Iintlanganiso Zenkonzo KaOktobha
Iveki Eqala Ngo-Oktobha 2
10 imiz: Izaziso zasekuhlaleni. IZaziso ezikhethiweyo kuBulungiseleli Bethu BoBukumkani.
15 imiz: “Mdumise UYehova Ngamaxesha Onke.” Imibuzo neempendulo. Gxininisa indlela ezisebenza ngayo iindinyana zeZibhalo ezibonisiweyo nezicatshuliweyo.
20 imiz: “Hambisa Imirhumo Ngawo Onke Amathuba.” Xubusha iingongoma eziziintloko, wandule ke uhlolisise amanqaku anokusetyenziswa ekuvuseleleni umdla kumrhumo. Yiba nomboniso weentshumayelo ezimbini okanye ezintathu. Ukuba umrhumo awuthatyathwa hambisa amaphephancwadi amabini. Qiniseka ukuba wazisa ibandla ngoSuku Lwamaphephancwadi lwale nyanga uze ucele bonke babe nesabelo kulo.
Ingoma 153 nomthandazo wokuqukumbela.
Iveki Eqala Ngo-Oktobha 9
10 imiz: Izaziso zasekuhlaleni. Ingxelo yemali.
20 imiz: “INdibano YeSithili ‘Yabadumisi Abanovuyo’ Yowe-1995.” Ukugutyungelwa kwesiqendu 1-16 ngemibuzo neempendulo.
15 imiz: “Ngaba Sihlala Siphaphile—Siphepha Iziphazamiso?” Imibuzo neempendulo. Ukuba ixesha liyavuma, gqabaza ngokubhekele phaya ngokuphuma kwiMboniselo kaMeyi 1, 1992, iphepha 20-2.
Ingoma 128 nomthandazo wokuqukumbela.
Iveki Eqala Ngo-Oktobha 16
10 imiz: Izaziso zasekuhlaleni. Tsalela ingqalelo kwincwadana ethi Good News for All Nations, enikela intshumayelo yendlu ngendlu ngeelwimi ezingama-59 ezahlukahlukeneyo. Bakhuthaze bonke bayisebenzise le ncwadana xa bedibana nabantu abathetha olunye ulwimi entsimini.
20 imiz: “INdibano YeSithili ‘Yabadumisi Abanovuyo’ Yowe-1995.” Ukugutyungelwa kwesiqendu 17-28 ngemibuzo neempendulo. Hlolisisa elithi “Emasikukhumbule NgeNdibano YeSithili.” Ukuba ixesha liyavuma, hlolisisa iinkcukacha ezifanelekileyo kwisihlomelo esithi “Ukwenziwa Lula KweNdibano YeSithili Yowe-1995,” kuBulungiseleli BoBukumkani bukaSeptemba 1995.
15 imiz: “Ukubuyela Sinenjongo.” Xubusha ngosukelo lwethu xa sibuyela. Lungiselela ukuba nabavakalisi abafanelekayo benze imiboniso ngeentshumayelo ezimbini ezahlukeneyo.
Ingoma 130 nomthandazo wokuqukumbela.
Iveki Eqala Ngo-Oktobha 23
10 imiz: Izaziso zasekuhlaleni. IiNdaba Ezingokobuthixo.
15 imiz: “Siyalifuna Ibandla.” Imibuzo neempendulo.
20 imiz: Yalathisela Abanomdla Entlanganweni. Umveleli wenkonzo uxubusha nabavakalisi ababini okanye abathathu, esebenzisa incwadana enemifanekiso ethi AmaNgqina KaYehova—Enza Ukuthanda KukaThixo Ngokumanyeneyo Zwenibanzi. Cacisa isizathu sokuba kuyingenelo ukwazisa abanomdla indlela esebenza ngayo intlangano, indlela elungiselelwa ngayo imisebenzi eyahlukeneyo nendlela abanokufak’ isandla ngayo. Hlolisisa iingongoma ezikwiphepha 14 nele-15 kumxholo othi “Iintlanganiso Zokusilola Eluthandweni Nasemisebenzini Emihle.” Eli qela lenza umboniso omfutshane ngendlela lo mbandela onokuqukwa ngayo kwingxubusho yebuyelo okanye kwisifundo seBhayibhile ukunceda umntu onomdla abone imfuneko yokuza kwiintlanganiso.
Ingoma 126 nomthandazo wokuqukumbela.
Iveki Eqala Ngo-Oktobha 30
10 imiz: Izaziso zasekuhlaleni. Ekubeni kuza kubakho iiholide zehlabathi ngoDisemba, khuthaza bonke bacinge ngokubhalisa njengoovulindlela abangabancedani. Bethelela imfuneko yokuba bonke bangenise ingxelo yabo yenkonzo yasentsimini ngokukhawuleza ukuze unobhala ayithumele kuMbutho ngexesha elifanelekileyo.
15 imiz: Ngaba Ukhe Wazama Ukukhokelelwa Kubantu Abanomdla? Intetho. Abanye abavakalisi baye bakwazi ukuqalisa izifundo ezitsha zeBhayibhile ngale ndlela: Emva kokufunda nomntu onomdla kangangexesha elithile, babuza lo mntu enoba ukho na omnye wabahlobo bakhe, izizalwana, okanye umntu nje amaziyo osenokuba nomdla kwisifundo seBhayibhile. Basoloko benikwa intaphane yamagama. Buza enoba ungalikhankanya kusini na igama lakhe xa usiya kwaba bantu. Xa usiya kubo, usenokuthi: “Uzibani-bani ukunandiphe gqitha ukufundisisa iBhayibhile kangangokuba ucinge ukuba nawe ungakuthanda ukungenelwa kwilungiselelo lethu lesisa lesifundo seBhayibhile.” Oku kusenokwenza ube noludwe oluhle lwamabuyelo asenokuba zizifundo zeBhayibhile ezinenkqubela. Quka amava omvakalisi omnye okanye ababini abaye bafumana abantu abanomdla okanye baqalisa izifundo zeBhayibhile ezitsha ngale ndlela.
20 imiz: Ukuhambisa Incwadi Ethi Iphulo Loluntu Lokufuna UThixo NgoNovemba. Ekubeni inkoliso yabantu inayo iBhayibhile, kufuneka sibonise isizathu sokuba kubalulekile ukuba bayifunde. Hlolisisa iingongoma ezithile kwincwadi ethi Ukuqiqa, kwiphepha 70-2. Funda “Ingcaciso,” ucacise isizathu sokuba iBhayibhile ibaluleke kangaka. Yiba nomvakalisi ofanelekayo esenza umboniso omfutshane esebenzisa ingongoma enye okanye ezimbini ngokuphuma kwisiqendu 2-4 kwincwadi ethi Iphulo Loluntu Lokufuna UThixo, iphepha 367.
Ingoma 138 nomthandazo wokuqukumbela.