ISAALIMU
1 Oohakalala ti yoole ohineettela miruku sa atakhali,
Ohinaatthara anatampi,+
Nave ohinikhala vamosa ni atthu ooveeha.+
2 Masi etthu enimusivela vanceene ti nlamulo na Yehova,+
Owo onnisoma ni ephoole nlamulo na Muluku,* othana ni ohiyu.+
3 Owo onrowa olikanaka ni mwiri waaliwe waattamela vari maasi,
Yoowo oniima mihokorokho okathi aya,
Nave makukhu aya ahininyaala.
Itthu sootheene sinivara awe, sinoomweettelaka saana.+
4 Atakhali khaniira siiso;
Awo ari ntoko malaxi oowuuma anivavihiwa ni epheyo.
5 Tivonto, atakhali anrowa olamuliwa nihiku anrowa aya ophukeliwa;+
Nave anatampi khanrowa okhala vamosa ni anaxariya.+
2 Xeeni maloko annanariwa aya?
Nave xeeni atthu anuupuwela aya itthu seethiru?+
2 Mamwene a mulaponi aheemela,
Nave anamalamulela aathukumana poromosa,+
3 Awo anihimya wiira: “Nrowe nikwase ikwirinti anitthukwanne aya,
Nave nrihe mikhoyi anitthukwanne aya!”
4 Ole ehice awe eri wiirimu onrowa waatheya;
Yehova onrowa waanyoholela.
5 Okathi owo, owo onoolavula naawo onanariwe ene,
Onoowoopopiha ni onanariwa wawe vanceene,
6 Owo onoohimya so: “Ti miyo kimukhalinhe mwene aka,+
OSiyoni,+ mwaako aka woowaarya”.
7 Kinoolaleya etthu Yehova ohimmye awe;
Owo ookileela wiira: “Nyuwo mwa mwanaka;+
Olelo, miyo ka paapa anyu.+
8 Mukivekele etthu, nto miyo kinimoovahani maloko wiira akhale awinyu,
Ni elapo yootheene wiira ekhale yawinyu.+
10 Vano, nyuwo mamwene, mooniherye okhalana ankhili;
Nyuwo alipa-oophuka milattu, mweemererye ottaruxiwa.*
11 Mmooveke Yehova ni mmurumeeleke yoowo,
Nave-tho, mutteeliweke murima ni muthukumeleke ohoolo wawe.
Oohakalala ti yaale anitthyawela wa Muluku.
Nsipo na Davidi, okathi aamutthyawa awe mwanawe Absaloomi.+
3 Nyuwo Yehova, xeeni awanani aka ahireere aya waatta?+
Xeeni atthu anceene aniwana aya ekhotto ni miyo?+
2 Atthu anceene annikilavula ahimyaka wiira:
“Muluku khonirowa omoopola”.+ (Selahi)*
4 Miyo kinoomukhuwelela Yehova,
Nave owo onookaakhula vamwaako vawe voowaarya.+ (Selahi)
5 Kinimummaathi kirupeke;
Nave kinoovenya kihoovaka etthu,
Okhala wiira Yehova, nlelo onnikikhaliherya.+
6 Nkiniwoova atthu ikonto sinceene,
Akirukurenrye ipantte sootheene.+
7 Xontte Yehova, nvenye! Khoo Muluku aka, mukoopole!+
Nyuwo munimwaamana iyano awanani aka ootheene;
Munoopwexa maino a atakhali.+
8 Yehova, ti nyuwo muniwoopola atthu.+
Mareeliho anyu ari ni atthu anyu. (Selahi)
Para tiretoore a isipo. Nihaana otthariwaka ni ikaruma sa isipo sirina mikhoyi. Nsipo na Davidi.
4 Khoo Muluku aka a xariya,+ mukaakhuleke kaavekelaka.
Okathi kinixanka aka, mukihulele ephiro.*
Mukireerele murima, ni mwiiwe ovekela waka.
2 Nyuwo atthu, munrowa onanariha nttittimiho naka mpakha silini?
Munrowa ophentaka itthu sihirina efaita ni ophavela itthu soowoothiwa mpakha silini? (Selahi)
3 Musuweleke wiira Yehova, onoomuthokorerya saana murumeyi awe oororomeleya;
Yehova onookiwiriyana okathi kinrowa aka omwiitthana.
4 Pooti onanariwa, masi muhittheke.+
Muupuweleke vamurimani vanyu, muri ene vakhaamani vanyu, ni mmaaleke. (Selahi)
5 Nvaheke mikuttho mwa xariya,
Ni mmuroromeleke Yehova.+
6 Atthu anceene anikoha wiira “Ti pani onrowa onooniherya itthu sooreera?”
Xontte Yehova, munireerele murima.+
7 Mookitteeliha murima vanceene,
Waavikana atthu aruwenrye ipyo sinceene ni arina eviinyu yinceene ya niinaano.
8 Miyo kinrowa wummaathi, kirupeke ni murettele,+
Okhala wiira nyuwo Yehova, ti nyuwo paahi munikiiriha okhala kihoovaka etthu.+
Para tiretoore a isipo. Para Nehiloothi.* Nsipo na Davidi.
5 Khoo Yehova, nwiriyane ovekela waka;+
Nwehe saana oxanka waka.
2 Xontte Mwene aka ni Muluku aka, mukiwiriyane okathi kinoovekelaakani wiira mukikhaliherye,
Okhala wiira kinoovekelani nyuwo.
3 Nyuwo Yehova, voosiisu munoowiriyanaka nsu naka;+
Voosiisu, kinrowa wooleelakani itthu sinikixankiha+ ni kinoolipelelaka kiroromelaka.
4 Nyuwo mwa Muluku ohinimusivela owoona atthu apakaka itthu sootakhala;+
Khuuvo mutthu ootakhala onikhala ni nyuwo.+
5 Khuuvo mutthu oowiixinnuwiha oniwerya weemela ohoolo wanyu.
Yehova onnaanyokha atakhali ni atthu oowootha.*+
7 Masi miyo kinookela mpaani mwanyu,+ mwaha wa ophenta wanyu wuulupale woororomeleya;+
Kinookokhora kiwehaka empa* anyu yoowaarya, kiwoovakani ni nttittimiho.+
8 Xontte Yehova, mukeettihe ephiro anyu ya xariya mwaha wa awanani aka;
Mukikhaliherye weetta saana ephiro anyu.+
9 Khiivo etthu enihimya aya eniroromeleya;
Vamurimani vaya, arina otakhala paahi;
Mmilo aya, onlikana ni mahiye oohittiyeliwa;
Ni nlumi naya, awo anninyoholela.+
10 Masi Muluku onimwaalamula;
Apalano aya animwaamoroxa.+
Muluku aka, nwoomole ohoolo wanyu mwaha wa itampi saya sinceene,
Okhala wiira ahoorukunuwelani.
11 Masi ootheene ale anitthyawela wa nyuwo, anootteeliwa murima;+
Okathi wootheene, anrowa okhuwelaka atteeliwe ene murima.
Nyuwo munimwaattiyelela wiira atakhali ahiwaattamele.
Ale aniphenta nsina nanyu, anootteeliwa murima mwaha wa nyuwo.
12 Nyuwo Yehova, munimwaareeliha anaxariya;
Munimwaareerela murima ni munimwaattiyelela ni nikula nanyu na* wiixaakihana nuulupale.+
Para tiretoore a isipo. Nihaana otthariwaka ni ikaruma sa isipo sirina mikhoyi, niipiwaka vathi-vathi ni nsu nuulupale.* Nsipo na Davidi.
6 Xontte Yehova, muhikipwapwele munanariwe ene,
Muhikittaruxe murina ene isara sinceene.+
2 Yehova, mukireerele murima,* okhala wiira ikuru sinnikimalela.
Yehova, mukipenuxe,+ okhala wiira makhuva aka annittettemela.
6 Kootemwa mwaha wa omakelaka wunla;+
Ohiyu wootheene kinninaaniha ekhaama aka ni maithori;
Okathi kininla aka, maithori aka annisareya vakhaterani vaka ntoko maasi.+
7 Kooxanka vanceene, mwaha wa itthu sootheene sinikihaaxa;+
Maitho aka khanoona saana* mwaha wa atthu ootheene anikihaaxa.
8 Mukhume vari aka, ootheene nyuwo munivara itthu sootakhala,
Okhala wiira Yehova onimwiiwa wunla waka.+
9 Yehova onimwiiwa omuxonttela waka;+
Yehova onimwaakhula ovekela waka.
10 Awanani aka ootheene animuuliwa muru ni anooxanka;
Awo anootthyawa niinaano-ru, yuulinwe ene muru.+
Nsipo na wiikhupanyerya, nenlo Davidi aamwiipenle awe Yehova mwaha wa moolumo a Kuuxi anihimo na Beniyamini.
7 Yehova, Muluku aka, kootthyawela wa nyuwo.+
Mukoopole mmatatani mwa atthu ootheene ankilupattha.+
2 Mwaahiire siiso, awo anookinyaanya ntoko oniira awe kharamu,+
Anookikuxa ohikhanle mutthu onikaakiha.
3 Yehova, Muluku aka, akhala wiira koovara etthu yoohiloka,
Vakhala wiira koovara etthu ehikhanle ya xariya,
4 Ni koomwiirela etthu yoohiloka mutthu okiirenle etthu yooreera,+
Aahiiso, akhala wiira koomwaakha etthu nwanani aka vahimulattu,*
5 Weeso, nwanani aka okitthimakele ni okiphwanye;
Okinyakele mpakha okhwa,
Ovuwa waka omale. (Selahi)
6 Yehova, nvenye munanariwe ene;
Xontte, mwaavirikanye awanani aka ananariwe;+
Xontte, mukikhaliherye, ni mukiirele exariya.+
7 Maloko yoorukureryeni;
Nto mwaaphukele muri ene veehiceni vanyu.
8 Yehova onimwaaphukela atthu.+
Xontte Yehova, mukiphukele, muttharaka miteko saka sa xariya,
Ni ororomeleya waka.+
9 Xontte mmalihe miteko sa atakhali.
Masi mwaalipihe anaxariya,+
Okhala wiira nyuwo mwa Muluku a xariya,+ munivarerya mirima+ ni miyuupuwelo sihinisuweliwa ni atthu akina.*+
10 Muluku tori nikula naka na wiixaakihana,*+ toniwoopola ale arina murima wooloka.+
11 Muluku Mphuki a xariya;+
Owo onnilaleya ophukela wawe mahiku ootheene.
12 Akhala wiira mutthu khonittharuwa,+ owo onninona* espaata* awe;+
Onnilokiherya muura awe ni onnikokha.+
13 Onnilokiherya ikaruma sawe sa ekhotto siniiva;
Nave onnilokiherya mattheere awe anvarela mooro.+
14 Moone! Ookhala onuupuwela itthu sootakhala,
Onnikumiherya itthu sootakhala ntoko mulopwana orina anamwane, owo onnilavula itthu soowoothiwa.+
15 Onnithipa nlitti ni onniixeriha,
Masi onnimorela nlitti nenlo othimpe awe.+
16 Maxakha okumihenrye awe anrowa ommorela vamuru vawe;+
Itthu sootakhala opanke awe sinrowa omorela vamuru vawe.
17 Kinoomuttottopela Yehova mwaha wa exariya awe;+
Para tiretoore a isipo. Nsipo ninlavula sa Kititi.* Nsipo na Davidi.
8 Nyuwo Pwiya ahu Yehova, nsina nanyu ti nuulupalexa mulaponi mootheene;
2 Nyuwo muhooniherya ikuru sanyu ni moolumo a anamwane acikhaani ni a mmatatani,+
Wiira awanani anyu ootakhala ni anoovirikanyani,
Ahiwerye ohimya etthu.
3 Okathi kiniweha aka erimu, yeeyo mpanke anyu ni matata* anyu,
Ni mweeri ni itheneeri mpanke anyu,+
4 Pinaatamu ti pani, wiira mmuupuweleke?
Nave mutthu ti pani, wiira mmukhapeleleke?+
5 Nyuwo moomukhaliha mwaamukhaani ovikana malaikha,
Nave monvaha ovuwa ni nttittimiho.
6 Monvaha owerya, wiira okhapeleleke itthu sootheene mpanke anyu;+
Moopweha itthu sootheene vathi va inawu sawe:
7 Ipwittipwitthi sootheene, ipuri ni ipooyi,
Vamosa ni axinama a mutakhwani,+
8 Ni axipalame a wiirimu, ni ihopa sa mphareya,
Ni itthu sootheene siri mphareya.
9 Yehova Pwiya ahu, nsina nanyu ti nuulupalexa mulaponi mootheene!
Para tiretoore a isipo. Nsipo ninlavula sa muuthi-lapeemi.* Nsipo na Davidi.
א [aalefe]
9 Khoo Yehova, kinimoottottopelani ni murima aka wootheene;
Kinoolaleya miteko sanyu sootheene sootikiniha.+
2 Kinootteeliwa murima ni ohakalala mwaha wa nyuwo;
Khoo Muluku Muulupalexa, kinimwiipaka isipo kittottopelaka* nsina nanyu.+
ב [beete]
3 Okathi awanani aka anrowa aya otthyawa,+
Awo anoomora ohoolo wanyu ni anoopwetexiwa.
4 Nyuwo munnikaakiha wiira kiireliwe exariya;
Mookilaathi veehiceni vanyu, munaphuka milattu mwa xariya.+
ג [kiimele]
5 Moopwetexa maloko,+ muhaapwetexa atakhali,
Moottipiha nsina naya para mahiku ootheene.
6 Atakhali aapwetexiwa wiira ahitthikele-tho okhala;
Moomala-maliha ipooma saya,
Khaavo-tho onrowa owuupuwela.+
ה [he]
ו [vaawu]
9 Yehova onrowa okhala ntthyawelo noolipa* para atthu oohaaxiwa,+
Ntthyawelo noolipa okathi wooxanka.+
10 Ale anisuwela nsina nanyu, animoororomelakani;+
Yehova, ale aniwaavyani khanikhala-khala yoohiyakani.+
ז [saine]
11 Mmuttottopeleke Yehova ni isipo, yoowo onikhala oSiyoni;
Mwaasuweliheke atthu miteko sawe.+
ח [heete]
13 Xontte Yehova, mukimorele ikharari. Moone moota anikihaaxa aya ale anikinyokha,
Ti nyuwo munikoopola mookhwaani,*+
14 Wiira kilaleye miteko sanyu soottottopeleya, vamukhora va anamwane axithiyana a oSiyoni,+
Ni wiira kitteeliwe murima mwaha woowi nyuwo mookoopola.+
ט [teete]
15 Maloko aamorela nlitti athimpe aya;
Metto saya sookweiwa mmatthavini, aneene yaawo avinthe aya.+
16 Yehova onnisuweliwa mwaha wa maphukelo awe.+
Atakhali aamorela mmuraakhoni, mwaha wa miteko saya.+
Hikaiyoomi.* (Selahi)
י [iyoote]
17 Atakhali anoorowa Mmahiye,*
Ti memmo anirowa aya maloko ootheene animuliyala Muluku.
18 Masi alipa-oohaawa, khanikhala-khala aliyaliwaka;+
Nnakhala nlipelelo na atthu oomaala, khaninrowa omala.+
כ [kaafe]
19 Xontte Yehova, nvenye! Muhimuhiye pinaatamu oxinttaka.
Mphukele maloko muttharaka miteko saya.+
20 Xontte Yehova, nwoopopihe,+
Maloko asuwele wiira awo ti apinaatamu paahi. (Selahi)
ל [laamete]
10 Yehova, xeeni muri anyu ottaiwene?
Xeeni muniipitha anyu okathi kinixanka aka?+
2 Mwaha wa wiixinnuwiha wawe, mutakhali onnimulupattha mutthu ooxanka,+
Masi onoohomphwa ni miraakho oreyale awe.+
3 Mutakhali onniittottopa mwaha wa itthu sootakhala oniphavela awe,+
Nave onniphavela wiira nanrima, itthu simweetteleke saana;*
נ [nuune]
Owo khonimuttittimiha Yehova.
4 Mwaha wa wiixinnuwiha wawe, mutakhali khoniphavela omusuwela Muluku;
Okathi wootheene owo onuupuwela so: “Muluku khokhanle”.+
Owo onnaanyoholela awanani awe ootheene.
6 Onnihimya vamurimani vawe wiira: “Nkinikhala-khala kimoraka;*
Mpakha ohoolo,
Khiivo etthu enrowa okikhumelela”.+
פ [pe]
7 Mwaano mwawe, moosareya moolumo ootakhaliha, oowootha ni oowali;+
Nlumi nawe ninnilavula moolumo oohiloka ni oowereya.+
8 Owo onniipitha waattamela omuttettheni;
Onnikhuma nipuro iipinthe awe, wiira omwiive mutthu ohitthenke.+
ע [ayine]
Maitho awe annimwaavya mutthu para omwiiva.+
9 Owo onniipitha ntoko kharamu oniipitha awe mukhukuni mwawe.+
Nave onnilipelela wiira onvare mutthu oxankale.
Okathi onipurula awe ntthavi nawe, onninvara mutthu oxankale.+
10 Mutthu owo oxankale onniweriwa;
Ni onninyakattiwa, onariheliwa vathi.
11 Mutakhali onnihimya vamurimani vawe wiira: “Muluku ooliyala.+
Owo oorukunuwa.
Khoniweha-tho etthu”.+
ק [koofe]
12 Xontte Yehova, nvenye.+ Khoo Muluku, mooniherye owerya wanyu.+
Muhaaliyale atthu axankale.+
13 Xeeni mutakhali ohinimuttittimiha awe Muluku?
Owo onnihimya vamurimani vawe wiira: “Muluku khonrowa okikoha etthu”.
ר [reexe]
14 Nyuwo munniweha mixankiho ni ohaawa.
Munniweha, nto munooniherya owerya wanyu.+
ש [xiimi]
15 Munte moono wa mutthu ootakhala ni oohiloka,+
Wiira muhiphwanye miteko sawe sootakhala,
Hata mwaavyaka vanceene.
16 Yehova ti Mwene a mahiku ootheene.+
Maloko aamala-mala mulaponi.+
ת [taawu]
17 Yehova, nyuwo munoowiriyana mavekelo a atthu oowiiyeviha.+
Munoolipiha murima aya,+ munimwaawiriyana oratteene.+
18 Munoowiirela exariya anamwane ahirina apapaya ni atthu anihaaxiwa,+
Wiira pinaatamu ohitthikele owoopopiha.+
Para tiretoore a isipo. Esaalimu ya Davidi.
11 Miyo kootthyawela wa Yehova.+
Xeeni okileelaka wiira:
“Mutthyawele omwaako wanyu, ntoko mwaapalame!
2 Mooneke moota atakhali akonkhe aya muura aya;
Awo aareya mattheere* aya vamuurani,
Wiira yaavonyeke anaxariya ari ene nipuro nooriipela.
3 Okathi alisenso* anipwexakasiwa aya,
Naxariya onrowa opaka-ni?”
4 Yehova ori mpaani* mwawe moowaarya.+
Ehice ya Yehova eri wiirimu.+
Maitho awe anniweha itthu sootheene, annaavarerya apinaatamu.+
5 Yehova onnaavarerya anaxariya ni atakhali,+
Owo onnaanyokha atthu yaale sinaasivela itthu sootakhala.+
6 Onimwaamoroxela atakhali mmuraakhoni,*
Nave mooro, enxoofere,+ ni epheyo yooviha, enrowa waapwetexa.
7 Yehova ta xariya;+ ni ennimusivela vanceene exariya.+
Anaxariya anooweha owiitho wawe.*+
Para tiretoore a isipo. Nihaana wiipiwaka vathi-vathi ni nsu nuulupale.* Esaalimu ya Davidi.
12 Xontte Yehova, mukoopole, okhala wiira atthu oororomeleya aamala;
Eriyari ya apinaatamu, khokhanle-tho mutthu oororomeleya.
2 Khula mutthu onnimoototha mukhwaawe;
Awo anninyoholela ni eyano aya, ni annilavula moolumo oowootha ari vamurimani vaya.+
3 Yehova onoothikila iyano sininyoholela,
Ni nlumi nniittottopa,+
4 Yaawo anihimya wiira: “Nlumi nahu nookhalana owerya.
Ninnirumeela iyano sahu ntoko nimphavela ahu;
Ti pani onrowa okhala pwiya ahu?”+
5 Yehova onihimya wiira: “Mwaha wa atthu oohaawa anihaaxiwa,
Ni mwaha wa atthu oohaawa aninla,+
Miyo kinoovenya kipake etthu”.
“Kinoowoopola mmatatani mwa ale anaathanya”.
6 Moolumo a Yehova, tootepa oreera;+
Ari ntoko eparatha yooreerihiwa nfornuni epakinwe ni oloko,* eparatha yooreerihiwa ikwaha 7.
7 Nyuwo Yehova, munimwaakhapelela awo;+
Munoowaakiha atthu awo ootheene, mmatatani mwa atthu ala ootakhala, mahiku ootheene.
8 Atakhali anneettakasa mapuro ootheene, ahoovaka etthu,
Okhala wiira apinaatamu annittottopela mweettelo wootakhala.+
Para tiretoore a isipo. Nsipo na Davidi.
13 Yehova, munrowa okiliyala mpakha silini? Munrowa okiliyala mpakha mahiku ootheene?
Munrowa okiipithiha owiitho wanyu mpakha silini?+
2 Kinrowa oxankaka mpakha silini,
Kiriipiwaka murima khula nihiku?
Nwanani aka onrowa okixinttaka mpakha silini?+
3 Xontte Yehova, Muluku aka, mukiwehe ni mukaakhule.
Mukittikiherye ikuru,* wiira kihikhwe.
4 Siiso, nwanani aka khonrowa ohimya wiira: “Koomuxintta!”
Muhaahiye ale anikivirikanya atteeliwaka murima mwaha wa omora waka.+
5 Masi miyo kinniroromela ophenta wanyu weekeekhai;+
Kinootteeliwa murima okathi munrowa anyu okoopola.+
6 Kinoomwiipela isipo Yehova, okhala wiira owo ookitthuvela vanceene.+
Para tiretoore a isipo. Esaalimu ya Davidi.
14 Mulolo onnihimya vamurimani vawe wiira:
“Yehova khokhanle”.+
Soowiira sawe ti sootakhala ni mweettelo awe ti woonanara;
Khuuvo onivara etthu yooreera.+
2 Ori ene wiirimu, Yehova onnaaweha apinaatamu vathi-va,
Wiira owehe aakhanle ene mutthu orina ankhili, aakhanle ene mutthu onimwaavya Yehova.+
3 Ootheene aya aahapuwa;+
Ootheene aya tootakhala.
Khuuvo oniira itthu sooreera,
Nnakhala mmosa.
4 Niireke atakhali khanisuwela?
Awo annaakhuura atthu aka, okhalaka ntoko anikhuura ephaawu.
Khaninvekela Yehova.
5 Masi awo animoova vanceene,+
Okhala wiira Yehova ori ni anaxariya.
6 Nyuwo atakhali, munneererya waahonona apalano a atthu anihaaxiwa,
Masi Yehova tori ntthyawelo naya.+
7 Kinivekela wiira woopoliwa wa Isarayeli okhume oSiyoni!+
Kinivekela wiira Yakobe otteeliwe murima, nave Isarayeli otteeliwe murima,
Okathi Yehova onrowa awe otthikela waathukumanya atthu awe, yaawo aroihiwe elapo ekina.
Nsipo na Davidi.
15 Yehova, ti pani onrowa okhala muletto mutentani* mwanyu?
Ti pani onrowa okhalaka vamwaako vanyu voowaarya?+
Ammana natiri, owo khonitthikela ottuli, hata etthu eyo erowaka onwereya.+
5 Mutthu owo khonikophiha musurukhu awe ni ixuuru,+
Nnakhala khoneemererya okunyariwa wiira omukumiherye mixankiho mutthu ohitthenke.+
Nto mutthu oniira siiso, khonrowa omora.*+
Mikitaami* ya Davidi.
16 Xontte Muluku, mukikhapelele, okhala wiira miyo kootthyawela wa nyuwo.+
2 Koomuleela Yehova wiira: “Itthu sootheene sooreera mookumini mwaka, sinikhuma wa nyuwo* Yehova.
3 Atthu ooreera murima ari mulaponi,
Ni ale aniphwanela ottittimihiwa, annikihakalaliha vanceene”.+
4 Ale anaatthara amuluku akina, annincererya oriipiwa waya murima.+
Nkinikhala-khala kiyiiheryaka vathi soovaha saya sa ephome,
5 Yehova, ti nyuwo munikivaha itthu sootheene sinikithowa,+ ni mwa ekaalisi aka.+
Ti nyuwo munisuka etthu kihiyeriwe aka.
6 Koophimeliwa mapuro ooreera.
Aayo, kinnihakalala ni etthu kihiyeriwe aka.+
7 Kinoomuttottopela Yehova, yoowo onikivaha miruku.+
Hata ohiyu, miyuupuwelo saka sa vamurimani* sinnikittaruxa.+
8 Okathi wootheene, Yehova ori mmuupuweloni mwaka.+
Okhala wiira ori moono aka woolopwana, nkinikhala-khala kixankaka.*+
9 Tivonto, murima aka onnikitteela, ni omutthu aka wootheene onnihakalala.
Nave kinnikhala kihoovaka etthu.
10 Nyuwo khamunrowa okihiya* Mmahiye.*+
Khamunrowa omuhiya murumeyi anyu oororomeleya, ohalaka munlittini.*+
11 Munnikisuweliha ephiro ya okumi.+
Ohoolo wanyu,* wookhala otteeliwa murima vanceene;+
Moono anyu woolopwana, wookhala ohakalala ohinimala.
Nivekelo na Davidi.
17 Khoo Yehova, mwiiwe ovekela waka, ni mukiirele exariya;
Mukiiwe oratteene okathi kinikhuwela aka wiira kikhaliheriwe;
Nwiriyane ovekela waka ni murima wootheene.+
2 Muthanle etthu yooreera enikiphwanyiha mureerelo;+
Maitho anyu, yoone wiira kiheettela exariya.
3 Nyuwo moovarerya murima aka, mookiweha-weha ohiyu;+
Mooreeriha murima aka,+
Nto munooweha wiira nkuupuwenle opaka etthu yootakhala,
Nave eyano aka, khetthenke.
4 Miyo nkiniira ntoko akina aniira aya.
Kittharaka moolumo a mwaano mwanyu, kinnisyaka iphiro sa alatarau.+
5 Mukihiye keetteke mphironi mwanyu,
Wiira kihimore.+
6 Muluku aka, miyo kinniwiihanani, okhala wiira nyuwo munookaakhula.+
Mukiwiriyane oratteene.* Mwiiwe moolumo aka.+
7 Nyuwo muri Moopoli a atthu anitthyawela moono anyu woolopwana,
Yaatthyawaka ale anoovirikanyani,
Mooniherye ophenta wanyu woororomeleya mwa enamuna yootikiniha.+
9 Mukoopole mmatatani mwa atakhali aniphavela okituphela,
Mmatatani mwa awanani aka anikirukurerya ni aniphavela okiiva.+
10 Awo khanoona othunku;
Annilavula voowiixinnuwiha.
12 Anlikana ni kharamu oniphavela vanceene onyaanya etthu ovanre awe,
Anlikana ni kharamu mwaamukhaani iipithenle etthu.
13 Xontte Yehova, nvenye, mweemele ohoolo waya+ ni mwaamoroxele vathi;
Mukoopole mmatatani mwa atakhali ni espaata* anyu.
14 Khoo Yehova, mukoopole ni ntata nanyu,
Mukoopole mmatatani mwa atthu a olumwenku ola, yaawo aniphavela itthu sa okumi yoola paahi,+
Yaawo munaavaha anyu itthu sinceene sooreera,+
Ni anaahiyerya mihakhu anaaya anceene.
15 Masi miyo kinnivara itthu sooreera, tivo, nyuwo munrowa okireerelaka murima.
Okathi kinivenya aka, miyo kinnitteeliwa murima, okhala wiira nyuwo muri vakhiviru vaka.*+
Para tiretoore a isipo. Nsipo na Davidi, murumeyi a Yehova, nenlo aamwiipenle awe Yehova, nuumala Yehova owo omoopola mmatatani mwa awanani awe ootheene, ni mmatatani mwa Sawuli. Owo aahimmye so:+
18 Nyuwo Yehova, mwa ikuru saka, miyo kinnoophentani.+
2 Yehova ti mwala aka, ti empa aka yoolipihiwa ni ti yoowo onikoopola.+
Muluku aka ti mwala aka,+ ti yoowo kinimutthyawelela aka,
Owo tori nikula naka na wiixaakihana,* ni moopoli aka oowerya,* ni ntthyawelo naka noolipa.+
3 Kinninvekela Yehova, yoowo oniphwanela ottottopeliwa,
Kinimoopoliwa mmatatani mwa awanani aka.+
4 Mikhoyi sa wookhwaani sookitthukwa;+
Atthu ootakhala, yaawo anlikana ni maasi manceene, aakoopopiha.+
6 Moovelavelani mwaka, kaahinvekela Yehova,
Kaahimukhuwelela Muluku aka wiira okikhaliherye.
7 Nto elapo yaahipacerya ottikinyeya ni otetereya;+
Miyaako saahittikinyeya ni saahipacerya oxekexeya,
Okhala wiira owo aahinanariwa.+
8 Mwiixi waanikhuma mphulani mwawe,
Nave mooro munceene waanikhuma mwaano mwawe.+
Ohoolo wawe yaanipatta makhala a mooro.
10 Owo aahirwa ovavaka, onwenle ene kerubi mmosa.+
Aahirwa aakuveyaka, owenle ene mapupha a nlaikha.*+
11 Nuumala-vo, aahiikhuneela ni epiphi.+
12 Ohoolo wawe, waanikhumelela waarya,
Nave maralala ni makhala a mooro yaanikhumelela eriyari ya meeku.
13 Yehova aahipacerya okukutteya* wiirimu;+
Nsu na Muluku Muulupalexa naahiiwanyeya,+
Nave yaahimora maralala ni makhala a mooro.
14 Owo aahivonya mattheere* awe, aamwara-mwarya awanani aka.+
Aahikumiherya etari awe, nave aahiwiiriha awanani awo oxanka.+
15 Vathi va maasi vaanooneya;+
Alisenso a elapo yaahooniheriwa, mwaha wa onanariwa wanyu, nyuwo Yehova,
Mwaha wa iphumu soowerya sinikhuma mphulani mwanyu.+
16 Ori ene wiirimu, ookookolela ntata nawe;
Ookivarela ni ookikumiha mmaasini moowiixa.+
17 Owo ookaakiherya mmatatani mwa nwanani aka ootupa,+
Mmatatani mwa ale yaakinyokha, yaawo yaari ootupa okivikana miyo.+
18 Awo yaahikirweela nihiku yaakikhumelenle aya ehasara,+
Masi Yehova aahikikhaliherya.
19 Owo aahikikuxa okiroiha opuro woovareleleya;
Aahikoopola, okhala wiira kaanimusivela.+
21 Kinneettela iphiro sa Yehova,
Nave nkipanke etthu yootakhala wiira kimuhiye Muluku aka.
22 Kinnuupuwela malamulo awe ootheene;
Nkinrowa okhootta weettela sooruma sawe.
25 Nyuwo munniroromeleya ni mutthu oororomeleya;+
Mutthu ohirina mulattu, munnimooniherya wiira khamurina mulattu;+
26 Mutthu orina mweettelo wooreera, munnimooniherya wiira mookhalana mweettelo wooreera,+
Masi khamuniwokiwa ni atthu oowootha.+
28 Ti nyuwo Yehova munipattiha muthuko aka,
Mwa Muluku aka, yoowo onimwaleela nipuro nooriipela kiri aka.+
29 Kikhaliheriwaka ni nyuwo, kinoowerya waatuphela alavilavi anceene;+
Ni ikuru sa Muluku, kinoowerya otupha exiri.+
Owo ti nikula na wiixaakihana na* atthu ootheene anitthyawela wa yoowo.+
31 Niireke ookhala Muluku mukina, ohikhanle Yehova paahi?+
Ti pani ori mwala, ohikhanle Muluku ahu?+
33 Owo onniiriha metto saka oveya-veya, ntoko metto sa etthove;
Onnikeemexa mapuro oorakamela osulu.+
34 Owo tonikiixuttiha owana ekhotto;
Miyoono saka sinniwerya okokha muura wa ekoopiri.
35 Nyuwo munnikaakiha ni nikula nanyu na wiixaakihana,*+
Ntata nanyu noolopwana, ninnikikhaliherya,
Nave wiiyeviha wanyu, onnikikhaliha muulupale.+
36 Nyuwo munnincererya ephiro kinivira aka,
Wiira kihimore.+
37 Kinoowoomola awanani aka ni kinimwaaphwanya;
Nkinitthika kihinatthi waamala-maliha.
38 Kinimwaanyakatta wiira ahiwerye ovenya;+
Awo anoomora ni kinimwaanyakela ni inawu saka.
39 Nyuwo munookivaha ikuru wiira kawane ekhotto;
Munimwaamoroxa awanani aka ohoolo waka.+
41 Awo annivekela okhaliheriwa, masi khuuvo oniwoopola;
Hata annimukhuwelela Yehova, masi owo khoniwaakhula.
42 Kinimwaaxila mpakha olikana ni ntthupi ninvavihiwa ni epheyo;
Kinimwaarihela ota ntoko mattophe a mphironi.
43 Munookaakiha okathi atthu anrowa aya okilavulaka voohiloka.+
Munookikhaliha muhooleli a maloko.+
Atthu kihinaasuwela aka, anrowa okirumeelaka.+
44 Wiiwa-ru paahi kilavuliwaka, awo anookiiwelelaka;
Anamurwa animuurama ohoolo waka, yoovaka.+
45 Anamurwa onimwaamalela olipa murima;
Awo anookhuma ipa saya soolipihiwa, arweeke attettemelaka.
46 Yehova ookhala! Ottottopeliwe Mwala aka!+
Ovuwihiwe Muluku, yoowo onikoopola.+
47 Muluku eekeekhai, onniwunlela ikuhu awanani aka;+
Owo onniwiiriha atthu okiiwelela.
48 Onnikoopola mmatatani mwa awanani aka ootakhala.
Nyuwo Apwiya, munnikiteexerya osulu, nto ale anikilupaattha khaniwerya okiphwanya;+
Munnikaakiherya atakhali oowali.
49 Tivonto, nyuwo Yehova, kinimoottottopelani eriyari ya maloko,+
Kinoottottopela nsina nanyu kiipaka isipo.+
50 Munnimoopola vootikiniha, mwene mmuthanlale anyu;+
Munnimooniherya ophenta woororomeleya ole mmuthanlale anyu,+
Davidi ni osuulu awe, para mahiku ootheene.+
Para tiretoore a isipo. Nsipo na Davidi.
2 Nihiku ti nihiku, eyo ennilavula,
Nave khula ohiyu, ennooniherya osuwela.
3 Eyo khenilavula;
Nave nsu naya khanniiwanyeya.
4 Hata vari siiso, nsu naya* noomwareela elapo yootheene,
Moolumo aya aaphiya mpakha omalenle elapo.+
Wiirimu, Muluku oopaka etenta* para nsuwa;
5 Nsuwa nlo nri ntoko mutheli onikhuma okwartu wawe;
Ninnitteeliwa murima, ntoko mulopwana oowerya onitthimaka mphironi mwawe.
6 Nlo ninnikhuma mpantta mmosa omalenle erimu,
Nnarukurerya mpakha mpantta mukina omalenle erimu;+
Nave khiivo etthu ehiniphwanyiwa ni oviha waya.
7 Nlamulo na Yehova ti noomalela,+ ninnimuttikiherya mutthu ikuru.+
Malakiheryo a Yehova toororomeleya,+ annaavaha miruku ale ahinsuwela itthu sinceene.+
8 Sooruma sa Yehova ti sa xariya, sinnitteeliha murima;+
Sooruma sa Yehova ti sooreera, sinniiriha maitho waarya.+
9 Omoova Yehova+ ti wooreera, ni ti wa mahiku ootheene.
Ophukela wa Yehova ti weekeekhai, ni ti wa xariya mwa inamuna sootheene.+
10 Ti wootepa oreera ovikana eweero,
Ovikana eweero yooreerexa,+
Nave ti wootepa onaya ovikana oravo,+ yoowo onittonya mmahepepeni mwaya.
11 Nyuwo munnimulopola murumeyi anyu ni nlamulo nanyu;+
Ale aneettela malamulo anyu, annitthuveliwa vanceene.+
12 Ti pani oniwerya woona soottheka sawe?+
Mukilevelele itampi kiniira aka kihisuwelaka.
Siiso, nkinrowa okhalana mulattu,+
Nave nkinrowa okhalana mulattu mwaha wa itampi suulupale.
14 Moolumo aka ni itthu kinuupuwela aka vamurimani vaka,
Soohakalaliheni nyuwo+ Yehova, muri Mwala aka+ ni Moopoli aka.+
Para tiretoore a isipo. Nsipo na Davidi.
20 Yehova owaakhuleni nihiku munrowa anyu oxanka.
Muluku a Yakobe, owaakiheni okathi munrowa anyu wiitthana nsina nawe.+
3 Uupuwele itthu sootheene muninvaha anyu;
Aakhelele ni murima wootheene yoovaha anyu para opahiwa. (Selahi)
4 Oovaheeni itthu siniphavela murima anyu,+
Nave owiirihe apalano anyu ootheene weetta saana.
5 Nnookhuwela nitteeliwe ene murima, okhala wiira moonoopola;+
Nnimweemexa ipantera sahu mwa nsina na Muluku.+
Yehova oovaheeni itthu sootheene muninvekela anyu.
6 Vano kinnisuwela wiira Yehova, onnimoopola ole omuthanlale awe.+
Onnimwaakhula ori ene wiirimu, nipuro nawe noowaarya,
Onnimoopola ni ntata nawe noolopwana noowerya.+
7 Atthu akina anroromela ikaaro sa ekhotto, nave akina anroromela ikhavalo,+
Masi hiyo, ninvekela nsina na Yehova, Muluku ahu.+
8 Awo aaxinttiwa ni aamora,
Masi hiyo niheemela ni noolipihiwa.+
9 Khoo Yehova, mmoopole mwene!+
Munaakhule nihiku ninrowa ahu woovekelani onikhaliherya.+
Para tiretoore a isipo. Nsipo na Davidi.
21 Yehova, mwene onnitteeliwa murima ni ikuru sanyu;+
Onnitteeliwa murima vanceene, okhala wiira munniwoopola atthu!+
2 Nyuwo monvaha mwene, etthu eniphavela murima awe,+
Nave khammukhoottihenrye etthu oniphavela awe. (Selahi)
3 Munnirowa okumana nuuwo, mukunxe ene mareeliho manceene;
Munninwariha vamuru vawe, ekhara ya eweero yooreerexa.+
4 Owo ohoovekelani okumi, nto nyuwo monvaha,+
Monvaha okumi wa mahiku ootheene.
5 Ovuwa wawe ti wuulupale, okhala wiira moomoopola.+
Monvaha ottittimiheya ni ovuwa.
6 Nyuwo munnimwiiriha oreelihiwa mahiku ootheene;+
Nave munnimwiiriha ohakalala, okhala wiira muri vakhiviru vawe.+
7 Mwene onnimuroromela Yehova;+
Mwaha wa ophenta woororomeleya wa Muluku Muulupalexa, khonikhala-khala oxankaka.*+
8 Ntata nanyu nnimwaaphwanya awanani anyu ootheene;
Ntata nanyu noolopwana nnimwaaphwanya ale anoonyokhani.
9 Okathi muthanlale anyu orwa, munrowa waapwetexa siisaale ntoko ikokhola sinriheliwa aya vamooroni.
Yehova onimwaapwetexa mwaha wa onanariwa wawe, nave mooro onimwaapwetexa.+
10 Munoopwetexa osuulu aya mulaponi,
Nave anaaya, munimwaamala-maliha eriyari ya atthu.
12 Masi nyuwo munoowiiriha otthikela ottuli,+
Munimwaaluluwanya ni muura anyu.
13 Xontte Yehova, nvenye! Mooniherye ikuru sanyu.
Nnoowiipelani isipo* nittottopelaka owerya wanyu.
Para tiretoore a isipo. Nsipo ninlavula sa Naahe Oothiyana a Oxaka.* Nsipo na Davidi.
22 Muluku aka, Muluku aka, xeeni muhalaka okinyanyala?+
Xeeni muhinrwa anyu okoopola?
Xeeni muhinikiiwa anyu kaakhuwelaka mwaha wa woona owereya?+
2 Muluku aka, othana kinniwiihanani, nyuwo khamunikaakhula;+
Ohiyu, miyo nkinimaala.
3 Masi nyuwo mwa Muluku oowaarya,+
Atthu ootheene a Isarayeli annoottottopelani.
6 Miyo ka munku, nkihiyo mutthu,
Kinnitheiwa ni othanyiwa ni atthu.+
7 Atthu ootheene anikiweha, annikiveeha;+
Awo khanikoonela vatthu, ni annittikinya muru aya ahimyaka wiira:+
8 “Owo onimuroromela Yehova. Mmuhiye oopoliwe ni yoowo!
Niwehe akhala wiira onoomoopola, maana Muluku onninvaha efaita!”+
9 Ti nyuwo mukikuminhe mmirimani mwa amaama,+
Ti nyuwo mukiirinhe okhala oovareleleya mmapeleni mwa amaama.
10 Nyuwo mookikhapelela* okhuma okathi kiyariwe aka;
Nyuwo mwa Muluku aka, okhuma okathi kaari aka mmirimani mwa amaama.
11 Muhikirakamele, okhala wiira maxakha aakaattamela,+
Nave nkirina mutthu mukina wiira okikhaliherye.+
13 Iyo sinnikoopopiha wiira sikiirihe etthu yootakhala,+
Ntoko kharamu onoopa murukulu ni oninyaanya enama ovanre awe.+
14 Kinniyiihiwa ntoko maasi;
Makhuva aka ootheene aahiyana.
15 Ikuru saka sihuuma ntoko nivali na mwaapu;+
Nlumi naka noophara mwaano mwaka;+
Nyuwo mookiroiha mulittini wiira kikhwe.+
Ntoko kharamu, awo anniluma matata aka ni inawu saka.+
17 Makhuva aka ootheene annooneya.+
Awanani aka annikiwehexexa.
19 Masi nyuwo Yehova, muhikhale ottaiwene.+
Nyuwo mwa ikuru saka, mwaakuve orwa, mukikhaliherye.+
21 Mukoopole mwaano mwa kharamu+ ni manyaka a ipooyi sa mutakhwani;
Mukaakhule ni mukoopole.
23 Mmuttottopele Yehova, nyuwo munimoova!
Nyuwo osuulu wootheene wa Yakobe, munvuwihe yoowo!+
Nyuwo osuulu wootheene wa Isarayeli, mweemele mutikinihiwe ene mwaha wa yoowo.
Okathi aamukhuwelenle awe onvekelaka omukhaliherya, owo aahinwiriyana.+
25 Kinimoottottopelani eriyari ya muloko woowaatta atthu;+
Kinoomutaphula natiri aka ohoolo wa atthu aniwoovani.
26 Atthu oomaala animoolya ni anoohakalala.+
Ale animwaavya Yehova, anoomuttottopela.+
Mukhalane okumi woohimala* voohakalala.
27 Atthu ootheene anikhala omalenle elapo, anoomuupuwela Yehova ni anoorowa wa yoowo.
Mahimo ootheene a mulaponi, anookokhora ohoolo wanyu.+
28 Omwene ti wa Yehova;+
Owo onnilamulela maloko.
29 Atthu ootheene oothaaciri a mulaponi, animoolya ni animuurama ohoolo wawe;
Atthu ootheene anrowa mmahiye,* anookokhora ohoolo wawe;
Khuuvo oniwerya woopola okumi awe.
30 Osuulu aya onoomurumeela yoowo;
Nloko ninrwa, nnimwiiwa olavuliwaka sa Yehova.
31 Awo animoorwa yaaleeleke atthu exariya awe.
Atthu yaale nlelo ahiyariwe, awo animwaleela itthu onipaka awe.
Nsipo na Davidi.
Khiivo etthu enrowa okithowa.+
2 Onnikiiriha wummaathi mapuro ari malaxi ooripelela,
3 Owo onnikilipiha.+
Onnikiroiha ephiro* ya xariya, mwaha wa nsina nawe.+
4 Hata keettaka mapuro ooriipela,+
Nkinoova etthu yootakhala,+
Okhala wiira nyuwo muri ni miyo;+
Ekopo anyu ni ttootto anyu, sinnikilipiha murima.
5 Munnikilokiherya meesa ohoolo wa awanani aka.+
6 Oreera wanyu murima ni ophenta wanyu woororomeleya, onookhala ni miyo mahiku ootheene a okumi aka.+
Nave kinookhalaka mpaani mwa Yehova mahiku ootheene a okumi aka.+
Nsipo na Davidi.
24 Elapo ni itthu sootheene siri memmo, ti sawawe Yehova,+
Etthaya ni itthu sootheene sinikhala memmo.
2 Owo oolipiha elapo eyo mphareya,+
Ni oopweha oratteene mmuro.
3 Ti pani oniwerya owela mwaako wa Yehova,+
Nave ti pani oniwerya weemela nipuro nawe noowaarya?
4 Tuule ohiniira itthu soonanara ni orina murima wooreera,+
Tuule ohinilapha mwa nsina naka,* mahala ene,
Nnakhala ohilamphe ophavelaka waawoka atthu akina.+
5 Owo onimwaakhela mareeliho anikhuma wa Yehova,+
Ni exariya enikhuma wa Muluku awe, yoowo onimoopola.+
6 Nlo nloko na atthu animwaavya Muluku,
Atthu yaale aniwaavyani nyuwo, Muluku a Yakobe. (Selahi)
7 Nyuwo mikhora suulupale, mweemexe miru sanyu,+
Nyuwo mikhora sa khalai, muhuleye,
Wiira ovolowe Mwene oovuwa!+
8 Mwene ola oovuwa, ti pani?
9 Nyuwo mikhora suulupale, mweemexe miru sanyu;+
Nyuwo mikhora sa khalai, muhuleye,
Wiira ovolowe Mwene oovuwa!
