SEFANÁYÀ

Màá pa ẹyẹ ojú ọ̀run àti àwọn ẹja inú òkun rẹ́+

Àti àwọn ohun ìkọ̀sẹ̀*+ pẹ̀lú àwọn èèyàn burúkú;

Màá sì mú àwọn èèyàn kúrò lórí ilẹ̀,” ni Jèhófà wí.

 4 “Màá na ọwọ́ mi sórí Júdà

Àti sórí gbogbo àwọn tó ń gbé Jerúsálẹ́mù,

Gbogbo àwọn tó ṣẹ́ kù lára àwọn tó ń sin* Báálì+ ní ibí yìí ni màá sì pa rẹ́,

Àti orúkọ àwọn àlùfáà ọlọ́run àjèjì pa pọ̀ pẹ̀lú àwọn àlùfáà míì,+

 5 Àti àwọn tó ń forí balẹ̀ lórí òrùlé fún àwọn ọmọ ogun ọ̀run+

Àti àwọn tó ń forí balẹ̀, tí wọ́n ń jẹ́jẹ̀ẹ́ pé ti Jèhófà+ làwọn ń ṣe

Lẹ́sẹ̀ kan náà, tí wọ́n ń jẹ́jẹ̀ẹ́ pé ti Málíkámù làwọn ń ṣe;+

 6 Àti àwọn tó pa dà lẹ́yìn Jèhófà+

Àti àwọn tí kò wá Jèhófà tàbí àwọn tí kò wádìí nípa rẹ̀.”+

 8 “Ní ọjọ́ tí Jèhófà pèsè ẹbọ, màá pe àwọn ìjòyè wá jíhìn,

Àwọn ọmọ ọba+ àti gbogbo àwọn tó ń wọ aṣọ ilẹ̀ òkèèrè.

 9 Màá sì pe gbogbo ẹni tó ń gun pèpéle* wá jíhìn ní ọjọ́ yẹn,

Àwọn tó ń mú kí ìwà ipá àti ẹ̀tàn gbilẹ̀ ní ilé ọ̀gá wọn.

10 Ní ọjọ́ yẹn,” ni Jèhófà wí,

“Igbe ẹkún máa wá láti Ẹnubodè Ẹja+

Àti ìpohùnréré ẹkún láti Apá Kejì ìlú náà+

Àti ìfọ́yángá láti àwọn òkè.

11 Ẹ pohùn réré ẹkún, ẹ̀yin tó ń gbé Mákítẹ́ṣì,*

Torí pé gbogbo àwọn oníṣòwò* ni wọ́n ti pa rẹ́;*

Gbogbo àwọn tó ń wọn fàdákà ni wọ́n sì ti pa run.

12 Ní àkókò yẹn, màá fi fìtílà wá inú Jerúsálẹ́mù fínnífínní,

Màá sì pe àwọn tó dẹra nù* wá jíhìn, àwọn tó ń sọ nínú ọkàn wọn pé,

‘Jèhófà kò ní ṣe rere, kò sì ní ṣe búburú.’+

Wọ́n á kọ́ ilé, ṣùgbọ́n wọn kò ní gbé inú rẹ̀;

