Ol Miting Blong Kingdom Wok

Wik We i Stat Long Ogis 9

Singsing 57

10 menet: Lokol mesej mo jusum sam Advaes long Kingdom Wok Blong Yumi. Sipos ol toktok long pej 8 oli stret long teritori blong yufala, yusum olgeta blong mekem tu pleplei, wan blong seremaot Wajtaoa Ogis 15 mo wan blong seremaot Wekap! Ogis 22 (Inglis/Franis). Sipos yufala i no gat tufala magasin ya, yufala i save yusum ol laswan magasin we kongregesen i bin kasem. Yufala i save yusum sam narafala rod blong storian tu. Long pleplei, pablisa i save talem plan blong yumi long saed blong presen mane tu. Talemaot long ol brata sista blong karem buklet Wanem i kam long miting nekis wik.

15 menet: “Fasin Blong Stanap Strong i Gat Pei Blong Hem.”a Yusum smoltaem blong talem sam poen we oli kamaot long Wajtaoa Disemba 15, 2000, pej 22-23, haf 15-​18.

20 menet: Yusum Ol Traket Blong Statem Storian. Tok wetem sam kwestin mo ansa we oli stanap long Kingdom Wok Blong Yumi, Jenuware 2000, pej 4. Leftemap tingting blong evriwan blong oli yusumgud olgeta traket, wetem hemia we i tokbaot ?Yu Yu Wantem Lanem Moa Long Saed Blong Baebol? Mekem wan pleplei we i stanap long Kingdom Wok Blong Yumi, Jun 2003, pej 3 haf 6. Sipos wan narafala fastok i moagud long ples blong yufala, eksplenem ol tok blong hem mo mekem pleplei long hem nomo. Askem long samfala long kongregesen blong talem sam gudfala frut we oli bin kasem taem oli yusum traket ya ?Yu Yu Wantem Lanem Moa Long Saed Blong Baebol?

Singsing 74 mo laswan prea.

Wik We i Stat Long Ogis 16

Singsing 189

10 menet: Lokol mesej.

15 menet: Tijim Trutok Long Pikinini Blong Yu. Tok we i stanap long Famle buk, pej 55-59. Tokbaot fo rod we ol papa mama oli save folem blong halpem ol pikinini blong olgeta blong yusum ol save ya blong fren wetem Jeova.

20 menet: “Givhan Long Ol Baebol Stadi Blong Oli Gohed Gud​—Haf 2.”b Insaed long haf ya, mekem wan pleplei blong faef menet. Pablisa i askem long elda olsem wanem hem i save halpem wan studen blong gohed. Elda i talem se plante taem yumi save spenem tumas taem blong tokbaot ol smosmol poen we oli no impoten mo we oli no rili joen wetem stadi. Hem i yusum stadi 9 long buklet Wanem blong soem long pablisa olsem wanem blong (1) makemgud ol bigfala poen, (2) yusumgud ol vas we oli stap, mo (3) jenisim fasin blong yumi blong tij blong mekem i laenap wetem samting we studen i nidim. Hem i makem tu se tija i mas reregud from evri stadi.

Singsing 85 mo laswan prea.

Wik We i Stat Long Ogis 23

Singsing 33

15 menet: Lokol mesej. Ripot blong ol kaon. Mekem tu pleplei, wan blong seremaot Wajtaoa Septemba 1 mo wan blong seremaot Wekap! Eprel/Jun. Sipos no, yusum tufala laswan magasin we kongregesen i bin kasem. Long wan pleplei, pablisa i save prij long wan skul tija.

10 menet: “Niufala Plan Blong Tingtingbak Long Ol Asembli.” Tok mo sam kwestin we oli stanap long haf ya long pej 4. Talem stret dei blong nekiswan seket asembli mo spesel dei asembli sipos yufala i save samting ya. Olgeta we oli wantem tekem baptaes long tufala asembli ya oli mas talemaot kwik long presiden elda.

20 menet: Seremaot Buk Ya Creator Long Manis Septemba. Tok mo pleplei. Talem sam toktok we ol man oli bin talem long saed blong buk ya. (w99 6/15 pej 25-26) Talem ol bigfala tingting insaed long buk ya, mo sam spesel poen we maet oli stret long ol man long teritori blong yumi. (km 2/99 pej 1; km 4/99 pej 2; km 9/99 pej 2) Talem wan isi rod blong storian we fastok blong hem i kamaot long Reasoning buk no Kingdom Wok Blong Yumi, talem wan vas wetem wan poen no japta long buk ya Creator we yumi save soem long ol man. Askem long wan pablisa we i nafgud blong i mekem pleplei blong soemaot isi rod ya.

Singsing 220 mo laswan prea.

Wik We i Stat Long Ogis 30

Singsing 90

10 menet: Lokol mesej. Talem long ol pablisa blong oli givim ripot blong prij blong Ogis.

15 menet: “Ministeriol Trening Skul​—Doa We i Open Finis Blong Mekem Wan Gudfala Wok.” Tok mo sam kwestin. Talem sam poen we oli kamaot long 2004 Yearbook, pej 239-​240. Talemaot se long nekis seket asembli bambae i gat miting blong ol brata we oli wantem go long Ministeriol Trening Skul. Leftemap tingting blong olgeta we oli kasem ol mak mo oli naf, blong oli go long miting ya.

20 menet: ?Ol Advaes Ya i Bin Givhan Long Yu? Kwestin mo ansa. Tokbaot sam advaes we i bin kamaot long Kingdom Wok Blong Yumi long sevis yia we i pas, olsem: Raetem fastok blong yumi long wan smol pepa mo karem long han blong yumi. (km 10/03 pej 8) Talem ol gudfala toktok we i klia mo i kamaot long hat, blong presem narafala from wan gudfala wok we hem i mekem. (km 11/03 pej 1) Prij long taem we plante man oli stap long haos. (km 12/03 pej 1) Makemaot wan stret taem blong ridim Baebol, blong rere from ol miting, mo blong prij. (km 1/04 pej 4) Yusum buk ya “Good Land” long stadi blong yumi wanwan mo taem yumi mekem Baebol riding blong yumi. (km 3/04 pej 2) Putum wan mak blong ridim Baebol fulwan. (km 4/04 pej 1) Traem prij long ol stoa. (km 7/04 pej 6) Yusum ol traket blong statem wan storian. (km 8/04 pej 2) Askem long sam pablisa blong talem olsem wanem ol advaes ya i bin givhan long olgeta.

Singsing 145 mo laswan prea.

Wik We i Stat Long Septemba 6

Singsing 197

5 menet: Lokol mesej.

15 menet: Lokol nid.

25 menet: “Soemaot Tingting Blong Paenia.”c Blong smoltaem, askem sam kwestin long wan no tu paenia. Oli save tokbaot olsem wanem eksampol blong papa mama blong olgeta, ol elda, mo sam narafala, i bin leftemap tingting blong olgeta blong traehad blong kam fultaem paenia.

Singsing 142 mo laswan prea.

[Ol futnot]