10 Mwene ola oovuwa, ti pani?
Ti Yehova a anakhotto, owo tori Mwene oovuwa.+ (Selahi)
Nsipo na Davidi.
א [aalefe]
25 Khoo Yehova, kinnoovekelani koovahereryakani okumi aka.
ב [beete]
Muhaahiye awanani aka atteeliwaka murima mwaha wa ohaawa waka.+
ג [kiimele]
3 Mweekeekhai, khuuvo onoororomelani onrowa wuuliwa muru,+
Masi ale anaawoka akhwaaya vahikhanle mulattu, tanrowa wuuliwa muru.+
ד [taalete]
ה [he]
5 Mukiirihe weettela ekeekhai anyu ni mukiixuttihe,+
Okhala wiira nyuwo mwa Muluku aka munikoopola.
ו [vaawu]
Okathi wootheene, kinoororomelani nyuwo.
ז [saine]
6 Khoo Yehova, muupuweleke wiira nyuwo mwa Muluku oomoriwa ikharari,+
Nave okathi wootheene, munniwooniherya arumeyi anyu ophenta wanyu woororomeleya.+
ח [heete]
7 Khoo Yehova, muhuupuwele itampi kiirale aka kinari mmiravo, nnakhala soottheka saka.
ט [teete]
8 Yehova tooreera murima ni ta xariya.+
Tivonto oniwiixuttiha awe anatampi ephiro akhanle aya ootthara.+
י [iyoote]
כ [kaafe]
10 Iphiro sootheene sa Yehova ti ophenta weekeekhai ni ororomeleya,
Para atthu yaale aneettela nivarihano nawe+ ni malakiheryo awe.+
ל [laamete]
11 Xontte Yehova, mwaha wa nsina nanyu,+
Mukilevelele etampi aka, hata eri ene yuulupale.
מ [meeme]
12 Ti pani onimoova Yehova?+
Owo onoomwiixuttiha mutthu owo ephiro onireerela awe othanla.+
נ [nuune]
ס [saameke]
ע [aine]
15 Okathi wootheene, miyo kinimuroromela Yehova wiira okikhaliherye,+
Okhala wiira owo onookumiha inawu saka muntthavini.+
פ [pe]
16 Murukunuwe, mukiwehe ni mukireerele murima,
Okhala wiira kiri mekhaka ni koovelavela.
צ [tisaate]
17 Mixankiho saka sihincerereya;+
Mmalihe owereya kinoona aka.
ר [reexe]
19 Moone wiira awanani aka khareere waatta,
Ni moone moota anikinyokha aya vanceene.
ש [xiimi]
20 Musuke okumi aka ni mukoopole.+
Muhikihiye kuuliwaka muru, okhala wiira kinnitthyawela wa nyuwo.
ת [taawu]
22 Khoo Muluku, mmoopole Isarayeli mmaxakhani mwawe mootheene.
Nsipo na Davidi.
26 Yehova, mukiphukele, okhala wiira kinneetta voororomeleya;+
Kinnimuroromela Yehova, kihihoveryaka.+
3 Okathi wootheene kinnuupuwela okireerela wanyu murima,
Nave kinneettela ekeekhai anyu.+
6 Kinoonyawa, kooniheryaka ohittheka waka,
Nave kinimweetta kimurukureryaka altaari anyu, Yehova,
7 Wiira kooxukhureleni voowiiwanyeya,+
Ni kilaleye miteko sanyu sootheene sootikiniha.
9 Muhikipwetexe vamosa ni anatampi,+
Nnakhala muhikipwetexe vamosa ni atthu ootakhala.
10 Yaawo arina mweettelo woowuuliha muru,
Ni ntata naya noolopwana nneemererya okunyariwa.
11 Masi miyo, kinimweettaka voororomeleya.
Mukoopole ni mukireerele murima.
Nsipo na Davidi.
27 Yehova ti muthuko aka+ ni moopoli aka.
Ti pani kinrowa aka omoova?+
Yehova onlikana ni empa yoolipihiwa, enikhapelela okumi aka.+
Nkinrowa othukumela mwaha wa omoova mutthu.
Hata awanani arwaaka owana ni miyo,
Nlelo kinoomuroromelaka Muluku.
4 Kinninvekela Yehova etthu emosa,
Nto ti yeeyo kinrowa aka ophavelaka:
Okhala mpaani mwa Yehova, mahiku ootheene a okumi aka,+
Wiira koone oreera murima wa Yehova,
5 Nihiku kinrowa aka oxanka, Muluku onookikhapelela mpaani mwawe;+
Onrowa okiipithiha opuro awe, mutentani* mwawe;+
Onrowa okipweha vasulu va mwala, wiira awanani aka ahikiirihe etthu yootakhala.+
6 Vano, miyo kihaaxintta awanani aka anikirukurerya;
Mutentani mwawe, kinoovaha mikuttho kikhuwelaka vootteeliwa murima;
Kinimwiipa isipo, kimuttottopelaka Yehova.
8 Murima aka, onnuupuwela yooruma anyu enihimya wiira:
“Mwaavyeke owiitho waka”.
Khoo Yehova, kinimwaavya owiitho wanyu.+
9 Muhiipithihe owiitho wanyu.+
Muhimukhootte murumeyi anyu, munanariwe ene.
Ti nyuwo munikikhaliherya;+
Khoo Muluku aka munikoopola, muhikinyanyale ni muhikihiye.
12 Muhikivahererye mmatatani mwa awanani aka,+
Okhala wiira aakikhumelela anamoona oowootha,+
Nave awo annikoopopiha okiiriha etthu yootakhala.
Aayo, mmulipeleleke Yehova.
Nsipo na Davidi.
28 Okathi wootheene, kinnoovekelani nyuwo Yehova, muri Mwala aka;+
Muhittiyele maaru anyu.
Akhala wiira munoomaala,
Kinrowa okhalaka ntoko alipa-ookhwa.+
2 Mukiwiriyane okathi kinixonttela aka, kikhuwelaka wiira mukikhaliherye,
Okathi kinivenxa aka matata aka, kiwehihaka nipuro noowaaryexa na empa anyu.+
3 Muhikilamule vamosa ni atakhali, yaawo aniira itthu sinaawereya atthu akina,+
Yaawo anilavula moolumo a murettele ni mukhwaaya, variki vamurimani vaya osareyale ene otakhala.+
4 Mwaalive muttharaka miteko saya,+
Muttharaka itthu sootakhala aniira aya.
Mwaalive mwaha wa miteko anivara aya ni matata aya,
Muttharaka itthu anivara aya.+
Nyuwo munimwaarihela vathi, nave khamunrowa waavenxa.
6 Ottottopeliwe Yehova,
Okhala wiira ohiiwa oxonttela waka, kivekelaka okhaliheriwa.
7 Yehova ti ikuru saka+ ni nikula naka na wiixaakihana;*+
Miyo kinimuroromela yoowo ni murima aka wootheene.+
Owo ookikhaliherya, vano miyo kinnitteeliwa murima,
Tivo, kinoomuttottopela ni nsipo naka.
8 Yehova tonaavaha ikuru arumeyi awe;
Owo ori ntoko empa yoolipihiwa. Onnimoopola ole omuthanlale awe.+
9 Nwoopole arumeyi anyu, ni mwaareelihe atthu anyu.+
Mwaakukhuleke ni mwaakuxeke mmatatani mwanyu, mahiku ootheene.+
Nsipo na Davidi.
29 Nyuwo anamwane a atthu oowerya, munvahe Yehova ele eniphwanela awe,
Munvahe Yehova ele eniphwanela awe, mwaha wa ovuwa wawe ni ikuru sawe.+
2 Munvahe Yehova ovuwa oniphwanelela nsina nawe.
Mukokhore ohoolo wa Yehova, nwanre ene ikuwo sooreerexa.*
3 Nsu na Yehova ninniiwanyeya vasulu va maasi;
Ovuwa wa Muluku onnikukutteya.+
Yehova ori vasulu va maasi manceene.+
4 Nsu na Yehova ti noowerya,+
Nsu na Yehova ti noovuwa.
5 Nsu na Yehova ninnintakasa miri siniihaniwa eseeturu;
Aayo, Yehova onnintakasa iseeturu sa oLiibano.+
6 Muluku onniiriha miyaako sa oLiibano,* otupha ntoko mwaaxaana a epooyi.
Nave mwaako Siriyoni,+ otupha ntoko epooyi yaamukhaani ya mutakhwani.*
7 Nsu na Yehova ninnikumiherya overunya.+
9 Nsu na Yehova ninniiriha etthove ottettemela ni otothola,
Ninnitatha makukhu a itakhwa.+
Nave atthu ootheene ari mpaani mwawe, annihimya wiira: “Ovuwihiwe!”
11 Yehova onimwaavaha ikuru arumeyi awe.+
Yehova onimwaareeliha arumeyi awe ni murettele.+
Nsipo na otthukuleliwa wa empa. Nsipo na Davidi.
30 Khoo Yehova, miyo kinimoovuwihani, okhala wiira mookeemexa;
Nyuwo khimwaahiyale awanani aka atteeliwaka murima mwaha wa miyo.+
2 Khoo Yehova, Muluku aka, miyo kihookhuwelelani wiira mukikhaliherye, nto nyuwo mookipenuxa.+
4 Nyuwo atthu oororomeleya, mmwiipele isipo Yehova, mmuttottopelaka,+
Muxukhureleke nsina nawe noowaarya;+
5 Okhala wiira onanariwa wawe onikhala okathi vakhaani,+
Masi oreera wawe murima khonimala.+
Ohiyu, mutthu pooti oriipiwa murima. Masi voosiisu, owo onnikhuwela otteeliwe ene murima.+
6 Okathi kahaarina aka mixankiho, kaahihimya wiira:
“Khiivo etthu enrowa okixekexa”.*
7 Yehova, okathi mwaakireerela anyu murima, mwaahikilipiha ntoko mwaako.+
Masi okathi mwiipithinhe anyu owiitho wanyu, kaahoova vanceene.+
8 Miyo kaamakela owiihanani, nyuwo Yehova;+
Kaamakela woovekelani wiira mukireerele murima, nyuwo Yehova.
9 Mureerelo xeeni onikhumelela kakhwa vale, nave kakela mmahiye?*+
Niireke wiira ntthupi nnimoottottopelani?+ Niireke wiira nnoolaleya ororomeleya wanyu?+
10 Khoo Yehova, mukiiwe ni mukireerele murima.+
Xontte Yehova, mukikhaliheryeke.+
11 Nyuwo mookiiriha wiina kitteeliwe ene murima, ohiya oriipiwa murima;
Mookirula esaakho, mukiwariha otteeliwa murima;
12 Wiira koottottopelekeni ni isipo, ni kihimaaleke.
Yehova Muluku aka, miyo kinrowa woottottopelani mahiku ootheene.
Para tiretoore a isipo. Esaalimu ya Davidi.
31 Yehova, miyo kootthyawela wa nyuwo.+
Kihikhala-khale kuuliwaka muru.+
Mukoopole, mwaha wa exariya anyu.+
2 Mukiwiriyane.*
Mwaakuve, murwe mukoopole.+
Mukhale mwaako kinitthyawela aka,
Nipuro noolipihiwa wiira mukoopole.+
3 Nyuwo mwa mwala aka ni empa aka yoolipihiwa;+
Mwaha wa nsina nanyu,+ munrowa okihoola ni okooniherya ephiro.+
4 Nyuwo munookoopola mmatthavini anireiwa wiira akivare,+
Okhala wiira nyuwo mwa empa aka yoolipihiwa.+
5 Kinnoovahereryani okumi* aka mmatatani mwanyu.+
Nyuwo Yehova, Muluku a ekeekhai,* mookoopola.+
6 Kinnaanyokha ale anaakokhorela amuluku eethiru, ahirina efaita,
Masi miyo, kinimuroromela Yehova.
7 Kinootteeliwa murima vanceene, mwaha wa ophenta wanyu woororomeleya,
Okhala wiira munniweha ohaawa waka;+
Nave munnisuwela wiira kooxanka vanceene.
8 Khamukivaherenrye mmatatani mwa awanani,
Masi mookeemexa nipuro noovareleleya.
9 Khoo Yehova, mukireerele murima, okhala wiira kooxanka.
Maitho aka ni erutthu aka yootheene,+ sootteettheya mwaha wooxanka.+
Ikuru sinnikimalela mwaha wa etampi aka;
Makhuva aka aatteettheya.+
11 Awanani aka ootheene annikitheya,+
Vanceenexa ale kaattamanne aka.
Ale kinaasuwela aka, annikoova vanceene;
Okathi anikiweha aya nipuro noowaatta atthu, awo annikitthyawa.+
12 Awo aakikumiha vamurimani vaya* ni aakiliyala, okhalaka ntoko kirimookhwa;
Kiri ntoko murinki woophweeya.
13 Kinniiwa itthu sinceene sootakhala sinilavuliwa;
Kinnoova vanceene.+
Awo annithukumana poromosa, anampaka palano wiira akiive.
Annimpaka palano wiira akiive.+
14 Masi miyo kinoororomelani nyuwo Yehova.+
Miyo kinnihimya wiira: “Nyuwo mwa Muluku aka”.+
15 Mahiku aka ari mmatatani mwanyu.
Mukoopole mmatatani mwa awanani aka, ni mmatatani mwa ale anikilupattha.+
16 Mmureerele murima murumeyi anyu.+
Mukoopole mwaha wa ophenta wanyu woororomeleya.
17 Xontte Yehova, kihuuliwe muru okathi kiniwiitthanaakani.+
18 Nwale iyano sa anawoothe,+
Yaawo anilavula voowiixinnuwiha ni anaathanya anaxariya.
19 Oreera wanyu murima ti wuulupale!+
Nyuwo muhaasukerya ale aniwoovani, yaale anitthyawela wa nyuwo.+
Nave muhooniherya eyo wa atthu ootheene.+
20 Nyuwo munrowa waavitha nipuro nanyu noowiipitheya,+
Wiira nwaakiherye wa atthu ootakhala anaapakela apalano;
Munoowiipithiha mutentani mwanyu,
Wiira ahitupheliwe ni atakhali.+
21 Ottottopeliwe Yehova,
Okhala wiira ookooniherya ophenta wawe woororomeleya mwa enamuna yootikiniha,+ kiri ene epooma erukureriwe ni awanani.+
22 Miyo kihoova, kinahimya wiira:
“Kinoopwetexiwa ohoolo wanyu”.+
Nyuwo mookiiwa okathi kaakhuwela aka, kivekaka okhaliheriwa.+
23 Mumphenteke Yehova, nyuwo ootheene oororomeleya wa yena!+
Nsipo na Davidi. Maskiili.*
32 Oohakalala tuule onileveleliwa itampi sawe ni siliyaliwe* soottheka sawe.+
3 Okathi kaamaalale aka, makhuva aka yaahitteettheya, okhala wiira kaanixanka mahiku ootheene.+
4 Othana ni ohiyu, ntata nanyu* naanikilemela.+
Ikuru saka saahimala, ntoko maasi aniwelela mwaha wa nsuwa nooviha na elimwe. (Selahi)
Kaahihimya wiira: “Kinoomuleela Yehova itampi saka”.+
Vano nyuwo mwaahikilevelela itampi saka.+ (Selahi)
Hata akhumelelaka maasi manceene, khanrowa waaphwanya atthu awo.
Munrowa okeemexa eriyari ya atthu anitteeliwa murima mwaha wa woopola wanyu.+ (Selahi)
8 “Kinimoovahani ankhili, ni kinoowiixuttihani ephiro mukhanle anyu ootthara.+
Kinimoovahani miruku ni kinimookhapelelani.+
9 Muhikhaleke ntoko ekhavalo aahiiso mwaamunama oniihaniwa muula,
Seiyo sihinsuwela etthu,+
Ni sineettihiwa erumeeliwaka eyeettiheryo aahiiso mukhoyi, wiira siiweleleke”.
10 Atakhali annihaawa vanceene;
Masi ole onimuroromela Yehova, onnirukureriwa ni ophenta wawe woororomeleya.+
11 Nyuwo anaxariya, mutteeliweke murima ni mutthapeke mwaha wa Yehova;
Nyuwo ootheene ooreera murima, mukhuweleke voohakalala.
33 Nyuwo anaxariya, mukhuweleke vootteeliwa murima mwaha wa Yehova.+
Ti vookhalela anaxariya omuttottopela owo.
2 Mmuxukhureleke Yehova mmoopaka viola mwaamukhaani;
Mmwiipeleke isipo, mmoopaka viola muulupale orina mikhoyi 10.
3 Mmwiipeleke nsipo na niinaano;+
Mmoopeke oratteene viola owo, mukhuwelaka vootteeliwa murima.
4 Nuulumo na Yehova ti neekeekhai,+
Nave itthu sootheene onipaka awe ti soororomeleya.
5 Owo ennimusivela exariya ni onniphukela ohimuthanlaka mutthu.+
Elapo yoosareya ophenta woororomeleya wa Yehova.+
7 Owo onnithukumanya maasi a mphareya ntoko eparaaxe;+
Onnipweha maasi ootupa mwaarumasiya.
8 Elapo yootheene ya vathi, emooveke Yehova.+
Atthu ootheene anikhala mulaponi-mmo, amuttittimiheke yoowo.
11 Masi etthu Yehova othanlale awe, enrowa* okhalaka mahiku ootheene;+
Itthu sinuupuwela awe vamurimani vawe, sinookhalaka para maloko ootheene, mpakha ohoolo.
12 Nloko noohakalala, ti nenle Muluku aya ori Yehova,+
Atthu yaawo aathanlale awe wiira akhale awawe.+
13 Ori ene wiirimu, Yehova onniweha vathi-va;
Owo onnaaweha apinaatamu ootheene.+
14 Ori ene nipuro onikhala awe,
Owo onnaaweha apinaatamu vathi-va.
15 Ti yoowo onipaka mirima sa atthu ootheene;
Onivarerya miteko saya sootheene.+
16 Khuuvo mwene onoopowa mwaha wa okhalana anakhotto anceene;+
Mutthu oowerya khonoopowa mwaha wa owerya wawe wuulupale.+
17 Muhiroromele ekhavalo wiira mwaxintte okhottoni, eyo pooti woowokani.+
Ikuru saya sinceene khasinroromeliha wiira sinimoopola.
18 Moone! Yehova onnaaweha-weha ale animoova,+
Yaale anilipelela ophenta wawe woororomeleya,
19 Wiira owoopole mookhwaani,
Ni owiirihe okhala akumi okathi wa etala.+
20 Hiyo nimmulipelela Yehova.
Owo tonnikhaliherya ni tori nikula nahu na wiixaakihana.*+
21 Hiyo ninnitteeliwa murima mwaha wa yoowo,
Okhala wiira ninniroromela nsina nawe noowaarya.+
Nsipo na Davidi, nenno iipale awe okathi aikhalinhe awe ntoko namukhwa anepa*+ ohoolo wa Abimeleque, yoowo aamoomonle, onarowa.
א [aalefe]
34 Okathi wootheene, kinoomuttottopela Yehova;
Nkinrowa ohiya omuttottopela yoowo.
ב [beete]
2 Kinoolavula itthu suulupale sinimuhimya Yehova;+
Atthu oowiiyeviha animwiiwa ni anootteeliwa murima.
ג [kiimele]
3 Nyuwo ni miyo, ninvuwihe Yehova;+
Nivuwihe nsina nawe hoothe.
ד [taalete]
4 Kaahimukoha Yehova, nto owo aahikaakhula.+
Ookoopola mwa itthu sootheene saakoopiha.+
ה [he]
5 Ale anwenhe yoowo, aahakalala;
Awo khanrowa wuuliwa muru.
ז [saine]
6 Mutthu ola oohaawa ohiitthana, nto Yehova ohiiwa.
Owo oomoopola mixankiho sawe sootheene.+
ח [heete]
ט [teete]
י [iyoote]
9 Ootheene nyuwo muri atthu awe, mmooveke Yehova,
Okhala wiira ale animoova, khenaathowa etthu.+
כ [kaafe]
10 Hata axaana a kharamu a ikuru, annivoliwa etala,
Masi ale animwaavya Yehova, khasinrowa waathowa itthu sooreera.+
ל [laamete]
11 Nyuwo anaaka, murwe, mukiwiriyane;
Kinoowiixuttihani omoova Yehova.+
מ [meeme]
12 Ti pani a nyuwo oniphavela ohakalalaka mookumini mwawe?
Nave oniphavela okhala mahiku manceene ohakalalaka?+
נ [nuune]
13 Weeso mukasoopeke nlumi nanyu, wiira nihilavule itthu sootakhala,+
Ni eyano anyu, wiira ehootheke.+
ס [saameke]
14 Musyakeke itthu sootakhala, nvareke itthu sooreera.+
Mphaveleke murettele ni mweetteleke yoowo.+
ע [iyoote]
15 Maitho a Yehova annaaweha anaxariya,+
Maaru awe annaawiriyana yaakhuwelaka, avekelaka okhaliheriwa.+
פ [pe]
16 Masi Yehova onnaanyokha ale aniira itthu sootakhala,
Onoowiiriha atthu awo oliyaliwa mulaponi.+
צ [saade]
ק [kaafe]
ר [reexe]
ש [xiimi]
ת [taawu]
21 Mutakhali onimwiiviwa ni ehasara;
Ale animunyokha naxariya, anoolamuliwa.
Nsipo na Davidi.
3 Mweemexe nivaka nanyu ni mmweemexe maxatto anyu, mwawane ni ale anikoomola;+
Mukihimeerye wiira: “Ti miyo kiniwoopolani”.+
4 Yuuliwe muru ale aniphavela okiiva.+
Ale aniphavela okipwetexa, atthikele ottuli, yuuliwe ene muru.
5 Awo alikaneke ni ikavava sinivavihiwa ni epheyo;
Nlaikha na Yehova niwoomole.+
6 Ephiro aya ekhale yooriipela ni yoothererya,
Okathi nlaikha na Yehova ninrowa aya owoomolaka.
7 Awo annireya ntthavi wiira akiwayihe vahikhanle mulattu;
Aakithipela nlitti vahikhanle nthowa.
8 Emukhumelele ehasara vootutuxerya;
Ntthavi oreyale awe, ninwaye yoowo;
Omorele ntthavi nenlo ni opwetexiwe.+
9 Masi miyo kinootteeliwaka murima mwaha wa Yehova;
Kinootteeliwaka murima mwaha wa itthu onipaka awe wiira okoopole.
10 Kinoohimya ni murima aka wootheene wiira:
“Yehova, ti pani onlikana ni nyuwo?
Nyuwo munnimoopola mutthu ovelavenle, mmatatani mwa atthu oowerya,+
Munniwoopola atthu ooxanka ni oohaawa, mmatatani mwa ale aniwiiyerya”.+
11 Anamoona oowootha annikhumelela,+
Anakootherya itthu kihinsuwela aka.
12 Itthu sooreera kiniira aka, awo anikiliva ni sootakhala,+
Anakiiriha oriipiwa murima.
13 Masi okathi yaawereiwa aya, miyo kaaniwara esaakho;
Kaaniiyeviha kitthukwaka,
Nave mavekelo aka yaanikitthikela ahaakhuliwe.
14 Kaaneetta kinlaka, kinakhala ntoko kaamunlela mpatthani aka aahiiso munnaka;
Kaanuurama kiriipiwe ene murima, kikhalaka ntoko mutthu oniwunlela amamawe.
15 Masi okathi kaaxankale aka, awo yaahitteeliwa murima ni yaahithukumana vamosa;
Yaahithukumana wiira yiipithe ni akituphele;
Awo yaahikinyaanya ni khiyaahiyale okootherya itthu.
16 Atakhali annikitheya ni okinyoholela,*
Awo annilumanyiha maino aya mwaha woowi aananariwa ni miyo.+
17 Yehova, munrowa okiwehaka paahi mpakha silini?+
18 Nto, kinimooxukhurelani eriyari ya muloko wa atthu anceene;+
Kinimoottottopelani eriyari ya muttitthi wa atthu.
19 Muhaahiye ale ari awanani aka vahikhanle mulattu, ahakalalaka mwaha wa oxanka waka;
20 Awo khanilavula moolumo a murettele,
Masi, animpaka palano yoothaka, wiira yaavirikanye atthu a murettele.+
21 Annihula eyano aya wiira akootherye,
Yiiraka: “Ahee! Ahee! Nonweha ni maitho ahu”.
22 Khoo Yehova, nyuwo mooweha. Muhimaale.+
Nyuwo Yehova, muhikirakamele.+
23 Nvenye, murwe mukaakihe,
Xontte Yehova, Muluku aka, mphuke mulattu aka ni exariya.
24 Khoo Yehova, Muluku aka, mukiphukele muttharaka exariya anyu,+
Muhimweemererye mutthu, ohakalalaka mwaha wa oxanka waka.
25 Ahikhala-khale ahimeeryanaka wiira: “Ekaa, noophwanya naaphavela ahu”!
Nnakhala ahihimye-tho wiira: “Nompwetexa”.+
26 Yuuliwe muru ni aveeheye, ootheene ale anitteeliwa murima,
Mwaha wa maxakha anikiphwanya.
Ale aniivuwiha mwaha wa miyo, yuuliwe muru ni anyoonyiheye.
27 Masi atteeliweke murima ale enaasivela exariya aka;
Okathi wootheene ahimyeke wiira:
“Ovuwihiwe Yehova, yoowo onoona oreera okathi murumeyi awe onikhalana awe murettele”.+
Para tiretoore a isipo. Nsipo na Davidi, murumeyi a Yehova.
36 Etampi enneettiha murima wa mutakhali;
Owo khonimuttittimiha Muluku.+
2 Owo onniixoona okhalana efaita yinceene,
Ohinaweha, nnakhala ohinanyokha etampi.+
3 Moolumo a mwaano mwawe, toowereya ni toowoka;
Owo khonsuwela moota woopaka itthu sooreera.
4 Ori ene vakhaamani vawe, onnaapaka apalano ootakhala,
Owo oothanla otthara ephiro yoohiloka;
Khonikhootta etthu yootakhala.
5 Yehova, ophenta wanyu woororomeleya onniphiya wiirimu,+
Ororomeleya wanyu onniphiya mmeekuni.
6 Exariya anyu enlikana ni miyaako suulupale;*+
Ophukela wanyu, onikhala ntoko maasi oowaatta ni oowiixerya.+
Yehova, nyuwo munniwoopola atthu ni munnoopola inama.+
7 Muluku, ophenta wanyu woororomeleya, wookhalana efaita yinceene!+
Apinaatamu annitthyawela vamuuttutthini va mapupha anyu.+
8 Awo anniwurya itthu sooreera sa mpaani mwanyu,+
Nyuwo munnaavaha itthu sinceene sooreera, okhalaka ntoko muniwiiriha owurya mmuro moowaatta maasi.+
10 Muhihiye owooniherya ophenta wanyu woororomelela ale anoosuwelani,+
Ni exariya anyu, ale oreera murima.+
11 Muhaahiye atthu oowiixinnuwiha akinyakelaka,
Nnakhala atakhali akoomolaka.
12 Moone! Atakhali aamora;
Awo aamoroxiwa ni khanwerya ovenya.+
Nsipo na Davidi.
א [aalefe]
37 Muhinanariwe mwaha wa atthu ootakhala,
Aahiiso muhaakhalele nrima atakhali.+
2 Awo animuuma voowaakuveya ntoko malaxi,+
Anoonyaala ntoko malaxi makithi.
ב [beete]
4 Mutteeliweke murima vanceene mwaha wa Yehova,
Owo onimoovahani itthu simphavela murima anyu.
ב [kiimele]
5 Muhiye mmatatani mwa Yehova, itthu sootheene munivara anyu;+
Mmuroromele, nto owo onoopaka etthu para mureerelo anyu.+
6 Owo onimwiiriha oreera wanyu murima waaryaka ntoko voosiisu,
Nave exariya anyu, waaryaka ntoko nsuwa na othana eriyari.
ד [taalete]
7 Mulipeleleke ohoolo wa Yehova moopixa murima,+
Nave munwehereryeke yoowo.
Muhinanariwe mwaha wa mutthu,
Yoowo itthu sinimweettela saana mwaha wa apalano awe ootakhala.+
ה [he]
ו [vaawu]
10 Voohipisa-va, atakhali khanrowa okhala-tho;+
Munrowa owaavyaka opuro yaakhala aya,
Nto khamunrowa waaphwanya.+
11 Masi atthu oowiiyeviha* animwaakhela elapo,+
Anootteeliwaka murima vanceene, maana anookhalana murettele munceene.+
ז [saine]
13 Masi Yehova onoomutheya mutakhali owo,
Okhala wiira onnisuwela wiira nihiku nawe nnoophiya.+
ח [heete]
14 Atakhali annitholola ispaata saya* ni annikokha miyuura saya,
Wiira awiive atthu anihaaxiwa ni oohaawa.
Wiira yaapwetexe ale aniira itthu sooreera.
15 Masi espaata aya enoothorola mirima saya;+
Miyuura saya sinimuntakasiwa.
ט [teete]
16 Fataari itthu vakhaani orina awe naxariya,
Ovikana itthu sinceene arina aya atakhali anceene.+
17 Ikuru sa atakhali, sinoomalihiwa,
Masi Yehova onimwaakhaliherya anaxariya.
י [iyoote]
18 Yehova onnisuwela itthu siniwiiraneela anaxariya,
Nave onimwaavaha etthu ehinimala.+
19 Okathi wa maxakha, awo khanrowa wuuliwa muru;
Okathi wa etala, anookhalana eyoolya yinceene.
כ [kaafe]
20 Masi atakhali animookhwa;+
Awanani a Yehova anoorimeela ntoko malaxi ooripelela, yaawo aninyaala moowaakuveya;
Awo anoolakaseya ntoko mwiixi.
ל [laamete]
22 Ale anireelihiwa ni Muluku, animwaakhela elapo,
Masi ale anitakhalihiwa ni Muluku, anoopwetexiwa.+
מ [meeme]
נ [nuune]
25 Miyo kaari mmiravo, nto vano kihuuluvala;
Masi nkinamoone naxariya onyanyaliwe ene;+
Nnakhala nkinawoone anaawe avekaka eyoolya.+
26 Okathi wootheene, owo onniwooliha akina ni murima wootheene,+
Anaawe animwaakhela mareeliho.
ס [saameke]
27 Musyakeke itthu sootakhala, ni mwiireke itthu sooreera,+
Nto munrowa okhalaka mahiku ootheene.
28 Yehova ennimusivela exariya,
Ni khonrowa waanyanyala arumeyi awe oororomeleya.+
ע [aine]
פ [pe]
30 Moolumo a naxariya annaakhaliherya atthu akina okhalana ankhili,
Nave owo onnilavula itthu sa xariya.+
צ [tisaate]
32 Mutakhali onninwehaweha naxariya,
Ophavelaka omwiiva.
33 Masi Yehova khonrowa omuhiya naxariya iiviwaka ni mutakhali,+
Nnakhala khonrowa onvaha mulattu naxariya owo, okathi oniphukeliwa awe.+
ק [koofe]
34 Mmulipeleleke Yehova ni mweetteleke iphiro sawe,
Owo onimoovahani eparakha ya waakhela elapo.
Okathi atakhali anrowa aya opwetexiwa,+ nyuwo munimwaaweha.+
ר [reexe]
35 Miyo konweha mutthu ootakhala ni oonanara murima,
Othaaciriki ntoko mwiri oninnuwa nipuro omenle aya.+
ש [xiimi]
38 Masi ootheene ale anitthekela nlamulo na Muluku, anoopwetexiwa;
Atakhali khanilipelela etthu ohoolo.+
ת [taawu]
40 Yehova onimwaakhaliherya ni onoowoopola.+
Owo onoowaakiha mmatatani mwa atakhali ni onoowoopola,
Okhala wiira annimutthyawelela yoowo.+
Nsipo na Davidi, noowuupuxerya.
38 Khoo Yehova, muhikipwapwele munanariwe ene,
Nnakhala muhikittaruxe munanariwe ene vanceene.+
3 Erutthu aka yootheene ennikiwereya,* okhala wiira moonanariwa ni miyo.
Nkirina murettele mweerutthuni mwaka, mwaha wa etampi aka.+
4 Itampi saka sihuukeleya vamuru vaka;+
Ntoko muritti woolemela, nkiniwerya oteexa.
5 Makhwatta aka anninkha ni annikhuma oru,
Mwaha wa ololo aka.
6 Kooxanka ni kooriipiwa murima vanceene;
Nihiku nootheene, kinneetta kiriipiwe ene murima.
7 Mweerutthuni mwaka, munookiviha;
Erutthu aka yootheene, ennikiwereya.+
8 Kinnihaawa vanceene, kihinoona owereya, nave nkirina-tho ikuru;
Murima aka onnikiwereya ni onnikiiriha othukumela vanceene.
9 Yehova, nyuwo munnisuwela itthu sootheene kiniphavela aka,
Nave munnikiiwa okathi kinuupulela aka.
10 Murima aka onnikitthimaka, ikuru sookimalela,
Nave waarya wa maitho aka, woomala.+
11 Apatthani aka ni ale kineettana aka, annikisyaka mwaha wa makhwatta aka,
Ale kinaasuwela aka oratteene, aneemela ottaiwene.
12 Ale aniphavela okiiva, annikireya miraakho;
Ale aniphavela okikumiherya ehasara, annuulumelela okiiva;+
Nihiku nootheene, awo annimpaka palano wiira akiwoke.
14 Kiri ntoko mutthu ohiniiwa,
Yoowo eyano awe ehiniwerya ohimya etthu wiira iixaakihe.
16 Miyo koohimya wiira: “Awo ahihakalale mwaha wa miyo,
Aahiiso ahikihaaxe katherekuwa vale”.
17 Kaahanle vakhaani omora,
Nave okathi wootheene kaanoona owereya.+
19 Awanani aka toolipa ni oowerya,*
Atthu anikinyokha vahikhanle mulattu, khareere.
20 Etthu yooreera kiwiirenle aka, aakittikiherya ni etthu yootakhala;
Awo anneererya okikhoottiherya opaka itthu sooreera.
21 Khoo Yehova, muhikinyanyale!
Khoo Muluku, muhikirakamele!+
22 Mwaakuve, mukikhaliherye,
Xontte Yehova, moopoli aka.+
Para tiretoore a isipo sa Yetutumi.*+ Esaalimu ya Davidi.
39 Miyo kaahihimya wiira: “Kinimwiikasoopa,
Wiira kihittheke ni itthu kinilavula aka.+
Kinoowalaka eyano aka,+
Okathi wootheene atakhali anrowa aya okaattamelaka”.
3 Murima aka waanikiviha,
Okathi kuupulela aka, erutthu aka yaaniviha ntoko mooro.
Vano kaahihimya wiira:
4 “Khoo Yehova, mukikhaliherye osuwela emalelo aka,
Ni mwaattelo wa mahiku aka,+
Wiira kisuwele okhuveya wa okumi aka.
Mweekeekhai, hata mutthu okhalaka wiira khonoova etthu, owo khonipisa.+ (Selahi)
6 Okumi wa mutthu onnivira moowaakuveya ntoko eruku.
Weeteteya wawe wootheene ti weethiru.
Onnuukela mihakhu, ohimusuwelaka mutthu onkela olya.+
7 Yehova, vano kiroromeleke exeeni?
Miyo kinlipa ni nyuwo paahi.
8 Mukoopole mwaha wa itampi saka sootheene.+
Muhaahiye alolo akitheyaka.
10 Mukumihe ehasara anyu mookumini mwaka.
Nkirina-tho ikuru, mwaha wa okihaaxa wanyu.
11 Munnimuttaruxa mutthu, munvahaka ehukhumu mwaha wa etampi awe;+
Munnihonona itthu onivaha awe efaita, siisaale ntoko oniira aya oweexe.
Mweekeekhai, pinaatamu khonipisa.+ (Selahi)
12 Khoo Yehova, mwiiwe ovekela waka,
Mukiiwe kaakhuwelaka, kivekelaka okhaliheriwa.+
Muhikhaleke ntoko khamunoona maithori aka.
Miyo kiri ntoko namurwa para nyuwo,+
Kiri ntoko mutthu onivira, siisaale yaari aya amuhavinre aka ootheene.+
13 Muhikiweheke munanariwe ene, wiira miyo kihakalale,
Kihinatthi okhwa ni orimeela”.
Para tiretoore a isipo. Nsipo na Davidi.
40 Kinnimulipelela Yehova ni murima aka wootheene,
Nave owo ootheteya niyaru nawe wiira okiwiriyane* okathi kinikhuwela aka, kivekelaka okhaliheriwa.+
2 Owo ookikumiha mulittini muri maasi ootupa,
Ookikumiha vanttopheni.
Nave oheemexa inawu saka vasulu va mwala;
Oolipiha inawu saka.
3 Nuumala-vo, ookiixuttiha nsipo na niinaano,+
Nsipo na omuttottopela Muluku ahu.
Atthu anceene anrowa owehaka itthu Muluku opanke awe, atikinihiwe ene,
Ni anoomuroromelaka Yehova.
4 Mutthu oohakalala ti yoole onimuroromela Yehova,
Ni ohinaaroromela atthu oowiikuxererya aahiiso anawoothe.
Khuuvo onlikana ni nyuwo;+
Vaakhanle wiira kiheererya olaleya ni ohimya miteko sanyu sootheene,
Miyo nkaarowa owerya, maana khasireere!+
6 Nyuwo khamphavenle mukuttho nnakhala etthu wiira nvahiwe,+
Masi mootthukula maaru aka wiira kiiweke.+
Khanvenke soovaha para opahiwa ni soovaha para oleveleliwa itampi.+
7 Vano kaahihimya wiira: “Moone, miyo kihoorwa.
Murooluni, yoolempwa etthu kihimmwaka miyo.+
8 Muluku aka, okisivela vanceene opaka etthu muniphavela anyu.+
Nave nlamulo nanyu niri vamurimani vaka.+
9 Kinnilaleya ihapari sooreera sa exariya, eriyari ya muloko woowaatta atthu.+
Yehova, ntoko munisuwela anyu,
Miyo nkinimaala.+
10 Miyo nkiniipithiha exariya anyu vamurimani vaka.
Kinnilaleya ororomeleya wanyu ni woopola wanyu.
Nkinivitha ophenta wanyu woororomeleya ni ekeekhai anyu, eriyari ya muloko woowaatta atthu”.+
11 Xontte Yehova, muhihiye okimorela ikharari.
Ophenta wanyu woororomeleya ni ekeekhai anyu, sikikhapeleleke okathi wootheene.+
12 Mixankiho sinikirukurerya khasireere, kihinawerya okontari.+
Itampi saka khasireere waatta, sinnikikhulumula kihinawerya woona opuro onirowa aka;+
Iyo ti soowaatta ovikana ikharari saka,
Nave miyo kookhulumuwa.
13 Xontte Yehova, mukoopole.+
Khoo Yehova, mwaakuve murwe mukikhaliherye.+
14 Ootheene yaale aniphavela okiiva,
Yuuliwe muru ni aveeheye.
Ootheene yaale anihakalala ni ohaawa waka,
Atthikele ottuli yuuliwe ene muru.
15 Ootheene yaale anikitheya yiiraka: “Ekaa! Ekaa!”
Axankiheye mwaha wa wuuliwa muru.
Ootheene yaale aniphavela vanceene woopoliwa ni nyuwo, okathi wootheene ahimyeke wiira:
“Ovuwihiwe Yehova”.+
17 Masi miyo koovelavela ni koohaawa;
Xontte Yehova, mukiwehe.
Para tiretoore a isipo. Nsipo na Davidi.
41 Oohakalala tuule onaakhaliherya atthu oohaawa;+
Yehova onrowa omoopola mmaxakhani.
2 Yehova onoomukhapelela wiira okhale mukumi.
3 Okathi oniwereiwa awe, ohinawerya ovenya vakhaamani, Yehova onoomukhapelela;+
Nyuwo munoomukhapelela okathi oniwereiwa awe.
4 Miyo koohimya wiira: “Yehova, mukireerele murima.+
Mukipenuxe,+ okhala wiira kihootthekelani”.+
5 Masi awanani aka annikilavulela itthu sootakhala, yiiraka:
“Mutthu ole onrowa okhwa silini, wiira nsina nawe niliyaliwe?”
6 Mmosa a yaawo arwa okixukurya, onihimya itthu soowootha.
Owo onnithukumanya moolumo ootakhala wiira olavule;
Nuumala-vo, onnirowa waaleela atthu akina.
7 Atthu ootheene anikinyokha, annikaapa;
Awo annimpaka palano wiira akiirihe etthu yootakhala, ahimyaka wiira:
8 “Yoomukhumelela etthu yootakhala;
Vano owo ohimmaathi, nto khonikhala-khala ovenyaka”.+
10 Xontte Yehova, mukireerele murima ni mukivenxe,
Wiira kaaliverye itthu sootakhala akiirenle aya.
11 Kinoosuwela wiira kinnivara itthu sinoosivelani,
Okathi awanani aka ahinrowa aya okixintta.+
12 Nyuwo munnikikhapelela mwaha wa ororomeleya waka;+
Nave munrowa okipweha ohoolo wanyu mahiku ootheene.+
13 Ottottopeliwe Yehova, Muluku a Isarayeli,
Mahiku ootheene.+
Amen! Amen!
ELIIVURU YA NENLI
(Isaalimu 42-72)
Para tiretoore a isipo. Maskiili.* Nsipo na osuulu wa Kora.+
42 Siisaale etthove eniphavela aya vanceene maasi,
Siiso-tho, miyo kinnoophavelani vanceene, nyuwo Muluku.
2 Siisaale mutthu oniphavela awe maasi, miyo kinnoophavelani vanceene, nyuwo Muluku mukumi.+
Kirwe silini wiira keemele ohoolo wanyu, nyuwo Muluku?+
3 Kinninla othana ni ohiyu;
Nihiku nootheene atthu annikitheya, yiiraka: “Muluku anyu ori vai?”+
4 Miyo kinnuupuwela itthu iya, nave murima aka onnikiwereya vanceene,
Miyo kaaneetta ni muttitthi wa atthu;
Kaaneetta vakhaani-vakhaani ohoolo wa atthu awo, kirowaka empa ya Muluku,
Nikhuwelaka vootteeliwa murima, ni niipaka isipo sooxukhurela,
Ntoko muttitthi onipaka efesta.+
5 Xeeni kixankale aka?+
Xeeni kivelavenle aka?
6 Muluku aka, miyo kooxanka,+
Tivonto kinniwuupuwelani,+
Mulaponi mwa oYordani ni vasulu va miyaako sa oHermoni,
Vasulu va mwaako Misaari.*
7 Kinniiwa oruma wa maasi ootupa.
Oruma wa maasi anyu animora.
Mawimpi anyu ootheene ootupa, aakikhupa.+
8 Othana, Yehova onookooniherya ophenta wawe woororomeleya,
Ohiyu, kinoomwiipela isipo, kinonvekela Muluku onikivaha okumi.+
9 Kinoomukoha Muluku, yoowo ori mwala aka, wiira:
“Xeeni muhalaka okiliyala?+
Xeeni kaarowa aka weetta kiriipiwe ene murima, mwaha wa awanani aka anikihaaxa?”+
10 Awanani aka annikiruwana, akinyokhaka vanceene;
Nihiku nootheene atthu annikitheya, yiiraka: “Muluku anyu ori vai?”+
11 Xeeni kixankale aka?
Xeeni kivelavenle aka?
Kinoomulipelela Muluku,+
Okhala wiira nlelo kinoomuttottopela ntoko Moopoli aka Muulupalexa ni Muluku aka.+
Mukoopole mmatatani mwa atthu oowootha ni ootakhala.
2 Nyuwo mwa Muluku aka, mwa nipuro naka noolipihiwa.+
Xeeni mukikhoottale anyu?
Xeeni kaarowa aka weetta kiriipiwe ene murima, mwaha wa awanani aka anikihaaxa?+
3 Mukiruuhele waarya wanyu ni ekeekhai anyu.+
4 Vano kinoophiya valtaari a Muluku,+
Yoowo onikitteeliha murima vanceene.
Nave kinimoottottopelani ni viola aka,+ khoo Muluku aka!
5 Xeeni kixankale aka?
Xeeni kivelavenle aka?
Kinoomulipelela Muluku,+
Okhala wiira nlelo kinoomuttottopela ntoko Moopoli aka Muulupalexa ni Muluku aka.+
Para tiretoore a isipo. Nsipo na osuulu wa Kora.+ Maskiili.*
44 Muluku, hiyo nihiiwa ni maaru ahu,
Amuhavinre ahu aanileela,+
Miteko sivanre anyu mahiku aya,
Mahiku a khalai.
Mwaahihukhumu maloko awo ni mwaahoomola.+
Masi yaahixintta mwaha wa ntata nanyu noolopwana, ni moono anyu+ ni mwaha wa waareerela wanyu murima,
Okhala wiira mwaanaaphenta.+
4 Muluku, nyuwo mwa Mwene aka;+
Mmwiirihe Yakobe oxintta vanceene.
6 Miyo nkinroromela muura aka,
Nave espaata aka kheniwerya okoopola.+
7 Ti nyuwo munooponle mmatatani mwa awanani ahu,+
Ti nyuwo nwiirinhe ale anninyokha wuuliwa muru.
8 Nihiku nootheene, nnoomuttottopela Muluku,
Nave nnoottottopela nsina nanyu mahiku ootheene. (Selahi)
9 Masi vano, munninikhootta ni munniniiriha wuuliwa muru,
Nave khamunaakhaliherya anakhotto ahu.
