Yuvula Olonjanjo Evi Poku Endisa Elilongiso Limue Liembimbiliya

Oku Vangula Calua: Ku ka sime okuti o sukila oku lombolola ovina viosi. Yesu wa lingaile apulilo oco a kuatise omanu oku sokolola kuenda oku pitĩla petosi limue. (Mat 17:24-27) Apulilo a ecelela okuti elilongiso li lingiwa ciwa, loku ku kuatisa oku limbuka okuti ondonge yi kuete elomboloko kuenda yi tava kueci yi lilongisa. (be 253 ocin. 3-4) Eci o linga epulilo limue, kuata epandi kuenje kevelela etambululo. Nda ondonge ka ya ecele etambululo liwa, ku ka u tambuluileko, pole linga apulilo akuavo a pondola oku u kuatisa oku eca etambululo lia suapo. (be 238 ocin. 1-2) Oku vangula lonjila yimue yecelela ondonge oku kuata elomboloko liovina viokaliye.​—be 230 ocin. 4.

Oku ci Tĩlisa: Yuvula oku lombolola ovolandu osi wa kũlĩha atiamẽla kondaka yaco. (Yoa 16:12) Tiamisila elongiso ketosi lia velapo liocinimbu. (be 226 ocin. 4-5) Ndaño okuti alomboluilo amue a vetiya, pamue ka a kuatisa oku kuata elomboloko lia suapo. (be 235 ocin. 3) Nda ondonge yi kuete elomboloko lietosi lia velapo pocinimbu, citava oku pita kocinimbu cikuavo.

Oku Mala Lika Ovipama Vielilongiso: Ocimãho cetu oku vetiya ovitima, hakumalako ocipama celilongiso. (Luka 24:32) Kuatisiwa lunene Wondaka ya Suku poku tiamisila utima kovinimbu via velapo viocipama cimue. (2Va Kor 10:4; Va Hev 4:12; be 144 ocin. 1-3) Tukula alusapo a leluka. (be 245 ocin. 2-4) Konomuisa ovitangi viomunu o longisa, ovina eye a tava kuenda oku tiamisila ocipama caco kokuaye. U pulisa ndoco: “Nye o yeva vutima catiamẽla kovina o kasi oku lilongisa?” “Eci ci tu longisa nye catiamẽla ku Yehova?” “Esumũlũho lipi o kuete omo lioku kapako elungulo liaco?”​—be 238 ocin. 3-5; 259 ocin. 1.