Wọ́n á gbin ọgbà àjàrà, ṣùgbọ́n wọn kò ní mu wáìnì rẹ̀.+

15 Ọjọ́ yẹn jẹ́ ọjọ́ ìbínú ńlá,+

Ọjọ́ wàhálà àti ìdààmú,+

Ọjọ́ ìjì àti ìsọdahoro,

Ọjọ́ òkùnkùn àti ìṣúdùdù,+

Ọjọ́ ìkùukùu* àti ìṣúdùdù tó kàmàmà,+

16 Ọjọ́ ìwo àti ariwo ogun,+

Lòdì sí àwọn ìlú olódi àti sí àwọn ilé gogoro tó wà ní àwọn ìkángun odi.+

17 Màá fa wàhálà bá aráyé,

Wọ́n á sì máa rìn bí afọ́jú,+

Nítorí pé wọ́n ti ṣẹ Jèhófà.+

A ó tú ẹ̀jẹ̀ wọn jáde bí eruku

Àti ẹran ara* wọn bí ìgbẹ́.+

18 Fàdákà wọn tàbí wúrà wọn kò ní lè gbà wọ́n ní ọjọ́ ìbínú ńlá Jèhófà;+

Torí ìtara rẹ̀ tó ń jó bí iná máa jó gbogbo ayé run,+

Nítorí ó máa pa àwọn èèyàn ayé nípakúpa, àní á pa wọ́n yán-án yán-án.”+

2 Ẹ kóra jọ, bẹ́ẹ̀ ni, ẹ kó ara yín jọ,+

Ẹ̀yin èèyàn orílẹ̀-èdè tí kò ní ìtìjú.+

 2 Kí àṣẹ náà tó bẹ̀rẹ̀ iṣẹ́,

Kí ọjọ́ náà tó kọjá lọ bí ìyàngbò,*

Kí ìbínú tó ń jó fòfò látọ̀dọ̀ Jèhófà tó wá sórí yín,+

Kí ọjọ́ ìbínú Jèhófà tó dé bá yín,

 3 Ẹ wá Jèhófà,+ gbogbo ẹ̀yin oníwà pẹ̀lẹ́* ayé,

Tó ń pa àṣẹ òdodo* rẹ̀ mọ́.

 4 Nítorí Gásà máa di ìlú tí a pa tì;

Áṣíkẹ́lónì á sì di ahoro.+

Áṣídódì ni wọ́n á lé jáde ní ọ̀sán gangan,*

Ẹ́kírónì ni a ó sì fà tu.+

Ìwọ Kénáánì, ilẹ̀ àwọn Filísínì, màá pa ọ́ run,

Tí kò fi ní sí olùgbé kan tó máa ṣẹ́ kù.

 6 Etí òkun náà á di ilẹ̀ ìjẹko,

Tó ní àwọn kànga fún àwọn olùṣọ́ àgùntàn àti àwọn ọgbà tí a fi òkúta ṣe fún àwọn àgùntàn.

 7 Á sì di agbègbè fún àwọn tó ṣẹ́ kù lára ilé Júdà;+

Ibẹ̀ ni wọ́n á ti máa jẹun.

Nítorí Jèhófà Ọlọ́run wọn máa ṣíjú àánú wò wọ́n,*

Á sì kó àwọn tó wà ní oko ẹrú lára wọn pa dà.”+

 8 “Mo ti gbọ́ ọ̀rọ̀ ẹ̀gàn láti ẹnu Móábù+ àti èébú àwọn ọmọ Ámónì,+

Àwọn tó kẹ́gàn àwọn èèyàn mi, tí wọ́n sì ń halẹ̀ mọ́ wọn láti gba ilẹ̀ wọn.+

 9 Nítorí náà, bí mo ti wà láàyè,” ni Jèhófà Ọlọ́run àwọn ọmọ ogun, Ọlọ́run Ísírẹ́lì wí,

“Móábù máa dà bíi Sódómù gẹ́lẹ́,+

Àti àwọn ọmọ Ámónì bíi Gòmórà,+

Ibi tí èsìsì wà, tí kòtò iyọ̀ wà, tó sì ti di ahoro títí láé.+

Àwọn tó ṣẹ́ kù lára àwọn èèyàn mi á kó wọn lọ,

Àwọn tó ṣẹ́ kù nínú orílẹ̀-èdè mi á sì gba tọwọ́ wọn.

10 Èyí ni ohun tí wọ́n máa gbà nítorí ìgbéraga wọn,+

Torí pé wọ́n kẹ́gàn, wọ́n sì ń gbé ara wọn ga sí àwọn èèyàn Jèhófà Ọlọ́run àwọn ọmọ ogun.

11 Jèhófà máa dẹ́rù bà wọ́n;*

Nítorí ó máa mú kí gbogbo àwọn ọlọ́run tó wà ní ayé di asán,*

Gbogbo erékùṣù àwọn orílẹ̀-èdè á sì forí balẹ̀ fún un,*+

Láti ibi tí kálukú wọn wà.

13 Ó máa na ọwọ́ rẹ̀ sí àríwá, á sì pa Ásíríà run,

Á sọ Nínéfè di ahoro,+ á sì gbẹ bí aṣálẹ̀.

Ibi àbáwọlé á di ahoro;

Torí pé, ó máa mú kí ilẹ̀kùn kédárì jẹ.