10 Munniniiriha waatthyawa awanani ahu;+
Ale anninyokha, anninaakha khula etthu aniphavela aya.
11 Moonivahererya wiira nikhuuriwe ntoko ipwittipwitthi;
Nave moonimwara-mwarya ilapo sootheene.+
12 Munnaatumiha atthu anyu mahala;+
Nave musurukhu ene khamumphwanyerya etthu.
13 Munniniiriha othanyiwa ni atthu anaattamenle,
Nave ninniveehiwa ni otheiwa.
14 Munniniiriha okhala muhapo para atthu a mulaponi,+
Atthu annittikinya miru saya yaaniwehaka.
15 Nihiku nootheene kineetta oowuuliwa muru,
Owiitho waka kinnoona ehaaya yinceene,
16 Mwaha wa moolumo aya ooveeha ni ooruwana,
Mwaha wa nwanani ahu oninla ikuhu.
17 Soonikhumelela itthu iya sootheene, hata vari siiso, hiyo khinooliyanleni,
Nnakhala khanihononne nivarihano mpanke anyu ni hiyo.+
18 Murima ahu khohapunwe;
Nave inawu sahu khasihiyale weetta ephiro anyu.
19 Masi nyuwo mooniiriha oxinttiwa, opuro anikhala aya alapwa a mutakhwani;
Nave mooniiriha oxanka vanceene.
20 Akhala wiira nooliyala nsina na Muluku ahu,
Aahiiso nihookola matata ahu ninvekelaka Muluku ohinimusuwela ahu,
21 Niireke Muluku khaarowa osuwela?
Owo onnisuwela isiiri siri vamurimani.+
22 Mwaha wa nyuwo, okathi wootheene ninnivahereriwa wiira niiviwe.
Ninnooniwa okhala ntoko ipwittipwitthi sinrowa wiiviwa.+
23 Xontte Yehova, nvenye! Xeeni nlelo munirupa anyu?+
Nvenye! Muhinikhootte mahiku ootheene.+
24 Xeeni munivitha anyu owiitho wanyu?
Xeeni muniliyala anyu ohaawa wahu ni ohasuliwa wahu?
25 Khannooneliwa vatthu, nnalikana ni ntthupi.
Irutthu sahu soonyakeleliwa vathi.+
26 Nvenye, murwe munikhaliherye!+
Munoopole mwaha wa ophenta wanyu woororomeleya.+
Para tiretoore a isipo. Nsipo ninlavula sa Ifilori. Nsipo na osuulu wa Kora.+ Maskiili.* Nsipo na ophenta.
45 Kootteeliwa murima vanceene mwaha wa etthu yooreera.
Koohimya wiira: “Nsipo naka* kinrowa omwiipela mwene mmosa”.+
Nlumi naka nri ntoko mureka*+ wa mulipa-oolepa ooratta.+
2 Nyuwo mwene, mootepa oreera waavikana atthu ootheene.
Mwaano mwanyu, annikhuma moolumo ooreera.+
Tivonto Muluku ooreelinhaaweni voohimala.+
4 Mooniherye ovuwa wanyu, ni mwaaxintte;+
Mweettihe ekhavalo anyu ni nwane ekhotto, nwiirelaka atthu oowiiyeviha, mwiirelaka ekeekhai ni exariya,+
Nave ntata nanyu noolopwana, nnoovara* itthu sootikiniha.
5 Mareetthe anyu toothokolowa, anniwiiriha atthu omora ohoolo wanyu;+
Awo annithorola mirima sa awanani a mwene.+
6 Muluku tori ehice anyu mahiku ootheene.+
Nyuwo mookhalana ekopo ya omwene anyu ni munrowa olamulelaka mwa xariya.+
7 Ehoosivelani exariya+ ni moonyokha itthu sootakhala.+
Tivonto, Muluku ohoothanlani, owiitthelakani makhura+ ni ootepa wootteelihani murima,+ waavikana mamwene makina.
8 Ikuwo sanyu sootheene, sinninkhela eperfuume ya miira, alowe* ni kaasiya;
Empa anyu yuulupale, yeeyo ereerihiwe ni maino a etthepo, onniiwanyeya oruma wa ikaruma sa isipo, seiyo sinootteelihani murima.
9 Anamwane axithiyana a mwene, ari ekurupu ya aximwali oottittimiheya anookhaliheryani.
Pwiyamwene, ori moono anyu woolopwana, ophwanelihiwe ene ni eweero ya wOfiri.+
10 Nyuwo mwanaka, mwiiwe ni nwiriyane oratteene moolumo aka;
Mwaaliyale atthu anyu ni amusi a apapinyu.
11 Nto mwene onoosiveliwa mwaha wa oreera wanyu,
Okhala wiira owo pwiya anyu.
Tivonto, muurame ohoolo wawe.
12 Mwaana mwaamuthiyana a oTiiro, onooruuha etthu wiira oovaheeni;
Alopwana oothaaciri vanceene, anoophavela oreereliwa murima ni nyuwo.*
13 Muhina mwa epalaasio,* mwaana mwaamuthiyana a mwene oosareya ovuwa;
Soowara sawe ti sa eweero yooreerihiwa.
14 Owo onniroihiwa wa mwene, owanre ene ikuwo sooreera sa musurukhu munceene.*
Imwali sinimuhoola, sinniroihiwa mpaani, ohoolo wawe.*
15 Iyo sinniroihiwa vootteeliwa murima ni otthapa;
Sinnikela vatthokoni va mwene.
16 Aniinyu axilopwana, animwaaranttela amuhavinre aya.
Nyuwo munrowa waakhaliha makhulupale a mulaponi mootheene.+
17 Kinoosuweliha nsina nanyu maloko ootheene anrowa okhumelela ohoolo.+
Tivonto atthu anrowa aya woovuwihakani mahiku ootheene.
Para tiretoore a isipo. Nsipo na osuulu wa Kora,+ nenlo nniipiwa otthariwaka alamoothi.*
2 Tivonto nihinrowa ahu woova etthu, hata elapo eturukeyaka,
Hata miyaako simorelaka mphareya moowiixa,+
3 Hata maasi a mphareya anyakulaka ni akhumaka nipheru,+
Aahiiso maasi awo ootupa yiirihaka miyaako otetereya. (Selahi)
4 Wookhala muro, yoowo maasi aya anitteeliha murima epooma ya Muluku.+ Maasi awo annitteeliha murima nipuro noowaarya,
Eyo piiyo, etapernaakulu yuulupale ya Muluku Muulupalexa.
5 Muluku ori epooma yeeyo,+ tivonto vahiniweryaneya aya onyaanyiwa.
Muluku onimoorwa oxaka, okhaliherya epooma eyo.+
6 Maloko yaahoova vanceene, ikuvernu saahimala-malihiwa;
Muluku aahivenxa nsu nawe, nave elapo yaahitothowa.+
7 Yehova a anakhotto ori ni hiyo;+
Muluku a Yakobe, tori ntthyawelo nahu noolipa. (Selahi)
8 Murwe moone miteko sa Yehova,
Moone moota onipaka awe itthu sootikiniha mulaponi.
9 Owo onnimaliha ikhotto elapo yootheene ya vathi.+
Onnintakasa miyuura ni mavaka;
Onnipaha ikaaro sa ekhotto* ni mooro.
10 “Mwiivahererye, ni musuwele wiira miyo ka Muluku.
Para tiretoore a isipo. Nsipo na osuulu wa Kora.+
47 Nyuwo atthu a maloko ootheene, moopeke makuphi.
Mmuttottopeleke Muluku, mukhuweleke mutteeliwe ene murima.
2 Yehova, yoowo ori Muluku Muulupalexa, toowoopiha;+
Owo ti Mwene muulupale, a elapo yootheene ya vathi.+
3 Owo onniwiiriha atthu oniiwelela;
Onniniiriha oxintta maloko.+
4 Owo oonithanlela etthu nihiyeriwe ahu,+
Eyo piiyo, wiittottopa wa Yakobe, yoowo onimphenta awe.+ (Selahi)
5 Muluku aahiwela, okathi atthu yaakhuwela aya atteeliwe ene murima;
Yehova aahiwela, okathi noopiwa aya nlope.*
6 Mmwiipele Muluku masipo oottottopela, mmwiipele masipo oottottopela.
Mmwiipele Mwene ahu masipo oottottopela, mmwiipele masipo oottottopela.
7 Muluku ti Mwene a elapo yootheene ya vathi;+
Mmwiipele masipo oottottopela ni mooniherye okhalana ankhili.
8 Muluku oopacerya olamulela ntoko Mwene a maloko ootheene.+
Muluku ookilaathi veehiceni vawe yoowaarya.
9 Ahooleli a atthu aathukumana,
Vamosa ni atthu a Muluku a Abrahamu.
Anamalamulela a mulaponi tawawe Muluku.
Owo oovuwihiwa vanceene.+
Nsipo na osuulu wa Kora.+
48 Yehova ti muulupale, ni toniphwanelexa ottottopeliwa.
Ottottopeliwe mpooma mwa Muluku ahu, vamwaako vawe voowaarya.
2 Mwaako Siyoni yoowo ori onorti, ti wooreera mwaha wa orakamela osulu,+
Ni toniiriha elapo yootheene otteeliwa murima,
Nave ti epooma ya Mwene Muulupalexa.+
3 Vasulu va ipa soorakama ni soolipa sa epooma eyo,
Muluku ohaasuweliha atthu wiira owo tori ntthyawelo noolipa.+
4 Moone! Mamwene aathukumana;
Ootheene aya annoorwa.
5 Okathi yaawenhe aya epooma eyo, yaahitikinihiwa.
Awo yaahixanka, anatthyawa yoovaka.
6 Awo yaahipacerya othukumela opuro ene yoole,
Waahaaphwanya owereya, ntoko muthiyana oniyara.
7 Nyuwo munnaapwexakasa apakiti a oTaarisi ni epheyo ya mpantta onikhuma nsuwa.
8 Etthu niiwale ahu elavuliwaka, vano ninnoona mmansihu,
Mpooma mwa Yehova a anakhotto, mpooma mwa Muluku ahu.
Muluku onoolipiha epooma eyo mwa mahiku ootheene.+ (Selahi)
9 Muluku, hiyo ninnuupuwelela ophenta wanyu woororomeleya,+
Mutemplo mwanyu.
10 Nsina na Muluku ni ottottopeliwa wawe,
Sinniphiya omalenle elapo.+
Ntata nanyu noolopwana, noosareya exariya.+
12 Mweetteke mmurukureryaka Siyoni. Mmurukureryeke yoowo.
Mukontariki ipa sawe soorakama.+
13 Muupuweleke ixiri sawe soolipihiwa.+
Nvareryeke ipa sawe soorakama ni soolipihiwa,
Wiira mwaaleele itthu iya, atthu a maloko anrowa okhumelela ohoolo.
14 Ola ti Muluku ahu+ para mahiku ootheene.
Onooneettiha mpakha okathi woohimala.*+
Para tiretoore a isipo. Nsipo na osuulu wa Kora.+
49 Nyuwo atthu a maloko ootheene, mwiiwe etthu ela.
Nyuwo atthu anikhala olumwenku wootheene, nvahe ephoole,
2 Akhale aalupale ni acikhaani,
Athaaciri ni amasikhini.
3 Eyano aka enoolavula moolumo anooniherya okhalana ankhili,
Nave itthu kinuupuwelaka aka vamurimani vaka,+ sinimooniherya okhalana miruku.
4 Kinoovaha ephoole muhapo mmosa;
Kinootthokiherya ethale aka, kimoopaka viola.
5 Miyo nkinrowa woova okathi sinrowa aya okiphwanya mixankiho,+
Okathi atakhali anrowa aya okirukurerya, aphavelaka okiiriha etthu yootakhala.
6 Ale aniroromela muhakhu aya,+
Ni ale aniittottopa mwaha wa mihakhu saya sinceene,+
7 Khuuvo oniwerya omoopola munnawe,
Aahiiso onvaha Muluku etthu, wiira omoopole munnawe.+
8 Etthu yaarowa aya ovaha wiira yoopole okumi aya, ti ya efaita yinceene,
Vahinikhala-khala aya aweryaka ovaha.
9 Awo khaniwerya omoopola munnaya, wiira okhaleke mahiku ootheene ni ohiwehe mahiye.+
10 Awo anniweha wiira hata asuweli annookhwa;
Nave-tho alolo ni atthu ahirina miruku annookhwa,+
Ni annaahiyerya muhakhu aya atthu akina.+
11 Vamurimani vaya, awo aniphavela wiira ipa saya sikhaleke mahiku ootheene,
Nave mapuro anikhala aya, ahimaleke mpakha maloko a ohoolo.
Imatta saya anniitthanela nsina naya.
12 Masi mutthu, hata ori ene oottittimiheya, khonrowa okhalaka mahiku ootheene;+
Owo khorina efaita yuulupale ovikana inama, ootheene aya annookhwa.+
13 Ela ti ephiro ya alolo,+
Vamosa ni ale anaatthara, yaawo anaasivela moolumo aya eethiru. (Selahi)
14 Awo animookhwa, siisaale ipwittipwitthi sinrowa wiiviwa.
Okhwa, tonrowa okhala makampusi aya;
Voosiisu, anaxariya animwaalamulelaka.+
16 Muhixanke mwaha wa mutthu onithaaciri,
Mwaha wa wuncerereya mihakhu sawe vatthokoni vawe,
17 Okhala wiira okathi onikhwa awe, khiivo etthu onrowa awe okuxa;+
Nnakhala muhakhu awe khonimutthara.+
18 Okathi ori awe mukumi, owo onniittottopa.+
Atthu annimuttottopela mutthu okathi onithaaciri awe.+
19 Masi, woomalelani waya, onimookhwa ntoko akhwiiye aya amuhavinre awe,
Khanrowa-tho woona okokola.
20 Mutthu yoole ohinsuwela etthu ela, hata ori ene oottittimiheya,+
Khorina efaita yuulupale ovikana inama, ootheene aya annookhwa.
Nsipo na Asaafi.+
50 Yehova, Muluku a amuluku,+ oolavula;
Owo onnaalattula atthu ootheene anikhala mulaponi,
Okhuma mpantta onikhuma nsuwa, mpakha onikela nsuwa.
2 Muluku onnikumiherya waarya oSiyoni, epooma yootepexa oreera.+
3 Muluku ahu onimoorwa, ni khonrowa omaala.+
4 Owo onnaalattula ale anikhala wiirimu ni anikhala vathi,+
Onnaalattula wiira aaphukele atthu awe.+ Owo onihimya so:
5 “Mwaathukumanye ohoolo waka, arumeyi aka oororomeleya,
Yaawo apanke nivarihano ni miyo, arumeelaka mukuttho”.+
6 Erimu ennilaleya exariya awe,
Okhala wiira Muluku mwaneene, tori Mulipa-Oophuka Milattu.+ (Selahi)
7 “Nyuwo atthu aka, nwiriyane, okhala wiira kinoolavula;
Nyuwo Isarayeli, kinookhala namoona wiira koovirikanyeni.+
Miyo ka Muluku anyu.+
8 Miyo nkinoopwapwelani mwaha wa mikuttho sanyu,
Nnakhala mwaha wa soovaha sanyu para opahiwa, seiyo siri ohoolo waka okathi wootheene.+
10 Inama sootheene sa mutakhwani ti sawaka,+
Hata inama seiye soowoopiha sinikhala miyaako sootheene.
11 Miyo kinnaasuwela axipalame ootheene a omwaako;+
Ni inama sootheene sa mutakhwani sihinkontareya ti sawaka.
12 Vaakhanle wiira koovoliwa etala, nkaarowa woovekelani eyoolya,
Okhala wiira elapo yootheene ni itthu sootheene siri memmo ti sawaka.+
13 Niireke wiira kinookhuura enama ya ipooyi,
Ni kinoowurya ephome ya ipuri?+
14 Mmuxukhuruku Muluku, ntoko mukuttho muninvaha anyu,+
Mwaataphule anatiri ootheene mummanenle anyu Muluku Muulupalexa.+
15 Mukiitthane nihiku munixanka anyu.+
Miyo kinoowoopolani, nto nyuwo munookittottopela”.+
16 Masi Muluku onoomukoha mutakhali wiira:
19 Nyuwo munimakela olavula itthu sootakhala,
Ni munimakela wootha.+
20 Nyuwo munnikilaathi, munamulavula munninyu voohikhalela;+
Munnaaleela atthu akina soovonya sa mwaana a maama anyu.
21 Okathi mwiira anyu itthu iyo, miyo kaaroomaala;
Nto muupuwela wiira kaarowa okhala ntoko nyuwo.
Masi vano kinimoopwapwelani,
Nave kinoowooniheryani soovonya sanyu.+
22 Nyuwo munimuliyala Muluku, xontte muthokorerye itthu iya,+
Mwaahiire siiso, miyo kinimoonyaanyani, nave khuuvo onrowa owoopolani.
23 Ole onimuxukhuru Muluku okhalaka ntoko oninvaha mukuttho, onnikivuwiha,+
Nave ole onivara itthu sooreera,
Miyo kinoomoopola”.+
Para tiretoore a isipo. Nsipo na Davidi, nenno iipale awe okathi profeta Natani aaronwe awe okumana nuuwo, nuumala Davidi orupa ni Bati-Xeeba.+
51 Xontte Muluku, mukireerele murima, mwaha wa ophenta wanyu woororomeleya.+
Muttipihe itampi saka, mwaha wa omoriwa wanyu ikharari wuulupale.+
3 Miyo kinnisuwela oratteene soottheka saka,
Nave okathi wootheene, etampi aka eri mmuupuweloni mwaka.+
Tivonto, nyuwo mookhalana erasau mwaalavulaka.
Nave ophukela wanyu ti wa xariya.+
6 Koosuwela wiira vannoosivelani mwaawehaka wiira murima wa mutthu wookhalana ekeekhai;+
Mukiixuttihe okhalana murima orina ankhili.
7 Murapihe itampi saka, murumeelaka makukhu a mwiri oniihaniwa isopo, wiira kikhale ooreera;+
Mukirapihe, wiira kikhale ooreera saana.+
8 Mukiirihe owiiwa atthu anikhuwela mwaha wa otteeliwa murima,
Wiira kitteeliwe murima, nnaamwi muntale ene makhuva aka.+
10 Khoo Muluku, mukivahe murima wooreera,+
Mukiirihe ophavelaka opaka itthu sooreera,+ okathi wootheene.
11 Muhikoomole ohoolo wanyu;
Nave muhikaakhe ikuru sanyu soowaarya.
12 Mukittikiherye otteeliwa murima kaarina aka, okathi mwaakooponle anyu;+
Mukiirihe ophavelaka owiiwelelani.
13 Kinoowiixuttiha anatampi iphiro sanyu,+
Wiira awo atthikele wa nyuwo.
14 Khoo Muluku, ti nyuwo munikoopola.+ Mukilevelele mwaha wa omwiiviha mutthu,+
Siiso, kinoolaleyaka exariya anyu kitteeliwe ene murima.+
15 Xontte Yehova, muhule eyano aka,
Wiira eyo yoottottopeleni.+
16 Nyuwo khamuniphavela mukuttho, vaakhanle wiira munniphavela, miyo kaamoovahani;+
Nyuwo khenoosivelani yoovaha para opahiwa.+
17 Muluku onnaakhelela mikuttho sa atthu yaale ariipiwe murima mweekeekhai;
Muluku, nyuwo khamunrowa omukhootta mutthu oriipiwe murima ni okhulumunwe.+
18 Mpake etthu yooreera para oSiyoni;
Muteke ixiri sa oYerusalemu.
19 Siiso, sinimoosivelakani mikuttho sinivahiwa mwa xariya,
Mikuttho para opahiwa ni mikuttho sinivahiwa ntero nene;
Valtaari vanyu, sinrowa ovahiwaka ipooyi.+
Para tiretoore a isipo. Maskiili.* Nsipo na Davidi, nenno iipale awe okathi Dowegi, a wEdomi, aaronwe awe omuleela Sawuli, wiira Davidi aahirowa owannyawe Ahimeleki.+
52 Nyuwo mulopwana oowerya, xeeni muniittottopa anyu mwaha wa miteko sanyu sootakhala?+
Ophenta woororomeleya wa Muluku, ti wa okathi wootheene.+
3 Sinnoosivelani itthu sootakhala, ovikana itthu sooreera,
Onnoosivelani wootha, ovikana olavula ekeekhai. (Selahi)
4 Onnoosivelani wootha ni nlumi nanyu!
Annoosivelani moolumo anaawereya atthu akina.
5 Ti nthowa naya Muluku onrowa awe woorihelani vathi,+ nto nyuwo khamunikhala-khala nvenyaka;
Owo onimoovarani, oopuruleleni ota wa etenta* anyu;+
Onoowiivani, nto nyuwo khamunrowa okhalaka ni atthu akumi.+ (Selahi)
7 “Mmooneke mulopwana ola ahampanke Muluku okhala ntthyawelo nawe,*+
Masi aaroromenle muhakhu awe munceene,+
Ni aaroromenle apalano awe ootakhala”.
8 Masi miyo kinrowa okhalaka ntoko mwiri muulupale wa olivera, ori vate va empa ya Muluku;
Kinniroromela wiira Muluku onookooniherya ophenta wawe woororomeleya,+ mahiku ootheene.
9 Kinimoottottopelakani mahiku ootheene, mwaha wa etthu mpanke anyu;+
Kinimooniherya wiira kinniroromela nsina nanyu,+ ohoolo wa arumeyi anyu oororomeleya.
Okhala wiira eyo etthu yooreera.
Para tiretoore a isipo. Nsipo na Davidi, nniipiwa otthariwaka mahalaathi.* Maskiili.*
53 Mulolo onnihimya vamurimani vawe wiira:
“Yehova khokhanle”.+
Soowiira sawe ti sootakhala ni soonanara;
Khuuvo onivara etthu yooreera.+
2 Ori ene wiirimu, Muluku onnaaweha apinaatamu vathi-va,+
Wiira owehe aakhanle ene mutthu orina ankhili, aakhanle ene mutthu onimwaavya Yehova.+
3 Ootheene aya aahapuwa;
Ootheene aya tootakhala.
Khuuvo oniira itthu sooreera,
Nnakhala mmosa.+
4 Niireke wiira atakhali khanisuwela?
Awo annaakhuura atthu aka, okhalaka ntoko anikhuura ephaawu.
Khaninvekela Yehova.+
5 Masi awo animoova vanceene.
Awo khatonko woova siiso.*
Muluku onoomwara-mwarya makhuva a atthu yaale anootuphelani.
Nyuwo munoowuulihiha muru, okhala wiira Yehova ohaakhootta.
6 Kinivekela wiira woopoliwa wa Isarayeli okhume oSiyoni!+
Kinivekela wiira Yakobe otteeliwe murima, nave Isarayeli otteeliwe murima,
Okathi Yehova onrowa awe otthikela waathukumanya atthu awe, yaawo aroihiwe elapo ekina.
Para tiretoore a isipo. Nihaana otthariwa ni ikaruma sa isipo sirina mikhoyi. Maskiili.* Nsipo na Davidi, nenlo iipale awe okathi atthu a oZiifi yaaronwe aya omuleela Sawuli wiira: “Davidi iipithale mulaponi mwahu”.+
2 Khoo Muluku, mwiiwe ovekela waka;+
Nwiriyane oratteene moolumo aka.
3 Awanani annikivirikanya,
Atthu ootakhala anniphavela okiiva.+
Awo khanimucala Muluku.*+ (Selahi)
4 Moone! Muluku tonikikhaliherya;+
Yehova ori ni ale anikikhaliherya.
5 Owo onimwaaliva awanani aka+ ni itthu sootakhala aniira aya;
Nyuwo Muluku aka, mwaamala-malihe* atthu awo, maana nyuwo mwa Muluku oororomeleya.+
6 Kinimoovahani mikuttho+ ni murima wootheene.
Yehova, kinoottottopela nsina nanyu, okhala wiira nlo ti nooreera.+
Para tiretoore a isipo. Nihaana otthariwaka ni ikaruma sa isipo sirina mikhoyi. Maskiili.* Nsipo na Davidi.
2 Mukiwiriyane oratteene ni mukaakhule.+
Koovelavela, mwaha wa mixankiho saka,+
Nkinoona yoowiira,
3 Mwaha wa etthu awanani aka anihimya aya,
Ni mwaha wa atakhali anikihaaxa.
Awo annikikumiherya maxakha,
Ni annithipelela okinyokha.+
5 Kinnoova ni kinnithukumela,
Kinnoona oriirya.
6 Kinimakela ohimya wiira: “Kaarina mapupha ntoko epompa!*
Kanvavela ottaiwene, kakhaleke weiwo ni murettele.
7 Kanvavela ottaiwene.+
Kaamurowa weemela moothakoni.+ (Selahi)
8 Kaamutthimakela nipuro noowiipitha,
Kaamurakamela epheyo yootupa, ni kammurakamela munamukhaya”.
9 Khoo Yehova, mwaavirikanye atakhali, ni mwaahonone apalano aya,+
Okhala wiira kinnaaweha atthu awanaka ni yaatuphelaka akhwaaya mpooma.
10 Othana ni ohiyu, awo anneetta vasulu va ixiri arukureryaka epooma,
Mpooma-mmo, moosareya otakhala ni onyakulihana.+
11 Epooma eyo yoosareya itthu sootakhala;
Mapuro anithukumana atthu a epooma eyo, khonthowa ohaaxana ni owokana.+
12 Ole onikiruwana khahiyo nwanani aka;+
Vaakhanle wiira ti yoowo, miyo kanwerya ovilela.
Ole onikivirikanya khahiyo nwanani aka;
Vaakhanle wiira ti yoowo, miyo kaamwiipitha.
14 Hiyo naari apatthani aalupale;
Naaneetta hoothe ni muttitthi wa atthu, nrowaka empa ya Muluku.
15 Atthu awo apwetexiwe!+
Akhuruwele Mmahiye* ari ene akumi;
Mapuro anikhala aya woosareya otakhala, nave murima aya ti wootakhala.
16 Miyo kinonvekela Yehova Muluku;
Nto owo onookoopola.+
18 Owo onookoopola ni onookivaha murettele mwaha wa atthu aniwana ni miyo,
Okhala wiira atthu anikivirikanya khareere waatta.+
19 Muluku onoowiiwa ni onoowaakhula atthu awo,+
Ti yoowo okilanthi veehiceni vawe okhuma khalai.+ (Selahi)
Awo anookhootta orukunuxa mirima saya,
Ti yaawo ahinimoova Muluku.+
21 Moolumo awe tooreera wiiwa, ntoko mutthu onilya manteeka,+
Masi vamurimani vawe, oniphavela owana.
Khonrowa omuhiya naxariya omoraka.+
23 Masi nyuwo, Muluku, munimwaarihela atakhali mulittini moowiixa.+
Anawiive ni anawoothe, animookhwa nlelo ari ene amiravo.+
Masi miyo, kinimoororomelani nyuwo.
Para tiretoore a isipo. Nsipo ninlavula sa Epompa Yoomaala Enikhala Ottaiwene. Mikitaami.* Esaalimu ya Davidi, yeeyo iipale awe okathi afilisti yanvanre aya oGaathi.+
56 Xontte Muluku, mukireerele murima, okhala wiira apinaatamu annikituphela.*
Nihiku nootheene anniwana ni miyo, ni annikihaaxa.
2 Khula nihiku, awanani aka annikilupattha;
Atthu anceene anniittottopa mwaha wa owana ni miyo.
3 Okathi kinoova aka,+ kinnoororomelani nyuwo.+
4 Kinnimuroromela Muluku, yoowo kinittottopela aka nuulumo nawe;
Kinnimuroromela Muluku, ni nkinoova etthu.
Nto pinaatamu onrowa okiiriha exeeni?+
5 Khula nihiku, awo annipaka itthu wiira akoonihe owereya;
Awo anuupuwela okikumiherya mixankiho paahi.+
7 Mwaakhootte atthu awo, mwaha wa otakhala waya.
Xontte Muluku, mwaavahe ehukhumu munanariwe ene.+
8 Nyuwo munnisuwela mapuro kinivira aka.+
Muthukumanye maithori aka mmurupani mwanyu mwa esapala.+
Nyuwo moolepa maithori awo muliivuruni mwanyu.+
9 Nihiku kinrowa aka owiitthanani wiira mukikhaliherye, awanani aka anootthikela ottuli.+
Kinnikupali wiira Muluku ori ni miyo.+
10 Miyo kinnimuroromela Muluku, yoowo kinittottopela aka nuulumo nawe;
Miyo kinnimuroromela Yehova, yoowo kinittottopela aka nuulumo nawe;
11 Kinnimuroromela Muluku, ni nkinoova etthu.+
Nto pinaatamu onrowa okiiriha exeeni?+
12 Muluku, miyo koosuwela wiira kihaana waataphula anatiri koomanenlyaakani;+
Kinimoovahani mikuttho sa oxukhurela.+
Siiso, kinookhalaka mukumi, ni kinimweettaka ohoolo wa Muluku.+
Para tiretoore a isipo. Nsipo ninlavula sa Muhikipwetexe. Mikitaami.* Nsipo na Davidi, nenlo iipale awe okathi aipinthe awe mukhukuni, omutthyawaka Sawuli.+
57 Khoo Muluku, mukireerele murima!
Mukireerele murima, okhala wiira kinnitthyawela wa nyuwo,+
Nave kinnitthyawela vathi va mapupha anyu, mpakha ovira etthu yoowoopiha.+
2 Kinninvekela Muluku Muulupalexa,
Muluku eekeekhai, yoowo onaamala-maliha awanani aka.
3 Muluku onookikhaliherya ori ene wiirimu ni onookoopola.+
Onoowaakanyerya ale anikilupattha. (Selahi)
Muluku onookikhaliherya siiso, maana onnikiphenta ni toororomeleya.+
4 Miyo koorukureriwa ni akharamu;+
Hata okathi kinimpaathi aka wiira kirupe, kinnaattameliwa ni atthu anlikana ni inama sinaakhuura atthu,
Yaawo maino aya ari ntoko mavaka ni mattheere,*
5 Khoo Muluku, nvuwihiwe wiirimu;
Nave ovuwa wanyu okhale elapo yootheene ya vathi.+
Awo aathipa nlitti ohoolo waka,
Masi amorenle axineene.+ (Selahi)
7 Khoo Muluku, murima aka woolipa,+
Murima aka woolipa.
Kinoowiipelani nsipo, koottottopelakani.
8 Miyo kinoovenya.
Miyo kinoovenya oxaka.
Kimphavela omoopa viola, ni ikaruma sikina sa isipo sirina mikhoyi.+
9 Khoo Yehova, kinimoottottopelani eriyari ya atthu,+
Nave kinoowiipelani isipo eriyari ya atthu a maloko ootheene.+
10 Ophenta wanyu woororomeleya ti wuulupale, onniphiya wiirimu,+
Nave ororomeleya wanyu, onniphiya mmeekuni.*
11 Khoo Muluku, nvuwihiwe wiirimu;
Nave ovuwa wanyu okhale elapo yootheene ya vathi.+
Para tiretoore a isipo. Nsipo ninlavula sa Muhikipwetexe. Nsipo na Davidi. Mikitaami.*
58 Niireke munoowerya olavula exariya, mmaalale ene?+
Nyuwo apinaatamu, niireke munoowerya ophuka milattu muttharaka exariya?+
2 Masi, vamurimani vanyu munnuupuwela itthu soohikhala sa xariya,+
Nave, munnivara itthu sootakhala mulaponi-mu.+
3 Atakhali, anninanara murima okhuma okathi aniyariwa aya;
Annitakhala ni annootha, akhumaka-ru mmirimani.
4 Moolumo aya ari ntoko eveneno ya inowa;+
Khaniiwa ntoko namaryawe ohiniphavela wiiwa.
5 Namaryawe owo khonrowa owiriyana nsu na atthu animweepesa,
Hata amweepesaka saana.
6 Xontte Muluku, mukhule maino a atakhali!
Khoo Yehova, mpwexakase iyano sa atthu anikhala ntoko akharamu!
7 Awo alakaseye ntoko maasi aniwelela.
Muluku okokhe muura awe, ni aamoroxe ni mattheere* awe.
8 Awo akhale ntoko nantta onihala vakhaani okhwa;*
Akhale ntoko mwaana onikhwa mmirimani, ohinaweha nsuwa.
9 Nyuwo munnipattiha mooro murumeelaka miri sa miiwa.
Masi mwaapu ohinatthi oviha, Muluku onooruma epheyo yootupa wiira evavihe miiwa iyo sikithi ni soowuuma.+
10 Naxariya onootteeliwa murima okhala wiira onimwaaweha atakhali avahiwaka ehukhumu;+
Inawu sawe sinoosareya ephome aya.+
11 Nto atthu anrowa ohimyaka wiira: “Mweekeekhai, naxariya onootthuveliwa.+
Tthiri ookhala Muluku onaaphukela atthu mulaponi”.+
Para tiretoore a isipo. Nsipo ninlavula sa Muhikipwetexe. Mikitaami.* Nsipo na Davidi, nenlo iipale awe okathi Sawuli aarumme awe atthu orowa olipelelaka empa ya Davidi, wiira amwiive.+
2 Mukoopole mmatatani mwa ale aniira itthu sootakhala,
Mukoopole mmatatani mwa atakhali.
3 Mooneke! Awo annikiipithela;+
Alopwana ootupa annikithuphela.
Masi Yehova, miyo nkitthenke etthu, nnakhala nkipanke etampi.+
4 Nnaamwi kihitthenke, awo annitthimaka ni anniilokiherya wiira akituphele,
Okathi kiniitthana aka wiira mukikhaliherye, nvenye mukikhaliherye ni moone etthu anipaka aya.
5 Yehova, nyuwo Muluku a anakhotto, mwa Muluku a Isarayeli.+
Nvenye ni nwehe etthu maloko ootheene anipaka aya.
Muhaamorele ikharari anamalupattha ootakhala.+ (Selahi)
6 Khula makaaripi, anamalupattha awo annitthika aphavelaka okivara.+
Awo anniwuwa* ntoko alapwa+ ni anneetta arukureryaka epooma.+
7 Mwaano mwaya annikhuma* moolumo ooruwana;
Iyano saya siri ntoko ispaata,*+
Okhala wiira awo anihimya wiira: “Niireke ookhala toko oniiwa?”+
9 Muluku, nyuwo mwa ikuru saka;+
Miyo kinrowa woolipelelakani, okhala wiira mwa ntthyawelo naka noolipa.*+
10 Muluku yoowo onikooniherya ophenta wawe woororomeleya, onimoorwa okikhaliherya;+
Onookiiriha waaweha awanani aka axinttiwaka.+
11 Muhiwiive, wiira atthu aka ahiliyale itthu mpanke anyu.
Murumeele ikuru sanyu wiira nwiiriheke atthu awo weettakasa ntoko atthu anitthyawa;
Khoo Yehova, nikula nahu na wiixaakihana,* mwaaxintte atthu awo.+
12 Mwaha wa ottheka ni moolumo aya,
Ni mwaha wa oruwana waya ni wootha waya,+
Wiixinnuwiha waya waahophe.*
13 Mwaamala-malihe munanariwe ene vanceene;+
Mwaamala-malihe wiira ahikhale-tho;
Nwiirihe osuwela wiira Muluku tonilamulela osuulu wa Yakobe, ni tonilamulela mpakha omalenle elapo.+ (Selahi)
15 Nwiirihe weettakasa yaavyaka eyoolya;+
Ahivone nnakhala ahiphwanye nipuro noorupa.
16 Masi miyo, kinimwiipa isipo kittottopelaka owerya wanyu;+
Voosiisu, kinimwaaleelaka atthu sa oreera wanyu murima woororomeleya, kitteeliwe ene murima,
Okhala wiira nyuwo mwa ntthyawelo naka noolipa,+
Nave mwa nipuro kinitthyawela aka okathi kinixanka aka.+
17 Khoo Muluku aka, nyuwo mwa ikuru saka, kinoowiipelani isipo koottottopelakani,+
Okhala wiira mwa ntthyawelo naka noolipa, nave ti nyuwo munikooniherya ophenta woororomeleya.+
Para tiretoore a isipo. Nsipo ninlavula sa Efilori ya Wuupuxerya. Mikitaami.* Nsipo para wiixuttiha. Nsipo na Davidi, nenlo iipale awe okathi aawanne awe ni Arami-Naharayimi ni Arami-Zoba. Nave okathi Yowabi aatthinke awe, khuwiiva atthu 12.000 a wEdomi, oxepani wa Maakha.+
60 Muluku, nyuwo moonikhootta, moonimwara-mwarya.+
Mwaahinanariwa ni hiyo; masi vano munaakhele!
2 Muhiiriha elapo otetereya; eyo yoothaleya.
Mureherye elapo eyo, okhala wiira ennipwexakaseya.
3 Moowiiriha atthu anyu ohaawa.
Mooniwuriha eviinyu yoohapala.+
5 Wiira ale munaaphenta anyu yoopoliwe,
Munoopole ni ntata nanyu noolopwana ni mwaakhule ovekela wahu.+
6 Muluku oowaarya,* oolavula wiira:
“Kinookawa muttetthe wa oSikhemi, kitteeliwe ene murima,+
7 Muttetthe wa oXileyaadi ti wawaka, nave muttetthe wa Manase ti wawaka.+
8 OMowabi ti epasiya aka kiniirapiha aka.+
WEdomi kinoorihela esantaalya aka.+
OFilisti miyo kinootteeliwa murima, okhala wiira kinooxintta-wo”.+
9 Ti pani onrowa okiroiha epooma erukureriwe?*
Ti pani onrowa okihoola mpakha wEdomi?+
10 Muluku, kiira ti nyuwo munikhoottale?
Muluku ahu, kiira ti nyuwo muhinaakhaliherya-tho anakhotto ahu?+
11 Munikhaliherye okathi ninxanka ahu,
Okhala wiira, olipelela woopoliwa ni apinaatamu, ti weethiru.+
Para tiretoore a isipo. Nihaana otthariwaka ni ikaruma sa isipo sirina mikhoyi. Nsipo na Davidi.
61 Khoo Muluku, mukiiwe okathi kinikhuwela aka wiira mukikhaliherye.
Nwiriyane oratteene ovekela waka.+
2 Kinimookhuwelelani kiri ene omalenle elapo,
Okathi kinrowa aka ovelavela.+
Mwakeemexe vamwala woorakamela osulu.+
3 Nyuwo mwa ntthyawelo naka,
Mwa nipuro noolipihiwa, ninkaakiherya awanani.+
4 Kinookhala muletto mutentani* mwanyu mahiku ootheene;+
Kinootthyawela vathi va mapupha anyu.+ (Selahi)
5 Nyuwo Muluku, moowiiwa anatiri aka.
Mookivaha etthu asukeriwe ale anittittimiha nsina nanyu.+
6 Munoorakamiha okumi wa mwene,+
Nave onookhalaka iyaakha sinceene.
7 Owo onookilaathi* veehiceni vawe mahiku ootheene, ohoolo wa Muluku;+
Munvahe ophenta wanyu weekeekhai ni ororomeleya wanyu, wiira itthu iyo simukhapelele.+
8 Nto, kinrowa ottottopelaka nsina nanyu ni isipo, mahiku ootheene.+
Khula nihiku, kinimwaataphulaka anatiri aka.+
Para tiretoore a isipo sa Yetutumi.* Nsipo na Davidi.
62 Mweekeekhai, kinnimulipelela Muluku kipixaka murima.
Owo tonikoopola.+
2 Mweekeekhai, owo tori mwala aka ni tonikoopola, ni tori ntthyawelo naka noolipa;+
Nkinrowa ottikinyeya mpakha omora.+
3 Mpakha silini munrowa anyu omutuphela mutthu wiira mmwiive?+
Ootheene anyu ti moowoopiha ntoko exiri ya maluku ethetemanne, yeeyo enihala vakhaani omora.*
4 Awo anniiwanana moota woomoroxa okhulupale awe;
Waasivela wootha.
Awo annaareeliha atthu ni eyano aya, masi vamurimani vaya annaatakhaliha.+ (Selahi)
6 Mweekeekhai, owo tori mwala aka ni tonikoopola, ni tori ntthyawelo naka noolipa;
Nkinrowa ottikinyeya.+
7 Muluku tonikoopola ni tori ovuwa waka.
Owo mwala aka woolipa ni ntthyawelo naka.+
8 Nyuwo atthu, okathi wootheene mmuroromeleke Muluku.
Mmuleeleke itthu sootheene siri vamurimani vanyu.+
Muluku tori ntthyawelo nahu.+ (Selahi)
9 Atthu ari ntoko iphumu,
Awo khanroromeleya.+
Okathi nnaapweha ahu vapalansani ootheene aya, awo tooveya ovikana iphumu.+
10 Muhuupuweleke wiira itthu sinooweettelani saana mwaha wa wiiya,
Nnakhala muhiroromeleke itthu muniphwanya anyu mwaha wa wiiya.
Akhala wiira muhakhu anyu onnaatta, murima anyu ohiroromeleke yoowo.+
11 Kihiiwa ikwaha piili vahimmwaka wiira, Muluku oohimya wiira,
Owerya ti wa Muluku.+
12 Yehova, nave ophenta woororomeleya ti wawinyu,+
Okhala wiira nyuwo munnimuliva khula mutthu muttharaka miteko sawe.+
Nsipo na Davidi, nenlo iipale awe okathi aari awe moothakoni mwa oYuda.+
63 Khoo Muluku, nyuwo mwa Muluku aka, nlelo kinniwaavyani.+
Kinnoophavelani siisaale mutthu ovoliwe ntthona oniphavela awe maasi.+
Erutthu aka yootteettheya mwaha woowi kinnoophavelani,
Moothakoni moowuuma ni moothuwa, muhikhanle maasi.+
2 Koowaavyani nipuro noowaarya;
Kihoona ikuru sanyu ni ovuwa wanyu.+
4 Kinimoottottopelani okumi aka wootheene;
Kinimoovekelani kiromolaka nsina nanyu.
5 Kinnihakalala okhala wiira itthu sootheene munkivaha anyu, ti sooreera,
Tivonto, kinimoottottopelani ni nsu nootteeliwa murima.+
6 Kinniwuupuwelani kiri ene vakhaamani;
Nave kinniwuupuwelani ohiyu eriyari.+
8 Kinnoovarexexani nyuwo;
Nave ntata nanyu noolopwana ninnikivarexexa.+
9 Masi atthu aniphavela okiiva,
Anoorowa mmahiye.
10 Awo animwiiviwa ni espaata;*
Anrowa okhala eyoolya ya akhwatte.
11 Masi mwene, onootteeliwa murima mwaha wa itthu Muluku onrowa awe omwiirela.
Khula mutthu onrowa olapha mwa nsina na Muluku, onootteeliwa murima,
Okhala wiira eyano ya anawoothe enoowaliwa.
Para tiretoore a isipo. Nsipo na Davidi.
64 Khoo Muluku, kooxanka vanceene, mukiwiriyane.+
Mukhapelele okumi aka, mwaha wa awanani anikituphela.
2 Mukaakiherye apalano oonanara a atthu ootakhala,+
Mukaakiherye muttitthi wa atthu ootakhala.
3 Awo anninona nlumi naya, ntoko espaata;*
Anniluluwanya moolumo aya ootakhala, ntoko mattheere,*
4 Wiira ari ene nipuro noowiipitheya, anvonyeryeke mutthu ohitthenke;
Anninvonyerya vootutuxerya, ahoovaka etthu.
5 Annitumereryana yaawo-ru opaka itthu sootakhala;
Annivaanela moota woowiipithiha miraakho saya.
Awo anihimya wiira: “Khuuvo onrowa oweha”.+
6 Annaavya inamuna isya soowiira itthu sootakhala;
Annimpaka palano wiiphiini, arumeelaka olavilavi;+
Khuuvo onisuwela itthu anuupuwela aya vamurimani vaya.
7 Masi Muluku onimwaahoma ni mattheere;+
Niinaano-ru, awo anoovulala.
8 Moolumo aya tanrowa waapwetexa;+
Atthu ootheene anrowa waawehaka, anoottikinyaka muru.
9 Atthu ootheene animoova,
Awo anoolaleya itthu Muluku opanke awe,
Nave anoosuwela etthu enitaphulela aya itthu Muluku onipaka awe.+
10 Naxariya onootteeliwa murima mwaha wa Yehova, ni onootthyawela wa yoowo;+
Ootheene ooreera murima anootthapa mwaha wa Muluku.
Para tiretoore a isipo. Nsipo na Davidi.
2 Nyuwo munniiwa mavekelo. Atthu a makhalelo ootheene animoorwa wa nyuwo.+
4 Oohakalala ti yoole mmuthanlale anyu, munampixa vari anyu,
Wiira okhaleke vate vanyu.+
5 Munoonaakhula mwa xariya, ni itthu soowoopiha,+
Nyuwo Muluku onnoopola;
Atthu a mulaponi mootheene, anoororomelani nyuwo,+
Vamosa ni ale anikhala iphareya sa ottaiwene.
8 Atthu anikhala ottaiwene, anootikinihiwa yaawehaka miteko sanyu;+
Munoowiiriha ale a mpantta onikhuma nsuwa, mpakha a mpantta onikela nsuwa, okhuwela atteeliwe ene murima.
9 Munnikhapelela elapo,
Mwiirihaka oruwerya mihokorokho sinceene ni othaaciri.+
10 Munninaaniha imatta, ni munnilokiherya etthaya enilimmwa;
Munnoolowiha etthaya ni epula yinceene, munnireeliha itthu sinaaliwa.+
11 Khula mwaakha, nyuwo munnikumiherya mareeliho manceene;
Khula ephiro munivira anyu, ennisareya itthu sinceene sooreera.+
13 Mapuro a malaxi awo, aasareya inama,
Nave mapuro oowaataleya, aasareya ipyo.+
Elapo yootheene ennikhuwela etteeliwe ene murima, ni enniipa.+
Para tiretoore a isipo. Nsipo.
