzve që nuk arrijmë t’i kontaktojmë. Fjalim dhe diskutim me auditorin. Ndërsa gjetja e njerëzve në shtëpi bëhet gjithnjë e më vështirë, disa lajmëtarë kanë rezultate të mira duke shkruar letra. Shqyrto këto udhëzime: letrat duhet të jenë të shkurtra, të bazuara në Bibël dhe me respekt ndaj personave. Mos dërgo letra anonime. Shkruaj ose shtyp në mënyrë të rregullt dhe të lexueshme. Jep adresën e Sallës së Mbretërisë dhe orarin e mbledhjeve të kongregacionit, bashkë me një ftesë për të qenë i pranishëm. Mos përdor adresën e Shoqatës. Rishiko sugjerimet e ofruara në Kutinë e pyetjes të Shërbimi ynë i Mbretërisë, nëntor 1996.​—Shih edhe Udhëzuesi i Shkollës, faqet 87-88, anglisht.

15 min.: Të përdorim prezantime të efektshme. Zgjidh dy ose tri prezantime nga Shërbimi ynë i Mbretërisë, korrik 1999, faqja 4 dhe prill 1997, faqja 4 dhe diskuto se si mund të përdoren me efektshmëri ato në territorin lokal. Pyete auditorin: «Çfarë prezantimesh përdorni kur i afroheni dikujt në rrugë, gjatë një dëshmie joformale ose në raste të tjera?» Trego me anë të demonstrimit një ose dy prezantime për aq sa e lejon koha.

Kënga 18 (162) dhe lutja përmbyllëse.

Java që fillon më 31 korrik

Kënga 1 (13)

15 min.: Njoftime lokale. Kujtoju të gjithëve që të dorëzojnë raportin e shërbimit për korrikun. Ftoje auditorin të tregojë përvoja personale që ka pasur këtë muaj gjatë shpërndarjes së broshurave.

12 min.: Nevoja lokale.

18 min.: «A e çmojmë durimin e Jehovait?» Me pyetje dhe përgjigje. Përfshi komente përkatëse rreth shpirtgjerësisë së Jehovait.​—Shih Mendjehollësi, vëllimi 2, faqe 263 dhe 264, anglisht.

Kënga 6 (45) dhe lutja përmbyllëse.

Java që fillon më 7 gusht

Kënga 12 (113)

10 min.: Njoftime lokale.

17 min.: «A je një person i ndrojtur?» Me pyetje dhe përgjigje. Trego një përvojë inkurajuese nga Libri vjetor 1997, faqet 43 dhe 44, anglisht.

18 min.: Bëhu i mençur lidhur me të ardhmen tënde. Fjalim nga një plak ose një vëlla i kualifikuar. Të rinjtë dëshirojnë të gëzojnë një të ardhme të lumtur me ata që duan. Ndërkohë që kjo është diçka natyrale, ata duhet të zbatojnë këshillat që vijnë nga Perëndia, nëse duan të kenë sukses. (Prov. 19:20) Tërheqja ndaj seksit të kundërt është e fortë në moshën e rinisë. Nëse ndjenjat nuk kontrollohen, rezultatet mund të jenë shkatërrimtare. Vihet shumë në dyshim mençuria e adoleshentëve që ngatërrohen emocionalisht me seksin e kundërt, duke zhvilluar marrëdhënie romantike që çojnë në shoqërimin për t’u njohur. Rishiko këshillat që jepen në librin Të rinjtë pyesin, faqet 231-235. Thekso pikat kryesore në Kullën e Rojës, 15 nëntor 1999, faqet 18-23, që tregojnë se është e rëndësishme për të rinjtë të përmbushin të gjithë detyrimin e tyre ndaj Perëndisë. Inkurajoi adoleshentët që të reflektojnë ndaj këtyre këshillave dhe t’i diskutojnë ato me prindërit e tyre, nëse kanë pyetje.

Kënga 13 (124) dhe lutja përmbyllëse.