Iintlanganiso Zenkonzo Ngo-Oktobha
Iveki Eqala Ngo-Oktobha 4
10 imiz: Izaziso zasekuhlaleni. IZaziso Ezikhethiweyo kuBulungiseleli Bethu BoBukumkani. Le yinyanga yokugqibela yephulo lomhlaba ongabelwanga bani. Xubusha amalungiselelo uze ukhuthaze bonke ukuba babe nesabelo ngokuzeleyo.
17 imiz: “Zisebenzise Kakuhle Iincwadi Ezindala.” Imibuzo neempendulo. Khankanya iincwadi ezindala ezikhoyo esitokhweni sasekuhlaleni. Balaselisa ezinye zeenkalo zazo ezibangel’ umdla, uze uchaze indlela ezinokuhanjiswa ngayo kwabanye. Bakhuthaze bonke ukuba bahambise ezi ncwadi kumhlaba ongabelwanga bani, kubulungiseleli basentsimini naxa kunikelwa ubungqina obungacwangciswanga ebudeni bukaOktobha. Quka umboniso wentshumayelo elula, emfutshane.
18 imiz: Waphaphele Amaphephancwadi! Chaza isimbuku senani lamaphephancwadi ahanjiswe libandla kwinyanga ephelileyo. Sinjani xa lithelekiswa nesimbuku senani salawo avela kuMbutho? Ukuba kukho umahluko omkhulu, yintoni ekufuneka yenziwe? Cela abaphulaphuli ukuba bagqabaze ngoku kulandelayo: (1) Umvakalisi ngamnye ufanele aodole isixa esaneleyo kodwa esilungeleleneyo. (2) Mgqibelo ngamnye wujonge njengoSuku Lwamaphephancwadi. (3) Lungelelanisa ucwangciso lwakho lobuqu lwenkonzo ukuze uquke umsebenzi wamaphephancwadi nyanga nganye. (4) Cwangcisa ukunikela ubungqina obungacwangciswanga obungakumbi usebenzisa amaphephancwadi ukuze uqalise incoko. (5) Thabatha amanqaku akhethekileyo uwase kubantu abafundileyo nakoosomashishini abanokuba nomdla kuwo. (6) Gcina ingxelo echanileyo yezinto ozihambisileyo, uze wakhe umzila wamaphephancwadi, yaye ubuyele rhoqo neenkupho ezintsha. (7) Yisebenzise kakuhle nayiphi na imibhalo yamaphephancwadi amadala ukuze kungabikho onakalayo. Bonisa amaphephancwadi akutshanje uze ubalaselise amanqaku aya kuvusa umdla. Yiba nomntu omkhulu noselula ngamnye enze umboniso wentshumayelo emfutshane yamaphephancwadi.—Bona isihlomelo soBulungiseleli Bethu BoBukumkani bukaSeptemba 1995.
Ingoma 105 nomthandazo wokuqukumbela.
Iveki Eqala Ngo-Oktobha 11
10 imiz: Izaziso zasekuhlaleni. Ingxelo yemali.
20 imiz:“IiNdibano ZeSithili Zowe-1999 ‘Zelizwi LikaThixo Lesiprofeto.’” (Isiqendu 1-15) Imibuzo neempendulo. Funda isiqendu 6, 8, 11 nese-15. Bethelela izizathu zokuba sifanele sibekho kuyo yonke indibano, kuquka nocwangciso lwangoLwesihlanu. Bethelela ukubaluleka kokulandela ulwalathiso loMbutho lokuba siziphathele okwethu ukutya endibanweni suku ngalunye.
15 imiz: “Indlela Yokufumana Uvuyo Olungakumbi Kwiintlanganiso.” Imibuzo neempendulo. Bonisa imizekelo engqalileyo yendlela esingabonisa ngayo ulwazelelo size sibe lukhuthazo omnye komnye ezintlanganisweni. Cela abaphulaphuli ukuba babalise imizekelo ngokuphuma kumava abo obuqu.