66 Atthu ootheene anikhala elapo ya vathi, akhuweleke amuttottopelaka Muluku.+
2 Mwiipeke isipo muttottopelaka nsina nawe noovuwa.
Muttottopeleke ni nvuwiheke.+
3 Mmuleele Muluku wiira: “Miteko sanyu ti sootikiniha vanceene!+
Mwaha wa owerya wanyu wuulupale,
Awanani anyu animwiipitha yoovaka, mwaha wa nyuwo.+
4 Atthu ootheene anikhala elapo ya vathi, animuurama ohoolo wanyu;+
Awo animwiipa isipo yoottottopelakani;
Animwiipa isipo attottopelaka nsina nanyu”.+ (Selahi)
5 Murwe moone miteko sa Muluku.
Itthu oniwiirela awe atthu ti sootikiniha.+
Weiwo, naahipacerya ohakalala mwaha wa itthu oniirenle awe.+
7 Ni owerya wawe, owo onnilamulela mahiku ootheene.+
Maitho awe annaaweha atthu a maloko ootheene.+
Atthu oowiisoona, ahiittottope.+ (Selahi)
8 Nyuwo atthu ootheene, mmuttottopele Muluku,+
Nave atthu ootheene yiiweke wiira owo onnittottopeliwa.
10 Khoo Muluku, nyuwo moonivarerya;+
Moonireeriha ntoko sinireerihiwa aya eparatha.
11 Nyuwo mooniwayiha muntthavini;
Nave moonireya* muritti woolemela onniphita.
12 Nyuwo moomuhiya pinaatamu oninyakelaka;*
Hiyo noovira vaikho ni mmaasini;
Nto mooniruuha nipuro nimosa wiira niphumurye.
13 Kinookela mpaani mwanyu ni soovaha para opahiwa,+
Kinimwaataphula anatiri koomanenlyaakani,+
14 Itthu kaaleihenrye aka,+
Okathi kaalavunle aka kixankale ene.
15 Kinimoovahani soovaha para opahiwa sa inama sooneneva,
Mwiixi wa mukuttho wa ipwittipwitthi soolopwana.
Kinimoovahani ipooyi ni ipuri soolopwana. (Selahi)
16 Ootheene nyuwo munimoova Muluku, murwe nwiriyane!
Miyo kinimooleelani itthu okiirenle awe.+
17 Miyo koomwiitthana ni eyano aka,
Nave konvuwiha ni nlumi naka.
18 Miyo kaasunke etthu yootakhala vamurimani vaka,
Yehova khaarowa okiwiriyana.+
20 Ottottopeliwe Muluku, yoowo ohikhoottale ovekela waka,
Aahiiso ohikikhoottihenrye ophenta wawe woororomeleya.
Para tiretoore a isipo. Nihaana otthariwaka ni ikaruma sa isipo sirina mikhoyi. Nsipo.
67 Muluku onoonireerela murima, ni onoonireeliha;
Owo onimwiiriha owiitho wawe, waarya ohoolo wahu,+ (Selahi)
2 Wiira iphiro sawe sisuweliwe elapo yootheene,+
Nave atthu ootheene esuwele wiira owo tori moopoli.+
3 Atthu yoottottopelekeni, nyuwo Muluku;
Atthu ootheene yoottottopelekeni nyuwo.
4 Maloko atthape ni akhuwele vootteeliwa murima,+
Okhala wiira munimwaaphukela atthu mwa xariya,+
Muluku onimweettiha maloko awo. (Selahi)
5 Muluku, atthu yoottottopelekeni;
Atthu ootheene yoottottopelekeni.
7 Muluku onrowa onireeliha,
Nave atthu a elapo yootheene, anrowa omuttittimiha.+
Para tiretoore a isipo. Nsipo na Davidi.
68 Muluku ovenye, awanani awe amwara-mwariwe,
Nave ale animunyokha, atthyawe ohoolo wawe.+
2 Nwoomole, ntoko epheyo enoomola aya mwiixi;
Siisaale ntoko eseera enitothowa aya vamooroni,
Atakhali amala-malihiwe ohoolo wa Muluku.+
4 Mmwiipeleke Muluku; mwiipeke muttottopelaka nsina nawe.+
Mmwiipele ole onivira mapuro oowaataleya a moothakoni.*
Yah* ti nsina nawe!+ Mutteeliweke murima ohoolo wawe.
5 Muluku tori paapa a anamwane ahirina paapa aya, ni onniwaakiherya* anaamukhweli,+
Ori ene nipuro noowaarya onikhala awe.+
6 Muluku onnaavaha atthu oovela-vela, opuro wookhala;+
Owo onnaataphula aperesu ni onniwiiriha itthu oweettela saana.+
Masi atthu oowiisoona,* ahaana okhala elapo yoowuuma.+
8 Elapo yaahittikinyeya;+
Nave wiirimu yaahirupa epula mwaha wa Muluku;
Mwaako Sinayi waahittettemela mwaha wa Muluku, Muluku a Isarayeli.+
9 Nyuwo Muluku, moorupiha epula yinceene;
Hata okathi atthu anyu yaakhulumunwe aya, nyuwo mwaahaalipiha.
10 Awo yaakhala mmuttettheni mwanyu;+
Mwaha wa oreera wanyu murima, nyuwo Muluku mwaahaavaha itthu saathowa.
12 Mamwene ni anakhotto aya annitthyawa,+ annitthyawa tthiri!
Muthiyana onihala owaani, onnaakhela itthu saakhiwe okhottoni.+
13 Hata nyuwosa mwammaathale waattamela mooro ori omuttettheni,*
Anookhala mapupha a epompa, asirikeliwe ni eparatha,
Arina mapururu a eweero yooreerexa.*
14 Okathi Muluku Oowerya Sootheene aamwara-mwanrye awe mamwene a elapo ela,+
Eneevi yaahimora oSalimoni.*
15 Mwaako wa oBaxani,+ ti mwaako wa Muluku;*
Mwaako wa oBaxani, wookhalana mapuro manceene oorakamela osulu.
16 Xeeni nyuwo miyaako soorakamexa, muniweha anyu ni nrima,
Yehova onrowa okhalaka vaavo mahiku ootheene.+
17 Ikaaro sa ekhotto sa Muluku siri ikonto ikonto sene.+
Yehova oorowa nipuro noowaarya, okhumaka omwaako Sinayi.+
18 Nyuwo moowela nipuro noorakama;+
Muhaakuxa alipa-ootthukweliwa;
Muhaakuxa alopwana awo wiira akhale soovaha,+
Nyuwo Yah,* Muluku ahu, muhaakuxa hata alopwana oowiisoona,+ wiira mukhaleke eriyari aya.
19 Ottottopeliwe Yehova, yoowo khula nihiku oniteexa muritti ahu,+
Muluku eekeekhai, yoowo ori moopoli ahu. (Selahi)
21 Mweekeekhai, Muluku onoopwexakasa miru sa awanani awe,
Onoonyaanya ekarakasa ya muru ya atthu yaale nlelo anittheka.+
22 Yehova oohimya wiira: “Kinimwaattikiha oBaxani;+
Kinimwaakumiha mapuro oowiixa a mphareya,
23 Wiira muxuweye inawu sanyu mphomeni mwa awanani,+
Nave alapwa anyu, alate ephome ya awanani awo”.
24 Muluku, awo anniweha weetta wanyu onooniherya oxintta,
Weetta wa Muluku aka, Mwene aka, okelaka nipuro noowaarya.+
25 Alipa-oowiipa ari ohoolo, alipa-oowoopa ikaruma sa isipo sirina mikhoyi, annaatthara ottuli;+
26 Mmuttottopele Muluku, eriyari ya muloko wa atthu anceene;
Mmuttottopele Yehova, nyuwo munikhuma wa Tiithi a Isarayeli.+
27 Nihimo naamukhaani na Beniyamini,+ ninnaaxintta atthu,
Nave aakhala makhulupale a oYuda ni muttitthi aya onikhuwela,
Ni makhulupale a nihimo na Zabuloni, ni makhulupale a nihimo na Nefetali.
28 Muluku anyu, oolakela woovahani ikuru.
Muluku, mooniherye ikuru sanyu, ntoko munniirela anyu.+
30 Mukasoope inama soowoopiha sinikhala munammeseni,*
Nikoto na ipooyi+ ni axaana aya,
Mpakha atthu wuurama, aruuhaka* eparatha.
Mwaamwarye atthu enaasivela ekhotto.
31 Sinooruuhiwa itthu sa eporonse* sikumihiwaka wExiitu;+
Atthu a oKuuxi, animoorwa yaakuveyaka wiira anvahe etthu Muluku.
32 Nyuwo mamwene a mulaponi, mmwiipeleke isipo Muluku,+
Mmwiipeleke isipo Yehova mmuttottopelaka, (Selahi)
33 Mmwiipeleke ole oneetteetta vasulu va erimu,+ yeeyo enikhala okhuma khalai.
Mwiiwe! Owo onnikukutteya ni nsu nawe nuulupale.
34 Musuwele owerya wa Muluku.+
Olamulelo awe ori ni Isarayeli,
Nave Muluku onnooniherya owerya wawe ori ene wiirimu.*
35 Atthu ahaana omoova ni omuttittimiha Muluku, yoowo ori nipuro nawe noowaarya.+
Owo ti Muluku a Isarayeli,
Yoowo onaavaha atthu ikuru ni owerya.+
Ottottopeliwe Muluku.
Para tiretoore a isipo. Nsipo ninlavula sa Ifilori. Esaalimu ya Davidi.
69 Khoo Muluku, mukoopole, okhala wiira maasi ahanle okimirya.+
2 Koomorela munttopheni moowiixa, nkinoona vooweemela.+
Kookela mmaasini moowiixa,
Nave kookhumpwa ni muro wa maasi ootupa.+
3 Kookhulumuwa mwaha wa okhuwela, kivekelaka okhaliheriwa;+
Vammilo vaakilala.
Maitho aka aavela, kimulipelelaka Muluku aka.+
4 Ale anikinyokha vahikhanle mulattu,+
Khareere waatta ovikana ikharari sa mmuru mwaka.
Ale aniphavela okiiva,
Eyo piiyo, awanani anikinyokha vahikhanle mulattu, khareere waatta.
Kookhanyereriwa ottikiha etthu kihiiyale aka.
5 Muluku, nyuwo munnisuwela itthu sa ololo kiirale aka,
Nave munnisuwela mulattu aka.
6 Pwiya Muulupalexa, Yehova a anakhotto,
Ale anoolipelelani, ahuuliwe muru mwaha wa miyo.
Ale aniwaavyani ahoone ehaaya mwaha wa miyo,
Khoo Muluku a Isarayeli.
8 Axinnaka anikiweha ntoko mutthu ahinimusuwela aya,
Kinikhala ntoko namurwa ohoolo wa anamwane a maama aka.+
9 Ophenta waka empa anyu, onlikana ni mooro onivarela vamurimani vaka,+
Moolumo a atthu anooruwanani, annikimorela miyo.+
10 Okathi kaiyevinhe aka ni kaatthunkwe aka,*
Miyo kaahiruwaniwa mwaha wa yeeyo.
11 Okathi kaawanre aka esaakho,
Awo yaahikitheya.
12 Atthu anikilaathi vamukhora va epooma, annikilavula,
Nave anamuhapaliwa anikipaka nsipo naya.
13 Khoo Yehova, kinimoovekelani,
Okathi munoona anyu okhala wooreerela.+
Khoo Muluku, mwaha wa ophenta wanyu woororomeleya woowaatta,
Mukaakhule ni mukooniherye wiira mwa moopoli oororomeleya.+
14 Mukikumihe munttopheni,
Muhikihiye kisamaka.
Mukoopole mmatatani mwa ale anikinyokha,
Ni mmaasini moowiixa.+
15 Muhikihiye kikhumpwaka ni maasi ootupa,+
Nnakhala muhikihiye kimorelaka mmaasini moowiixa,
Aahiiso muhikihiye kimiriwaka ni nlitti.+
16 Xontte Yehova, mukaakhule, okhala wiira ophenta wanyu woorormeleya ti wooreera.+
Mwaha wa omoriwa wanyu ikharari wuulupale, mukiwehe miyo,+
17 Muhikiipithihe owiitho wanyu, miyo murumeyi anyu.+
Mukaakhule moowaakuveya, maana kooxanka.+
18 Mukaattamele ni mukoopole,
Mukoopole mwaha wa awanani aka.
19 Nyuwo munnisuwela wiira kinniveehiwa, kinnuulihihiwa muru, ni kinniramusiwa.+
Nyuwo munnaaweha awanani aka ootheene.
20 Oveehiwa iwo, wookiwereiha murima ni nikhwatta naka khaninvola.*
Kaanilipelela omoreliwa ikharari, masi khuuvo okimorenle ikharari,+
Kaanilipelela omaalihiwa, masi khuuvo okimaalinhe.+
21 Ohiya ovahiwa eyoolya, kaahivahiwa eveneno,*+
Nave wiira kimalihe ntthona, awo yaahikivaha evinaakere.+
23 Owiitho waya waariipe, wiira ahiweryeke woona,
Nave awo* attettemeleke voohihiyererya okathi muniwoopopiha anyu.
24 Mwaavahe ehukhumu munanariwe ene,
Nave waaphwanye onanariwa wanyu wuulupale.+
26 Awo annimulupattha ole ommanne anyu,
Nave annithipelela olavula owereya anoona aya ale mwaavulalinha anyu.
27 Muncereryeke mulattu aya,
Nyuwo muhiwoone okhala anaxariya.
29 Miyo kooxanka, nave kinnoona owereya.+
Khoo Muluku, mukoopole ni mukikhapelele.
30 Kinimwiipa nsipo kittottopelaka nsina nanyu, nyuwo Muluku,
Kinimoottottopelani ni kinimooxukhurelani.
31 Eyo enimoosivelani nyuwo Yehova, ovikana epooyi,
32 Atthu oowiiyeviha, anooweha oreera murima wa Muluku ni anootteeliwa murima.
Nyuwo munimurumeela Muluku, mulipihiwe.
34 Erimu ni elapo emuttottopele,+
Iphareya ni itthu sootheene siri memmo, simuttottopele.
35 Muluku onoomoopola Siyoni,+
Nave onootthikela oteka ipooma sa oYuda,
Nto iyo* sinookhalaka sawaya, akhaleke memmo.
Para tiretoore a isipo. Nsipo na Davidi, noowuupuxerya.
70 Khoo Muluku, mukoopole;
Khoo Yehova, mwaakuve murwe mukikhaliherye.+
2 Ootheene yaale aniphavela okiiva,
Yuuliwe muru ni aveeheye.
Ootheene yaale anihakalala ni ohaawa waka,
Atthikele ottuli yuuliwe ene muru.
3 Ootheene yaale anikitheya yiiraka: “Ekaa! Ekaa!”
Atthyawe mwaha wa wuuliwa muru.
4 Masi ootheene yaale aniwaavyani,
Atthapeke ni atteeliweke murima mwaha wa nyuwo.+
Ootheene yaale aniphavela vanceene woopoliwa ni nyuwo, okathi wootheene ahimyeke wiira:
“Ovuwihiwe Muluku!”
71 Yehova, miyo kootthyawela wa nyuwo.
Kihikhala-khale kuuliwaka muru.+
2 Mukoopole ni mukaakihe, mwaha wa exariya anyu.
3 Mukhale mwala kinitthyawela aka,
Yoowo kinrowa aka otthyawelaka mahiku ootheene.
Murume wiira koopoliwe,
Okhala wiira nyuwo mwa mwala aka ni empa aka yoolipihiwa.+
4 Khoo Muluku, mukoopole mmatatani mwa atakhali,+
Mmatatani mwa atthu oohaaxa.
5 Khoo Pwiya Muulupalexa Yehova, miyo kinoolipelelani nyuwo;
6 Okhuma okathi kiyariwe aka, kinlipa ni nyuwo;
Ti nyuwo mukikuminhe mmirimani mwa amaama.+
Kinnoottottopelani voohihiyererya.
7 Atthu anceene annitikinihiwa okathi aniweha aya etthu enikiiraneela,
Masi nyuwo mwa ntthyawelo naka noolipa.
8 Eyano aka ennoottottopelani vanceene,+
Khula nihiku, kinnaaleela atthu ovuwa wanyu.
10 Awanani aka, annikilavula voohiloka,
Ale aniphavela okiiva, anivaanela hoothe,+
11 Awo anihimya wiira: “Muluku oomunyanyala.
Nimutthimakele, nanvare, okhala wiira khuuvo onrowa omoopola”.+
12 Khoo Muluku, muhikhale ottaiwene.
Khoo Muluku, mwaakuve murwe mukikhaliherye.+
13 Awanani aka,
Yuuliwe muru ni apwetexiwe.+
Ale aniphavela wiira akikhumelele maxakha,
Yuuliwe muru ni aveeheye.+
14 Masi miyo nlelo kinoolipelelaka;
Kinootepaka woottottopelani.
15 Khula nihiku, eyano aka enoolavulaka exariya anyu,+
Ni woopola wanyu,
Hata itthu iyo saattale ene, kihinawerya okontari.+
16 Pwiya Muulupalexa Yehova
Miyo kinrowa olavulaka miteko sanyu suulupale,
Kinrowa olavulaka paahi exariya anyu.
17 Nyuwo Muluku, mookiixuttiha okhuma emiravo aka,+
Nave mpakha-va, nlelo kinnilaleya miteko sanyu sootikiniha.+
18 Khoo Muluku, muhikinyanyale okathi kinrowa aka wuuluvala ni kinrowa aka omela ipwi.+
Mukihiye kaaleele owerya wanyu, atthu a maloko anrowa okhumelela ohoolo,
Ni kaaleele owerya wanyu, atthu ootheene anrowa okhumelela ohoolo.+
20 Nnaamwi muhiyaka wiira sikiphwanye mixankiho sinceene ni maxakha,+
Mukivahe-tho okumi;
Mukikumihe mmaasini moowiixa.+
21 Mukittikiherye nttittimiho naka,
Nave mukirukurerye wiira mukaakihe ni mukilipihe.
22 Vano, kinimoottottopelani ni ikaruma sa isipo sirina mikhoyi,
Mwaha wa ororomeleya wanyu, nyuwo Muluku.+
Kinimwiipa isipo koottottopelakani, kimoopaka viola,
Nyuwo Muluku Oowaarya a Isarayeli.
23 Eyano aka enookhuwela vootteeliwa murima, koottottopelakani ni isipo,+
Okhala wiira nyuwo mookoopola.+
24 Khula nihiku, eyano aka enoolavulaka exariya anyu,*+
Ale aniphavela okiiva, anrowa wuuliwa muru ni anooveeheya.+
Esaalimu enimulavula Salomooni.
72 Khoo Muluku, mmwiirihe mwene ophukaka milattu ntoko nyuwo,
Munvahe mwaana a mwene exariya anyu.+
2 Owo owaakihe atthu anyu ni exariya,
Ni ale oowiiyeviha, ottharaka exariya.+
3 Miyaako saaruuhele murettele atthu anyu,
Nave mattumuxa aruuhe exariya.
4 Mwene owaakihe* atthu oowiiyeviha,
Owoopole anamwane a atthu oohaawa,
Nave aapwetexe atthu anaahasula.+
5 Awo anrowa owoovakani okathi wootheene ninkhala aya nsuwa,
Ni okathi wootheene onikhala awe mweeri,
Mpakha maloko anrowa okhumelela ohoolo.+
6 Owo onrowa okhala ntoko epula enimorela malaxi oowiikitthiwa,
Ntoko epula yinceene ennaaniha etthaya.+
7 Mahiku a olamulelo awe, naxariya onookhuma* ithutu ntoko mwiri,+
Mahiku ootheene, onookhalaka murettele munceene,+ siisaale mweeri onikhala aya mahiku ootheene.
8 Owo onrowa olamulelaka okhuma ephareya emosa mpakha ephareya ekina,
Nave onrowa olamulelaka okhuma muro Eufrate mpakha omalenle elapo.+
9 Atthu anikhala moothakoni, animuurama ohoolo wawe,
Nave mwene onimwaaxintta awanani awe.+
10 Mamwene a oTaarisi ni a ilapo sa musisironi, anoomuliva mpoosito.+
Nave mamwene a oXeeba ni a oSeeba, anonvaha itthu.+
11 Mamwene ootheene animuurama ohoolo wawe,
Nave maloko ootheene anoomurumeela yoowo.
12 Owo onoomoopola mutthu oohaawa, yoowo onikhuwela ovekelaka okhaliheriwa,
Nave, onoomoopola mutthu oowiiyeviha, nuule ohirina mutthu oomukhaliherya.
13 Onoomoonelaka othunku mutthu oowiiyeviha ni oohaawa,
Nave onoowoopolaka atthu oohaawa.
14 Onoowoopola mmatatani mwa atthu anaahaaxa, ni aniphavela owiiriha itthu sootakhala,
Nave okumi* aya, onookhalana efaita yinceene vamaithoni vawe.
15 Mwene okhaleke mahiku manceene, ni ovahiwe eweero ya oXeeba.+
Atthu anvekeleleke voohihiyererya,
Ni amureeliheke khula nihiku.
16 Elapo enooruwerya ipyo sinceene,+
Vasulu va miyaako sinoosareya ipyo.
Imatta sa mwene, sinimwiima mihokorokho sinceene, ntoko muttetthe wa oLiibano,+
Nave atthu anikhala mpooma, animwaatta ntoko malaxi.+
17 Nsina nawe nikhaleke mahiku ootheene,+
Nave nikhaleke okathi wootheene ntoko nsuwa.
Nto atthu areelihiwe mwaha wa mwene;+
Maloko ootheene amuhimyeke okhala mutthu oohakalala.
Amen, Amen.
20 Mavekelo a Davidi, mwaana a Yese,+ animalela vaava.
ELIIVURU YA NEERARU
(Isaalimu 73-89)
Nsipo na Asaafi.+
73 Mweekeekhai, Muluku onnimureerela murima Isarayeli, ni atthu yaale ooreera murima.+
2 Miyo kaahanle vakhaani ohapuwa;
Kaahanle vakhaani otherekuwa.+
3 Miyo kaanaakhalela nrima atthu oowiixinnuwiha,*
Okathi kaaweha aka wiira atakhali aakhalana murettele.+
4 Awo toolipa ni aakhalana ekumi yooloka;
Khiivo etthu enaawereya ekhanle oowiiva.+
5 Awo khanixanka ntoko aniira aya atthu akina,+
Nnakhala khanihaawa, ntoko anihaawa aya atthu akina.+
6 Tivonto, wiixinnuwiha waya onnooneya ntoko ekolaari;+
Anniwara miteko saya sootakhala ntoko nlaya.
7 Oneneva waya owiitho,* onniiriha maitho aya opwina;
Itthu sinniweettela saana, ovikana etthu yuupuwela murima aya.
8 Awo annaaveeha atthu akina ni annilavula itthu sootakhala.+
Anniixinnuwiha, anawoopopiha wiira animwaahaaxa.+
9 Annilavula okhalaka ntoko ari wiirimu,
Nlumi naya, ninnilavula voowiixinnuwiha ntoko aniphavela aya.
10 Tivonto, atthu a Muluku annirowa wa atthu awo,
Nave anniwurya maasi aya manceene.
11 Atakhali annihimya wiira: “Muluku khonisuwela etthu.+
Mweekeekhai, Muluku Muulupalexa khonisuwela etthu”.
12 Aayo, okathi wootheene, atakhali khanixanka ni etthu.+
Awo anootepa wuncererya muhakhu aya.+
13 Mweekeekhai, miyo kirenre murima mahala ene,
Nave kinyanwe mahala ene, kooniheryaka wiira nkitthenke.+
15 Masi vaakhanle wiira kaahihimya itthu iya,
Miyo kaamwaawoka atthu anyu.
16 Okathi kaaphavenle aka osuwela oratteene etthu ene,
Eyo yaahikixankiha.
17 Vano, okathi kaakenle aka nipuro noowaarya na empa ya Muluku,
Kaahisuwela emalelo ya atakhali.
18 Mweekeekhai, munnaapweha atakhali nipuro noothererya.+
Tivonto, awo anoomora ni anoopwetexiwa.+
19 Awo annipwetexiwa voowaakuveya!+
Nave, enimwaaphwanya ehasara niinaano-ru ni animookhwa!
20 Siisaale mutthu oniliyala awe etthu olonhe awe okathi onivenya awe, ti etthu enrowa owiiraneela atakhali,
Okathi nyuwo Yehova munrowa anyu ovenya, okhala wiira munimwaakhootta mwaathanyaka.
22 Miyo kaahipakeya mulolo ni nkaasuwela etthu;
Kaari ntoko mwaamunama, ohoolo wanyu.
23 Okathi wootheene kiri ni nyuwo;
Moovarela ntata naka noolopwana.+
25 Ti pani-tho ori wiirimu okhanle ookikhaliherya?
Nkiniphavela etthu mulaponi-mu muhikhanle nyuwo.+
26 Erutthu aka ni murima aka pooti otteettheya,
Masi Muluku tonlipiha murima aka, ni tonlipana aka mahiku ootheene.+
27 Mweekeekhai, ale anoorakamelani, animookhwa.
Munimwaamala-maliha ale ahiniroromeleya* wa nyuwo.+
28 Masi miyo okisivela omwaattamela Muluku.+
Kompaka Pwiya Muulupalexa Yehova, okhala ntthyawelo naka,
Wiira kilaleye miteko sawe sootheene.+
74 Nyuwo Muluku, xeeni munnikhootta anyu mahiku ootheene?+
Xeeni munnanariwa anyu vanceene ni nikoto na inama sanyu munikukhula anyu?+
2 Nwuupuwele atthu, yaawo mwaathanlale anyu okhuma khalai,+
Muupuwele nihimo nanyu, nenlo mooponle anyu wiira nikhale nawinyu.+
Muupuwele mwaako Siyoni, yoowo mwaakhala anyu.+
3 Murowe opuro ohononiwe para mahiku ootheene.+
Awanani, aahonona itthu sootheene siri nipuro noowaarya.+
4 Awanani anyu aakhuwela muhina mwa nipuro nanyu noothukumana.+
Aheemexa memmo ipantera saya, ntoko esinaale.
5 Awo yaari ntoko alopwana akunxe ipaso saya, wiira yuuhe etakhwa yoophipa.
6 Yaahihonona itthu sootheene saareeriha nipuro naathukumaniwa,+ yaarumeelaka amaxatto ni arumeelaka iyuuma.
7 Yaahipaha ni mooro,+ nipuro nanyu noowaarya.
Yaahinanariha etapernaakulu anyu, yeeyo yaarina nsina nanyu, khumoroxela vathi.
8 Awo ni osuulu aya yaahihimya vamurimani vaya wiira:
“Mapuro ootheene a Muluku anithukumaniwa* mulaponi-mu, ahaana opahiwa”.
9 Khasikhanle isinaale wiira niweheke;
Nnakhala khokhanle-tho profeta,
Nave khuuvo onisuwela okathi etthu ela enrowa aya omala.
10 Muluku, nwanani onrowa wooveehakani mpakha silini?+
Niireke wiira mahiku ootheene awanani khanrowa ottittimihaka nsina nanyu?+
11 Xeeni munikhoottiha anyu ntata nanyu noolopwana?+
Mukumihe ntata nlo muhina mwa nlaya nanyu, wiira mwaapwetexe.
12 Muluku tori Mwene aka okhuma khalai,
Owo tori moopoli muulupale mulaponi.+
13 Ni ikuru sanyu,+ nyuwo mwaahiiriha ephareya okhala yootupa;
Mwaahithikilasa miru sa inama suulupale ni soowoopiha sa mphareya.
14 Moonyakatta muru* wa Leviyataani;*
Muhaavaha atthu wiira amukhuureke, eyo piiyo, yaale anikhala moothakoni.
16 Othana ni ohiyu ti wawinyu.
Moopaka okokola, eyo piiyo, nsuwa.+
18 Khoo Yehova, nwuupuwele awanani anooveehani,
Muupuwele moota alolo ahinittittimiha aya nsina nanyu.+
19 Hiyo nri ntoko nsiya, nto muhinihiye mmatatani mwa awanani anyu, okhala wiira awo ari ntoko inama sa mutakhwani.
Muhaaliyale mahiku ootheene, atthu anyu anihaawa.
20 Muupuweleke nivarihano mpanke anyu ni hiyo,
Okhala wiira mapuro ooriipela a elapo ela, aasareya atthu ootakhala.
21 Muhimuhiye mutthu onihaaxiwa, orowaka onyoonyiwe ene;+
Atthu oowiiyeviha ni oohaawa attottopele nsina nanyu.+
22 Khoo Muluku, nvenye ni mwiixaakihe mulattu anyu.
Muupuweleke wiira alolo annooruwanani nihiku nootheene.+
23 Muhiliyale etthu awanani anyu anihimya aya.
Onyakula wa atthu anoovirikanyani, onootepa wuncerereyaka.
Para tiretoore a isipo. Nsipo ninlavula sa “Muhikipwetexe”. Nsipo na Asaafi.+
75 Ninnooxukhurelani, nyuwo Muluku, ninnooxukhurelani;
Nsina nanyu nri vakhiviru,+
Atthu anoolaleya miteko sanyu sootikiniha.
2 Nyuwo munihimya wiira: “Okathi kinithanla aka wiira kiphuke mulattu,
Miyo kinniphuka mwa xariya.
3 Okathi elapo yaatetereya aya vamosa ni atthu ootheene yaakhala memmo,
Ti miyo kaalipinhe ipilaari saya”. (Selahi)
4 Miyo kinnaaleela atthu oowiittottopa, kiiraka: “Muhiittottopeke”,
Nave kinnaaleela atthu ootakhala wiira: “Muhiittottopeke mwaha wa okhalana ikuru.
5 Muhiittottopeke mwaha wookhalana ikuru* sinceene,
Nnakhala muhilavuleke mwiittottopaka.
6 Nttittimiho na mutthu khaninrwa onikhuma nsuwa,
Nnakhala onikela nsuwa, aahiiso osuuli.
7 Muluku tori Mulipa-oophuka milattu.+
Owo onnimuyeviha mutthu mmosa, masi onnimunnuwiha mutthu mukina.+
8 Yehova ookuxa ekaalisi mmatatani mwawe;+
Eviinyu ennikhuma nipheru ni ti yoowaawa.
Mweekeekhai, onimwaamwarexela eviinyu eyo atakhali ootheene anikhala mulaponi,
Awo anoowurya, mpakha omaliha”.+
9 Mahiku ootheene, kinoolaleyaka itthu Muluku opanke awe;
Kinimwiipaka isipo, kimuttottopelaka Muluku a Yakobe.
10 Muluku onihimya wiira: “Kinoomaliha ikuru* sootheene sa atakhali,
Masi ikuru* sa anaxariya, sinimuncerereya”.
Para tiretoore a isipo. Nihaana otthariwaka ni ikaruma sa isipo sirina mikhoyi. Nsipo na Asaafi.+
3 Weiwo, owo onnintakasa mattheere* anipatta mooro,
Ni nikula na wiixaakihana,* ni espaata,* ni ikaruma sa ekhotto.+ (Selahi)
4 Nyuwo munnaarya vanceene;
Nyuwo ti mootepa ottittimiheya ovikana miyaako sinikhala inama.
5 Atthu oolipa murima yaahaakhiwa itthu saya.+
Awo yaahikhwa;
Anakhotto ootheene khiyaawenrye wiixaakiha.+
6 Nyuwo Muluku a Yakobe, mwaha wa opwapwa wanyu,
Nakhavalo aahikhwa vamosa ni ekhavalo awe.+
7 Ti nyuwo paahi munoopiha.+
Ti pani oniwerya ovilela okathi munnanariwa anyu vanceene?+
8 Muri ene wiirimu, mwaahaalamula awanani anyu;+
Elapo ya vathi yaahoova ni yaahimaala,+
9 Okathi yoole nyuwo Muluku mwaavinnye anyu wiira mwaavahe ehukhumu awanani anyu,
Ni wiira nwoopole atthu ootheene oowiiyeviha* anikhala mulaponi.+ (Selahi)
10 Okathi atthu anipaka aya itthu ananariwe ene, nyuwo munoottottela mureerelo okathi owo wiira mwiivuwihe.+
Hata etthu yookiserya atthu awo anipaka aya ananariwe ene, nyuwo munnirumeela etthu eyo wiira mwiivuwihe.
11 Mummanele Yehova Muluku anatiri anyu, ni mwaataphule,+
Ootheene yaale amwaattamenle, amuruuhele etthu wiira anvahe, yoovaka.+
12 Owo onimwaayeviha makhulupale oowiixinnuwiha;
Nave onniwiiriha mamwene a mulaponi woova.
Para tiretoore a isipo. Nsipo ninlavula sa Yetutumi.* Nsipo na Asaafi.+
77 Kinoomukhuwelela Muluku ni nsu naka;
Kinoomukhuwelela Muluku, nto owo onookiwiriyana.+
2 Nihiku kinixanka aka, kinnimwaavya Yehova.+
Ohiyu, kinnimookolela matata aka voohihiyererya.*
Khuuvo onwerya okimaaliha.
4 Khamunikeemererya owala maitho aka;
Kinnivela-vela, nave nkiniwerya olavula.
5 Kinnuupuwela mahiku a khalai,+
Iyaakha sivinre khalaixa.
7 Niireke wiira Yehova onoonikhootta mahiku ootheene?+
Niireke khonrowa-tho onireerela murima?+
8 Niireke wiira ophenta wawe woororomeleya woomala?
Niireke etthu oleihenrye awe khenrowa-tho wiiraneya?
9 Niireke Muluku ooliyala wooniherya oreera wawe murima?+
Aahiiso onanariwa wawe woomaliha omoriwa wawe ikharari? (Selahi)
10 Miyo kinimakela ohimya wiira: “Etthu enikixankiha* tiila:+
Muluku Muulupalexa ooturuka moota aanithokorerya awe”.
11 Kinimuupuwela miteko sanyu, nyuwo Yah;*
Kinimuupuwela miteko sanyu sootikiniha sa khalai.
12 Kinimuupuwelelaka miteko sanyu sootheene,
Kinimuupuwelelaka itthu munivara anyu.+
13 Nyuwo Muluku, iphiro sanyu ti soowaarya.
Niireke ookhala muluku ori muulupale ntoko nyuwo?+
14 Nyuwo mwa Muluku eekeekhai, munipaka itthu sootikiniha.+
Moowooniherya atthu ikuru sanyu.+
16 Nyuwo Muluku, maasi yaahoowehani;
Maasi yaahoowehani ni yaahitupa.+
Maasi oowiixerya yaahipacerya otupa.
17 Meeku yaahirupihela epula vathi.
Erimu yeeyo yaasareyale meeku, yaahikukutteya,
Nave etari anyu yaahiphiya mapuro ootheene ntoko mattheere.*+
18 Okukutteya wanyu+ waalikana ni oruma wa maroota a ikaaro saapuruliwa ni ikhavalo;
Overunya wa etari waanimwaleela elapo;+
Elapo yaahittikinyeya ni yaahitetereya.+
19 Ephiro anyu yaavira mphareya,+
Mphito anyu waavira eriyari ya maasi manceene;
Masi khuuvo aawerya otthara opuro mwaanyakela anyu.
78 Nyuwo atthu aka, nwiriyane nlamulo naka;*
Mutheteye niyaru nanyu, mwiiwe moolumo kinilavula aka.
2 Kinoohula eyano aka ni kinoolavula kirumeelaka malikanyiho.*
Kinimwaalela ithale sa khalai.+
3 Itthu seiye ninsuwela ahu ni niiwale ahu,
Seiye axitiithi ahu anihimenrye aya,+
4 Khaninrowa ovitha para anaaya.
Hiyo ninrowa waahimeerya atthu a maloko anrowa okhumelela ohoolo,+
Miteko soottottopeleya sa Yehova ni ikuru sawe,+
Itthu sootikiniha onipaka awe.+
5 Owo aahinvaha Yakobe* yooruma* emosa,
Ni aahivaha nlamulo wIsarayeli;
Aahaaruma amuhavinre ahu,
Waasuweliha itthu iya anaaya,+
6 Wiira maloko anrowa okhumelela ohoolo,
Anaaya anrowa oyariwa, asuwele itthu iyo.+
Nave awo anrowa waaleelaka anaaya.+
7 Vano, awo anoomuroromelaka Muluku.
8 Siiso, awo khanrowa olikanaka ni amuhavinre aya,
Yaawo yaari nloko noowiisoona ni noohiiwelela,+
Nenlo nahaalokihenrye murima aya,+
Ni nahaaroromeleya wa Muluku.
9 Atthu a nihimo na Efrayimi yaahikuxa muura,
Masi yaahitthyawa nihiku na ekhotto.
11 Nave-tho, yaahiliyala itthu aapanke awe,+
Yaahiliyala miteko sootikiniha, seiyo aawoonihenrye awe.+
12 Owo aahipaka itthu sootikiniha, ooniwaka ni amuhavinre aya,+
Elapo ya wExiitu, muttetthe wa oSowani.+
13 Aahikawanya ephareya wiira atthu awo alapuwe,
Nave aahiiriha maasi weemela ntoko exiri.+
14 Othana, owo aaniweettiha orumeelaka neeku,
Nave ohiyu wootheene, aaniweettiha ni waarya wa mooro.+
15 Owo aahithala myala moothakoni,
Aahaavaha maasi oowurya mpakha waaphiyerya, okhalaka ntoko yaakhuma mphareya moowiixa.+
16 Aahikumiha maasi vamwala,
Ni aahiiriha maasi awo oviraka ntoko miro.+
17 Masi awo yaanithipelela omutthekela,
Khiyaamwiiwelela Muluku Muulupalexa moothakoni;+
18 Awo yaanimweehererya Muluku vamurimani vaya,+
Anvekelaka wiira aavahe eyoolya yaawunkhenle.
19 Nto yaahipacerya omwaapa Muluku,
Yiiraka: “Niireke wiira Muluku onoowerya onivaha eyoolya moothakoni-mu?”+
20 Owo aahimana mwala,
Nto yaahikhuma maasi manceene ni yaahisareya.+
Yaahiira-tho: “Niireke onoowerya onivaha-tho ephaawu?
Aahiiso onoowerya waavaha enama atthu awe?”+
21 Okathi Yehova aawiiwale awe, aahinanariwa vanceene;+
Aahikumiherya mooro+ osuulu wa Yakobe,
Ni aahinanariwa ni Isarayeli,+
22 Okhala wiira awo khiyaamwaaminni Muluku;+
Khiyaaroromenle wiira Muluku anwerya owoopola.
23 Tivonto, owo aahiruma meeku ari musulu,
Nave aahihula mikhora sa wiirimu.
24 Aanaamoroxela emana wiira alyeeke;
Aanaavaha eyoolya ya wiirimu.+
26 Wiirimu, aahiiriha woopa epheyo yaarwa mpantta onikhuma nsuwa,
Ni owerya wawe, aahiiriha woopa epheyo yaakhuma osuuli.+
27 Nave aahaamoroxela enama ntoko ntthupi,
Aahaamoroxela axipalame oowaatta, ntoko mihaava sa ophareya.
29 Awo yaahilya mpakha wiipeliwa;
Aahaavaha itthu yaaphavela aya.+
30 Masi ahinatthi ovona oratteene,
Nlelo eyoolya eri ene mwaano mwaya,
31 Muluku aahinanariwa vanceene naawo.+
Aahiwiiva alopwana aya ootupa;+
Aahiwiiva amiravo a wIsarayeli.
33 Tivonto, aahaakumiherya ehasara yootutuxerya, yeeyo yaawiivale,+
Nave aahimaliha iyaakha saya ni ihasara sootutuxerya.
34 Masi khula okathi aawiiva awe akina a yaawo, awo yaaninvekela wiira aakhaliherye;+
Yaanitthika, anamwaavya Muluku.
36 Masi awo yaaheererya onwoka ni moolumo aya,
Ni yaahinwoka ni nlumi naya.
Ikwaha sinceene, owo aaniihiiha okathi aananariwa awe,+
Ohiya wooniherya onanariwa wawe wootheene.
39 Aanuupuwela wiira awo yaari apinaatamu paahi,+
Yaari ntoko epheyo enoopa, enavira ni ehinatthika.
41 Ikwaha sinceene, yaanimweehererya Muluku,+
Nave yaanimuriipiha murima* Muluku Oowaarya a wIsarayeli.
42 Awo khiyuupuwenle owerya wawe,*
Khiyuupuwenle nihiku aawooponle awe mmatatani mwa awanani aya,+
43 Moota oonihenrye awe isinaale sawe wExiitu,+
Ni miiriirya sawe muttetthe wa oSowani.
44 Yaahiliyala moota aatatunxe awe miro saamukhaani sa oNiilo, sikhala ephome,+
Wiira atthu ahiweryeke owurya maasi a miro iyo.
46 Itthu saalale aya mmatta, aahaavaha anasope oowali,
Itthu yaaruwenrye aya mmatta mwaya, aahivaha mittitthi sa anasope.+
47 Aahihonona imatta saya sa ewuuva ni epula ya maralala,+
Nave aahihonona miri saya sa efiiku ni epula ya maralala.
49 Aahiwooniherya esara awe, onanariwa wawe ni aahaavela-veliha,
Ni aahaaruuhela malaikha manceene,
Yaawo yaakumihenrye ehasara.
50 Aahinanariwa vanceene naawo.
Owo aahiwiiva,
Ni aahaakumiherya ekwerere.
51 Wookiseryani waya, aahiwiiva anamwane ootheene oopacerya oyariwa a wExiitu,+
Anamwane oopacerya oyariwa mutentani* mwa Khami.
52 Nuumala-vo, aahaakumiha atthu awe wExiitu,
Ni aaniweettiha moothakoni ntoko ipwittipwitthi.+
55 Aahoomola maloko ohoolo waya;+
Aahaavaha elapo, aaphimelaka;+
Aahiiriha mahimo a Isarayeli okhalaka mmaitthokoni mwaya.+
56 Masi awo yaanithipelela omweehererya Muluku Muulupalexa ni khiyaamwiiwelela;+
Khiyaavaha ephoole sooruma sawe.+
57 Awo yaahihapuwa ni khiyaaroromeleya, siisaale yiira aya amuhavinre aya.+
Khiyaaroromeleya ntoko muura woohikokheya.+
58 Awo yaamakela onveeha Muluku, mwaha wa mapuro aya oottukhuwa,+
Ni yaanimwiiriha Muluku onanariwa vanceene,* mwaha wa ilatarato saya soopatthiwa.+
59 Muluku aahiiwa ni aahinanariwa vanceene,+
Tivonto aakhoottale awe aisarayeli voomalela.
61 Aahihiya ethoonyeryo ya ikuru sawe erowaka weepotthani;
Aahihiya okhulupale awe orowaka mmatatani mwa awanani.+
63 Mooro, waahaapaha amiravo awe,
Nave imwali sawe khasiipeliwe isipo sa ekasamento.*
65 Vano, Yehova aahivenya ntoko mutthu aarupa,+
Ntoko nakhotto onivenya vaarupa awe,+ nuumala owurya eviinyu yinceene.
66 Aahiwiiriha awanani awe otthyawa;+
Ni aahiwuulihiha muru mahiku ootheene.
67 Aahikhootta osuulu* wa Yosefe;
Khaathanlale nihimo na Efrayimi.
69 Ohiiriha nipuro nawe noowaarya okhalaka mahiku ootheene ntoko erimu,+
Ntoko elapo ya vathi, yeeyo opattunxe awe wiira ekhaleke mahiku ootheene.+
70 Aahimuthanla murumeyi awe, Davidi,+
Aahimukumiha munsisini mwa ipwittipwitthi,+
71 Memmo aakhapelela awe ipwittipwitthi saawaamwiha axaana aya.
Nsipo na Asaafi.+
79 Nyuwo Muluku, maloko aatuphela elapo mwaavanhe anyu arumeyi anyu;+
Awo aananariha etemplo anyu yoowaarya;+
Ahiiriha oYerusalemu okhala ntoko maluku oowuukeliwa.+
2 Ahaavaha axipalame mirutthu sa arumeyi anyu, wiira akhuureke,
Aavaha inama sa mutakhwani,+ erutthu ya arumeyi anyu oororomeleya.
3 Aayiiha ephome ya arumeyi anyu ntoko maasi, oYerusalemu wootheene,
Nto khohanle mutthu wiira aavithe atthu awo.+
4 Hiyo ninniveehiwa ni atthu naattamanne ahu;+
Atthu anaattamenle anninitheya ni oninyohola.
5 Khoo Yehova, munrowa onanariwa mpakha silini? Munrowa onanariwaka mahiku ootheene?+
Onanariwa wanyu onrowa opattaka ntoko mooro mpakha silini?+
6 Nviruwele maloko ahinoosuwelani,
Ni omwene ohinttittimiha nsina nanyu.+
7 Awo aapwetexa osuulu wa Yakobe,
Nave aahonona elapo aya.+
8 Muhinivahe ehukhumu mwaha wa itampi sa amuhavinre ahu.+
Mwaakuve, munimorele ikharari,+
Okhala wiira nooxanka.
9 Khoo Muluku ahu, moopoli ahu, munikhaliherye,+
Mwaha wa nsina nanyu noovuwa;
Munoopole ni munilevelele* itampi sahu mwaha wa nsina nanyu.+
10 Siiso, maloko khanrowa okohaka wiira: “Muluku aya ori vai?”+
Nimphavela woona okathi maloko anrowa aya osuwela,
Wiira moowunlela ikuhu atthu yaale awiivale arumeyi anyu.+
11 Mwiiwe wunla wa aperesu.+
Murumeele owerya* wanyu wuulupale wiira mwaakhapelele* ale alamuliwe wiiviwa.+
13 Nto hiyo, eyo piiyo, atthu anyu ni nikoto nanyu,+
Ninrowa wooxukhurelakani mahiku ootheene;
Ninrowa woottottopelakani mpakha maloko anrowa okhumelela ohoolo.+
Para tiretoore a isipo. Nsipo ninlavula sa “Ifilori”. Nsipo na Asaafi+ para wuupuxerya.