15 Èyí ni ìlú agbéraga tó wà ní ààbò,

Tó ń sọ nínú ọkàn rẹ̀ pé, ‘Èmi ni, kò sì sí ẹlòmíì.’

Ẹ wo bó ṣe di ohun àríbẹ̀rù,

Ibi tí àwọn ẹranko ìgbẹ́ dùbúlẹ̀ sí!

Àwọn onídàájọ́ rẹ̀ jẹ́ ìkookò ní alẹ́;

Wọn kì í jẹ egungun kankan kù di òwúrọ̀.

Àwọn àlùfáà rẹ̀ ń sọ ohun mímọ́ di ẹlẹ́gbin;+

Wọ́n ń rú òfin.+

Àràárọ̀ ló ń jẹ́ ká mọ ìdájọ́ rẹ̀,+

Kì í yẹ̀ bí ojúmọ́ kì í ti í yẹ̀.

 7 Mo sọ pé, ‘Dájúdájú, wàá bẹ̀rù mi, wàá sì gba ìbáwí,’*+

Kí ibùgbé rẹ̀ má bàa pa run+

Màá pè é wá jíhìn* nítorí gbogbo nǹkan yìí.

 8 ‘Nítorí náà, ẹ máa retí mi,’*+ ni Jèhófà wí,

‘Títí di ọjọ́ tí màá wá gba* ohun tí ẹ ti gbà lọ́wọ́ àwọn èèyàn,

Nítorí ìdájọ́ mi ni láti kó àwọn orílẹ̀-èdè jọ, kí n sì kó àwọn ìjọba jọ,

Kí n lè da ìrunú mi sórí wọn, gbogbo ìbínú mi tó ń jó fòfò;+

Torí ìtara mi tó ń jó bí iná máa jó gbogbo ayé run.+

 9 Nígbà náà, màá yí èdè àwọn èèyàn pa dà sí èdè mímọ́,

Kí gbogbo wọn lè máa pe orúkọ Jèhófà,

Kí wọ́n lè máa sìn ín ní ìṣọ̀kan.’*+

10 Láti agbègbè àwọn odò tó wà ní Etiópíà,

Ni àwọn tó ń pàrọwà sí mi, ọmọbìnrin àwọn èèyàn mi tí wọ́n tú ká, ti máa mú ẹ̀bùn wá fún mi.+

11 Ní ọjọ́ yẹn, ojú ò ní tì ọ́

Nítorí gbogbo ohun tí o ṣe láti fi ṣọ̀tẹ̀ sí mi,+

Torí nígbà náà, màá mú àwọn agbéraga tó ń fọ́nnu kúrò láàárín rẹ;

O ò sì ní gbéra ga mọ́ ní òkè mímọ́ mi.+

12 Màá jẹ́ kí àwọn onírẹ̀lẹ̀ àti àwọn aláìní wà ní àárín rẹ,+

Wọ́n á sì fi orúkọ Jèhófà ṣe ibi ààbò.

13 Àwọn tó ṣẹ́ kù lára Ísírẹ́lì+ kò ní hùwà àìṣòdodo;+

Wọn kò ní parọ́, bẹ́ẹ̀ ni wọn kò ní fi ahọ́n wọn tanni jẹ;

Wọ́n á jẹun,* wọ́n á sì dùbúlẹ̀, ẹnì kankan ò sì ní dẹ́rù bà wọ́n.”+

18 Àwọn tí ẹ̀dùn ọkàn bá torí pé wọn ò wá sí àwọn àjọyọ̀ rẹ ni màá kó jọ;+

Wọn ò sí lọ́dọ̀ rẹ torí pé wọ́n wà ní ìgbèkùn, níbi tí wọ́n ti ń kẹ́gàn wọn.+

19 Wò ó! Ní àkókò yẹn, màá dojú ìjà kọ gbogbo àwọn tó ń pọ́n ọ lójú;+

Màá gba ẹni tó ń tiro là,+

Màá sì kó àwọn tó ti fọ́n ká jọ.+

20 Ní àkókò yẹn, màá mú yín wọlé,

Ní àkókò tí mo kó yín jọ.

Nítorí màá sọ yín di olókìkí* àti ẹni iyì+ láàárín gbogbo aráyé,

Tí mo bá kó àwọn èèyàn yín tó wà ní oko ẹrú pa dà lójú yín,” ni Jèhófà wí.+