Ingoma 152 nomthandazo wokuqukumbela.
Iveki Eqala Ngo-Oktobha 18
10 imiz: Izaziso zasekuhlaleni namava enkonzo yasentsimini.
10 imiz: “Ngaba Uyafuduka?” Intetho ekhuthazayo ngunobhala. Xa abavakalisi bekufumanisa kuyimfuneko ukufudukela kwelinye ibandla, kubalulekile ukuba bazinze kwiimeko zabo ezintsha ukuze baphephe nakuphi na ukuphazamiseka ngokomoya. Bethelela imfuneko yokwazisa abadala ngezicwangciso ezilolo hlobo yaye ucele uncedo lwabo ekuqhagamshelaneni nebandla elitsha.
25 imiz: “IiNdibano ZeSithili Zowe-1999 ‘Zelizwi LikaThixo Lesiprofeto.’” (Isiqendu 16-23) Imibuzo neempendulo. Funda isiqendu 17-20. Sebenzisa izibhalo ezicatshuliweyo nezibonisiweyo ukuze ubethelele isizathu sokuba ukunxiba, ukuzilungisa nehambo izizinto ezifuna ingqalelo yethu.
Ingoma 142 nomthandazo wokuqukumbela.
Iveki Eqala Ngo-Oktobha 25
15 imiz: Izaziso zasekuhlaleni. Bakhumbuze bonke abavakalisi bafake ingxelo yabo yenkonzo yasentsimini. Bancede bonke balungele ukuhambisa incwadana enemifanekiso ethi Okufunwa NguThixo okanye incwadi ethi Ulwazi ebudeni bukaNovemba. Chaza indlela yokulungiselela intshumayelo egxininisa kumbuzo othi, “Ngaba uThixo uyayiphendula imithandazo?” Sebenzisa iingongoma ezikwisifundo 7 kwincwadana enemifanekiso okanye isahluko 16, isiqendu 12-14, encwadini. Yenza umboniso wentshumayelo elula equka isibhalo esinye.
15 imiz: Ukufumana Iimpendulo Kwimibuzo YeBhayibhile. Isicaka solungiselelo sithetha nomvakalisi oye wadibana nomntu onomdla onombuzo weBhayibhile. Kunokunikela impendulo, isicaka solungiselelo sichaza indlela yokuyifumana. Okokuqala, sihlola amacebiso afumaneka Kwincwadi Yesikhokelo Yesikolo, isifundo 7, isiqendu 8-9. Bandula ke, bawuphande kunye lo mbuzo uxhaphakileyo kwintsimi yasekuhlaleni. Bahlola iimbekiselo ezingqalileyo ezixubusha lo mbandela yaye bafumana iingongoma ezeyisayo ezixhasa le mpendulo yeBhayibhile. Khuthaza abaphulaphuli ukuba bafundisise ngale ndlela ukuze baphande imibuzo yeBhayibhile.
15 imiz: “Uza Kuthini Kumntu OngumYuda?” Imibuzo neempendulo. Chaza umahluko phakathi kobuYuda bobuOthodoki, oboHlaziyo nobeSithethe. (Bona ethi Iphulo Loluntu Lokufuna UThixo, iphepha 226-7.) Balaselisa iinkalo esinokuvisisana lula kuzo nomYuda. Yenza umboniso wentshayelelo elungiselelwe kakuhle. Ukuze ufumane inkcazelo engakumbi ngobuYuda, bona isihlomelo soBulungiseleli Bethu BoBukumkani bukaFebruwari 1998; incwadi ethi Ukuqiqa, iphepha 22-3; nethi Iphulo Loluntu Lokufuna UThixo, isahluko 9. Ukuba akunakufane kwenzeke ukuba abavakalisi badibane nomYuda kubulungiseleli, yihlengahlengise ingxubusho ngokuvisisana neemeko zasekuhlaleni ngoxa ubalaselisa umnikelo waloo nyanga.
Ingoma 151 nomthandazo wokuqukumbela.