80 Nyuwo Makampusi a wIsarayeli, nwiriyane!
Nyuwo munimweettiha Yosefe, ntoko nikoto na inama.+
4 Nyuwo Yehova, Muluku a anakhotto, munrowa onanariwa ni atthu anyu mpakha silini, ni okhootta owiriyana mavekelo aya?+
5 Ohiya waavaha eyoolya, nyuwo munoowunliha,
Munniwiiriha wunla okathi wootheene.
6 Munnaahiya ale anaattamenle aniwanelaka;
Awanani ihu animakela onitheya, khula okathi aniphavela aya.+
7 Khoo Muluku a anakhotto, mutthikele-tho onaakhela;
Munimorele ikharari ni munoopole.+
8 Nyuwo muhaakumiha atthu anyu wExiitu, ntoko mutthu oniphela mwiri wa ewuuva.+
Nuumala-vo, muhoomola maloko mulaponi mwaya, mphatteya mwiri owo memmo.+
9 Mwaahaaverya nipuro mwiri owo,
Nto owo waahikhalana mitathaari ni waahisareya mulaponi.+
10 Miyaako saahikhuneeliwa ni muuttutthi wa mwiri owo,
Nave miri sa eseeturu Muluku anle awe, saahikhuneeliwa ni iritta saya.
12 Xeeni muhalaka opwexa exiri ya maluku, yeeyo erukurenrye ematta ya ewuuva,+
Nto atthu ootheene anivira anarukula mihokorokho saya?+
14 Khoo Muluku a anakhotto, mutthikele-tho onaakhela.
Wiirimu muri anyu, nwehe vathi-va!
Mukhapelele ematta ela ya ewuuva,+
15 Eyo piiyo, mwiri ola wa ewuuva mwaalale anyu ni ntata nanyu noolopwana,+
Nave mukhapelele eritta ela mulipinhe anyu para nyuwo.+
16 Ohiikitthiwa, khupahiwa ni mooro.+
Atthu annookhwa yapwapweliwa-ru ni nyuwo.
17 Ntata nanyu nimukhaliherye mulopwana ori moono anyu woolopwana,
Mwaana a mutthu, yoowo mmulipinhe anyu para nyuwo.+
18 Siiso, hiyo khaninrowa woohiyani.
Munikhalihe akumi, wiira nttottopeleke nsina nanyu.
19 Khoo Yehova, Muluku a anakhotto, mutthikele-tho onaakhela;
Munimorele ikharari ni munoopole.+
Para tiretoore a isipo. Nsipo ninlavula sa Kititi.* Nsipo na Asaafi.+
81 Mmwiipeleke isipo Muluku mutteeliwe ene murima, yoowo ori ikuru sahu.+
Mukhuweleke mutteeliwe ene murima, munvuwihaka Muluku a Yakobe.
2 Mpacerye orumiha muusika ni mukuxe nlapa naamukhaani,*
Ni viola oniruma saana vamosa ni ekaruma ya isipo erina mikhoyi.
3 Moopeke nlope nihiku onooneya aya mweeri,+
Nihiku na mweeri woosareya, eyo piiyo, nihiku na efesta ahu.+
4 Nna nlamulo ninvahiwa awe Isarayeli,
Yooruma ya Muluku a Yakobe,+
5 Yeeyo aavanhe awe wiira emuupuxeryeke Yosefe,+
Okathi aavinre awe elapo ya wExiitu.+
Miyo kaahiiwa nsu, masi nkaamusuwenle mutthu ene aalavula.
6 “Kaahimurula muritti woolemela, mmakhatani mwawe;+
Kaahikuxa esestu yaari mmatatani mwawe.
7 Okathi mwaaxankale anyu, mwaahikiihana, nto miyo kaahiwoopolani;+
Kaahiwaakhulani eriyari ya meeku ooriipa.+
Kaahiweehereryani waattamela maasi a oMeriba.*+ (Selahi)
8 Nyuwo atthu aka mukiwiriyane, nto miyo kinimoolopolani.
Nyuwo Isarayeli, vaakhanle wiira munniphavela okiwiriyana!+
9 Eriyari anyu, khaarowa okhala muluku muhinimusuwela anyu,
Nave khimwaarowa omukokhorelaka muluku a elapo ekina.+
10 Miyo Yehova, ka Muluku anyu,
Ti yoomi kookuminheni elapo ya wExiitu.+
Muhule eyano anyu, kinimoolyihani mpakha ovona.+
11 Masi, atthu aka khiyaakiwiriyanne;
Isarayeli aahikhootta okiiwelela.+
12 Tivonto, kaanaahiya wiira atthareke mirima saya soohiiwelela;
13 Vaakhanle wiira atthu aka yaahikiwiriyana,+
Vaakhanle wiira aisarayeli yaahitthara iphiro saka,+
14 Miyo kaamwaaxintta awanani aya voowaakuveya;
Nave kaamwaavaha ehukhumu awanani aya.+
15 Ale animunyokha Yehova, anoothukumela ohoolo wawe yoovaka,
Nave ehukhumu aya khenrowa omala.
Nsipo na Asaafi.+
82 Muluku onneemela opuro awe, eriyari ya atthu athukumanne;+
2 “Munrowa ophukaka muhittharaka exariya mpakha silini?+
Nave munrowa waareerela murima atakhali mpakha silini?+ (Selahi)
3 Nwaakiheke* atthu oohaawa ni anamwane ahirina apapaya.*+
Nwiireleke exariya atthu oovelavela ni ahirina etthu.+
4 Nwoopoleke atthu oohaawa ni amasikhini;
Nwoopoleke mmatatani mwa atakhali”.
5 Awo khanisuwela, nnakhala khaniiwa etthu;+
Aneetta mweepiphini;
Alisenso ootheene a elapo, annixekexiwa.+
7 Masi nyuwo munimookhwa ntoko anikhwa aya atthu akina;+
Munimookhwa ntoko anikhwa aya mamwene makina!’”+
8 Khoo Muluku, nvenye, mwaaphukele atthu ankhala mulaponi,+
Okhala wiira maloko ootheene tawinyu.
Nsipo na Asaafi.+
83 Khoo Muluku, muhimaale;+
Khoo Muluku Oowerya Sootheene, muhimye etthu ni mpake etthu.
2 Awanani anyu, anniilokiherya wiira awane;+
Ale anoonyokhani, anneemela wiira awane ni nyuwo.
3 Ni olavilavi aya, annimpaka palano wiiphiini, wiira awane ni atthu anyu;
Annivaanela owiirela itthu sootakhala atthu munaakhapelela anyu.
4 Awo anihimya wiira: “Nrowe, namala-malihe nloko naya nootheene,+
Wiira nsina na Isarayeli nihuupuweliwe-tho”.
6 Atthu ene taala: a wEdomi ni wIximayeli, a oMowabi+ ni a oHagari,+
7 A oXebali ni a wAmoni+ ni a wAmaleki,
9 Nwiirihe atthu awo etthu mwaawiirinhe anyu amidiyani,+
Ni mwaamwiirinhe anyu Siisera ni Yabini, omuro Kixooni.+
10 Awo yaahipwetexiwa wEni-Dori;+
Khukhala eturumu eniittheliwa vatthayani.
11 Nwiirihe makhulupale aya, etthu mwaamwiirinhe anyu Orebi ni Zeebi,+
Nwiirihe ahooleli aya, etthu mwaamwiirinhe anyu Zebahi ni Salimuna.+
12 Awo yaahimmye wiira: “Nrowe nakuxe elapo Muluku onikhala awe”.
13 Xontte Muluku, mwaakhalihe ntoko malaxi oowuuma anivavihiwa ni epheyo,+
Ntoko malaxi anvavihiwa ni epheyo.
14 Ntoko mooro onipaha etakhwa,
Ntoko malumi a mooro anipaha miyaako,+
15 Nwoomole ni munamukhaya anyu,+
Nave nwoopopihe ni epheyo anyu yootupa.+
16 Nwuulihihe muru,
Wiira awaavyekeni,* nyuwo Yehova.
17 Yuuliwe muru, nave yooveke okathi wootheene;
Aveeheye ni apweteye;
18 Atthu asuwele wiira nsina nanyu ti Yehova,+
Ni wiira nyuwo paahi, ti muri Muluku Muulupalexa, mulaponi mootheene.+
Para tiretoore a isipo. Nsipo ninlavula sa Kititi.* Nsipo na osuulu wa Kora.+
84 Khoo Yehova a anakhotto!
Ennikisivela vanceene etapernaakulu anyu yooreerexa.+
Kinnimukhuwelela Muluku mukumi kitteeliwe ene murima, ni murima aka wootheene ni ikuru saka sootheene.
3 Hata axipalame anniphwanya empa aya weiwo,
Nikekesa ninniphwanya epuru aya,
Yeeyo nnaakhapelelaaya-mo axaana aya,
Waattamela altaari anyu ooreerexa, nyuwo Yehova a anakhotto,
Mwene aka ni Muluku aka!
4 Oohakalala ti yaale anikhala mpaani mwanyu!+
Awo annoottottopelani voohihiyererya.+ (Selahi)
5 Oohakalala ti yaale anaakhela ikuru sanyu,+
Yaale mirima saya siniphavela vanceene weettaka ephiro eniroiha ori empa anyu.
6 Okathi anivira aya nxepa na oPaaka,
Anniiriha okhala nipuro na ihime;
Nave epula yoopacerya, enniiriha opuro owo* osareya itthu sooreera.
7 Awo annitepa wiilipiha okathi aneetta aya;+
Khula mmosa onnirowa ohoolo wa Muluku, oSiyoni.
8 Khoo Yehova, Muluku a anakhotto, mwiiwe ovekela waka;
Mukiwiriyane, nyuwo Muluku a Yakobe. (Selahi)
10 Nihiku nimosa vate vanyu, ti nootepa oreera ovikana mahiku 1.000 nipuro nikina!+
Koothanla weemela vamukhora va empa ya Muluku aka,
Ohiya okhalaka mutentani* mwa atakhali.
11 Yehova Muluku, ti nsuwa+ ni nikula na wiixaakihana;+
Owo onnaareerela murima atthu ni onnaavaha nttittimiho,
Yehova khonrowa waakhoottiherya itthu sooreera,
Atthu yaale aneetta voororomeleya.+
12 Khoo Yehova a anakhotto,
Oohakalala tuule onoororomelani nyuwo.+
Para tiretoore a isipo. Nsipo na osuulu wa Kora.+
85 Nyuwo Yehova, muhaareerela murima atthu a mulaponi mwanyu;+
Muhaattikiha atthu a Yakobe, yaawo yaaroihiwe weepotthani.+
3 Moottikiha onanariwa wanyu;
Moohiya onanariwa wanyu vanceene.+
5 Niireke munrowa onanariwaka mahiku ootheene?+
Munrowa onanariwaka mpakha ohoolo?
6 Niireke khamuntthikela-tho onilipiha,
Wiira hiyo, atthu anyu, nitteeliweke murima ni nyuwo?+
7 Khoo Yehova, munooniherye ophenta wanyu woororomeleya,+
Nave munoopole.
8 Kinimwiiwa etthu onrowa awe ohimya Yehova, Muluku eekeekhai,
Okhala wiira onoolavula moolumo a murettele ni nloko nawe, ni atthu awe+ oororomeleya,
Masi awo ahitthikele otepa wiiroromela.+
9 Mweekeekhai, onoowoopola atthu animoova,+
Wiira ovuwa wawe okhaleke mulaponi mwahu.
11 Ororomeleya onoomela mulaponi,
Eri ene wiirimu, exariya enoowehaka vathi.+
13 Exariya enimweettaka ohoolo wawe,+
Nave enoopaka ephiro wiira ovireke.
Nivekelo na Davidi.
86 Khoo Yehova, mukiwiriyane ni mwaakhule ovekela waka,
Miyo kooxanka ni ka mulipa-oohaawa.+
2 Mukhapelele okumi aka, okhala wiira miyo ka mutthu oororomeleya.+
Mmoopole murumeyi anyu, yoowo onoororomelani nyuwo,
Okhala wiira nyuwo mwa Muluku aka.+
4 Mmutteelihe murima murumeyi anyu,
Khoo Yehova, miyo kinnoorwa wa nyuwo.
5 Yehova, nyuwo ti mooreera murima,+ nave okathi wootheene muri oolikana ene wiira mulevelele;+
Ophenta wanyu woororomeleya, ti wuulupale para atthu ootheene anoovekelani.+
9 Maloko ootheene mpanke anyu,
Animoorwa, yuurame ohoolo wanyu, nyuwo Yehova,+
Nave anoovuwiha nsina nanyu.+
11 Xontte Yehova, mukiixuttihe ephiro anyu.+
Kinimweettela ekeekhai anyu.+
Muuraanihe murima aka* wiira kooveke nsina nanyu.+
12 Yehova, Muluku aka, kinnoottottopelani ni murima aka wootheene,+
Kinoovuwiha nsina nanyu, okathi wootheene.
13 Ophenta woororomeleya munikooniherya anyu ti wuulupale,
14 Muluku aka, atthu oowiixinnuwiha annikivirikanya;+
Ekurupu ya atthu ootakhala, enniphavela okiiva,
Awo khanoothokoreryani.+
15 Masi nyuwo Yehova, mwa Muluku oomoriwa ikharari ni oothunku,
Oopisa onanariwa,* ni onooniherya vanceene ophenta woororomeleya ni oororomeleya.*+
16 Muhokolowele wa miyo ni mukireerele murima.+
Munvahe ikuru murumeyi anyu,+
Ni mmoopole mwaana a epottha anyu yoothiyana.
17 Mukooniherye wiira munnikireerela murima,
Wiira atthu anikinyokha yooneke ni yuuliweke muru.
Nyuwo Yehova, munikikhaliherya ni munikimaaliha.
Nsipo na osuulu wa Kora.+
87 Muluku ooteka epooma awe muttetthe wa miyaako soowaarya.+
3 Nyuwo epooma ya Muluku eekeekhai!+ Sinnilavuliwa itthu sootikiniha muhimmwaka nyuwo. (Selahi)
4 Kinoomuromola Rahabi+ ni Babiloonia, eriyari ya atthu anikisuwela;
Afilisti, atiiro, ni akuuxi, ari ekurupu ya atthu anikisuwela.
Vanrowa ohimmwaka wiira: “Awo ayariwe weiwo”.
5 Nave oSiyoni vanrowa ohimmwaka wiira:
“Atthu ootheene ayariwe ni yoowo”.
Nave Muluku Muulupalexa, onrowa omulipiha yoowo.
6 Okathi onrowa aya olempwaka atthu, Yehova onoomuhimya khula mmosa a yaawo, iiraka:
“Ola oyariwe weiwo”. (Selahi)
7 Ale aniipa+ ni ale aniina,+ anoohimyaka wiira:
“Para miyo, nyuwo mwa maphattuwelo a itthu sootheene sooreera”.+
Nsipo na osuulu wa Kora.+ Para tiretoore a isipo. Nsipo nniipiwa mooranttelana, otthariwaka mahalaathi.* Maskiili* a Hemani,+ a oZerahi.
2 Ovekela waka ophiye wa nyuwo,+
Mutheteye niyaru nanyu,* mwiiwe okhuwela waka wiira mukikhaliherye.+
4 Atthu anikoona ntoko mutthu ohanle okhwa;+
Kiri ntoko mutthu ohirina ikuru,+
5 Yoowo mmuhiyale anyu eriyari ya alipa-ookhwa.
Kiri ntoko mirutthu siriheliwe mmahiye,
Seiyo muhinuupuwela anyu,
Nnakhala sihinikhaliherya anyu.
6 Mookirihela nlitti noowiixa vanceene,
Mapuro ooriipa, nlitti nuulupale.
7 Onanariwa wanyu onnikilemela,+
Nyuwo munnikihaaxa ni mawimpi anyu ootupa. (Selahi)
8 Moowiiriha atthu kaasuwela aka okirakamela;+
Nave mookiiriha othanyiwa naawo.
Miyo kootthukweya ni nkiniwerya otthyawa.
9 Maitho aka aahooceya mwaha wooxanka.+
Yehova, kinniwiitthanani nihiku nootheene;+
Kinnivenxa matata aka, koovekelakani.
10 Niireke munnaapakela miiriirya alipa-ookhwa?
Niireke alipa-ookhwa anoowerya ovenya wiira yoottottopeleni?+ (Selahi)
11 Niireke ophenta wanyu woororomeleya onoolaleiwa mmahiye?
Nave ororomeleya wanyu onoolaleiwa opuro yoowo?*
12 Niireke miiriirya sanyu sinoosuweliwa mapuro ooriipela,
Aahiiso exariya anyu enoosuweliwa mapuro a atthu aliyaliwe?+
13 Khoo Yehova, miyo nlelo kinnikhuwela kivekelaka wiira mukikhaliherye,+
Khula voosiisu, ovekela waka onnoophwanyani.+
14 Khoo Yehova, xeeni munikikhootta anyu?+
Xeeni munikiipithiha anyu owiitho wanyu?+
15 Okhuma omiravo aka,
Kinnixanka ni kinihala okhwa;+
Kookhulumuwa mwaha wa itthu sootakhala munihiya anyu sikikhumelelaka.
16 Miyo kookhulumuwa mwaha wa onanariwa wanyu vanceene;+
Mookoopopiha vanceene.
17 Nihiku nootheene, sinnikirukurerya ntoko maasi;
Sinnikirukurerya mipantta sootheene.*
18 Mookirakameliha ni apatthani aka ni ale kaattamanne aka;+
Vano epiphi teri mpatthani aka.
Maskiili a Etani,+ muzerahi.
89 Mahiku ootheene, kinrowa wiipaka kilavulaka sa oreera murima woororomeleya wa Yehova.
Kinoosuweliha maloko ootheene ororomeleya wanyu.
2 Miyo koohimya wiira: “Ophenta woororomeleya onookhalaka mahiku ootheene,+
Nave ororomeleya wanyu, onookhalaka mahiku ootheene”.
3 Muluku oohimya wiira: “Koopaka nivarihano ni mutthu kimuthanlale aka;+
Koomulaphela murumeyi aka Davidi,+ kiiraka:
4 ‘Wiira olamulela* wanyu okhaleke mahiku ootheene,+
Miyo kinoolipiha osuulu anyu+ wiira olamuleleke’”. (Selahi)
5 Yehova, erimu ennoottottopelani mwaha wa itthu sootikiniha munipaka anyu,
Aayo, ennoottottopelani mmulokoni mwa ale oowaarya* mwaha wa ororomeleya wanyu.
6 Niireke wiira wiirimu ookhala onlikana ni Yehova?+
Eriyari ya anamwane a Muluku,+ ti pani onlikana ni Yehova?
7 Muluku onnooviwa ni ottittimihiwa eriyari ya ale oowaarya;+
Owo ti muulupale ni toowoopiha, para ootheene ale amurukurenrye.+
8 Khoo Yehova, Muluku a anakhotto,
Khoo Yah, ti pani ori oowerya ntoko nyuwo?+
Ororomeleya wanyu onnoorukureryani.+
10 Nyuwo moomuxintta Rahabi+ ni moomwiiva.+
Ni moono anyu woowerya, muhaamwara-mwarya awanani anyu.+
11 Erimu ti yawinyu, nave elapo ti yawinyu;+
Ti nyuwo mpattunxe elapo ni itthu sootheene siri memmo.+
12 Ti nyuwo mpanke onorti ni osuuli;
Miyaako Tabori+ ni Hermoni,+ sinnittottopela nsina nanyu voohakalala.
14 Oreera murima ni exariya, ti sinlipiha ehice anyu;+
Ophenta ni ororomeleya, sinneemela ohoolo wanyu.+
15 Oohakalala ti yaale anoottottopelani atteeliwe ene murima.+
Awo anneetta amwaleeliwaka ni owiitho wanyu, nyuwo Yehova.
16 Nihiku nootheene, annitteeliwa murima mwaha wa nsina nanyu,
Nave annittittimiheya mwaha wa exariya anyu.
19 Okathi ole, nyuwo mwaahilavula moolohani ni ale oororomeleya, mwiiraka:
“Konvaha ikuru mutthu mmosa ootupa;+
Koomwiiriha okhala muulupale, ole kimuthanlale aka eriyari ya atthu.+
21 Kinoomukhaliherya ni ntata naka,+
Kinoomulipiha ni moono aka.
22 Khuuvo nwanani onrowa omukhanyererya oliva mpoosito,
Nnakhala khuuvo mutakhali onrowa omuhaaxa.+
26 Owo onookiihana, iiraka: ‘Nyuwo mwa Tiithi aka,
Mwa Muluku aka ni mwa Mwala aka onikoopola’.+
27 Kinoomwiiriha okhala mwanaka oopacerya oyariwa,+
Kinoomwiiriha okhala muulupalexa, waavikana mamwene ootheene a mulaponi.+
28 Mahiku ootheene, kinrowa omooniheryaka ophenta waka woororomeleya,+
Nave nivarihano kipanke aka nuuwo, khaninrowa omala.+
29 Kinimwiiriha osuulu awe, okhalaka mahiku ootheene,
Nave, kinimwiiriha ehice awe okhalaka mahiku ootheene, ntoko erimu.+
30 Vakhala wiira anaawe anoohiya weettela nlamulo naka,
Ni khanrowa wiiraka etthu kinaahimeerya aka,
31 Yahiya weettela itthu kithanlale aka,
Ahinaiwelela sooruma saka,
32 Kinimwaahukhumu ni ekopo, mwaha wa ohiiwelela waya,+
Nave kinimwaawaxula mwaha wa etampi aya.
33 Masi nkinikhala-khala kihiyaka omooniherya ophenta waka woororomeleya,+
Nave nkinrowa ohiya omutaphula natiri aka.
35 Ntoko Muluku oowaarya, miyo koolapha;
Mweekeekhai, nkinrowa onwoka Davidi.+
36 Osuulu awe onrowa okhalaka mahiku ootheene.+ Siisaale nsuwa ninkhala aya mahiku ootheene,
Siiso-tho, ehice awe enookhalaka ohoolo waka.+
37 Ehice eyo enookhalaka mahiku ootheene,
Siisaale mweeri onikhumelela aya* musulu mahiku ootheene”. (Selahi)
38 Masi nyuwo moomunyanyala ni moomukhootta;+
Moonanariwa vanceene nuule mmuthanlale anyu.
39 Moohiya nivarihano mpanke anyu ni murumeyi anyu;
Moonanariha ekhara awe, murihelaka vathi.
40 Moopwexakasa ixiri sawe sootheene sa maluku;
Ipooma sawe soolipihiwa, mookhaliha milepe.*
41 Atthu ootheene anivira, annimwiiyerya;
Ale amwaattamenle, anninveeha.+
43 Nave-tho, muhiiriha espaata* awe ohivareleya muteko,
Moomwiiriha ohixintta okhottoni.
44 Nyuwo moomaliha ovuwa wawe,
Nave moohonona ehice awe mulaponi.
45 Moovukula mahiku a omiravo awe;
Monwariha ehaaya. (Selahi)
46 Khoo Yehova, munrowa wiipitha mpakha silini? Munrowa wiipithaka mahiku ootheene?+
Niireke onanariwa wanyu onoothipelelaka opatta ntoko mooro?
47 Muupuweleke wiira okumi aka ti wookhuveya!+
Niireke mwaapattunxe apinaatamu ootheene mahala ene?
48 Niireke ookhala mutthu onikhala voohimala, ohilipelelaka okhwa?+
Niireke ookhala mutthu oniwerya wiixoopola wiira ohikhwe?* (Selahi)
49 Khoo Yehova, ori woowi ophenta* moonihenrye anyu khalai?
Weiwo mwaamulaphenle anyu Davidi voororomeleya?+
50 Yehova, muupuweleke oveehiwa wa arumeyi anyu;
Muupuweleke moota kinvilela aka oveehiwa ni atthu ootheene.
51 Khoo Yehova, muupuweleke moota awanani anyu yaaruwana aya;
Moota oniruwaniwa awe ole mmuthanlale anyu, khula opuro onirowa awe.
52 Yehova ottottopeliweke mahiku ootheene. Amen, Amen.+
ELIIVURU YA NEEXEXE
(Isaalimu 90-106)
Nivekelo na Moise, murumeyi a Muluku eekeekhai.+
90 Yehova, nyuwo mwa ntthyawelo nahu*+ okhuma khalai.
2 Muhinatthi opattuxa miyaako,
Aahiiso muhinatthi opattuxa olumwenku wootheene ni elapo ya vathi,+
Nyuwo mwa Muluku okhuma khalai,+ mpakha okathi ohinimala.
3 Nyuwo munnimwiiriha mutthu otthikela vatthayani;
Munnihimya wiira: “Nyuwo apinaatamu, mutthikele vatthayani”.+
4 Para nyuwo, iyaakha 1.000, siri ntoko nihiku nimosa,* ninvira moowaakuveya;+
Siri ntoko iwoora vakhaani.*
5 Nyuwo munnaamala-maliha.+ Awo ari ntoko ikhove.
Voosiisu, ankhala ntoko malaxi aniphuwa.+
6 Voosiisu, malaxi awo anniphuwa, anakhala masya,
Masi makaaripi, awo anninyaala ni annuuma.+
7 Onanariwa wanyu onninimirya,+
Nave onanariwa wanyu onninoopopiha.
8 Nyuwo munnipweha itampi sahu, ohoolo wanyu;*+
Isiiri sahu sinnimwaleeliwa ni waarya wa owiitho wanyu.+
9 Mwaha wa onanariwa wanyu, mahiku ahu annimala;
Hiyo ninnookhwa niinaano-ru, ntoko wiittha iphumu.
10 Okumi ahu onikhala iyaakha 70,
Aahiiso iyaakha 80,+ vakhala wiira mutthu owo toolipa.
Hata vari siiso, iyo ti soosareya mixankiho ni itthu sooriipiha murima;
Iyaakha iyo sinnivira voowaakuveya, nto hiyo ninnimala.+
11 Ti pani oniwerya osuwela owerya orina aya onanariwa wanyu?
Woova onireerela ahu owooniheryani, ti wuulupale ntoko onanariwa wanyu.+
13 Xontte Yehova, mutthikele onireerela murima!+ Munrowa onanariwa mpakha silini?+
Nwoonele othunku arumeyi anyu.+
14 Voosiisu, munooniherye ophenta wanyu woororomeleya,+
Wiira hiyo niipeke voohakalala ni nitteeliweke murima+ mahiku ootheene.
16 Arumeyi anyu, awehe miteko sanyu,
Nave anaaya, awehe ovuwa wanyu.+
17 Oreera murima wa Yehova Muluku ahu, okhale ni hiyo;
Mwiirihe weetta saana, miteko sa matata ahu.
Aayo, mwiirihe weetta saana miteko sa matata ahu.+
91 Ole onikhala nipuro noowiipitheya na Muluku Muulupalexa,+
Onookhapeleliwa ni Muluku Oowerya Sootheene.+
2 Kinoomuhimeerya Yehova wiira: “Nyuwo mwa ntthyawelo naka ni empa aka yoolipihiwa,+
Mwa Muluku aka, yoowo kinimuroromela aka”.+
3 Muluku onoowoopolani vantaphani na mulipa-onaavara axipalame,
Onoowoopolani ekwerere enipwetexa.
4 Onimookhuneelani ni mapururu awe,
Nyuwo munootthyawela vathi va mapupha awe.+
Ororomeleya wawe+ onrowa okhala nikula nuulupale na wiixaakihana,*+ ni exiri enookhapelelani.
5 Khamunrowa woovaka itthu soowoopiha sinikhumelela ohiyu,+
Nnakhala mattheere* anivonyiwa othana,+
6 Hata ekwerere eniiva ohiyu wooriipela,
Wala naakhwa oniiraneya othana eriyari.
7 Atthu 1.000 animookhwa vakhiviru vanyu,
Atthu 10.000 animookhwa moono anyu woolopwana,
Masi khiivo etthu yootakhala enrowa wookhumelelani.+
8 Munooweha ni maitho anyu,
Okathi atakhali anrowa aya ovahiwa ehukhumu.*
9 Okhala wiira moohimya wiira: “Yehova tori ntthyawelo naka”,
Nave mompaka Muluku Muulupalexa okhala empa anyu;*+
10 Khiivo ehasara enrowa wookhumelelani,+
Nnakhala etthu yootakhala khenrowa waakhumelela atthu a mutentani* mwanyu.
13 Nyuwo munoomunyakela kharamu ni namaryawe;
Nave munoomunyakela kharamu mwaamukhaani, vamosa ni enowa yuulupale.+
14 Muluku oohimya wiira: “Okhala wiira owo onnikiphenta,* miyo kinoomoopola.+
Kinoomukhapelela, maana onnisuwela nsina naka.+
15 Owo onookiihana, nto miyo kinoomwaakhula.+
Kinookhala nuuwo okathi wooxankiha.+
Kinoomoopola ni kinoomwiiriha ottittimihiwaka.
Nsipo para nihiku na saabadu.
92 Ti vooreera wooxukhurelani nyuwo Yehova,+
Ni wiipa isipo kittottopelaka nsina nanyu, nyuwo Muluku Muulupalexa,
2 Ti vooreera voosiisu, olaleya ophenta wanyu woororomeleya,+
Nave ohiyu, olaleya ororomeleya wanyu,
3 Kittharaka ni ekaruma ya isipo erina mikhoyi 10,
Ni oruma wa viola.+
4 Yehova, munnikitteeliha murima mwaha wa miteko sanyu;
Miyo kinnikhuwela kitteeliwe ene murima, mwaha wa miteko sanyu.
5 Khoo Yehova, miteko sanyu ti suulupale!+
Ankhili anyu khareere waatta!+
6 Khuuvo mulolo oniwerya osuwela itthu iyo;
Nave khuuvo mulolo okhanle oowiiwexexa etthu ela:+
7 Atakhali yaaphuwaka ntoko malaxi,
Nave itthu saaweettelaka saana atakhali ootheene,
Awo aniirela opwetexiwa.+
8 Masi nyuwo Yehova, ti muri mukhulupale waavikana atthu ootheene.
9 Yehova, nyuwo munnaaweha awanani anyu,
Mweekeekhai, awanani anyu anrowa opwetexiwa;
Atthu ootheene ootakhala, anomwara-mwariwa.+
10 Masi munookikhaliha oolipa ntoko epooyi ya mutakhwani;
Kinimoottiha erutthu aka, ni makhura ooreera.+
11 Maitho aka animwaaweha awanani aka axinttiwaka;+
Maaru aka, anoowiiwa atakhali anikithupela, axinttiwaka.
12 Masi anaxariya itthu sinooweettela saana ntoko mukole woowiima,
Nave animunnuwa ntoko mwiri wa oLiibano, oniihaniwa eseeturu.+
13 Awo yaaliwe vate va empa ya Yehova;
Awo anniima vate va empa ya Muluku ahu.+
14 Hata yuuluvanle ene,* awo animwiimaka mihokorokho;+
Anrowa okhalaka oolipa* ni a ikuru,+
15 Alaleyaka wiira Yehova ta xariya.
Owo ti Mwala aka,+ ni khoniira etthu yoohikhala ya xariya.
93 Yehova oopacerya olamulela ntoko Mwene!+
Owo oowara okhulupale;
Yehova oowara ikuru;
Onniwara ntoko esintu.
Owo oolipiha saana elapo;
Nto khivaniweryaneya ottikinya.
3 Yehova, miro soosarya,
Miro soosarya ni sinninyakula;
Nlelo sinootepa osarya ni onyakula.
4 Masi nyuwo Yehova, muri mukhulupalexa wiirimu,+
Ti moowerya ovikana oruma wa maasi manceene,
Nyuwo ti moowerya ovikana mawimpi maalupale a mphareya,+ yaawo aniphweeya.
5 Moolumo anyu oowuupuxerya, toororomeleya vanceene.+
Yehova, okathi wootheene, empa anyu+ ti yooreera ni yoowaarya.
94 Khoo Yehova, Muluku oninla ikuhu!+
Mooniherye ovuwa wanyu, nyuwo Muluku oninla ikuhu!
2 Nyuwo muniphuka milattu sa mulaponi, nvenye!+
Mwaaliverye atthu oowiittottopa, etthu aniphwanela aya.+
3 Yehova, atakhali anrowa otteeliwaka murima mpakha silini?+
Mpakha silini?
4 Awo annirapheya moolumo oowiixinnuwiha;
Atakhali ootheene anniittottopa.
5 Yehova, awo annaanyakatta atthu anyu,+
Annaahaaxa atthu anyu.
6 Annimwiiva muthiyana naamukhweli ni annimwiiva namurwa,
Nave anniwiiva anamwane ahirina apapaya.*
8 Nyuwo muhirina ankhili, musuwele saana etthu ela;
Nyuwo alolo, munrowa okhalana silini ankhili?+
9 Niireke ole opanke* niyaru, khoniwerya wiiwa?
Ole opanke niitho, khoniwerya woona?+
10 Niireke wiira ole onittaruxa maloko, khoniwerya woottaruxani?+
Ti yoowo onaavaha atthu osuwela!+
11 Yehova onnisuwela miyuupuwelo sa atthu,
Onnisuwela wiira miyuupuwelo saya ti seethiru.+
12 Nyuwo Yah, oohakalala tuule munimuttaruxa anyu,+
Tuule munimwiixuttiha anyu nlamulo nanyu,+
13 Wiira munvahe murettele, hata mahiku yaale ooxankiha,
Mpakha atakhali omorela mulittini.+
15 Alipa-oophuka milattu, anootthikela-tho ophukaka milattu mwa xariya,
Nave ale arina murima wooreera, anrowa wiiwelelaka.
16 Ti pani onrowa okaakiha mmatatani mwa atakhali?
Ti pani onrowa okaakiha mmatatani mwa atthu aniira sootakhala?
17 Vahaakhanle wiira Yehova tonikikhaliherya,
Kaarowa wiiraka saano kikhwiiye ene.+
18 Okathi kaahimmye aka wiira: “Mwetto aka onnitherekuwa”,
Nyuwo Yehova, ophenta wanyu woororomeleya waahikikhaliherya.+
20 Khamunikhala-khala nvaraka muteko vamosa ni anamalamulela ootakhala,*
Okhala wiira awo annaapaka apalano wiira akumiherye mixankiho, arumeelaka nlamulo.+
23 Owo onimwiiriha miteko saya sootakhala waamorela yaawo.+
Onimwaapwetexa vamosa ni miteko saya sootakhala.
Yehova, Muluku ahu, onimwaapwetexa.+
95 Murwe, nikhuwele nimwiipelaka Yehova, vootteeliwa murima!
Nikhuwele nitteeliwe ene murima, para Mwala ahu onnoopola.+
3 Yehova ti Muluku muulupale,
Mwene muulupale waavikana amuluku ootheene.+
4 Mapuro oowiixa a mulaponi, ari mmatatani mwawe;
Miyaako soorakama ti sawawe.+
6 Murwe, nimukokhorele Muluku ahu ni nuurame ohoolo wawe;
Nrowe nikhorome ohoolo wa Yehova, yoowo onipattunxe.+
Olelo, nyuwo mwawiriyana nsu nawe,+
8 Muhuumihe murima anyu, ntoko mwiirale anyu oMeriba,*+
Ntoko mwiirale anyu nihiku nenne oMasa,* moothakoni,+
9 Okathi amuhavinre anyu yaakeeherenrye aya;+
Awo yaahikeehererya, hata yaawehale miteko saka.+
10 Mwa iyaakha 40, miyo kaahinanariwa ni nloko nne, kihimya wiira:
“Okathi wootheene, awo annikhootta vamurimani vaya itthu kinihimya aka,
Nave khatthanre iphiro saka”.
11 Siiso, kaahilapha kinanariwe ene, kiiraka:
“Awo khanrowa okela opuro aka woophumurya”.+
96 Mmwiipele Yehova nsipo na niinaano.+
Mmwiipele Yehova, ootheene nyuwo munikhala mulaponi!+
2 Mmwiipele Yehova; muttottopeleke nsina nawe.
Mulaleye ihapari sooreera sa moota oniwoopola awe atthu, nihiku ti nihiku.+
3 Eriyari ya maloko, mulaleyeke ovuwa wawe,
Nave eriyari ya atthu ootheene,+ mulaleye miteko sawe sootikiniha.
4 Yehova ti muulupale ni toniphwanela ottottopeliwa vanceene.
Owo onniphwanela wooviwa vanceene, waavikana amuluku ootheene.
7 Mahimo, anvahe Yehova ele eniphwanela awe,
Anvahe Yehova ele eniphwanela awe, mwaha wa ovuwa wawe ni ikuru sawe.+
8 Anvahe Yehova ovuwa oniphwanela nsina nawe;+
Amuruuhele yoovaha emosa vate vawe.
9 Akokhore ohoolo wa Yehova, awanre ene ikuwo sooreerexa;*
Nyuwo atthu ootheene a mulaponi, muttettemeleke ohoolo wawe.
10 Eriyari ya maloko, mulaleye wiira: “Yehova oopacerya olamulela ntoko Mwene!+
Elapo yoolipihiwa, kheniweryaneya ottikinyiwa.
Owo onimwaaphukela atthu* ottharaka exariya”.+
11 Erimu etteeliweke murima, nave elapo ehakalaleke;
Ephareya ni itthu sootheene siri memmo, sikukutteyeke;+
12 Imatta ni itthu sootheene siri memmo, sitteeliweke murima.+
Nave okathi omosa-ru, miri sootheene sa mutakhwani sikhuweleke ni otteeliwa murima ohoolo wa Muluku,+
13 Okhala wiira Yehova onnoorwa,*
Onnoorwa ophukela elapo.
Owo onimwaaphukela atthu anikhala mulaponi ottharaka exariya,+
Nave onimwaaphukela atthu voororomeleya.+
97 Yehova oopacerya olamulela ntoko Mwene!+
Elapo etteeliweke murima.+
Ootheene anikhala musisironi atteeliweke murima.+
4 Waarya wawe onnimwaleela olumwenku wootheene;
Elapo ennittettemela okathi eniweha aya eyo.+
5 Miyaako sinnitothowa ohoolo wa Yehova, ntoko eseera,+
Ohoolo wa Pwiya a elapo yootheene.
6 Erimu ennilaleya exariya awe,
Nave atthu ootheene, anniweha ovuwa wawe.+
7 Atthu ootheene ankokhorela ilatarato, anrowa wuulihihiwa muru,+
Yaale aniittottopa mwaha wa amuluku aya ahirina efaita.+
Amuluku ootheene,+ yuurame ohoolo wawe.
8 Siyoni onniiwa ni onnitteeliwa murima;+
Ipooma* sa oYuda sootteeliwa murima,
Mwaha wa exariya anyu, nyuwo Yehova.+
9 Nyuwo Yehova, ti muri Muluku Muulupalexa mulaponi mootheene;
Nyuwo ti muri muulupalexa waavikana amuluku ootheene.+
10 Nyuwo munimphenta Yehova, munyokheke itthu sootakhala.+
11 Muthuko onnaamwaleela anaxariya,+
Nave otteeliwa murima onnaaphwanya ale ooreera murima.
12 Nyuwo anaxariya, mutteeliweke murima mwaha wa Yehova,
Muttottopeleke nsina nawe noowaarya.
Nsipo.
Ni ntata nawe noolopwana, eyo piiyo, moono awe woowaarya, owo oonoopola.+
3 Oomuupuwela natiri awe, a owooniherya atthu a Isarayeli ophenta wawe ni ororomeleya wawe.+
Atthu ootheene a mulaponi aaweha okathi Muluku aawooponle awe atthu awe.+
4 Atthu ootheene anikhala elapo ya vathi, akhuweleke amuttottopelaka Yehova.
Atteeliweke murima, atthapeke, ni amuttottopeleke Muluku ni isipo.+
5 Yiipeke isipo amuttottopelaka Yehova, attharihaka ni viola,
Yiipeke isipo attharihaka ni viola.
6 Akhuweleke ohoolo wa mwene, Yehova,
Yoopaka malope+ ni mapetta.
7 Ephareya ni itthu sootheene siri memmo, sikukutteyeke,
Vamosa ni elapo ni ale anikhala memmo.
8 Miro simaneke makuphi;
Nave miyaako sikhuweleke hoothe sitteeliwe ene murima, ohoolo wa Muluku,+
9 Okhala wiira Yehova onnoorwa* wiira aaphukele atthu anikhala mulaponi.
Onimwaaphukela ni exariya, atthu anikhala mulaponi,+
Nave-tho, onimwaaphukela mwa xariya atthu a maloko ootheene.+
99 Yehova oopacerya olamulela ntoko Mwene.+ Nto maloko attettemeleke.
Owo ookilaathi veehiceni vawe, vasulu va makerubi.*+ Elapo etetereyeke.
2 Yehova ti muulupale oSiyoni,
Owo onnaalamulela atthu a maloko ootheene.+
3 Atthu awo attottopeleke nsina nanyu noovuwa,+
Okhala wiira nlo ti noowoopiha ni noowaarya.
4 Nyuwo mwa mwene oowerya munisiveliwa exariya.+
Okathi wootheene, nyuwo munniira itthu sooreera.
Mookumiherya exariya wa Yakobe, ni moomwiiriha weettela exariya.+
Awo yaaninvekela Yehova,
Nto owo aaniwaakhula.+
7 Owo aanilavula ni atthu awo ori ene muneekuni.+
Awo yaaniiwelela moolumo oowuupuxerya ni malamulo aavaha awe.+
8 Nto nyuwo Yehova Muluku ahu, mwaahiwaakhula.+
9 Munvuwihe Yehova Muluku ahu,+
Ni muurame ohoolo wa mwaako awe woowaarya,+
Okhala wiira Yehova, Muluku ahu, toowaarya.+
Nsipo na oxukhurela.
100 Atthu ootheene anikhala mulaponi, akhuweleke emuttottopelaka Yehova.+
2 Mmurumeeleke Yehova mutteeliwe ene murima.+
Muroweke ohoolo wawe mutthapaka.
3 Musuweleke wiira Yehova ti Muluku.+
Owo tonipattunxe, nave hiyo na atthu awe.*+
Hiyo na atthu awe, ni na ipwittipwitthi sa nikoto nawe.+
4 Nvolowe vamukhora vawe, muxukhurelaka.+
Mukele vate vawe, mmuttottopelaka.+
Mmuxukhureleke; muttottopeleke nsina nawe.+
5 Yehova tooreera murima;+
Ophenta wawe woororomeleya onikhala mahiku ootheene,
Nave ororomeleya wawe, onnikhala wa maloko ootheene.+
Nsipo na Davidi.
101 Kinimwiipa isipo, kilavulaka sa ophenta woororomeleya ni exariya.
Kinimoottottopelani ni isipo, nyuwo Yehova.
2 Kinoopakaka itthu ni ankhili ni voororomeleya.
Munirwa silini wiira mukikhaliherye?
Kiri ene mpaani mwaka, kinoovaraka+ itthu sooreera.
3 Nkinrowa owehaka itthu sihirina efaita.
Kinninyokha itthu aniira aya atthu yaale anihiya ovara itthu sooreera;+
Nkinrowa waattamela itthu iyo.
4 Nkiniwaattamela atthu arina murima wootakhala;
Nkinrowa weemererya* itthu sootakhala.
Mutthu oowiittottopa ni oowiixinnuwiha,
Miyo nkinrowa onvilela.
6 Kinoowaavyaka mulaponi atthu aniwiiwelelani,
Wiira akhaleke ni miyo.
Ole oneetta voororomeleya, tonrowa okivarelaka muteko.
7 Khuuvo nawoothe onrowa okhalaka mpaani mwaka.
Nnakhala mutthu oowootha khonrowa weemelaka ohoolo waka.*
8 Khula voosiisu, kinimwaamaalihaka* atakhali ootheene a mulaponi,
Wiira kaapwetexe atthu ootheene aniira sootakhala, mpooma mwa Yehova.+
Nivekelo na mutthu onihaaxiwa ni oxankale,* yoowo onimuleela Yehova muxankiho awe wootheene.+
2 Muhikihiye mekhaka okathi kinixanka aka.+
3 Mahiku aka annirimeela ntoko mwiixi,
Nave makhuva aka, anniviha ntoko mooro.+
4 Murima aka ori ntoko malaxi oonyaala ni oowuuma,+
Okhala wiira kinniliyala olya.
6 Kiri mekhaka ntoko mwaapalame a moothakoni onlikana ni napiphi;*
Kiri ntoko esiisi yaamukhaani eri eriyari ya milepe.*
8 Awanani aka annikiveeha nihiku nootheene.+
Ale anikitheya,* annikilapha arumeelaka nsina naka.
9 Vanikhala ntoko kinlya ettuurwa,+
Nave etthu kiniwurya aka, yootakaahereya ni maithori,+
10 Mwaha wa onanariwa wanyu vanceene,
Vanikhala ntoko wiira murookiteexa wiira mukirihele ottaiwene.
13 Mweekeekhai, nyuwo munoovenya wiira mmorele ikharari oSiyoni,+
Okhala wiira woophiya okathi wiira mureerele murima weiwo;+
Woophiya okathi aya.+
14 Arumeyi anyu annivaha efaita maluku a muttetthe owo,+
Nave, hata ntthupi na muttetthe owo, ninnaasivela.+
15 Maloko, anrowa woova nsina na Yehova,
Nave mamwene ootheene a mulaponi anoosuwela ovuwa wawe.+
18 Etthu ela, yoolempwa para maloko anrowa okhumelela ohoolo,+
Wiira atthu anrowa okhumelela ohoolo,* yaamuttottopeleke Yah.
19 Ori ene nipuro nawe noowaarya osulu, owo onniweha vathi.+
Ori ene wiirimu, Yehova onniweha elapo,
20 Wiira iiwe wuupulela wa peresu,+
Ni owoopole ale alamuliwe wiiviwa.+
21 Siiso, nsina na Yehova nnoolaleiwa oSiyoni,+
Nave onoottottopeliwa oYerusalemu,
22 Okathi maloko ni mamwene,
Anrowa aya othukumana wiira amurumeeleke Yehova.+
23 Owo oovukula ikuru saka, ohinatthi ophiya okathi;
Oovukula mahiku aka.
24 Miyo kaahihimya wiira: “Khoo Muluku aka,
Muhikiive kihinatthi wuuluvala,
Nyuwo munikhala mahiku ootheene.+
25 Okhuma khalai, nyuwo muhaathipela alisenso a elapo,
Nave ti nyuwo mpanke erimu ni matata anyu.+
26 Awo animookhwa, masi nyuwo munoohala;
Awo anoomala-mala, ntoko nlaya nookhucuwa.*
Nyuwo munimwaaturuka atthu awo, siisaale sinturukiwa aya ekuwo, nto awo anoomala-mala.
27 Masi nyuwo khamunturukeya, nave iyaakha sanyu khasinikhala-khala simalaka.+
28 Anamwane a arumeyi anyu, anookhalaka ahoovaka etthu,
Nave osuulu aya, onrowa okhalaka ohoolo wanyu”.+
Nsipo na Davidi.
103 Kinoomuttottopela Yehova;
Itthu sootheene kirina aka sittottopeleke nsina nanyu noowaarya.
2 Kinoomuttottopela Yehova;
Kihikhala-khale kiliyalaka itthu sootheene opanke awe.+
4 Owo onnoopola okumi anyu mulittini,*+
Onnoowarihani ophenta wawe woororomeleya ni omoriwa wawe ikharari,+ ntoko ekhara.
5 Okumi anyu wootheene, owo onnoovahani itthu sooreera,+
Tivonto, munikhala anyu mmiravo ni murina anyu ikuru ntoko xawawe.*+
8 Yehova toomoriwa ikharari ni oothunku,+
Toopisa onanariwa ni onnooniherya vanceene ophenta woororomeleya.*+
9 Owo khonnipwapwela okathi wootheene mwaha wa itampi sahu,+
Nnakhala khonnanariwa ni hiyo mahiku ootheene.+
11 Ntoko erimu erakamelanne aya ni elapo ya vathi,
Siiso-tho, ophenta wawe woororomeleya, ti wuulupale wa atthu yaale animoova.+
12 Ntoko siisaale onikhuma nsuwa orakamelanne aya ni onikela nsuwa,
Owo onnipweha itampi sahu, ottaiwene ni hiyo.+
13 Ntoko siisaale paapa onaamorela awe ikharari anaawe,
Siiso-tho, Yehova onnaamorela ikharari ale animoova.+
16 Masi okathi epheyo enoopa aya, ifilori iyo sinnirimeela,
Vanakhala ntoko wiira khisaatonko okhala.
17 Masi ophenta woororomeleya wa Yehova, onikhala mahiku ootheene,
Para atthu yaale animoova.+
Nave onnooniherya exariya osuulu aya,+
18 Wa ale anitthara nivarihano nawe,+
Ni ale aniiwelela sooruma sawe.
20 Nyuwo malaikha ootheene,+ oowerya vanceene, mmuttottopeleke Yehova,
Nyuwo muniwiriyana malamulo awe+ ni wiiwelela sooruma sawe.
21 Malaikha awe ootheene,+ amuttottopeleke Yehova,
Eyo piiyo, arumeyi awe, yaawo anipaka itthu oniphavela awe.+
22 Itthu sootheene opattunxe awe, simuttottopeleke Yehova,
Ni mapuro ootheene onilamulela awe.
Miyo kimuttottopeleke Yehova.
104 Kinoomuttottopela Yehova.+
Khoo Yehova, Muluku aka, nyuwo ti muulupalexa.+
Moowara nttittimiho ni okhulupale.+
2 Muhiikhuneela ni muthuko,+ siisaale ntoko mutthu oniikhuneela awe ni mukhumi;
3 Nyuwo munniteka empa anyu, vasulu va maasi ari musulu,+
Munniiriha meeku okhala ekaaro anyu,+
Munneetta vasulu va epheyo.+
4 Nyuwo munniiriha malaikha anyu, eyo piiyo, arumeyi anyu, okhala oowerya,
Munniiriha okhala ntoko mooro muulupale.+
6 Nyuwo mookhuneela elapo eyo ni maasi oowiixerya, enakhala ntoko ekhuneeliwe ni mukhumi.+
Maasi yaahikhuneela miyaako.
7 Mwaahipwapwela maasi, awo khutthyawa;+
Yaahiiwa okukutteya, nto awo atthyawa yoovaka.
8 Maasi yaahirowa+ opuro mwaavanhe anyu, miyaako saahittukhuwela osulu,
Nave maxepa yaahikhuruwela vathi.
9 Nyuwo moohela mikano wiira maasi awo ahivikane,+
Wiira awo ahitthikele-tho okhuneela elapo.
10 Muxepani, nyuwo munnikumiherya mapuro aniphattuwa maasi;
Maasi awo annivira eriyari ya miyaako.
11 Inama sootheene sa mutakhwani, sinniwurya maasi awo;
Yaawo animaliha ntthona na apuuru a mutakhwani.
12 Axipalame annikota* mmirini siri mukerekhere mwa maasi awo;
Awo anniipa eriyari ya makukhu oophipa.
13 Munnikhuwari miyaako ni epula enikhuma osulu munikhala anyu.+
Elapo yoosareya mihokorokho sa miteko sanyu.+
14 Nyuwo munnimeliha malaxi wiira alyiweke ni axinama;
Ni makukhu wiira arumeeliweke ni atthu,+
Nave wiira mulaponi eruweriweke eyoolya.
16 Miri sanyu Yehova, sinniphwanya maasi manceene,
Eyo piiyo, iseeturu sa oLiibano, seiyo mwaalale anyu.
17 Axipalame annipaka ipuru saya memmo.
Napiphi*+ onniteka epuru awe musulu mwa miri suulupale siniihaniwa xuniiperu.
19 Nyuwo moopaka mweeri wiira waasuweliheke atthu okathi;
20 Munnikumiherya epiphi ni vanniila,+
Nto inama sootheene sa mutakhwani sinnipacerya weetta.
22 Okathi nsuwa ninkhuma aya,
Awo annitthika, anarowa orupa mukhukuni mwaya.
23 Mutthu onnirowa ovara muteko awe,
Nave onnivara muteko awe mpakha ohiyu.
24 Nyuwo Yehova,+ miteko sanyu khasireere waatta!
Moopaka itthu iyo sootheene ni ankhili.+
Elapo yoosareya itthu mpanke anyu.
25 Nave ephareya, yeeyo eri yuulupalexa,
Yoosareya itthu sinceene sikumi, saamukhaani ni suulupale.+
26 Apakiti anneetta mikwaha mphareya memmo,
Nave ookhala-mo Leviyataani,*+ yoowo mumpattunxe anyu wiira othweeleke memmo.
27 Itthu sootheene sikumi, sinoolipelelani nyuwo,
Wiira nvaheke eyoolya waphiya okathi aya.+
28 Iyo sinnoolya khula etthu munivaha anyu.+
Okathi munitthukula anyu ntata nanyu, iyo sinnaakhela itthu sinceene sooreera.+
29 Okathi muniipithiha anyu owiitho wanyu, itthu iyo sinnixanka.
Mwakumiha iphumu saya, iyo sinnookhwa ni sinnitthikela vatthayani.+
30 Mwakumiherya ikuru sanyu soowaarya, itthu iyo sinnipattuxiwa,+
Nave munnikhaliha isya itthu sootheene mulaponi.
31 Ovuwa wa Yehova, onookhalaka mahiku ootheene.
Yehova onootteeliwaka murima ni miteko sawe.+
32 Onniweha elapo, nto eyo ennittettemela;
Onnivara miyaako, nto iyo sinnitthuwa mwiixi.+
33 Kinoomwiipela Yehova+ okumi aka wootheene;
Kinoomuttottopela Muluku aka ni isipo, okumi aka wootheene.+
34 Itthu kinuupuwela aka soosivelekeni.*
Kinootteeliwa murima mwaha wa Yehova.
35 Anatampi anoomala-mala mulaponi,
Atakhali khanrowa okhala-tho.+
Kinoomuttottopela Yehova. Mmuttottopele Yah!*
2 Mmwiipeleke Muluku, mmwiipeleke isipo mmuttottopelaka,
3 Mwiittottopeke mwaha wa nsina nawe noowaarya.+
Ale animwaavya Yehova, etteeliweke murima.+
4 Mmwaavyeke Yehova+ ni muroromeleke ikuru sawe.
Okathi wootheene, mphaveleke wiira ookhaliheryeni.
5 Muupuweleke miteko sootikiniha ovanre awe,
Muupuweleke miiriirya sawe ni enamuna aaphukenle awe atthu,+
6 Nyuwo osuulu wa Abrahamu, murumeyi a Muluku,+
Nyuwo anamwane a Yakobe, muthanliwe nuuwo.+
7 Owo ti Yehova, Muluku ahu.+
Owo onniphukela elapo yootheene.+
8 Onnuupuwela nivarihano nawe, mahiku ootheene,+
Khonikhala-khala oliyalaka etthu oleihenrye awe,*+
9 Nivarihano opanke awe ni Abrahamu,+
Ni etthu omulaphenle awe Isaakhi.+
10 Muluku aahimulipiherya Yakobe, etthu ele aalamphe awe,
Nave aahiiriha okhala nivarihano na mahiku ootheene para Isarayeli.
12 Eyo yaahiiraneya okathi awo yaari aya vakhaani,+
Aayo, vakhaanixa, nave yaari aya anamurwa mulaponi.+
13 Awo yaaneetta akhumaka elapo emosa, arowaka elapo ekina,
Akhumaka omwene omosa, arowaka omwene mukina.+
14 Owo khamweemerenrye nnakhala mutthu mmosa waahaaxa,+
Masi mwaha wa yaawo, aahaapwapwela mamwene,+
15 Oriki: “Muhaavare atthu aka kaathanlale aka,
Nave muhiwiirihe etthu yootakhala maprofeta aka”.+
17 Aahimuhooliha mulopwana mmosa ohoolo waya,
Yosefe,+ yoowo aatumihiwe ntoko epottha.
18 Inawu sawe+ saahitthukiwa ni ikwirinti,
Exiko awe yaahitthukiwa ni ekwirinti,
19 Mpakha okathi yiiraneyale aya etthu Muluku aaleihenrye awe,+
Nuulumo na Yehova ti naamureerihale.
20 Mwene aahiruma otaphuliwa,+
Aayo, mwene owo, aahiruma otaphuliwa mukhatteya.
21 Owo aahimukhaliha mukhulupale a etthoko awe,
Ni mutthu aakhapelela mireerelo sawe sootheene,+
22 Ni wiira aahooleleke makhulupale awe ntoko aaphavela awe,
Ni owiixuttiheke axitokweene a mwene okhalana miruku.+
23 Vano, Isarayeli aahiphiya wExiitu,+
Nave Yakobe aanikhala ntoko namurwa, mulaponi mwa Khami.
25 Owo aahaahiya awanani awo yaanyokhaka atthu awe,
Ni oweettela olavilavi arumeyi awe.+
27 Awo yaahipaka miiriirya sa Muluku ohoolo wa atthu,
Yaahipaka miiriirya sawe, mulaponi mwa Khami.+
28 Aahikumiherya epiphi, nto elapo ele yaahiriipela;+
Awo yaaniiwelela moolumo awe.
29 Owo aahitatuxa maasi a wExiitu, khukhala ephome,
Nave aahiiva ihopa saya.+
30 Elapo ele yaahisareya anaphulu,+
Mpakha ophiya ikwartu sa mwene.
33 Aahihonona imatta saya sa ewuuva ni miri saya sa efiiku,
Nave aahintakasa miri sa mmuttettheni mwaya.
34 Owo aahilavula wiira okhumelele nasope,
Aayo, nasope munceene.+
35 Nasope owo aahikhuura itthu sootheene sikithi mulaponi,
Nave aahikhuura itthu saaruweriwe mulaponi.
36 Nuumala-vo, aahiwiiva anamwane ootheene oopaceriwa oyariwa, ni inama sootheene soopacerya ototholiwa mulaponi-mme,+
Aayo, milipu sa ikuru saya sa oyara.
37 Aahaakumiha atthu awe elapo ele, akunxe ene eparatha ni eweero;+
Eriyari ya mahimo awe, khuuvo mutthu mmosa ooceyale.
38 Atthu a wExiitu yaahitteeliwa murima, okathi awo yaakhumme aya,
Okhala wiira awo yaaniwoova vanceene aisarayeli.+
40 Okathi yaavenke aya enama, owo aahaakumiherya anapiri;+
Ni aanaavaha eyoolya yaaphiyerya, yeeyo yaakhuma wiirimu.+
42 Muluku aahuupuwela itthu soowaarya aamuleihenrye awe murumeyi awe Abrahamu.+
43 Siiso, owo aahaakumiha atthu awe, awo yaahitthapa,+
Atthu awe oothanliwa, yaahikhuwela atteeliwe ene murima.
45 Owo aaphavela wiira yiiweleleke sooruma sawe,+
Nave atthareke malamulo awe.
Mmuttottopele Yah!*
106 Mmuttottopele Yah!*
Mmuxukhureleke Yehova, okhala wiira owo tooreera murima;+
Ophenta wawe woororomeleya, onikhala mahiku ootheene.+
2 Ti pani oniwerya olaleya miteko sootheene soowerya sa Yehova?
Aahiiso olaleya miteko sawe sootheene soottottopeleya?+
3 Oohakalala taale anivara miteko sa xariya,
Taale aniira itthu sooreera okathi wootheene.+
4 Khoo Yehova, mukuupuwele okathi munrowa anyu waareerela murima atthu anyu.+
Mukikhapelele ni mukoopole.
5 Siiso, kinimoona oreera murima muniwooniherya anyu atthu mwaathanlale anyu,+
Kinootteeliwa murima vamosa ni nloko nanyu,
Nave kinimoovuwihani vamosa ni atthu anyu, kiittottopaka.
7 WExiitu, amuhavinre ahu khiyaavanhe efaita* miteko sanyu sootikiniha.
Awo khiyuupuwenle wiira mwaahiwooniherya ophenta wanyu woororomeleya,
Ohiya-vo, yaahoorukunuwelani waattamela ophareya, eyo piiyo, ephareya Yooxeerya.+
9 Owo aahipwapwela ephareya Yooxeerya, nto ephareya eyo yaahuuma;
Aahiweettiha mphareya moowiixa, ntoko aaweettiha awe moothakoni;+
10 Muluku aahiwoopola mmatatani mwa atthu yaanyokha,+
Nave aahiwoopola mmatatani mwa awanani aya.+
13 Masi awo yaahiliyala niinaano-ru etthu aapanke awe;+
Khiyaamulipelenle Muluku wiira aahimeerye etthu yoopaka.
15 Muluku aahaavaha etthu yaavenke aya,
Masi aahaakumiherya eretta yuulupale, yaawiirinhe wootta mpakha okhwa.+
17 Vano etthaya yaahihuleya ni yaahimmirya Datani,
Nave yaahaamirya atthu yaathukumanne ni Abirami.+
18 Mooro waahipatta eriyari ya ekurupu ele;
Nlumi na mooro naahaapaha atakhali.+
19 OHorebi, awo yaahipaka epooyi,
Nave yaahuurama ohoolo wa elatarato ya eyuuma;*+
20 Awo yaahituruka ovuwa waka,
Ni elatarato enlikana ni epooyi enilya malaxi.+
21 Awo yaahimuliyala Muluku,+ Moopoli aya,
Yoowo aapanke itthu suulupale wExiitu,+
22 Aayo, aapanke itthu sootikiniha mulaponi mwa Khami,+
Itthu sootikiniha ephareya Yooxeerya.+
23 Owo aahanle vakhaani oruma wiira yiiviwe,
Masi Moise, yoowo aamuthanlale awe, aahimuxonttela Muluku,
Aahimuxonttela Muluku wiira ohiye onanariwa wawe ni ohaapwetexe.+
26 Tivonto, owo aaheemexa ntata nawe ni aahilapha,
Wiira aarowa owiiriha ootheene aya okhwa moothakoni;+
27 Aamwiiriha osuulu aya wiiviwa ni maloko makina,
Nave aamwaamwara-mwarya ilapo sikina.+
28 Nto, yaahipacerya omukokhorela Bayaali a oPeyori,+
Nave yaahilya mikuttho saavahiwa alipa-ookhwa.*
30 Masi okathi Pineha aapanke awe etthu,
Ehasara ele yaahimaala.+
31 Nto aahithokoreriwa okhala naxariya,
Nave maloko ootheene, aayo, okathi wootheene,+ eyo ennooniwa okhala exariya.
32 Awo yaahimpaca Muluku waattamela maasi a oMeriba,*
Nto itthu khisaamweettenle saana Moise mwaha wa yaawo.+
33 Yaahimunyoonyiha Moise,
Nto owo aahilavula ohuupuwenle saana.+
37 Yaanaapaha anaaya axilopwana ntoko mukuttho,
Ni anaaya axithiyana wiira yaavahe malaikha ootakhala.+
38 Awo yaahiwiiva atthu oohittheka,+
Eyo piiyo, anaaya axilopwana ni anaaya axithiyana,
Yaawo yaapaha aya ntoko mukuttho, yaavahaka amuluku eethiru a oKanaani;+
Nto elapo yaahinanarihiwa mwaha wa atthu yiiviwe ahitthenke.
40 Tivonto, Yehova aahinanariwa vanceene ni atthu awe,
Ni aahaathanya atthu awe aathanlale awe.
41 Ikwaha sinceene, owo aahaavahererya atthu awe mmatatani mwa amalapo,+
Tivo, yaaniweriwa ni atthu yaanyokha.+
42 Awanani aya yaanaahaaxa,
Nave yaanaalamulela.
43 Ikwaha sinceene, Muluku aaniwoopola,+
Masi awo yaaninvirikanya ni khiyaamwiiwelela,+
Awo yaahoonihiwa ehaaya mwaha wa etampi aya.+
45 Mwaha wa yaawo, Muluku aahuupuwela nivarihano nawe,
Nave aaniwoonela othunku,* mwaha wa ophenta wawe wuulupale woororomeleya.+
46 Muluku aahiwiiriha wooneliwa othunku,
Ni atthu ootheene yaakhaliha ipottha.+
47 Khoo Yehova, Muluku ahu, munoopole,+
Nave munithukumanye eriyari ya maloko,+
Wiira nivuwihe nsina nanyu noowaarya,
Ni wiira nitteeliweke murima noottottopelakani.+
48 Ottottopeliwe Yehova, Muluku a Isarayeli,
Mahiku ootheene.+
Nto atthu ootheene ahimyeke wiira: “Amen!”*
Mmuttottopele Yah!*
ELIIVURU YA NEETHANU
(Isaalimu 107-150)
107 Mmuxukhureleke Yehova, okhala wiira owo tooreera murima;+
Ophenta wawe woororomeleya onikhala mahiku ootheene.+
2 Nto ale yoopoliwe ni Yehova ahimyeke siiso,
Yaale owooponle awe mmatatani mwa awanani,+
3 Yaawo aathukumannye awe mulaponi,+
Mpantta onikhuma nsuwa ni onikela nsuwa,
Onorti ni osuuli.+
4 Awo yaaneettakasa moothakoni, mapuro ahinikhaliwa;
Khiyaaphwannye ephiro yaaroiha opooma, weiwo yaarowa aya okhalaka.
5 Awo yaahivoliwa etala ni ntthona;
Yaahikhulumuwa anahala okhwa.
8 Atthu amuxukhureleke Yehova,+ mwaha wa ophenta wawe woororomeleya,
Nave mwaha wa miteko sawe sootikiniha oniwiirela awe apinaatamu.+
9 Owo aahinvaha maasi mutthu aavoliwe ntthona,
Nave aahinvaha eyoolya yooloka+ mutthu aavoliwe etala.
10 Akina yaakhala mweepiphini yuulupale,
Yaari maperesu yaahaawa ni yaatthukiwe ni ekwirinti ya eyuuma.
11 Awo khiyiiwelenle nuulumo na Muluku;
Ni khiyaattittiminhe miruku sa Muluku Muulupalexa.+
12 Tivonto, aahihiya wiira saakhumelele mixankiho+ wiira yiiyevihe;
Awo yaahikwattuliwa,* nto khuuvo aawenrye waakhaliherya.
13 Okathi yaaxankale aya, yaahinvekela Yehova wiira aakhaliherye;
Owo aahiwoopola mwaha wa mixankiho saya.
14 Owo aahaakumiha mweepiphini yuulupale,
Nave aahikwasa ikwirinti saya.+
15 Atthu amuxukhureleke Yehova, mwaha wa ophenta wawe woororomeleya,+
Nave mwaha wa miteko sawe sootikiniha oniwiirela awe apinaatamu.
16 Owo oopwexa mikhora sa ekoopiri,
Nave oonyaanya itaranka sa eyuuma.+
18 Khiivo eyoolya yaasivela;
Awo yaahanle vakhaani okhwa.*
19 Okathi yaaxanka aya, yaaninvekela Yehova wiira aakhaliherye;
Owo aaniwoopola mwaha wa mixankiho saya.
20 Aaniruma masu awe, nto aanaapenuxa,+
Aaniwoopola wiira ahikhwe.
21 Atthu amuxukhureleke Yehova, mwaha wa ophenta wawe woororomelaya,
Nave mwaha wa miteko sawe sootikiniha oniwiirela awe apinaatamu.
22 Avaheke mikuttho sa oxukhurela,+
Ni alaleyeke miteko sawe atteeliwe ene murima.
23 Atthu yaale aneetta ni apakiti mphareya,
Yaale aniweetta anakoso mmaasini oowaatta,+
24 Aaweha miteko sa Yehova,
Ni miteko sawe sootikiniha mphareya.+
25 Aaweha moota nuulumo nawe, nikumihenrye aya epheyo yuulupale,+
Khuvenxa mawimpi a mphareya.
26 Mawimpi annaaroiha osulu;
Ni annaarihela eriyari ya ephareya.
Mooxankani mwaya, olipa waya murima onnimala.
28 Okathi anixanka aya,+ annimukhuwelela Yehova,
Nto owo onniwoopola mwaha wa mixankiho saya.
29 Onnimaaliha epheyo yuulupale.
Mawimpi a mphareya annimaaleleya.+
30 Awo annitteeliwa murima okathi mawimpi animaaleleya aya,
Nave onnaahoola epoortu* aniphavela aya.
31 Atthu amuxukhureleke Yehova, mwaha wa ophenta wawe woororomeleya,
Nave mwaha wa miteko sawe sootikiniha oniwiirela awe apinaatamu.+
32 Atthu awo amuttottopeleke eriyari ya atthu athukumanne,+
Nave amuttottopeleke eriyari ya axitokweene athukumanne.
33 Onnuumiha miro, khukhaliha othako,
Nave onnuumiha mapuro aniphattuwa maasi, khukhaliha etthaya yoowuuma.+
34 Onniiriha etthaya yooruwerya okhala etthaya ya maakha,+
Mwaha wa otakhala wa atthu anikhala memmo.
35 Onniiriha othako okhala matthiya arina malaxi,
Nave onniiriha etthaya yoowuuma okhala mapuro aniphattuwa maasi.+
38 Onnaareeliha atthu awo, anatepa waatta;
Khonihiya ipooyi saya sivukuwaka.+
39 Masi awo aatthikela okhala vakhaani ni ahuuliwa muru,
Mwaha wa ohasuliwa, ehasara, ni ohaawa.
40 Owo onnaathanya makhulupale,
Nave onniwiiriha weettakasa moothakoni, muhikhanle ephiro.+
41 Masi onnaakhapelela* alipa-oohaawa, yaawo anihaaxiwa,+
Nave onniiriha imusi saya waatta ntoko nikoto na inama.
43 Mutthu orina ankhili, onimuupuwelela itthu iya,+
Onoothokorerya oratteene miteko sa Yehova, seiyo sinooniherya ophenta wawe woororomeleya.+
Nsipo na Davidi.
108 Khoo Muluku, murima aka woolipa.
Kinoowiipelani isipo, koottottopelakani.+
2 Miyo kinoovenya oxaka,
Kimphavela omoopa viola,+ ni ikaruma sikina sa isipo sirina mikhoyi.
3 Khoo Yehova, kinimoottottopelani eriyari ya atthu,
Nave kinoowiipelani isipo eriyari ya atthu a maloko ootheene.
4 Ophenta wanyu woororomeleya ti wuulupale, onniphiya wiirimu,+
Nave ororomeleya wanyu, onniphiya mmeekuni.
5 Khoo Muluku, nvuwihiwe wiirimu;
Nave ovuwa wanyu okhale elapo yootheene ya vathi.+
6 Wiira ale munaaphenta anyu yoopoliwe,
Munoopole ni ntata nanyu noolopwana ni mwaakhule* ovekela wahu.+
7 Muluku oowaarya,* oolavula wiira:
“Kinookawa muttetthe wa oSikhemi,+ kitteeliwe ene murima,
8 Muttetthe wa oXileyaadi+ ti wawaka, nave muttetthe wa Manase ti wawaka.
9 OMowabi ti epasiya aka kiniirapiha aka.+
WEdomi kinoorihela esantaalya aka.+
OFilisti miyo kinootteeliwa murima, okhala wiira kinooxintta-wo”.+
10 Ti pani onrowa okiroiha epooma yoolipihiwa?
Ti pani onrowa okihoola mpakha wEdomi?+
11 Muluku, kiira ti nyuwo munikhoottale?
Muluku ahu, kiira ti nyuwo muhinaakhaliherya-tho anakhotto ahu?+
12 Munikhaliherye okathi ninxanka ahu,+
Okhala wiira olipelela woopoliwa ni apinaatamu, ti weethiru.+
Para tiretoore a isipo. Nsipo na Davidi.
109 Xontte Muluku, yoowo kinimuttottopela aka,+ muhimaale.
2 Atakhali ni atthu oowoka annikilavulela itthu sootakhala.
Awo annikootherya;+
3 Awo annikirukurerya alavulaka moolumo ootakhala,
Nave annikituphela ohikhanle mulattu.+
4 Miyo kinnaaphenta, masi awo annikootherya itthu sootakhala;+
Masi miyo nlelo kinnivekela.
6 Mmuthanle mutthu ootakhala murima wiira omphukele nwanani aka;
Mulipa-oovirikanya eemele moono anyu woolopwana, wiira omootherye.
7 Okathi oniphukeliwa awe, ophwanyaniwe mulattu;
Hata nivekelo nawe nooniwe okhala etampi.+
9 Anaawe* ahikhalane paapa aya,
Nave amwaarawe, akhale naamukhweli.
10 Anaawe,* akhale anasimola aneettakasa;
Akhumeke ipa saya soohisuwanyeya, arowaka waavya eyoolya.
11 Ole omukophenle awe, omwaakhe itthu sootheene orina awe,
Nave atthu ohinaasuwela awe, amwaakhe mireerelo sawe.
12 Ohikhale mutthu onrowa omureerela murima,*
Nnakhala waareerela murima anaawe ahirina paapa aya.
13 Osuulu awe, opwetexiwe;+
Masina aya aliyaliwe ni maloko anrowa okhumelela ohoolo.
14 Yehova uupuwele itampi sa amuhavinre awe,+
Nave etampi ya maama awe, ehittipihiwe.
15 Yehova ohiliyaleke itthu avanre aya;
Nave masina aya aliyaliwe mulaponi,+
16 Okhala wiira mutthu owo khuupuwenle wooniherya oreera murima,*+
Masi onithipelela omulupattha mutthu onihasuliwa,+ oohaawa, ni oriipiwe murima vanceene,
Wiira omwiive.+
17 Waanimusivela otakhaliha, nto otakhaliha iwo waahimmorela;
Owo khaaphavela oreeliha, tivo khaareelihiwe;
18 Owo aaniwara otakhaliwa ntoko nlaya.
Otakhaliwa iwo, waahimwarexeliwa mweerutthuni mwawe ntoko maasi,
Waahimukela mmakhuvani mwawe ntoko makhura.
19 Nto otakhaliwa iwo okhaleke ntoko ekuwo oniikhuneela awe,+
Ntoko esintu oniwara awe okathi wootheene.
20 Ela ti enamuna Yehova onimuliva awe ole onikivirikanya,+
Ni ale anikilavulela itthu sootakhala.
21 Masi nyuwo Yehova, Pwiya Muulupalexa,
Mukireerele murima mwaha wa nsina nanyu.+
Mukoopole, okhala wiira ophenta wanyu woororomeleya ti wooreera.+
23 Kinnimala-mala ntoko muuttutthi onilakaseya;
Kooriheliwa ottaiwene ntoko esoope.
24 Makutha aka annitteettheya mwaha wa otthukwa;
Erutthu aka ehootta, nave kherina makhura.*
25 Awanani aka annikitheya.+
Okathi anikiweha aya, annittikinya muru aya.+
26 Khoo Yehova, Muluku aka, mukikhaliherye;
Mukoopole mwaha wa ophenta wanyu woororomeleya.
27 Nto awo anoosuwela wiira eyo ehiiraneya mwaha wa nyuwo, wiira nwoopole.
Aayo, awo anoosuwela wiira nyuwo Yehova nwooponle.
28 Mwaahiye awo alavule moolumo ootakhaliha, masi nyuwo mukireelihe.
Okathi anikivirikanya aya, awo yuuliwe muru,
Masi murumeyi anyu otteeliweke murima.
29 Ale anikinyokha, yuuliwe muru;
Aware wuuliwa muru, siisaale mutthu oniwara awe nlaya nihirina miyoono.+
30 Kinoomuttottopela Yehova voohihiyererya;
Kinimoottottopelani eriyari ya atthu anceene.+
31 Muluku onoomwaakiha* mutthu oohaawa,
Wiira omoopole mmatatani mwa atthu animulamula voohikhala exariya.
Nsipo na Davidi.
110 Yehova oomuleela Pwiya aka wiira:
2 Yehova onimuncererya owerya wanyu okhuma oSiyoni mpakha mapuro makina.
Owo onimooleelani wiira: “Mulamuleleke eriyari ya awanani inyu”.+
3 Atthu anyu animwiivahereryaka ni murima aya wootheene, nihiku munrowa anyu waathukumanya anakhotto anyu.
Awo ekurupu ya amiravo anookhaliheryani.
Ari ntoko mattonttoni* a okame wa oxaka, toowaarya ni tooreera.
4 Yehova oolapha, nave khonrowa oturuka muupuwelo awe:*
Onompwetexa mukhulupale* onilamulela elapo yuulupale.*
7 Mphironi, owo* onoowurya maasi anivira.
Tivonto, owo onrowa oxintta.
א [aalefe]
Kinoomuttottopela Yehova ni murima aka wootheene.+
ב [beete]
Eriyari ya ekurupu ya anaxariya athukumanne ni mmulokoni.
ג [kiimele]
ה [he]
3 Miteko sawe sinnooniherya ovuwa wawe ni nttittimiho nawe,
ו [vaawu]
Nave exariya awe ennikhala mahiku ootheene.+
ז [saine]
4 Owo onniiriha wuupuweliwa miteko sawe sootikiniha.+
ח [heete]
Yehova onnoona othunku ni toomoriwa ikharari.+
ט [teete]
5 Owo onnaavaha eyoolya atthu yaale animoova.+
י [iyoote]
Mahiku ootheene onnuupuwela nivarihano nawe.+
כ [kaafe]
6 Owo oowooniherya atthu awe miteko sawe soowerya,
ל [laamete]
ל [meeme]
ס [saameke]
8 Okathi wootheene, iyo ti soororomeleya, okhuma vano mpakha mahiku ootheene;
ע [aine]
Sinlipa ni ekeekhai ni exariya.+
פ [pe]
9 Owo oowoopola atthu awe.+
צ [tisaate]
Ooruma wiira nivarihano nawe nikhaleke mahiku ootheene.
ק [koofe]
Nsina nawe ti noowaarya ni ti noowoopiha.+
ר [reexe]
10 Omoova Yehova tori maphattuwelo a osuwela.+
ש [siini]
Atthu ootheene aniiwelela sooruma* sawe, anniwooniherya ankhili ooreera.+
ת [taawu]
Muluku ohaana ovuwihiwa mahiku ootheene.
א [aalefe]
ג [kiimele]
2 Osuulu awe onookhalana owerya wuulupale mulaponi,
ד [taalete]
Nave nloko na anaxariya nnoreelihiwa.+
ה [he]
3 Owannyawe, ookhalana muhakhu munceene,
ו [vaawu]
Nave exariya awe ennikhala mahiku ootheene.
ז [saine]
4 Owo onnaarya ohoolo wa anaxariya, ntoko muthuko onaarya nipuro nooriipela.+
ח [heete]
Toowoona othunku, toomoriwa ikharari+ ni ta xariya.
ט [teete]
5 Ole onimooliha mutthu oothoiwa ni murima awe wootheene, sinnimwiiraneela itthu sooreera.+
י [iyoote]
Owo onnikhapelela myaha sawe mwa xariya.
כ [kaafe]
6 Owo khonikhala-khala omoraka.+
ל [laamete]
Naxariya onimuupuweliwaka okathi wootheene.+
מ [meeme]
7 Owo khonrowa woovaka ihapari sootakhala.+
נ [nuune]
Murima awe ti woolipa, ni onnimuroromela Yehova.+
ס [saameke]
8 Murima awe khonittikinyeya; owo khonoova etthu.+
ע [aine]
Nave wookiseryani waya, onimwaaweha awanani awe axinttiwe ene.+
פ [pe]
9 Owo onnikawa voowaatta itthu orina awe; onnaavaha alipa-oohaawa.+
צ [tisaate]
Exariya awe ennikhala mahiku ootheene.+
ק [koofe]
Owerya* wawe onoovuwihiwa ni onoottittimihiwa vanceene.
ר [reexe]
10 Mutakhali onooweha eyo, ni onoonanariwa.
ש [xiimi]
Owo onoolumanyiha maino awe ni onoorimeela.
ת [taawu]
Itthu atakhali aniphavela aya, sinoomala.+
113 Mmuttottopeleke Yah!*
Nyuwo arumeyi a Yehova, mmuttottopeleke!
Muttottopeleke nsina na Yehova!
2 Nittottopeliwe nsina na Yehova,
Okhuma olelo-va mpakha mahiku ootheene.+
3 Okhuma mpantta onikhuma nsuwa, mpakha onikela nsuwa,
Nittottopeliweke nsina na Yehova.+
6 Owo onnuurama wiira owehe erimu ni elapo ya vathi,+
7 Owo onninvenxa mutthu oowiiyeviha aari vantthupini.
Nave onnimweemexa mulipa-oohaawa aari vattuurwani,*+
8 Wiira omwiirihe okilaathi ni athaaciri,
Aayo, ni athaaciri a atthu awe.
9 Owo onnimwiiriha muthiyana ohiniyara, waayara anamwane*
Ni onnimwiiriha okhala maama oohakalala.+
Mmuttottopeleke Yah!*
114 Okathi aisarayeli yaakhumme aya wExiitu,+
Okathi etthoko ya Yakobe yaakhumme aya eriyari ya atthu yaalavula nttaava nikina,
2 Yuda taakhanle nipuro noowaarya na Muluku,
Isarayeli, taari elapo Muluku aalamulela awe.+
4 Miyaako saahitupha ntoko ipwittipwitthi soolopwana,+
Mattumuxa yaahitupha ntoko ipwittipwitthi saamukhaani.
5 Nyuwo ephareya,+ xeeni muhalaka otthyawa?
Nyuwo muro Yordani, xeeni muhalaka otthikela ottuli?+
6 Nyuwo miyaako, xeeni muhalaka otupha ntoko ipwittipwitthi soolopwana?
Nyuwo mattumuxa, xeeni muhalaka otupha ntoko ipwittipwitthi saamukhaani?
7 Nyuwo elapo, mutetereyeke mwaha wa Apwiya,
Mwaha wa Muluku a Yakobe,+
8 Yoowo oniiriha mwala okhala ntthiya,
Ni onitatuxa mwala, khukhala maasi anivira.+
115 Yehova, hiyo khanimphwanela etthu, nnaari, hiyo khanimphwanela etthu.
2 Xeeni munihiya anyu maloko ahimyaka wiira:
“Muluku aya ori vai?”+
3 Muluku ahu ori wiirimu,
Owo onnipaka etthu oniphavela awe.
4 Ilatarato saya, ti sa eparatha ni sa eweero,
Iyo sipakiwe ni matata a apinaatamu.+
5 Sookhalana eyano, masi khasiniwerya olavula;+
Sookhalana maitho, masi khasiniwerya woona;
6 Sookhalana maaru, masi khasiniwerya wiiwa;
Sookhalana ephula, masi khasiniwerya wiimurya;*
7 Sookhalana matata, masi khasiniwerya ovara etthu;
Sookhalana metto, masi khanisiwerya weetta;+
Sookhalana mmilo, masi khasiniwerya okumiha nsu.+
8 Atthu apanke ilatarato iyo, anrowa olikanaka ni seiyo,+
Vamosa ni atthu ootheene aniroromela seiyo.+
9 Nyuwo Isarayeli, mmuroromeleke Yehova,+
Owo tonookhaliheryani ni tori nikula nanyu na wiixaakihana.*+
10 Nyuwo osuulu wa Aroni,+ mmuroromeleke Yehova,
Owo tonookhaliheryani ni tori nikula nanyu na wiixaakihana.*
11 Nyuwo munimoova Yehova, mmuroromeleke Yehova,+
Owo tonookhaliheryani ni tori nikula nanyu na wiixaakihana.*+
12 Yehova onninuupuwela ni onrowa onireeliha;
Owo onooreeliha osuulu wa Isarayeli;+
Onooreeliha osuulu wa Aroni.
13 Yehova onimwaareeliha ale animoova,
Onimwaareeliha aalupale ni acikhaani.
18 Masi hiyo nnoomuttottopelaka Yah,
Okhuma olelo-va mpakha mahiku ootheene.
Mmuttottopeleke Yah!*
116 Miyo kinnimphenta Yehova,
Okhala wiira onniwiriyana* nsu naka, onnikiiwa kaamuxonttelaka wiira okikhaliherye.+
3 Mikhoyi sa wookhwaani sookitthukwa;
Mahiye aakivara.+
Kootepa oxanka ni kooriipiwa murima vanceene.+
4 Masi kaahivekela kiromolaka nsina na Yehova, kiiraka:+
“Khoo Yehova, mukoopole!”
6 Yehova onnaakhapelela ale ahirina ankhili.+
Ikuru saahikimalela, nto owo aahikoopola.
7 Miyo nkinrowa oxanka,
Okhala wiira Yehova ookireerela murima.
8 Mookoopola mookhwaani,
Nyuwo moopuputtha maithori aka, ni khimweemerenrye wiira inawu saka sikwattuliwe.*+
9 Kinimweetta ohoolo wa Yehova, mulaponi mwa atthu akumi.
10 Kaahaamini, tivonto kaahilavula;+
Kaahixanka vanceene.
11 Miyo kaahivelavela, kinahimya wiira:
“Apinaatamu ootheene anawoothe”.+
12 Kimuxukhurele sai Yehova,
Mwaha wa itthu sootheene sooreera onikiirela awe?
13 Kinoowurya etthu eri mukaalisini, wiira kimuxukhurele mwaha wa okoopola,
Nave kinoottottopela nsina na Yehova.
14 Kinimwaataphula anatiri kimmanenle aka Yehova,
Ohoolo wa atthu awe ootheene.+
15 Yehova onnoona owereya,
Okathi anikhwa aya arumeyi awe oororomeleya.+
16 Khoo Yehova, kinnoovarani metto,
Okhala wiira ka murumeyi anyu.
Miyo ka murumeyi anyu, mwaana a epottha anyu yoothiyana.
Mookitaphula ikwirinti kaatthukwaniwe aka.+
17 Kinimoovahani mukuttho wiira kooxukhureleni;+
Kinoottottopela nsina na Yehova.
18 Kinimwaataphula anatiri kimmanenle aka Yehova,+
Ohoolo wa atthu awe ootheene,+
19 Vate va empa ya Yehova,+
Eriyari anyu, nyuwo Yerusalemu.
117 Nyuwo atthu a maloko ootheene,+ mmuttottopeleke Yehova;
2 Ophenta woororomeleya onnooniherya awe, ti wuulupalexa;+
118 Mmuxukhureleke Yehova, okhala wiira owo tooreera murima;+
Ophenta wawe woororomeleya onikhala mahiku ootheene.
2 Nyuwo Isarayeli, muhimyeke wiira:
“Ophenta wawe woororomeleya, onikhala mahiku ootheene”.
3 Nyuwo atthu a etthoko ya Aroni, muhimyeke wiira:
“Ophenta wawe woororomeleya, onikhala mahiku ootheene”.
4 Ale animoova Yehova, ahimyeke wiira:
“Ophenta wawe woororomeleya, onikhala mahiku ootheene”.
5 Okathi kaaxankale aka, kaahinvekela Yah;*
6 Yehova ori ni miyo; nkinrowa woova etthu.+
Exeeni mutthu oniwerya awe okiiriha?+
8 Fataari otthyawela wa Yehova,
Ohikhanle waaroromela apinaatamu.+
9 Fataari otthyawela wa Yehova,
Ohikhanle waaroromela makhulupale.+
11 Awo yaahikirukurerya, aayo, yaahikirukurerya ipantte sootheene,
Masi mwa nsina na Yehova,
Miyo kaahiwoomola.
12 Awo yaahikirukurerya ntoko enuyi,
Nto yaahimala-malihiwa niinaano-ru, ntoko onittipihiwa aya mooro onipaha miiwa.
Masi mwa nsina na Yehova,
Miyo kaahiwoomola.+
13 Kaahikakhiwa vanceene* wiira kimore,
Masi Yehova aahikikhaliherya.
14 Yah tori ntthyawelo naka ni ikuru saka,
Nave owo tonikoopola.+
15 Mutentani* mwa anaxariya,
Onniiwanyeya otthapa, maana awo ahoopoliwa,*
Ntata noolopwana na Yehova, ninnooniherya owerya waya.+
16 Ntata noolopwana na Yehova, ninnipaka itthu suulupale;
Ntata noolopwana na Yehova, ninnooniherya owerya waya.+
17 Miyo nkinrowa okhwa, kinrowa okhalaka mukumi,
Wiira kilaleyeke miteko sa Yah.+
19 Mukihulele mikhora sa exariya;+
Miyo kinoovolowa ni kinoomuttottopela Yah.
20 Ola ti mukhora wa Yehova.
Anaxariya anoovira mukhora yoola.+
21 Kinimoottottopelani, okhala wiira mookaakhula,+
Nave nyuwo ti muri moopoli aka.
24 Nla ti nihiku Yehova okumihenrye awe;
Hiyo nnootthapa ni otteeliwa murima nihiku nla.
25 Xontte Yehova, munoopole, noovara metto!
Xontte Yehova, munikhaliherye waaxintta awanani ahu!
27 Yehova tori Muluku;
Owo tonnimwaleela.+
Mwaatthare ale anrowa ofestani, mukunxe ene makukhu a miri mmatatani,+
Mpakha ophiya waattamela vari manyaka a altaari.+
28 Nyuwo mwa Muluku aka, miyo kinimoottottopelani;
Muluku aka, miyo kinimoovuwihani.+
29 Mmuxukhureleke Yehova,+ okhala wiira owo tooreera murima;
Ophenta wawe woororomeleya, onikhala mahiku ootheene.+
א [aalefe]
119 Oohakalala taale ahinihiya okhala oororomeleya,
Yaale aneettela nlamulo na Yehova.+
3 Khaniira itthu sootakhala;
Anneettela iphiro sawe.+
4 Nyuwo mooruma wiira,
Malakiheryo anyu yeetteliweke.+
5 Kaaniphavela kiri ene oororomeleya,+
Wiira kitthareke malamulo anyu!
6 Nto, nkaarowa wuuliwa muru,+
Okathi kaarowa aka ovahaka ephoole sooruma sanyu sootheene.
7 Kinimoottottopelani ni murima wooreera,
Okathi kinrowa aka wiixutta ophukela wanyu wa xariya.
8 Kinrowa weettelaka malamulo anyu.
Muhikinyanyale voomalela.
ב [beete]
9 Mmiravo onrowa owerya sai okhalana okumi wooloka?
Ohaana okhala oowehaweha ni wiiwelela nuulumo nanyu.+
10 Miyo kinniwaavyani ni murima aka wootheene.
Muheemererye wiira kihiye weettela sooruma sanyu.+
12 Muttottopeliwe, nyuwo Yehova;
Mukiixuttihe malamulo anyu.
13 Miyo koolaleya ni eyano aka,
Sooruma sootheene muhimmye anyu.
16 Okisivela vanceene ikano sanyu.
Nkinrowa oliyala nuulumo nanyu.+
ג [kiimele]
17 Mukireerele murima, miyo murumeyi anyu,
Wiira kikhaleke ni keetteleke nuulumo nanyu.+
18 Muhule maitho aka, wiira kiweheke oratteene,
Itthu sooreera siri munlamuloni mwanyu.
19 Miyo kiri ntoko namurwa onikhala elapo ekina.+
Muhikiipithihe sooruma sanyu.
20 Okathi wootheene, annikinkhela vanceene,
Malamulo anyu.
21 Nyuwo munnaapwapwela atthu oowiikuxererya,
Munnaatakhaliha ale anihiya weettela sooruma sanyu.+
22 Nwiirihe atthu awo ottharuwa ohikittittimiha, ni ottharuwa okithanya,
Okhala wiira kinniiwelela malamulo anyu.
23 Hata okathi makhulupale anikilaathi aya, anakilavula voohikhalela,
Miyo kinnuupuwelela* malamulo anyu.
ד [taalete]
25 Kihimpaathi vantthupini.+
Mukihiye kikhaleke mukumi, ntoko muhimmye anyu.+
26 Kihooleelani iphiro saka, nto nyuwo mookaakhula;
Mukiixuttihe malamulo anyu.+
27 Mukisuwelihe etthu enitaphulela aya* malakiheryo anyu,
28 Nkiniwerya orupa, mwaha wa oriipiwa murima vanceene.
Mukilipihe, ntoko muhimmye anyu.
29 Xontte, mukikhaliherye wiira kihikhale nawoothe,+
Mukireerele murima, mukiixuttihaka nlamulo nanyu.
30 Miyo koothanla okhala oororomeleya.+
Koosuwela wiira munnaaphukela atthu mwa xariya.
31 Kinnivarexexa malamulo anyu.+
Xontte Yehova, muhikihiye kuuliwaka muru.+
32 Kinootthara sooruma sanyu ni murima aka wootheene,
Okhala wiira mookikhaliherya osuwela saana sooruma iyo.*
ה [he]
34 Mukivahe ankhili,
Wiira kiiweleleke nlamulo nanyu,
Ni keetteleke ni murima aka wootheene.
36 Mwiirihe murima aka osiveliwaka ni moolumo anyu oowuupuxerya,
Ohiya ophavela mureerelo aka.+
37 Mukikhaliherye wiira kisyakeke oweha itthu sihirina efaita;+
Mukiiriheke weetta mphironi mwanyu, wiira kikhale mukumi.
38 Mpake etthu mwaamuleihenrye anyu murumeyi anyu,
Wiira muttittimihiweke vanceene.*
39 Mukumihe wuuliwa muru onikoopopiha,
Okhala wiira ophukela wanyu ti wooreera.+
40 Kinniphavela vanceene malakiheryo anyu.
Mukihiye kikhaleke, okhala wiira nyuwo mwa naxariya.
ו [vaawu]
41 Khoo Yehova, mukooniherye ophenta wanyu woororomeleya,+
Nave mukoopole, ntoko muleihenrye anyu;*+
42 Nto miyo kinoomwaakhula ole onikiveeha,
Okhala wiira kinniroromela nuulumo nanyu.
43 Muhikumihe mwaano mwaka moolumo eekeekhai,
Okhala wiira kinnilipelela ophukela wanyu.
44 Kinimweettelaka nlamulo nanyu okathi wootheene,
Mpakha mahiku ootheene.+
45 Khula opuro kinirowa aka, kinookhalaka oovareleleya,*+
Okhala wiira kinniphavela weettela malakiheryo anyu.
46 Kinoolavulaka malamulo anyu, hata kiri ene ohoolo wa mamwene,
Nave, nkinrowa woonaka ehaaya.+
47 Okisivela vanceene sooruma sanyu,
Aayo, sinnitepa okisivela.+
48 Kinoovekelaka kivenxale ene matata aka, mwaha wa sooruma sanyu, seiyo sinikisivela vanceene.+
Nave kinimuupuwelelaka* malamulo anyu.+
ז [saine]
49 Muupuweleke nuulumo nanyu mwaakilenle anyu,
Nenlo munirumeela anyu wiira mukivahe nlipelelo.
50 Ela ti etthu enikimaaliha okathi kinixanka aka,+
Okhala wiira moolumo anyu annikikhaliha mukumi.
51 Atthu oowiikuxererya annikiveeha vanceene.
Masi miyo nkinihiya weettela nlamulo nanyu.+
53 Kinninanariwa vanceene mwaha wa atakhali,
Yaawo anikhootta nlamulo nanyu.+
54 Malamulo anyu tari nsipo naka,
Khula opuro kinikhala aka.*
55 Ohiyu, kinnuupuwela nsina nanyu, nyuwo Yehova,+
Wiira keetteleke nlamulo nanyu.
56 Itthu iya kinniira,
Okhala wiira kinniiwelela malakiheryo anyu.
ח [heete]
57 Yehova, nyuwo muri ntoko muhakhu kihiyeriwe aka;+
Kooleiherya wiira kinaamwiiwelelaka moolumo anyu.+
59 Koovarerya okumi aka,
Wiira kitthikele weettela malamulo anyu.+
60 Miyo kinnakuvela ni nkinipiserya,
Wiiwelela sooruma sanyu.+
61 Mikhoyi sa atakhali sookirukurerya,
Masi miyo nkiniliyala nlamulo nanyu.+
62 Ohiyu eriyari, kinnivenya wiira kooxukhureleni,+
Mwaha wa ophukela wanyu wa xariya.
64 Khoo Yehova, ophenta wanyu woororomeleya onnisareya mulaponi,+
Mukiixuttihe malamulo anyu.
ט [teete]
65 Mookithokorerya saana, miyo murumeyi anyu,
Ntoko mwaaleihenrye anyu, nyuwo Yehova.
66 Mukivahe ankhili ni osuwela,+
Okhala wiira miyo kinniroromela sooruma sanyu.
67 Miyo kaahittheka kihilakenle ni kaahihaawa,
Masi vano kinniiwelela moolumo anyu.+
68 Nyuwo ti mooreera murima,+ nave miteko sanyu ti sooreera.
Mukiixuttihe malamulo anyu.+
69 Atthu oowiikuxererya annikootherya itthu sinceene,
Masi miyo kinniiwelela malakiheryo anyu ni murima aka wootheene.
70 Murima aya ti woolipa ntoko nluku, ahinoona-tho owereya,+
Masi miyo okisivela vanceene nlamulo nanyu.+
71 Vaareera, okhala wiira kaahihaawa,+
Siiso, miyo kihiixutta malamulo anyu.
י [iyoote]
73 Matata anyu takipanke ni takilipinhe.
Mukivahe ankhili,
Wiira kiixutte sooruma sanyu.+
74 Atthu anoottittimihani annikiweha, anatteeliwa murima,
75 Khoo Yehova, miyo koosuwela wiira ophukela wanyu ti wa xariya,+
Ni wiira mookihaaxa mwaha wa ororomeleya wanyu.+
78 Atthu oowiikuxererya yuuliwe muru,
Okhala wiira annikihaaxa vahikhanle mulattu.*
Masi miyo kinimuupuwelela* malakiheryo anyu.+
79 Atthikele okhala ni miyo, ale anoottittimihani,
Yaale anisuwela ikano sanyu.
כ [kaafe]
82 Kinnilipelela itthu muleihenrye anyu.+
Miyo kinnikoha wiira: “Munirwa silini wiira mukimaalihe?”+
83 Miyo kinlikana ni murupa wa esapala, wuumihiwe ni mwiixi,
Masi nkiniliyala malamulo anyu.+
84 Kinrowa olipelelaka mpakha silini?
Munrowa waaphukela silini ale anikilupattha?+
85 Vanikhala ntoko wiira ale oowiikuxererya ni ale anikhootta nlamulo nanyu,
Anithipa malitti wiira kimorele.
86 Sooruma sanyu sootheene ti soororomeleya.
Xontte, mukikhaliherye! Atthu annikilupattha vahikhanle mulattu.+
87 Awo yaahanle vakhaani okipwetexa mulaponi,
Masi miyo nkihiyale weettela malakiheryo anyu.
88 Mukihiye kikhaleke mukumi, mwaha wa ophenta wanyu woororomeleya,
Wiira kiiweleleke moolumo oowuupuxerya mulavunle anyu.
ל [laamete]
89 Khoo Yehova, okathi wootheene,
Moolumo anyu anikhala wiirimu.+
90 Nyuwo munnooniherya ororomeleya para maloko ootheene.+
Muhiiriha elapo okhala yoolipa, wiira ekhaleke siiso.+
91 Mwaha wa malamulo anyu, itthu iyo* sookhala mpakha olelo-va,
Itthu iyo sootheene sinnoovarelani muteko.
92 Vaakhanle wiira malamulo anyu khiyaakisivela,
Kaarowa wiiraka kikhwiiye ene mwaha wa ohaawa.+
93 Nkinikhala-khala kiliyalaka malakiheryo anyu,
Okhala wiira mookikhaliha mukumi mwaha wa yaawo.+
95 Atakhali annikiwehererya aphavelaka okipwetexa,
Masi miyo kinnuupuwelela oratteene ikano sanyu.
96 Kooweha wiira itthu sootheene simalenle sookhalana mukano,
Masi sooruma sanyu khasirina mukano.
מ [meeme]
97 Nlamulo nanyu ninnikisivela vanceene!+
Kinnuupuwelela* nenlo nihiku nootheene.+
98 Sooruma sanyu, sinnikiiriha okhalana ankhili waavikana awanani aka,+
Okhala wiira iyo sinnikeettiha okathi wootheene.
99 Kookhalana ankhili anceene waavikana ootheene ale anikiixuttiha,+
Okhala wiira kinnuupuwelela* ikano sanyu.
100 Miyo kinniira itthu mwa miruku, waavikana atthu oowuuluvala,
Okhala wiira kinneettela malakiheryo anyu.
101 Kinnikhootta weetta ephiro ya atakhali,+
Wiira keetteleke nuulumo nanyu.
102 Miyo nkinikhootta ophukela wanyu,
Okhala wiira nyuwo mookiixuttiha.
104 Mwaha wa malakiheryo anyu, kinniira itthu mwa miruku.+
Tivonto, kinninyokha mweettelo wootheene woowootha.+
נ [nuune]
106 Miyo koolapha etthu emosa, nto kinoopaka yeeyo:
Kinrowa wiiwelelaka malamulo anyu a xariya.
107 Miyo kooxanka vanceene.+
Xontte Yehova, mukhapelele okumi aka, ntoko muleihenrye anyu.*+
108 Xontte Yehova, woottottopelani waka voohikhanyereriwa,* woosiveleni,+
Nave mukiixuttihe malamulo anyu.+
110 Atakhali aakireya muraakho,
Masi miyo nkinihiya weettela malakiheryo anyu.+
111 Okathi wootheene, kinoovahaka efaita moolumo anyu oowuupuxerya,
Okhala wiira awo tanikitteeliha murima.+
112 Koolakela wiiwelela malamulo anyu,
Okathi wootheene, mpakha wookiseryani.
ס [saameke]
115 Mukhume vari aka, nyuwo atthu ootakhala,+
Okhala wiira kiniphavela wiiwelelaka sooruma sa Muluku aka.
118 Nyuwo munnaakhootta ootheene anihiya weettela malamulo anyu,+
Okhala wiira awo toohiroromeleya ni anawoothe.
119 Nyuwo munnaarihela otakhwani, atakhali ootheene a mulaponi, ntoko ikokhola.+
Tivonto kiniphenta aka malamulo anyu.
120 Erutthu aka ennittettemela mwaha wa owoovani;
Kinnoova ophukela wanyu.
ע [aine]
121 Miyo koovara itthu sa xariya ni sooreera.
Muhikihiye mmatatani mwa atthu aniphavela okihaaxa!
122 Mukiroromelihe wiira kinookhalaka saana;
Ale oowiikuxererya ahikihaaxe.
123 Maitho aka aavela, awehereryaka woopoliwa ni nyuwo,+
Ni awehereryaka wiiraneya itthu sooreera muleihenrye anyu.*+
125 Miyo ka murumeyi anyu, mukivahe ankhili,+
Wiira kisuwele malamulo anyu.
126 Woophiya okathi wiira nyuwo Yehova, mpake etthu,+
Okhala wiira atthu awo aatthekela nlamulo nanyu.
127 Tivonto, sooruma sanyu sinnikisivela vanceene,
Ovikana eweero, aayo, ovikana eweero yooreerexa.+
128 Khula etthu muniixuttiha anyu, kinnoona okhala yooreera;+
Kinninyokha mweettelo wootheene woowootha.+
פ [pe]
129 Moolumo anyu oowuupuxerya tootikiniha.
Tivonto kiniiwelela aka yaawo.
131 Iphumu sinnikimalela,
Mwaha woowi kinniphavela vanceene wiiwa sooruma sanyu.+
132 Mukuupuwele ni mukireerele murima,+
Muttharaka moota munaaphukela anyu ale nnaasivela nsina nanyu.+
133 Mukeettiheke ni moolumo anyu, wiira keetteke ephiro yooreera;
Ehikhale etthu yootakhala enrowa okiwerya.+
134 Mukoopole mmatatani mwa atthu oohaaxa,
Nto miyo kinoottharaka malakiheryo anyu.
135 Mukireerele murima, miyo murumeyi anyu,+
Nave mukiixuttihe malamulo anyu.
136 Maithori annikimora,
Okhala wiira atthu khaneettela nlamulo nanyu.+
צ [tisaate]
138 Malamulo munivaha anyu ta xariya,
Nave toororomeleya vanceene.
139 Woophentani waka onlikana ni mooro onipatta mweerutthuni mwaka,+
Okhala wiira awanani aka annikhootta moolumo anyu.
141 Atthu akina khanikoona okhala etthu ni annikithanya;+
Hata vari siiso, nkiliyanle malakiheryo anyu.
143 Hata kixankaka ni kivela-velaka,
Sooruma sanyu sinnikisivela.
144 Malamulo anyu a xariya, annikhala mahiku ootheene.
Mukivahe ankhili,+ wiira kikhaleke mukumi.
ק [koofe]
145 Kinnivekela ni murima aka wootheene. Khoo Yehova, mukaakhule.
Kinimwiiwelela malamulo anyu.
146 Kinoovekelani nyuwo, mukoopole!
Kinrowa weettelaka malamulo anyu.
147 Kinnivenya vahinatthi oxa, wiira kivekele okhaliheriwa,+
Okhala wiira moolumo anyu ti nlipelelo naka.*
149 Mukiwiriyane mwaha wa ophenta wanyu woororomeleya.+
Khoo Yehova, mukikhapelele muttharaka exariya anyu.
150 Ale arina mweettelo onooniherya ohuuliwa muru, annikaattamela;
Awo aakhootta nlamulo nanyu.
152 Okhuma khalai, miyo kihiixutta ikano sanyu,
Seiyo mukumihenrye anyu wiira sikhaleke mahiku ootheene.+
ר [reexe]
153 Nwehe ohaawa waka ni mukoopole,+
Okhala wiira nkiliyanle nlamulo nanyu.
155 Atakhali aarakamela woopowa,
Okhala wiira awo khaniphavela wiiwelela malamulo anyu.+
156 Nyuwo Yehova, omoriwa wanyu ikharari ti wuulupale.+
Mukikhapelele muttharaka exariya anyu.
157 Ale anikilupattha ni awanani aka khareere;+
Masi miyo nkihiyale ikano sanyu.
158 Kihaaweha ale anaawoka akhwaaya,
Okhala wiira khaniiwelela moolumo anyu.+
159 Malakiheryo anyu annikisivela vanceene!
Xontte Yehova, mukikhapelele mwaha wa ophenta wanyu woororomeleya.+
160 Nuulumo nanyu nootheene ti neekeekhai,+
Nave ophukela wanyu wootheene wa xariya, onikhala mahiku ootheene.
ש [siini] aahiiso [xiimi]
161 Makhulupale annikilupattha+ vahikhanle mulattu,
Masi miyo kinnittittimiha vanceene moolumo anyu.+
162 Kinnitteeliwa murima mwaha wa moolumo anyu,+
Ntoko mutthu ophwannye muhakhu.
163 Okinanara wootha, nave kinninyokha.+
Nlamulo nanyu ninnikisivela.+
164 Khula nihiku, kinnoottottopelani ikwaha 7,
Mwaha wa ophukela wanyu wa xariya.
166 Kinnilipelela woopoliwa ni nyuwo Yehova,
Nave kinniiwelela sooruma sanyu.
167 Kinniiwelela malamulo anyu,
Nave malamulo awo annikisivela vanceene.+
168 Kinniiwelela malakiheryo anyu ni malamulo anyu,
Okhala wiira nyuwo munnisuwela itthu sootheene sinivara aka.+
ת [taawu]
169 Khoo Yehova, okhuwela waka kivekaka okhaliheriwa, woophwanyeeni.+
Mukivahe ankhili, ntoko mwaahimmye anyu.+
170 Mukiwiriyane okathi kiniveka aka wiira mukireerele murima.
Mukoopole, ntoko muleihenrye anyu.*
171 Kinrowa woottottopelakani okathi wootheene,+
Okhala wiira munnikiixuttiha malamulo anyu.
172 Kinoowiipelani isipo, mwaha wa moolumo anyu,+
Okhala wiira sooruma sanyu sootheene ti sa xariya.
173 Ntata nanyu nikhale noolikana ene wiira nikikhaliherye,+
Okhala wiira koothanla wiiwelela malakiheryo anyu.+
174 Kinniphavela vanceene woopoliwa ni nyuwo Yehova,
Nave nlamulo nanyu, ninnikisivela vanceene.+
175 Mukihiye kikhaleke mukumi, wiira koottottopelekeni;+
Ophukela wanyu, okikhaliherye.
Nsipo na Atthu Aniwela.*
2 Khoo Yehova, mukoopole wa atthu yaale anikootherya,
Ni ale anaawoka akina.
3 Muluku onrowa owiirihani exeeni?
Ni onrowa woohukhumuni sai, nyuwo eyano yoowootha?+
5 Kootakhaliwa miyo, okhala wiira kinikhala oMexeki+ ntoko namurwa!
Kinikhala eriyari ya itenta* sa oKedari.+
6 Okhuma khalai, kinikhala eriyari ya atthu,
Ohinaasivela murettele.+
7 Miyo ka mutthu a murettele, masi okathi kinilavula aka,
Awo aniphavela ekhotto.
Nsipo na Atthu Aniwela.
121 Kinnivenxa maitho aka, kiwehaka omwaako,+ kinahimya wiira:
“Ti pani onrowa okikhaliherya?”
2 Miyo kinikhaliheriwa ni Yehova,+
Mpattuxa a erimu ni a elapo ya vathi.
3 Owo khonikhala-khala oohiyakani wiira mutherekuwe.+
Ole onookhapelelani, khasininvola ikhove.
4 Moone! Ole onimukhapelela Isarayeli,+
Khonikhala-khala simurweelaka ikhove nnakhala khonirupa.
5 Yehova tonookhapelelani.
Yehova ti muuttutthi anyu,+ yoowo ori moono anyu woolopwana.+
7 Yehova onoowaakiheryani itthu sootheene sootakhala.+
Owo onookhapelela okumi anyu.+
8 Yehova onimookhapelelani mwa itthu sootheene munivara anyu,
Okhuma olelo-va mpakha mahiku ootheene.
Nsipo na Atthu Aniwela. Nsipo na Davidi.
122 Kaahitteeliwa murima okathi kaaleeliwe aka wiira:
“Nrowe empa ya Yehova”.+
2 Nyuwo Yerusalemu, hiyo nookela niviraka mikhora sanyu,+
Vano niheemela mpooma mwanyu.
4 Mahimo anniwela arowaka epooma eyo,
Aayo, mahimo a Yah.*
Attharaka nlamulo aavahiwe awe Isarayeli,
Awo annittottopela nsina na Yehova.+
6 Nvekeleke wiira oYerusalemu okhale murettele.+
Ale anoophentani,* anookhalaka-mo ahoovaka etthu.
8 Mwaha wa axinnaka ni apatthani aka, kinoohimya wiira:
“Murettele okhale mpooma-mmo”.
9 Mwaha wa empa ya Yehova, Muluku ahu,+
Miyo kinrowa woovekelelakani.
Nsipo na Atthu Aniwela.
123 Kinnivenxa maitho aka koowehakani nyuwo,+
Nyuwo muri veehiceni vanyu, wiirimu.
2 Siisaale arumeyi alopwana anlipa aya ni pwiya aya,
Ni arumeyi axithiyana anlipa aya ni muhano aya,
Hiyo ninlipa ni Yehova, Muluku ahu,+
Mpakha owo onimorela ikharari.+
3 Munimorele ikharari, khoo Yehova, munimorele ikharari,
Okhala wiira noovela othanyiwa.+
4 Noovela oveehiwa ni atthu oowiiroromela,
Ni othanyiwa ni atthu oowiittottopa.
Nsipo na Atthu Aniwela. Nsipo na Davidi.
124 “Yehova ahaakhanle ni hiyo”,+
Nyuwo Isarayeli muhimyeke wiira:
2 “Yehova ahaakhanle ni hiyo,+
Okathi atthu yaavennye aya wiira anituphele,+
3 Yaarowa wiiraka aniivale ene,+
Okathi yaananariwe aya vanceene ni hiyo.+
4 Ntoko maasi, awo yaarowa wiiraka anikunxe ene,
Ntoko muro woowaatta maasi, yaarowa wiiraka anikhumpe ene.+
5 Ntoko maasi ootupa, awo yaarowa wiiraka aniwenrye ene.
6 Ottottopeliwe Yehova,
Yoowo onaakihenrye awanani ihu, yaawo ari ntoko inama soowali.
7 Hiyo niri ntoko mwaapalame ooponwe,
Vantaphani na mulipa-ooxaya.+
Ntapha nlo noonyaanyiwa,
Nto hiyo nihoopowa.+
8 Hiyo ninkhaliheriwa ni Muluku, yoowo nsina nawe niri Yehova,+
Mpattuxa a erimu ni a elapo ya vathi”.
Nsipo na Atthu Aniwela.
125 Ale animuroromela Yehova,+
Anlikana ni mwaako Siyoni, yoowo ohinttikinyeya,
Masi onikhala mahiku ootheene.+
2 Ntoko siisaale miyaako sirukurenrye aya oYerusalemu,+
Siiso-tho, Yehova ohaarukurerya atthu awe,+
Okhuma olelo-va mpakha mahiku ootheene.
5 Masi ale anihapuwa, anatthara iphiro sookottoopa,
Yehova onrowa waapwetexa vamosa ni atakhali akina.+
Murettele okhale wIsarayeli.
Nsipo na Atthu Aniwela.
126 Okathi Yehova aattikiherya awe oSiyoni atthu yaaroihiwe weepotthani,+
Nuupuwela wiira naamuloha.
2 Okathi ole, hiyo naanitheya vanceene,
Naanitthapa mwaha wa otteeliwa murima.+
Okathi ole, atthu a maloko makina yaanilavula, yiiraka:
“Yehova oowiirela itthu sootikiniha”.+
3 Yehova ooniirela itthu sootikiniha,+
Nto hiyo nootepa otteeliwa murima.
4 Khoo Yehova, mwaattikihe atthu ahu avariwe weepotthani,
Siisaale epula enisariha aya miro oNegebi.
5 Ale anaala yinlaka,
Anoohepha atthapaka.
6 Ole onrowa omatta, hata inlaka,
Okunxe ene mmiso,
Onoohokolowa otthapaka,+
Okunxe ene itthu ohemphe awe.+
Nsipo na Atthu Aniwela. Nsipo na Salomooni.
127 Aahikhale Yehova oniteka empa,
Ale aniteka empa eyo, anihaawa mahala.+
Aahikhale Yehova oniwehaweha epooma,+
Ole oniwehaweha, onihaawa mahala.
2 Nyuwo munipeherya ovenya mahala,
Munipisa orupa mahala.
Munihaawa mahala, mwaavyaka eyoolya,
Okhala wiira Muluku onnaavaha eyoolya ale onaaphenta awe, ni onniwiiriha orupa saana.+
5 Oohakalala tuule onaasariha mmurupani mwawe.+
Owo khonrowa wuuliwa muru,
Okhala wiira awo anoolavulaka ni awanani, vamukhora va epooma.
Nsipo na Atthu Aniwela.
2 Mwiira siiso, munimoolya mihokorokho sa muteko nvanre anyu ni matata anyu.
Munoohakalala, nave itthu sinrowa oweettelakani saana.+
3 Amwaarinyu, anrowa olikanaka ni mwiri wa ewuuva oniima vanceene, ori vate vanyu;+
Aniinyu, anrowa woorukureryakani vameesa vanyu, siisaale mwiri wa olivera oniphuwela awe.
4 Mwiiwe! Ti siiso mutthu onimoova Yehova,
Onrowa awe oreelihiwa.+
5 Yehova onimooreelihani ori ene oSiyoni.
Okumi anyu wootheene,+ munweheke Yerusalemu oreelihiwaka.
6 Nave nweheke osuulu anyu.
Murettele okhale wIsarayeli.
Nsipo na Atthu Aniwela.
129 “Okhuma omiravo aka, awanani animakela okilupattha”.+
Nto Isarayeli ohimyeke wiira:
5 Ootheene yaale animunyokha Siyoni,+
Anooveeheya, ni anootthikela ottuli, yuuliwe ene muru.
6 Awo anrowa olikanaka ni malaxi animela vampani,
Yaawo anuuma ahinatthi opheliwa,
7 Yaawo ahinisareya mmatatani mwa mulipa-oohepha,
Nnakhala mmoononi mwa ole onittottela mavisi.
8 Ale anrowa oviraka, khanrowa ohimyaka wiira:
“Yehova ooreeliheni;
Hiyo ninnooreelihani mwa nsina na Yehova”.
Nsipo na Atthu Aniwela.
130 Okathi kinixanka aka, miyo kinniwiitthanani nyuwo Yehova.+
2 Khoo Yehova, mukiiwe.
Mwiiwe oxonttela waka, koovekelakani okikhaliherya.
3 Khoo Yah,* vaakhanle wiira munniwehexexa* itampi,
Ti pani ahaarowa okhalana mulattu, nyuwo Yehova?+
5 Miyo kinimulipelela Yehova, okumi aka wootheene onimulipelela yoowo;
Kinnilipelela wiiraneya etthu oleihenrye awe.
6 Miyo kinnimulipelela vanceene Yehova,+
Waavikana alipa-oowehaweha anilipelela oxa,+
Aayo, waavikana alipa-oowehaweha anilipelela oxa.
7 Nyuwo Isarayeli, muhihiye omulipelela Yehova,
Okhala wiira ophenta wa Yehova ti woororomeleya,+
Nave, owo ookhalana owerya wuulupale, wiira owoopole atthu.
8 Owo onoowoopola aisarayeli mwaha wa itampi saya sootheene.
Nsipo na Atthu Aniwela. Nsipo na Davidi.
Nkinaavya itthu suulupalexa,+
Aahiiso itthu kihiniwerya aka ophwanya.
2 Masi miyo kihiimaaliha ni kihiimumuliha mmansaka,+
Ntoko mwaana ohiihiwe waamwa, yoowo ori ottuli wa amamawe;
Miyo kootteliwa murima, ntoko mwaana ohiihiwe waamwa.
3 Nyuwo Isarayeli, mmulipeleleke Yehova,+
Okhuma olelo-va mpakha mahiku ootheene.
Nsipo na Atthu Aniwela.
132 Xontte Yehova, mmuupuwele Davidi,
Ni ohaawa wawe wootheene.+
2 Yehova, muupuweleke wiira owo ohoolaphelani. Nyuwo mwa Muluku oowerya a Yakobe.+
Davidi ohoomanelani natiri iiraka:
3 “Nkinrowa ovolowa mpaani mwaka.+
Nkinrowa wumpaathi vakhaamani vaka;
4 Nkinrowa orupa,
Nnakhala nkinrowa owala maitho aka,
5 Kihiphwannye opuro para Yehova,
9 Anamukuttho anyu, awareke exariya,
Nave arumeyi anyu oororomeleya, atthapeke.
10 Mwaha wa etthu mmuleihenrye anyu murumeyi anyu Davidi,
Muhimukhootte ole mmuthanlale anyu.+
11 Yehova oomulaphela etthu Davidi;
Owo khonrowa otthikela ottuli ni moolumo awe ani:
12 Vakhala wiira osuulu anyu onoottharaka nivarihano naka,
Ni malamulo aka kiniwiixuttiha aka,+
Nave osuulu aya,
Onrowa okilaathiki veehiceni vanyu mahiku ootheene”.+
14 “Nla nipuro kinrowa aka okhalaka mahiku ootheene;
Kinrowa okhalaka vaava,+ okhala wiira ela ti etthu kiniphavela aka.
15 Kinooreeliha vanceene epooma ela ni eyoolya;
Kinimwaavaha atthu oohaawa eyoolya eniphiyerya.+
16 Kinoowoopola anamukuttho anikhala mpooma-mmo,*+
Nave atthu oororomeleya anikhala memmo anootthapaka.+
17 Memmo, kinimwiiriha ikuru* sa Davidi wuncerereya.
Koolokiherya muthuko para ole kimuthanlale aka.+
18 Kinoowiiriha awanani awe wuuliwa muru,
Masi ekhara awe enrowa waaryaka”.+
Nsipo na Atthu Aniwela. Nsipo na Davidi.
2 Onlikana ni makhura ooreera,+
Aniheliwa mmuru mwa Aroni,
Anikhuruwa veereruni vawe,+
Mpakha ophiya muxikoni mwa malaya awe.
Ti weiwo Yehova oleihenrye awe mareeliho awe,
Aayo, okumi woohimala.
Nsipo na Atthu Aniwela.
134 Mmuttottopele Yehova,
Ootheene nyuwo arumeyi a Yehova,+
3 Yehova, Mpattuxa a erimu ni a elapo ya vathi,
Ooreeliheni ori ene oSiyoni.
135 Mmuttottopele Yah!*
Muttottopele nsina na Yehova;
Mmuttottopele, nyuwo arumeyi a Yehova,+
2 Nyuwo munivara muteko* mpaani mwa Yehova,
Vate va empa ya Muluku ahu.+
3 Mmuttottopele Yah, okhala wiira Yehova tooreera murima.+
Mwiipeke isipo muttottopelaka nsina nawe, okhala wiira ti vooreera.
4 Yah oomuthanla Yakobe wiira okhale awawe,
Nave oomuthanla Isarayeli wiira okhale nloko nawe nimmusivelexa.+
5 Miyo kinnisuwela oratteene wiira Yehova ti muulupale;
Pwiya ahu ti muulupalexa waavikana amuluku ootheene.+
6 Yehova onnipaka itthu oniphavela awe,+
Wiirimu ni vathi, mphareya ni iphareya sootheene soowiixa.
7 Owo onniiriha meeku* owela osulu, akhumaka omalenle elapo;
Onniiriha etari woopa* okathi enirupa aya epula;
Onnikumiha epheyo, opuro onisuka awe.+
8 Owo aahiwiiva anamwane oopacerya oyariwa a wExiitu,
Nave-tho aahiiva inama soopacerya ototholiwa.+
9 Owo aahipaka itthu sootikiniha ni miiriirya wExiitu,+
Aahipaka miiriirya iyo ohoolo wa Farawo, ni arumeyi awe ootheene.+
12 Aahaavaha elapo aya atthu awe, wiira ekhaleke yawaya,
Aahaahiyerya atthu awe a nloko na Isarayeli.+
13 Yehova, nsina nanyu ninnikhala mahiku ootheene.
Yehova, ovuwa wanyu* onnikhala mpakha maloko ootheene.+
15 Ilatarato sa maloko, ti sa eparatha ni sa eweero,
Iyo sipakiwe ni matata a apinaatamu.+
16 Sookhalana eyano, masi khasiniwerya olavula;+
Sookhalana maitho, masi khasiniwerya woona;
17 Sookhalana maaru, masi khasiniwerya wiiwa.
Iyo khasinimumula.+
18 Atthu apanke ilatarato iyo, anrowa olikanaka ni seiyo,+
Vamosa ni atthu ootheene aniroromela seiyo.+
19 Nyuwo atthu a Isarayeli, mmuttottopele Yehova.
Nyuwo emusi ya Aroni, mmuttottopele Yehova.
20 Nyuwo emusi ya Levi, mmuttottopele Yehova.+
Nyuwo munimoova Yehova, mmuttottopele Yehova.
Mmuttottopele Yah!+
136 Mmuxukhureleke Yehova, okhala wiira owo tooreera murima;+
Ophenta wawe woororomeleya onikhala mahiku ootheene.+
2 Mmuxukhureleke Muluku a amuluku,+
Okhala wiira ophenta wawe woororomeleya, onikhala mahiku ootheene.
3 Mmuxukhureleke Pwiya a mapwiya,
Okhala wiira ophenta wawe woororomeleya, onikhala mahiku ootheene.
4 Owo paahi tonipaka itthu suulupale sootikiniha,+
Okhala wiira ophenta wawe woororomeleya, onikhala mahiku ootheene.+
5 Owo oopaka erimu ni ankhili,+
Okhala wiira ophenta wawe woororomeleya, onikhala mahiku ootheene.
6 Ohaatala elapo vasulu va maasi,+
Okhala wiira ophenta wawe woororomeleya, onikhala mahiku ootheene.
7 Oopattuxa mithuko suulupale,+
Okhala wiira ophenta wawe woororomeleya, onikhala mahiku ootheene.
8 Oopaka nsuwa wiira nimwaleeleke othana,+
Okhala wiira ophenta wawe woororomeleya, onikhala mahiku ootheene.
9 Oopaka mweeri ni itheneeri wiira simwaleeleke ohiyu,+
Okhala wiira ophenta wawe woororomeleya, onikhala mahiku ootheene.
10 Owo aahiwiiva anamwane oopacerya oyariwa, ni inama soopacerya ototholiwa sa wExiitu,+
Okhala wiira ophenta wawe woororomeleya, onikhala mahiku ootheene.
11 Aahaakumiha aisarayeli wExiitu,+
Okhala wiira ophenta wawe woororomeleya, onikhala mahiku ootheene,
12 Aahaakumiha ni ntata nawe na ikuru+ ni ookonle ene moono awe,
Okhala wiira ophenta wawe woororomeleya, onikhala mahiku ootheene.
13 Owo aahikawanya ephareya Yooxeerya, khukhala mipantta miili,+
Okhala wiira ophenta wawe woororomeleya, onikhala mahiku ootheene.
14 Aahiwiiriha aisarayeli ovira eriyari ya ephareya eyo,+
Okhala wiira ophenta wawe woororomeleya, onikhala mahiku ootheene.
15 Aahimurihela Farawo ni anakhotto awe mphareya Yooxeerya,+
Okhala wiira ophenta wawe woororomeleya, onikhala mahiku ootheene.
16 Aahiweettiha atthu awe moothakoni,+
Okhala wiira ophenta wawe woororomeleya, onikhala mahiku ootheene.
17 Aahaaxintta mamwene oowerya,+
Okhala wiira ophenta wawe woororomeleya, onikhala mahiku ootheene.
18 Aahiwiiva mamwene oowerya,
Okhala wiira ophenta wawe woororomeleya, onikhala mahiku ootheene.
19 Aahimwiiva Sihoni,+ mwene a amori,
Okhala wiira ophenta wawe woororomeleya, onikhala mahiku ootheene.
20 Nave aahimwiiva Oogi,+ mwene a oBaxani,
Okhala wiira ophenta wawe woororomeleya, onikhala mahiku ootheene.
21 Aahaavaha elapo aya atthu awe, wiira ekhale yawaya,+
Okhala wiira ophenta wawe woororomeleya, onikhala mahiku ootheene.
22 Aahaavaha arumeyi awe aisarayeli wiira ekhale yawaya,
Okhala wiira ophenta wawe woororomeleya, onikhala mahiku ootheene.
23 Aahinuupuwela okathi naahaaxiwa ahu,*+
Okhala wiira ophenta wawe woororomeleya, onikhala mahiku ootheene.+
24 Owo aahinoopola mmatatani mwa awanani ahu,+
Okhala wiira ophenta wawe woororomeleya, onikhala mahiku ootheene.
25 Onnaavaha eyoolya atthu ootheene ni onnivaha yoolya inama sootheene,+
Okhala wiira ophenta wawe woororomeleya, onikhala mahiku ootheene.
26 Mmuxukhureleke Muluku a wiirimu,
Okhala wiira ophenta wawe woororomeleya, onikhala mahiku ootheene.
137 Naahikilaathi mukerekhere mwa miro sa oBabiloonia.+
Naaninla, okathi nuupuwela ahu oSiyoni.+
3 Ale yaanivanre yaanivekela wiira niipe isipo,+
Ale yaanitheya, yaaphavela wiira naatteeliheke murima, yiiraka:
“Muniipele nsipo nimosa na oSiyoni”.
4 Ninrowa wiipa sai nsipo na Yehova,
Elapo ya aneene?
5 Vakhala wiira kinimooliyalani, nyuwo Yerusalemu,
6 Eyano aka ehilavuleke,*
Vakhala wiira miyo kinimooliyalani,
Vakhala wiira nkinrowa otteeliwaka murima vanceene+ mwaha wa nyuwo Yerusalemu,
Ovikana itthu sootheene.
7 Yehova, muupuwele,
Etthu atthu a wEdomi yaahimmye aya, nihiku Yerusalemu aamonre awe, yiiraka:
“Mpwexakase! Mpwexakase mpakha waaphwanya alisenso aya!”+
8 Nyuwo epooma ya oBabiloonia, munrowa opwetexiwa moohipisa.+
Oohakalala tuule onrowa woottikiheryani,
Etthu muniirenle anyu.+
9 Oohakalala tuule onrowa waavara aniinyu,
Oweepetthele vamwala.+
Nsipo na Davidi.
138 Kinimoottottopelani ni murima aka wootheene.+
Kinoowiipelani isipo koottottopelakani,
Ohoolo wa amuluku akina.*
2 Kinookokhora kiwehaka empa anyu yoowaarya,*+
Nave kinoottottopela nsina nanyu,+
Okhala wiira nyuwo ti moororomeleya ni munniniphenta.
Nyuwo muhooniherya wiira nsina nanyu ni itthu muleihenrye anyu, ti suulupalexa ovikana itthu sootheene.
3 Nihiku kaawiihanalyaakani, nyuwo mwaahikaakhula;+
Nyuwo mwaahilipiha murima aka ni mwaahikivaha ikuru.+
4 Mamwene ootheene a mulaponi, anrowa woottottopelani nyuwo Yehova,+
Okhala wiira awo animwiiwa itthu muleihenrye anyu.
5 Awo animwiipa alavulaka miteko sa Yehova,
Okhala wiira ovuwa wa Yehova ti wuulupale.+
6 Hata Yehova okhalaka osulu, onnaathokorerya atthu oowiiyeviha,+
Masi owo khoniphavela waataana ni atthu oowiittottopa.+
7 Hata keettaka mapuro oowoopiha, nyuwo munookhapelela okumi aka.+
Munnookola ntata nanyu, wiira mukaakiherye awanani aka ananariwe;
Ntata nanyu noolopwana ninrowa okoopola.
8 Yehova onookiirela itthu iya sootheene.
Nyuwo Yehova, ophenta wanyu woororomeleya onikhala mahiku ootheene;+
Muhaaliyale atthu mwaapattunxe anyu.+
Para tiretoore a isipo. Nsipo na Davidi.
139 Khoo Yehova, nyuwo mootokosa murima aka, nave munnikisuwela.+
2 Nyuwo munnisuwela okathi kinikilaathi aka ni okathi kineemela aka.+
Munnisuwela miyuupuwelo saka, muri ene ottaiwene.+
5 Nyuwo mookirukurerya ipantte sootheene, wiira mukikhapelele;
Nave ntata nanyu nookivarelela.
6 Nyuwo munnikisuwela oratteene.
Eyo etthu yootikiniha, kihiniwerya aka osuwela saana.+
7 Kinrowa otthyawela woowi, wiira kisyake ikuru sanyu soowaarya?
Nave kinrowa wiipitha woowi, muhinrowa anyu owerya okiweha?+
8 Vaakhanle wiira koowela wiirimu, nyuwo mwaamukiweha weiwo.
Nave vaakhanle wiira koorupa Mmahiye* nyuwo mwaamukiphwanya.+
9 Vaakhanle wiira kinniwerya ovava osulu wootheene moowaakuveya, siisaale ntoko onikhumelela aya waarya wa oxaka,
Kinarowa okhala omalenle ephareya,
10 Hata kiri ene weiwo, ntata nanyu naamukeettiha,
Ntata nanyu noolopwana naamukivarela.+
11 Kahimya wiira: “Nkiniwerya wooniwa veepiphini!”
Para nyuwo, epiphi eyo enrowa okhala okokola.
12 Hata epiphi, khiyaarowa okhala yooriipela para nyuwo,
Masi ohiyu, waarowa okhala wookokola ntoko othana.+
Para nyuwo, epiphi enoolikana ni okokola.+
14 Enamuna yootikiniha mukipanke anyu, ennikitikiniha vanceene, ni ennikiiriha woottottopelani.+
Miteko sanyu ti sootikiniha,+
Nto miyo kinnisuwela eyo oratteene.
15 Makhuva aka khiyaavitheyale vamaithoni vanyu,
Okathi mwaakipanke anyu nipuro noowiipitheya,
16 Maitho anyu yaahikiweha kihinatthi oyariwa;
Ipantte sootheene sa erutthu saahilempwa muliivuruni mwanyu,
Ehinatthi okhumelela nnakhala epantte emosa.
Hata mahiku saarowa aya opakeya, yaahilempwa.
17 Kinnoona miyuupuwelo sanyu okhala sa efaita yuulupale!+
Khoo Muluku, mwaattelo aya khoreere!+
18 Vaakhanle wiira kaamweererya okontari, iyo sanvikana mihaava sa ophareya.+
Hata kivenyaka voosiisu, nlelo kaarowa wiira kikontariki.*+
19 Khoo Muluku, xontte nwiive atakhali!+
Nto, atthu ootakhala murima, yaamukihiya,
20 Ti yaawo anilavula itthu sootakhala, wiira yookumiheryeni maxakha;*
Awo awanani inyu, yaawo anirumeela nsina nanyu mwa enamuna yoohikhalela.+
21 Kiira kinnaanyokha ale anoonyokhani, nyuwo Yehova?+
Kiira kinnaathanya ale anoovirikanyani?+
22 Miyo kinnaathanya atthu awo;+
Mweekeekhai, awo awanani aka.
23 Khoo Muluku, mukitokose ni musuwele murima aka.+
Mukivarerye, musuwele miyuupuwelelo saka sinikixankiha.+
Para tiretoore a isipo. Nsipo na Davidi.
140 Khoo Yehova, mukoopole mmatatani mwa atakhali;
Mukaakiherye atthu oowali,+
2 Yaawo anaapaka apalano ootakhala vamurimani vaya,+
Ni anikumiherya ikhotto okathi wootheene.
4 Khoo Yehova, mukikhapelele mwaha wa atakhali;+
Mukaakiherye atthu oowali,
Yaawo anaapaka apalano wiira akimoroxe.
5 Atthu oowiittottopa, aakireya muraakho;
Ahaatala ntthavi mukerekhere mwa ephiro.+
Awo annikireya ntapha.+ (Selahi)
6 Miyo kinnimuleela Yehova wiira: “Nyuwo mwa Muluku aka.
Khoo Yehova, mwiiwe ovekela waka wiira mukikhaliherye”.+
7 Khoo Yehova, Pwiya Muulupalexa, ni Moopoli aka oowerya,
8 Xontte Yehova, muhaahiye atakhali apakaka itthu aniphavela aya.
Muhaahiye apalano aya aweettelaka saana, wiira awo ahiixinnuwihe. (Selahi)+
9 Itthu sootakhala awanani aka anihimya aya,
Siwiiraneele yaawo.+
10 Makhala a mooro yaamorele yaawo.+
11 Mulipa-oowootha, ohiphwanye opuro wookhala elapo ya vathi.*+
Atthu oowali, saakhumelele itthu sootakhala ni saapwetexe.
12 Koosuwela wiira Yehova onoowaakiha atthu oohaawa,
Nave onoowiirela exariya atthu oovelavela.+
13 Mweekeekhai, anaxariya anoottottopela nsina nanyu,
Atthu ooreera murima anookhalaka ohoolo wanyu.+
Nsipo na Davidi.
141 Khoo Yehova, miyo kinniwiitthanani.+
Mwaakuve, murwe mukikhaliherye.+
Xontte, mukiwiriyane okathi kinoovekelaakani.+
2 Mavekelo aka akhaleke oolokiheriwa saana,+ ntoko nsenso* munivahiwa anyu,+
Oxonttela waka olikaneke ni yoovaha ya ipyo, enivahiwa nuumala nsuwa okela.*+
3 Khoo Yehova, mukikhaliherye okasoopa moolumo aka,
Mukikhaliherye ovaha ephoole itthu kinilavula aka.+
4 Muhikihiye kipakaka itthu sootakhala,+
Kivaraka itthu sootakhala, hoothe ni atakhali;
Nnakhala kihilyeeke soolya sinaasivela.
5 Naxariya akimana, iwo waarowa okhala okiphenta,+
Akipwapwela, waarowa okhala ntoko ohela makhura mmuru mwaka.+
Nto miyo nkaarowa okhootta.+
Okathi sinimukhumelela aya mixankiho, miyo nlelo kinrowa onvekelelaka yoowo.
6 Nnaamwi alipa-oophuka milattu sa atthu arowaka oriheliwa oneri,
Atthu anoovahaka ephoole moolumo aka, okhala wiira moolumo awo tooreera.
7 Ntoko siisaale mutthu onipatthula awe etthaya onamwara-mwarya,
Siiso-tho, makhuva ahu annimwara-mwariwa Mmahiye.*
8 Maitho aka anoowehexexani nyuwo, Pwiya Muulupalexa, Yehova.+
Miyo kootthyawela wa nyuwo.
Muhikiive.
9 Mukikhapelele wiira kihimorele vantaphani akireyale aya,
Ni miraakho sa atakhali.
10 Atakhali ootheene, anoomorela mmatthavini mwaya,+
Masi miyo kinimoopowa.
Maskiili.* Nivekelo na Davidi, okathi aari awe mukhukuni.+
142 Miyo kinnimwiihana Yehova wiira okikhaliherye;+
Kinnimuxonttela Yehova wiira okireerele murima.
2 Kinnimuleela itthu sootheene sinikixankiha;
Kinnimuleela ovelavela waka,+
3 Okathi ikuru sinikimalela aya.
Nuumala-vo, owo onniwehaweha ephiro aka.+
Ephiro kinivira aka,
Awo annikireya ntapha.
Nkinoona opuro wootthyawela,+
Khuuvo onikicala.
5 Khoo Yehova, miyo kinnoovekelani nyuwo wiira mukikhaliherye.
Kinnihimya wiira: “Nyuwo mwa ntthyawelo naka,+
Okumi aka wootheene, kinlipa ni nyuwo paahi”.
6 Xontte mukiiwe okathi kinivekela aka okhaliheriwa,
Okhala wiira miyo kooxanka vanceene.
Mukoopole mmatatani mwa ale anikilupattha,+
Okhala wiira awo toowerya okivikana miyo.
7 Mukikumihe mukhatteya,
Wiira kittoottopeleke nsina nanyu.
Siiso, anaxariya anookirukurerya,
Okhala wiira munnikireerela murima.
Nsipo na Davidi.
143 Khoo Yehova, mwiiwe ovekela waka;+
Mukiwiriyane okathi kinixonttela aka wiira kikhaliheriwe.
Mukaakhule mwaha wa ororomeleya wanyu ni exariya anyu.
2 Miyo ka murumeyi anyu, muhikiphukele,
Okhala wiira khuuvo ohirina mulattu ohoolo wanyu.+
3 Nwanani aka onnikilupattha,
Owo ookihaaxa ni ookixintta.
Ookikhanyererya okhalaka mweepiphini, ntoko atthu akhwiiye khalai.
5 Kinnuupuwela mahiku a khalai;
Kinnuupuwelela miteko sanyu sootheene;+
Kinnuupuwelela* vanceene miteko sivanre anyu.
6 Kinnivenxa matata aka, koovekelakani nyuwo;
Kinnoolipelelani, ntoko etthaya yoowuuma enilipelela epula.+ (Selahi)
8 Voosiisu, mukihiye kiiweke olavuliwaka sa ophenta wanyu woororomeleya,
Okhala wiira kinnoororomelani.
Mukisuwelihe ephiro kinireerela aka weetta,+
Okhala wiira kinoororomelani nyuwo, wiira mukivaheke malakiheryo.
9 Khoo Yehova, mukoopole mmatatani mwa awanani aka.
Miyo kinnitthyawela wa nyuwo.+
10 Mukiixuttihe moota woopaka itthu muniphavela anyu,+
Okhala wiira, mwa Muluku aka.
Nyuwo ti mooreera murima,
Nave mukeettihe ephiro ya xariya ni ikuru sanyu soowaarya.
11 Khoo Yehova, mukhapelele okumi aka mwaha wa nsina nanyu.
Mwaha wa exariya anyu, mukoopole mmaxakhani mwaka.+
12 Mwaha wa ophenta wanyu woororomeleya, mwaamala-malihe awanani aka;+
Mwaapwetexe atthu ootheene anikihaaxa,+
Okhala wiira miyo ka murumeyi anyu.+
Nsipo na Davidi.
Ni oniixuttiha ikatha saka wiira kiwane ni awanani aka.
2 Ti yoowo onikooniherya ophenta wawe woororomeleya, ni tori empa aka yoolipihiwa,
Ti ntthyawelo naka noolipa* ni tori moopoli aka,
Owo tori nikula naka na wiixaakihana* ni tonikikhapelela,+
Ti yoowo oniwiiriha atthu okiiwelela.+
3 Khoo Yehova, pinaatamu ti pani wiira mmuthokoreryeke,
Nave mwaana a mutthu ti pani wiira mmuthokoreryeke?+
7 Muri ene wiirimu, mookole matata anyu;
Mukoopole ni mukikumihe mmaasini moowiixa,
Mukoopole mmatatani mwa amalapo,+
8 Yaawo anilavula moolumo oowootha,
Nave aneemexa ntata naya noolopwana wiira alaphe mahala ene.
9 Khoo Muluku, kinoowiipelani nsipo na niinaano.+
Kinimoottottopelani kiipaka isipo, kittharaka ni ekaruma ya isipo erina mikhoyi 10.
10 Kinoowiipelani nyuwo muniwiiriha mamwene oxintta,+
Ti nyuwo munimukhapelela murumeyi anyu Davidi, wiira ohiiviwe ni espaata.*+
11 Mukoopole ni mukaakiherye mmatatani mwa amalapo,
Yaawo anilavula moolumo oowootha,
Nave aneemexa ntata naya noolopwana wiira alaphe mahala ene.
12 Vano, aniihu axilopwana, anrowa olikanaka ni miri suulupale,
Aniihu axithiyana, anrowa olikanaka ni ipilaari sooreerihiwa siri mukantu mwa empa ya mwene.*
13 Arumasiya ahu, anrowa osareya soolya sa khula enamuna;
Mmatta mwahu, inama sinimuncerereya ikonto, ikonto sene.
14 Ipooyi sahu sirupanle, khasinrowa ovulala aahiiso oyiiheya erukulu,
Mapuro oowaatta atthu, khuuvo onrowa okhuwela mwaha wooxanka.
15 Nloko noohakalala, ti nenle Muluku onreeliha awe ni itthu iya sootheene!
Nloko noohakalala, ti nenle Muluku aya ori Yehova.+
Nsipo noottottopela na Davidi.
א [aalefe]
145 Kinimoovuwihani nyuwo, Muluku aka ni Mwene aka.+
Kinoottottopela nsina nanyu mahiku ootheene.+
ב [beete]
ג [kiimele]
3 Yehova ti Muulupale ni toniphwanelexa ottottopeliwa;+
Khuuvo oniwerya osuwela saana okhulupale awe.+
ד [taalete]
4 Atthu anikhala vano ni ale anrowa okhalaka muhoolo, anoottottopelaka miteko sanyu;
Atthu anikhala vano, animwaaleelaka ale anrowa okhumelela muhoolo, miteko sanyu sootikiniha.+
ה [he]
5 Awo anrowa olavulaka moota okhulupale anyu ori aya wooreera,+
Nave kinimuupuwelelaka miteko sanyu sootikiniha.
ו [vaawu]
6 Awo anrowa olavulaka sa miteko sanyu sootikiniha,*
Nave miyo kinoolaleyaka okhulupale anyu.
ז [saine]
7 Awo anrowa olavulaka atteeliwe ene murima, okathi anrowa aya wuupuwelaka oreera wanyu murima wuulupale,+
Anootthapaka mwaha wa exariya anyu.+
ח [heete]
8 Yehova onnoona othunku ni toomoriwa ikharari,+
Toopisa onanariwa, ni onnooniherya vanceene ophenta woororomeleya.*+
ט [teete]
9 Yehova onnaareerela murima atthu ootheene,+
Nave miteko sawe sootheene, sinnooniherya omoriwa wawe ikharari.
י [iyoote]
10 Miteko sanyu sootheene sinimoovuwihani, nyuwo Yehova,+
Nave atthu anyu oororomeleya, anrowa woottottopelakani.+
כ [kaafe]
11 Awo anoolaleya ovuwa wa omwene anyu,+
Nave anoolavula sa owerya wanyu,+
ל [laamete]
12 Wiira yaasuwelihe atthu miteko sanyu soowerya,+
Ni anoolavulaka moota okhulupale anyu ori aya wooreera.+
מ [meeme]
13 Omwene anyu khonimala,
Nave nyuwo munrowa olamulelaka maloko ootheene, mpakha ohoolo.+
ס [saameke]
ע [aine]
15 Itthu sootheene sikumi, sinoolipelelani nyuwo;
Nyuwo munnivaha soolya okathi aya.+
פ [pe]
צ [tisaate]
17 Yehova onnooniherya exariya ni miteko sawe sootheene,+
Ni toororomeleya mwa itthu sootheene onivara awe.+
ק [koofe]
ר [reexe]
19 Owo onnaavaha itthu aniphavela aya, ale animuttittimiha vanceene;+
Onniwiriyana okhuwela waya aphavelaka okhaliheriwa, ni onniwoopola.+
ש [xiini]
ת [taawu]
21 Eyano aka, enrowa omuttottopela Yehova;+
Atthu ootheene attottopele nsina nawe noowaarya, mahiku ootheene.+
Omutthu aka wootheene omuttottopele Yehova.+
2 Kinoomuttottopela Yehova okumi aka wootheene.
Kinoomuttottopela Muluku aka ni isipo, okumi aka wootheene.
3 Muhaaroromele makhulupale,
Nnakhala mutthu mukina, okhala wiira awo khaniwerya omoopola mutthu.+
4 Iphumu saya saamalela, awo annitthikela vatthayani;+
Nave nihiku nenno, miyuupuwelelo saya sinnimala.+
5 Oohakalala tuule onikhaliheriwa ni Muluku a Yakobe,+
Yoowo onimuroromela Yehova, Muluku awe,+
6 Mpattuxa a erimu ni a elapo ya vathi,
Yoowo opattunxe ephareya ni itthu sootheene siri memmo,+
Ni oniroromeleya okathi wootheene.+
Yehova onnaataphula aperesu.*+
8 Yehova onnitthukula maitho a atthu ahinoona;+
Yehova onnaalipiha atthu ahilimpe;+
Yehova onnaaphenta anaxariya.
9 Yehova onnaakhapelela anamurwa;
Onnimmaaliha mwaana ohirina paapa awe* ni muthiyana naamukhweli,+
Masi onnaahonona apalano a atakhali.+
10 Yehova onookhala Mwene mahiku ootheene,+
Nyuwo Siyoni, Muluku anyu onookhala mwene mpakha maloko anrowa okhumelela muhoolo.
Mmuttottopele Yah!*
Ti vooreera omuttottopela Muluku ahu ni isipo;
Ti vooreera ni ti vookhalela omuttottopela yoowo!+
3 Onnaamaaliha ale ariipiwe murima,
Owo onnitthukwa makhwatta aya.
7 Mmwiipeleke isipo Yehova, mmuxukhurelaka;
Mmuttottopeleke Muluku ahu ni isipo, muttharaka ni viola.
11 Yehova omusivela atthu yaale animuttittimiha vanceene,*+
Yaale anilipelela ophenta wawe woororomeleya.+
12 Nyuwo Yerusalemu, munvuwihe Yehova.
Nyuwo Siyoni, mmuttottopele Muluku anyu.
13 Owo onnilipiha itaranka sa mikhora sa epooma anyu;
Onnaareeliha aniinyu.
15 Owo onnihimya etthu ekhanle oowiiraneya mulaponi;
Moolumo awe anneetta moowaakuveya.
17 Onnimoroxela vathi maralala,* ntoko itathela sa ephaawu.+
Ti pani oniwerya ovilela oriirya?+
18 Owo onnilavula, nto maralala anatothowa.
Onniiriha epheyo woopa,+ maasi anavira.
148 Mmuttottopele Yah!*
Nyuwo muri wiirimu, mmuttottopele Yehova,+
Nyuwo muri osuluxa, mmuttottopele yoowo.
2 Malaikha awe ootheene, amuttottopele yoowo.+
Anakhotto awe ootheene ari wiirimu, amuttottopele yoowo.+
3 Mweeri ni nsuwa, simuttottopele yoowo.
Itheneeri sootheene soowaarya, simuttottopele yoowo.+
4 Nyuwo erimu yoorakamexa,* mmuttottopele yoowo,
Nave meeku emuttottopele yoowo.
5 Itthu iyo sittottopeleke nsina na Yehova,
Okhala wiira owo oolavula ni khipattuxa.+
6 Owo onnipweha itthu iyo mmapuroni mwaya, sinakhala mahiku ootheene;+
Ookumiherya nlamulo nihinrowa ovira.+
7 Nyuwo munikhala mulaponi, mmuttottopeleke Yehova,
Ni nyuwo-tho ihopa suulupale sa mphareya ni maasi ootheene oowiixa.
8 Mmuttottopele, nyuwo etari ni maralala, eneevi ni meeku ooriipa,
Ni nyuwo-tho epheyo yootupa, munikuxa nuulumo nawe.+
9 Nyuwo miyaako ni mattumuxa ootheene,+
Nyuwo miri siniima mihokorokho ni nyuwo miri sootheene sa eseeturu, mmuttottopele yoowo.+
10 Nyuwo axinama a mutakhwani+ ni axinama ootheene a vate,
Vamosa ni itthu siniipurula ni axipalame, mmuttottopele yoowo.
11 Nyuwo mamwene a mulaponi ni nyuwo maloko ootheene,
Nyuwo makhulupale ni atthu ootheene aniphuka milattu mulaponi, mmuttottopele yoowo.+
13 Ootheene attottopeleke nsina na Yehova,
Okhala wiira nsina nawe ti nuulupalexa ovikana masina ootheene.+
Okhulupale awe ti wuulupalexa ovikana elapo ni erimu.+
14 Owo onoowiiriha atthu awe okhalana ikuru* sinceene,
Onoowiiriha atthu awe oororomeleya, okhala oottottopeleya,
Eyo piiyo, aisarayeli yaawo yaatanne nuuwo.
Mmuttottopele Yah!*
149 Mmuttottopele Yah!*
Mmwiipele Yehova nsipo na niinaano;+
Mmuttottopele yoowo, eriyari ya atthu oororomeleya athukumanne.+
2 Aisarayeli atteeliweke murima mwaha wa Mpattuxa aya muulupale;+
Anamwane a Siyoni atteeliweke murima mwaha wa Mwene aya.
3 Ootheene aya attottopeleke nsina nawe yiinaka,+
Amuttottopeleke ni isipo, attharaka ni nlapa naamukhaani* ni viola.+
4 Yehova onnisiveliwa ni atthu awe.+
Owo onniwoopola atthu oowiiyeviha.*+
5 Atthu oororomeleya, ahakalaleke mwaha wa nttittimiho yaakhenle aya;
Awo atthapeke ari ene vakhaamani vaya.+
6 Iyano saya, simuttottopeleke Muluku ni isipo,
Nave, mmatatani mwaya akuxeke espaata eniitha* ninno-ninno,
7 Wiira awunleleke ikuhu atthu a maloko makina,
Ni yaavaheke ehukhumu atthu,
8 Wiira yaatthukweke mamwene aya,
Ni makhulupale aya ni ikwirinti.
9 Awo anoowiiriha itthu alepeliwe aya.+
Atthu awo oororomeleya, animwiira itthu iyo sootheene.
Mmuttottopele Yah!*
Mmuttottopele Muluku, nipuro nawe noowaarya.+
Mmuttottopele vathi va erimu, yeeyo enivaha onamoona wa owerya wawe.+
2 Mmuttottopele yoowo mwaha wa miteko sawe suulupale.+
Mmuttottopele mwaha wa owerya wawe wuulupale.+
3 Mmuttottopele moopaka nlope.+
Mmuttottopele murumihaka ekaruma ya isipo erina mikhoyi ni viola.+
4 Mmuttottopele moopaka nlapa naamukhaani*+ ni mwiinaka.*
Mmuttottopele ni viola+ ni ephivi.*+
5 Mmuttottopele ni isimbalo* sooruma.
Mmuttottopele ni isimbalo soorumexa.+
6 Itthu sootheene sikumi, simuttottopeleke Yah.
Aahiiso, “owo onnuupuwelela nlamulo Nawe”.
Aahiiso, “Kristu awe”.
Aahiiso, “mweemererye olopoliwa”.
Eheeperi, “Mumpexari”.
Eheeperi, “Owo”.
Aahiiso, “Wiira muhirimeele ephiro ya anaxariya”.
Nwehe Moolumo Ootthokiheriwa.
Aahiiso, “eskuutu aka ekirukurenrye”.
Eheeperi, “muncererye opuro aka”.
Nwehe Moolumo Ootthokiheriwa.
Aahiiso, “atthu aniwiiva akhwaaya ni oowoka”.
Aahiiso, “etemplo”.
Aahiiso, “eskuutu anyu ya”.
Eheeperi, “seminiithi”. Nwehe Moolumo Ootthokiheriwa.
Aahiiso, “mukoonele othunku”.
Nwehe Moolumo Ootthokiheriwa.
Aahiiso, “ahuuluvala”.
Aahiiso, woonasa wene: “Variki kahaaphavela omwiiriha etthu yootakhala, ole onkivirikanya voohimulattu”.
Aahiiso, “oneehererya mirima ni isyo”.
Aahiiso, “eskuutu aka”.
Aahiiso, “onninola”.
Aahiiso “xoowa”.
Aahiiso, “Kinoopakela nsipo”.
Nwehe Moolumo Ootthokiheriwa.
Aahiiso, woonasa wene: “Nyuwo ovuwa wanyu onilavuliwa mpakha wiirimu”.
Eheeperi, “ikatha”.
Nwehe Moolumo Ootthokiheriwa.
Aahiiso, “kinoopakela nsipo”.
Aahiiso, “ntthyawelo noorakama”.
Eheeperi, “munikoopola mukhora wa wookhwaani”.
Nwehe Moolumo Ootthokiheriwa.
Nwehe Moolumo Ootthokiheriwa.
Aahiiso, woonasa wene: “Mutthu orina nrima onniireeliha”.
Aahiiso, “kittikinyeyaka”.
Aahiiso, “ekwaasuni”.
Aahiiso, “mareetthe”.
Aahiiso, “alisenso a xariya”.
Aahiiso, “mutemplo”.
Aahiiso, woonasa wene: “makhala a mooro”.
Aahiiso, “anooreereliwa murima nuuwo”.
Eheeperi, “seminiithi”. Nwehe Moolumo Ootthokiheriwa.
Aahiiso, woonasa wene: “efornu entotoxiwa itthu, yeeyo epakinwe vatthayani”.
Eheeperi, “mmwaleele maitho aka”.
Aahiiso, “muheemani”.
Aahiiso, “khoniwuulihiha muru”.
Eheeperi, “khonikha-khala ottikinyeyaka”.
Nwehe Moolumo Ootthokiheriwa.
Aahiiso, “oreera waka murima onikhuma wa nyuwo”.
Eyo piiyo, masina a amuluku awo.
Eheeperi, “isyo saka” .
Aahiiso, “nkinikhala-khala keettaka pure”.
Aahiiso, “okinyanyala”.
Nwehe Moolumo Ootthokiheriwa.
Aahiiso, woonasa wene: “wunttaka”.
Eheeperi, “Owiitho wanyu”.
Aahiiso, “Muurame ni mukiiwe”.
Aahiiso, “ecera ya niitho nanyu”.
Aahiiso, “anirihele vathi”.
Aahiiso, “xoowa”.
Aahiiso, “okhala wiira kinniweha mukhalelo anyu”.
Aahiiso, “eskuutu aka”.
Eheeperi, “nnyaka ninkoopola”. Nwehe Moolumo Ootthokiheriwa ani: “Nnyaka”.
Nwehe Moolumo Ootthokiheriwa.
Aahiiso, “a epheyo”.
Aahiiso, “eheema”.
Aahiiso, “onyakula”. Eyo piiyo, oruma oniiwanyeya nuumala woopa etari.
Aahiiso, “mareetthe”.
Aahiiso, “eskuutu ya”.
Aahiiso, “eskuutu anyu”.
Eheeperi, “kinoowiiriha omaala”.
Aahiiso, woonasa wene: “mukhoyi woophimana”.
Aahiiso, “eheema”.
Aahiiso, “khonikhala-khala eettaka pure”.
Eheeperi, “Nnimwiipa ni nnoopaka muusika”.
Woonasa wene, esooti aahiiso enamuna ya muusika.
Aahiiso, “khiyuuliwa muru”.
Eheeperi, “Kooriheliwa wa nyuwo”.
Aahiiso, “mmakharuni”.
Eheeperi, “Murima anyu okhale”.
Eheeperi, “ntthupi”.
Aahiiso, woonasa wene: “maasi oomaaleleya”.
Eheeperi, “mphito”.
Aahiiso, “Munnoottiha”.
Aahiiso, “okumi aka”, ohimyaka okumi wa Yehova.
Aahiiso, “muupuwelo aka woowiixerya”. Eheeperi, “isyo saka”.
Eheeperi, “Nkinikilaathi”.
Eheeperi, “okilaathi”.
Aahiiso, “etemplo”.
Aahiiso, “muheemani”.
Aahiiso, woonasa wene: “Mweekeekhai kinnaamini wiira kinimoona oreera murima wa Yehova, mulaponi mwa atthu akumi”.
Aahiiso, “eskuutu aka”.
Aahiiso, woonasa wene: “mwaha wa waarya wawe woovuwa”.
Woonasa wene, sinihimmwa miyaako sooluttelelana sa oLiibano.
Aahiiso, “ephalavi yaamukhaani ya mutakhwani”.
Aahiiso, “vasulu va maasi manceene wiirimu”.
Nwehe Moolumo Ootthokiheriwa.
Aahiiso, “mmahiye”.
Aahiiso, “Nkinikhala-khala keettaka pure”.
Eheeperi, “mulittini”.
Aahiiso, “Muurame ni mukiiwe”.
Eheeperi, ruach, nintaphulela “ikuru sa okumi”.
Aahiiso, “Muluku oororomeleya”.
Aahiiso, “mmuupuweloni mwaya”.
Nwehe Moolumo Ootthokiheriwa.
Nwehe Moolumo Ootthokiheriwa.
Aahiiso, “sikhuneeliwe”.
Aahiiso, “onanariwa wanyu”.
Eheeperi, “anakhotto ootheene”.
Aahiiso, “oomaliha miruku sa”.
Aahiiso, “oohonona miyuupuwelo sa”.
Aahiiso, “miruku sawe sinrowa”.
Aahiiso, “eskuutu ahu”.
Aahiiso, “namukhwa-onepa”.
Eskuutu yaamukhaani, ikwaha sinceene, yaakuxiwa ni alipa yaavonya mareetthe.
Aahiiso, woonasa wene: “Atakhali anninyohola mwaha wa eyoolya vakhaani”.
Aahiiso, “mmakharuni”.
Aahiiso, “kinimuupuwelelaka”.
Eheeperi, “enlikana ni miyaako sa Muluku”.
Aahiiso, woonasa wene: “Muhinanariwe, okhala wiira eyo pooti wookumiheryani maxakha”.
Eheeperi, “atthu oomaala”.
Eheeperi, “onnilumanyiha maino awe”.
Aahiiso, “annaatholola axoowa aya”.
Aahiiso, “tookhaliherya”.
Aahiiso, “onnilipiha mavalo”.
Aahiiso, “okwathulaka; okakattuwaka”.
Aahiiso, “ni ntata nawe”.
Aahiiso, “Mareetthe”.
Eheeperi, “Khiivo epantta ya erutthu aka eri saana”.
Aahiiso, woonasa wene: “Khareere awanani aka anikinyokha vahikhanle mulattu”.
Nwehe Moolumo Ootthokiheriwa.
Aahiiso, “ohuurama wiira okiwiriyane”.
Nwehe Moolumo Ootthokiheriwa.
Aahiiso, “mwaako mwaamukhaani”.
Nwehe Moolumo Ootthokiheriwa.
Aahiiso, “axoowa aya”.
Nwehe Moolumo Ootthokiheriwa.
Eheeperi, “Miteko saka ti”.
Aahiiso, “ekaneta”.
Aahiiso, “mmutthukwelele xoowa”.
Eheeperi, “nnoowiixuttiha”.
Aahiiso, “eloyi”.
Aahiiso, “weepeserya owiitho wanyu”.
Eheeperi, “Muhina”.
Aahiiso, woonasa wene: “ikuwo sooxoriwa”.
Eheeperi, “wanyu”.
Nwehe Moolumo Ootthokiheriwa.
Aahiiso, woonasa wene: “iskuutu”.
Aahiiso, “nnyaka na epwittipwitthi yoolopwana; nipetta”.
Eheeperi, “Anamwane axithiyana”.
Aahiiso, woonasa wene: “mpakha hiyo okhwa”.
Nwehe Moolumo Ootthokiheriwa.
Nwehe Moolumo Ootthokiheriwa.
Eheeperi, “ipuri soolopwana”.
Aahiiso, “ovahiwa malakiheryo”.
Eheeperi, “Munnirihela moolumo aka ottuli wanyu”.
Aahiiso, woonasa wene: “munnitakaahana nuuwo”.
Aahiiso, “Ka natampi okhuma okathi amaama akirupanle aya”.
Nwehe Moolumo Ootthokiheriwa.
Aahiiso, “eheema”.
Aahiiso, “nipuro nawe noolipihiwa”.
Nwehe Moolumo Ootthokiheriwa.
Nwehe Moolumo Ootthokiheriwa.
Aahiiso, woonasa wene: “woova vahaakhanle etthu yoowoova”.
Nwehe Moolumo Ootthokiheriwa.
Aahiiso, “khanimuhela Muluku ohoolo waya”.
Eheeperi, “mwaamaalihe”.
Nwehe Moolumo Ootthokiheriwa.
Aahiiso, “ekhuntta”.
Nwehe Moolumo Ootthokiheriwa.
Aahiiso, “axoowa oowiitha”.
Nwehe Moolumo Ootthokiheriwa.
Aahiiso, “anneererya okikhuura”.
Aahiiso, “kihikwathule; kihikakattuwe”.
Nwehe Moolumo Ootthokiheriwa.
Aahiiso, “mareetthe”.
Aahiiso, “xoowa oowiitha”.
Eheeperi, “okathi wootheene munniroromeleya”.
Nwehe Moolumo Ootthokiheriwa.
Aahiiso, “mareetthe”.
Eheeperi, “nantta onitothowa okathi oneetta awe”.
Nwehe Moolumo Ootthokiheriwa.
Aahiiso, “annivuwa”.
Aahiiso, “annikaphula”.
Aahiiso, “axoowa”.
Aahiiso, “ntthyawelo niri nipuro noorakamela osulu”.
Aahiiso, “eskuutu ahu”.
Aahiiso, “waaheye”.
Aahiiso, “avuweke”.
Nwehe Moolumo Ootthokiheriwa.
Aahiiso, woonasa wene: “Muhaavaha”.
Aahiiso, “mareetthe”.
Aahiiso, woonasa wene: “Nipuro nawe noowaarya”.
Aahiiso, “nipuro noowaataleya”.
Eheeperi, “nipuro noolipihiwa”.
Aahiiso, woonasa wene: “yoolipihiwa”.
Aahiiso, “muheemani”.
Aahiiso, “onookhalaka”.
Nwehe Moolumo Ootthokiheriwa.
Aahiiso, woonasa wene: “Ootheene anyu munnimutuphela okhalaka wiira Yena exiri ya maluku ethetemanne, yeeyo enihala vakhaani omora”.
Aahiiso, “xoowa”.
Aahiiso, “xoowa”.
Aahiiso, “mareetthe”.
Eheeperi, “Owo”.
Aahiiso, “nikwathuliwe; nikakattuwe”.
Eheeperi, “Moopweha muyuununi mwahu”.
Eheeperi, “vamuru vahu”.
Aahiiso, woonasa wene: “mmeekuni”.
“Yah” ti enamuna yookhuveya ya nsina na Yehova.
Eheeperi, “mulipa-oophuka milattu”.
Aahiiso, “oovirikanya”.
Eheeperi, “mwaakhumme anyu ohoolo wa”.
Aahiiso, woonasa wene: “eriyari ya masisi a ipwittipwitthi”.
Aahiiso, “eweero ya ncano ni yooripelela”.
Aahiiso, “Vaakhala ntoko wiira yaahimora eneevi oSalimoni”.
Aahiiso, “mwaako muulupale”.
Aahiiso, “oniphavela awe”.
“Yah” ti enamuna yookhuveya ya nsina na Yehova.
Aahiiso, “siniwoopa acuucu”.
Aahiiso, “muttiilini”.
Aahiiso, woonasa wene: “yaanyakele”.
Aahiiso, woonasa wene: “animoorwa anamitthaka”.
Eheeperi, “mmeekuni”.
Aahiiso, woonasa wene: “Okathi kanlale aka ni kaatthunkwe aka”.
Aahiiso, “ni koovelavela”.
Aahiiso, “mwiri wa eveneno”.
Eheeperi, “Meesa aya”.
Eheeperi, “iyuuno”.
Aahiiso, “Muttetthe aya wootekeleliwa ni ixiri”.
Aahiiso, “opuro ohinikhaliwa”.
Aahiiso, “Muheemani”.
Aahiiso, “eliivuru ya okumi”.
Aahiiso, “inawu sa inama; mapita”.
Eyo piiyo, elapo.
Aahiiso, “Muurame ni mukiiwe”.
Aahiiso, “Nroromelo naka ti nyuwo”.
Aahiiso, “enimuupuwelela sa”.
Eheeperi, “aaphukele”.
Eheeperi, “onoophuwa”.
Eheeperi, “ephome”.
Aahiiso, “oowiittottopa”.
Aahiiso, “Othaaciri waya”.
Eheeperi, “isyo saka”.
Aahiiso, “arina mweettelo woohiloka”.
Nwehe Moolumo Ootthokiheriwa.
Aahiiso, “Mapuro ootheene onikokhoreliwa awe Muluku”.
Eheeperi, “miru”.
Nwehe Moolumo Ootthokiheriwa.
Eheeperi, “Muhivenxeke nnyaka”.
Eheeperi, “manyaka”.
Eheeperi, “manyaka”.
Aahiiso, “Eheema”.
Aahiiso, “mareetthe”.
Aahiiso, “eskuutu”.
Aahiiso, “xoowa”.
Aahiiso, “oomaala”.
Nwehe Moolumo Ootthokiheriwa.
Eheeperi, “orweela nantiirya”.
Aahiiso, “enikihoma”.
“Yah” ti enamuna yookhuveya ya nsina na Yehova.
Eheeperi, “moono”.
Aahiiso, “mareetthe”.
Nwehe Moolumo Ootthokiheriwa.
Aahiiso, “malakiheryo aka”.
Eheeperi, “Kinoohula eyano aka ni kinoolavula muhapo mmosa”.
Aahiiso, “aahivaha osuulu wa Yakobe”.
Aahiiso, “yoowuupuxerya”.
Eheeperi, “mwawe”, ohimmwaka Muluku aahiiso Isarayeli.
Aahiiso, “iheema”.
Eheeperi, “sawe”, ohimmwaka Muluku aahiiso Isarayeli.
Eheeperi, “okhuneela”.
Aahiiso, “yaaninwereiha murima”.
Eheeperi, “ntata”.
Aahiiso, woonasa wene: “efeepere yooviha”.
Aahiiso, “muheemani”.
Eheeperi, “moono woolopwana”.
Aahiiso, “wunla ehace”.
Aahiiso, “xoowa”.
Eheeperi, “imwali sawe khisaattottopeliwe”.
Eheeperi, “etenta”.
Eheeperi, “mukhuneele”.
Eheeperi, “moono”.
Aahiiso, woonasa wene: “mwaataphule”.
Aahiiso, woonasa wene: “eriyari ya”.
Eyo piiyo, muro Eufrate.
Aahiiso, “Aphako”.
Nwehe Moolumo Ootthokiheriwa.
Aahiiso, “mmukuxe cuucu”.
Nintaphulela “onyakulihana”.
Eheeperi, “awo yaanitthara miruku saya”.
Eheeperi, “omulyiha”, eyo piiyo, atthu a Muluku.
Aahiiso, “enuyi”.
Aahiiso, “ale anlikana ni amuluku”.
Aahiiso, “Mwaaphukeleke”.
Aahiiso, “ikwaasuni”.
Aahiiso, “munlikana ni amuluku”.
Aahiiso, “Aavarihana”.
Eheeperi, “aapakeya moono para”.
Eheeperi, “yaavye nsina nanyu”.
Nwehe Moolumo Ootthokiheriwa.
Aahiiso, “Nave mulipa-oowiixutiha onniikhuneela”.
Aahiiso, “eskuutu”.
Woonasa wene: “Nwehe nikula nahu na wiixaakihana, khoo Muluku”.
Aahiiso, “muheemani”.
Eheeperi, “Mookhuneela”.
Aahiiso, “Mutthikele-tho onithukumanya”.
Eheeperi, “Ophenta woororomeleya”.
Aahiiso, “Mukivahe murima woohikawanyeya”.
Aahiiso, “muhoopola okumi aka mmahiye moowiixa”. Nwehe Moolumo Ootthokiheriwa.
Aahiiso, “Oopixa murima”.
Aahiiso, “eekeekhai”.
Eheeperi, “mikhora sa oSiyoni”.
Eheeperi, “itenta sa Yakobe”.
Nwehe Moolumo Ootthokiheriwa.
Nwehe Moolumo Ootthokiheriwa.
Aahiiso, “Muurame ni mukiwiriyane”.
Nwehe Moolumo Ootthokiheriwa.
Aahiiso, “opuro yoowo mirutthu sinintta aya”.
Aahiiso, woonasa wene: “ekwaha emosa”.
Eheeperi, “ehice”.
Aahiiso, “malaikha”.
Aahiiso, “eskuutu ahu”.
Eheeperi, “nnyaka”.
Aahiiso, “okhulupale awe”.
Eheeperi, “ntoko namoona oororomeleya”.
Aahiiso, “opuro ohinikhaliwa”.
Eheeperi, “Moovenxa ntata noolopwana na awanani awe”.
Aahiiso, “moomwiiriha xoowa”.
Eheeperi, “wiixoopola owerya wa Mahiye”. Nwehe Moolumo Ootthokiheriwa.
Aahiiso, “ophenta weiwo ori woororomeleya”.
Aahiiso, “nipuro nahu nookhala”.
Eheeperi, “nsana”.
Aahiiso, “Iwoora vakhaani sa ohiyu”.
Aahiiso, “Nyuwo munnisuwela itampi sahu”.
Aahiiso, “moota wookontari mahiku ahu”.
Aahiiso, “eskuutu yuulupale”.
Aahiiso, “mareetthe”.
Eheeperi, “oliviwa”.
Aahiiso, woonasa wene: “nipuro noolipihiwa; ntthyawelo”.
Aahiiso, “muheemani”.
Eheeperi, “ohiitakaaha ni miyo”.
Aahiiso, “arina ene ipwi”.
Eheeperi, “oneneva”.
Aahiiso, “ikwaasuni”.
Eheeperi, “ophatteyale”.
Aahiiso, “alipa-oophuka milattu”. Eheeperi, “ehice”.
Aahiiso, “ntthyawelo naka niri vasulu”.
Eheeperi, “owiitho wawe”.
Eheeperi, “sa ntata nawe”.
Nintaphulela “onyakulihana”.
Nintaphulela “weehererya”.
Aahiiso, woonasa wene: “mwaha wa waarya wawe woovuwa”.
Aahiiso, “Owo onoowaakiha atthu mwaha wa”.
Aahiiso, “ohoorwa”.
Eheeperi, “Anamwane axithiyana”.
Aahiiso, “ohoorwa”.
Aahiiso, woonasa wene: “eriyari ya”.
Aahiiso, “opuro oninyakeliha awe inawu sawe”.
Eheeperi, “owunlela ikuhu”.
Aahiiso, woonasa wene: “ohiya hiyo mmansihu”.
Eheeperi, “osuwela”.
Aahiiso, “kinoomwiiva”.
Eheeperi, “ohoolo wa maitho aka”.
Aahiiso, “kinoowiivaka”.
Aahiiso, “okhulumunwe”.
Aahiiso, “Muurame ni mukiwiriyane”.
Aahiiso, “naphipi; xalulu”.
Aahiiso, “opuro ohinikhaliwa”.
Aahiiso, woonasa wene: “Nkireere wootta”.
Aahiiso , “anikipaka okhala mulolo”.
Aahiiso, “nsina nanyu”.
Eheeperi, “anrowa opattuxiwa”.
Aahiiso, “noowuuluvala”.
Aahiiso, “mmahiye”.
Aahiiso, “xaaka”.
Aahiiso, “tooreerela murima”.
Aahiiso, “eheema”.
Aahiiso, “ettikinyeyaka”.
Aahiiso, “anneemela; annikwatela”.
Eheeperi, “enlipiha murima wa mutthu ”.
Aahiiso, “Naphipi; Xalulu”.
Mwaamunama onlikana ni namarokolo onikhala vamwala.
Aahiiso, “ninnaya”.
Woonasa wene, enihimmwa ekonya.
Aahiiso, woonasa wene: “Itthu kinuupuwela aka sa nyuwo, soosivelekeni”.
Aahiiso, “Aleluya!” “Yah” ti enamuna yookhuveya ya nsina na Yehova.
Woonasa wene, “Mulavuleke sa”.
Eheeperi, “nuulumo orumme awe”.
Eheeperi, “wuntakasa ikopo sootheene sa iphaawu”. Woonasa wene, sinihimmwa ikopo saathomeiwa iphaawu saapakiwa ntoko anela.
Aahiiso, “malimwe”.
Aahiiso, “malumi a mooro”.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “khiyaiwexenxe etthu yaataphulela aya”.
Aahiiso, “aahanle”.
Aahiiso, “elatarato yoototoxiwa”.
Aahiiso, “muheemani”.
Eyo piiyo, mikuttho yaavahiwa alipa-ookhwa aahiiso amuluku eethiru.
Nintaphulela “onyakulihana”.
Aahiiso, “yaahiixutta”.
Eyo piiyo, waakokhorela amuluku akina.
Aahiiso, “aanithanana”.
Aahiiso, “Yiireye siiso; Ekhale siiso!”
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “yaahikwathula”.
Eheeperi, “Awo yaahaattamela mikhora sa wookhwaani”.
Aahiiso, “anniveveruwa”.
Aahiiso, “ephantari”.
Aahiiso, “onnaapweha nipuro noorakamela osulu”, eyo piiyo, nipuro ohiniphiya mutthu.
Eheeperi, “mukaakhule”.
Aahiiso, woonasa wene: “Nipuro nawe noowaarya”.
Aahiiso, “nipuro noowaataleya”.
Eheeperi, “nipuro noolipihiwa”.
Eheeperi, “Anamwane axilopwana”.
Eheeperi, “Anamwane axilopwana”.
Aahiiso, “onrowa omooniherya ophenta woororomeleya”.
Aahiiso, “wooniherya ophenta woororomeleya”.
Eheeperi, “Ethayi aka ehootta, kherina ekortuura”.
Eheeperi, “onimweemela moono woolopwana wa”.
Aahiiso, “Mpakha owiiriha awanani inyu okhala ntoko nipuro mumpweha anyu inawu sanyu”.
Aahiiso, “mattoittoi”.
Aahiiso, “nave khonrowa othanana”.
Eheeperi, “muru”.
Aahiiso, “elapo yootheene”.
Onihimmwa, “Pwiya aka”, oniromoliwa eversu 1.
Aahiiso, “Aleluya!” “Yah” ti enamuna yookhuveya ya nsina na Yehova.
Eyo piiyo, elapo.
Eheeperi, “iyo”.
Aahiiso, “Aleluya!” “Yah” ti enamuna yookhuveya ya nsina na Yehova.
Eheeperi, “nnyaka”.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “Yoowo okilanthi veehiceni vawe”.
Aahiiso, woonasa wene: “nipuro nimmwaraxeliwa ikokhola”.
Eheeperi, “anamwane axilopwana”.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “woona wunkha wala wunkhela”.
Aahiiso, “eskuutu anyu”.
Aahiiso, “eskuutu anyu”.
Aahiiso, “eskuutu anyu”.
Eheeperi, “aniinyu axilopwana”.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, woonasa wene: “Miyo kinniphenta, okhala wiira Yehova onniiwa”.
Aahiiso, “onnuurama wiira okiwiriyane”.
Aahiiso, “sikwathule; sikakattuwe”.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “mahimo”.
Aahiiso, “Aleluya!” “Yah” ti enamuna yookhuveya ya nsina na Yehova.
“Yah” ti enamuna yookhuveya ya nsina na Yehova.
Aahiiso, “nipuro nuulupale”.
Aahiiso, woonasa wene: “eriyari ya atthu anikikhaliherya”.
Aahiiso, woonasa wene: “Nyuwo mwaahikikakha vanceene”.
Aahiiso, “Muheemani”.
Aahiiso, “aaxintta”.
Aahiiso, “osomaka”.
Aahiiso, “kinnisoma”.
Eheeperi, “ephiro”.
Aahiiso, “kisomeke”.
Aahiiso, woonasa wene: “muhiiriha murima aka ororomela”.
Aahiiso, “wiira keetteleke ephiro ya”.
Aahiiso, woonasa wene: “Muniwiirela anyu ale aniwoovani”.
Aahiiso, “muhimmye anyu”.
Aahiiso, “kinookhalaka nipuro nuulupale”.
Aahiiso, “kinoosomaka”.
Aahiiso, “Empa kinikhala aka ntoko namurwa”.
Aahiiso, “muhimmye anyu”.
Aahiiso, “kinnilipelela nuulumo nanyu”.
Aahiiso, “Ntoko mukilenle anyu”.
Aahiiso, woonasa wene: “yoothaka”.
Aahiiso, “kinoosoma”.
Aahiiso, “kinnilipelela nuulumo nanyu”.
Eyo piiyo, soopattuxiwa sawe sootheene.
Aahiiso, “Kinnisoma”.
Aahiiso, “kinnisoma”.
Aahiiso, “enuyi”.
Aahiiso, “ntoko muhimmye anyu”.
Eheeperi, “soovaha soohikhanyereriwa sa mwaano mwaka”.
Aahiiso, “Okathi wootheene okumi aka ori mmatatani mwaka”.
Aahiiso, “atthu ahinisuwela etthu aniphavela aya”.
Aahiiso, “eskuutu aka”.
Aahiiso, “kinnilipelela nuulumo nanyu”.
Aahiiso, “ntoko muhimmye anyu”.
Aahiiso, “wuuliwa muru”.
Aahiiso, “muhimmye anyu”.
Aahiiso, “kinnilipelela moolumo anyu”.
Aahiiso, “kisomeke”.
Aahiiso, “muhimmye anyu”.
Aahiiso, “Para awo, khanikhanle nluku nnaakwattuliha”.
Aahiiso, “ntoko muhimmye anyu”.
Nwehe Moolumo Ootthokiheriwa.
Aahiiso, “mareetthe”.
Aahiiso, “iheema”.
“Yah” ti enamuna yookhuveya ya nsina na Yehova.
Eheeperi, “empa”.
Onihimmwa Yerusalemu.
Aahiiso, “ixiri soolipihiwa”.
Sinihimmwa ipa sa oYerusalemu.
Eheeperi, “Ekopo ya mwene ootakhala”.
Aahiiso, “matata aya ahivareke”.
Eheeperi, “Muhokorokho wa mmirimani”.
Aahiiso, “mulopwana mmiravo”.
Aahiiso, “mareetthe”.
Aahiiso, “mikhutu soorakama”.
“Yah” ti enamuna yookhuveya ya nsina na Yehova.
Aahiiso, “munnikontari”.
Eheeperi, “mooviweke”.
Aahiiso, “Etapernaakulu yooreera”.
Aahiiso, “etapernaakulu”.
Aahiiso, “mutapernaakulu mwawe mooreera”.
Eheeperi, “muhokorokho wa mmirimani mwanyu”.
Aahiiso, “Nave anamukuttho aya kinimwaawariha woopowa”.
Eheeperi, “nnyaka”.
Aahiiso, “Muneemela”.
Aahiiso, woonasa wene: “Nipuro noowaarya”.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “muneemela”.
Aahiiso, “etthapwe”.
Aahiiso, woonasa wene: “Onnipaka iphaka para”.
Aahiiso, “nsina nanyu”.
Aahiiso, “okathi naaxankale ahu”.
Nuulumo na eheeperi nnihimya mwiri woosuwelaxiwa waakhala mukerekhere mwa muro.
Onihimmwa oBabiloonia.
Aahiiso, woonasa wene: “nikhale noowuuma”.
Eheeperi, “Nlumi naka niphare mwaano mwaka”.
Aahiiso, woonasa wene: “Kinoowiipelani isipo, kaathanyaka amuluku akina”.
Aahiiso, “nipuro nanyu noowaarya”.
Eheeperi, “munniphima”.
Nwehe Moolumo Ootthokiheriwa.
Aahiiso, woonasa wene: “Mwaahikitthava”.
Eheeperi, “Okathi kaatthaviwale aka mapuro oowiixerya a mulaponi”.
Eheeperi, “nlelo kiri ni nyuwo”.
Aahiiso, “attharaka muupuwelo aya”.
Eheeperi, “munnikhapelela muru aka”.
Aahiiso, “malitti ari maasi”.
Aahiiso, “mulaponi”.
Aahiiso, “erupani”.
Woonasa wene, onihimmwa nuumala nsuwa okela, masi vahinatthi opacerya wiila.
Nwehe Moolumo Ootthokiheriwa.
Nwehe Moolumo Ootthokiheriwa.
Eheeperi, “onikisuwela”.
Aahiiso, “Kinnisoma”.
Aahiiso, “ntthyawelo niri nipuro noorakamela osulu”.
Aahiiso, “eskuutu aka”.
Aahiiso, “muthetemanihe”.
Aahiiso, “mareetthe”.
Aahiiso, “xoowa”.
Aahiiso, “epalaasio”.
Aahiiso, “owerya wanyu”.
Aahiiso, “tooreerela murima”.
Aahiiso, “Aleluya!” “Yah” ti enamuna yookhuveya ya nsina na Yehova.
Eheeperi, “ephaawu”.
Eheeperi, “atthu atthukiwe”.
Aahiiso, “ekwaasuni”.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “Aleluya!” “Yah” ti enamuna yookhuveya ya nsina na Yehova.
Eheeperi, “metto”.
Eheeperi, “animoova”.
Aahiiso, “exeelu”.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “Aleluya!” “Yah” ti enamuna yookhuveya ya nsina na Yehova.
Eheeperi, “wiirimu-rimu”.
Eheeperi, “imwali sihitonko orupa ni mulopwana”.
Eheeperi, “nnyaka”.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “cuucu”.
Eheeperi, “Owo onnaaphwaneliha atthu oowiiyeviha, owoopolaka”.
Aahiiso, “amukuxeke xoowa oniitha”.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “Aleluya!” “Yah” ti enamuna yookhuveya ya nsina na Yehova.
Aahiiso, “mmoopaka cuucu”.
Eyo piiyo, mwiinaka voorukurerya.
Aahiiso, “eflauta”.
Ekaruma ya isipo ya eyuuma enlikana ni eparatho.
Aahiiso, “Aleluya!” “Yah” ti enamuna yookhuveya ya nsina na Yehova.