O sa Vakavakarau ena Siga Bibi Duadua ni Yabaki?
NI VO ga e vica na aua me mate o Jisu, a tauyavutaka e dua na soqo bibi me vakananumi kina na nona mate. A vakatokai na soqo qo me “[i]vakayakavi ni Turaga.” (1 Korinica 11:20; “Ai Vola Tabu”) Ni sa vakamacalataka oti na bibi ni soqo, a vakarota: “Dou dau cakava tiko oqo mo dou vakananumi au kina.” (Luke 22:19, VV) O na talairawarawa vei Jisu? Ke vaka kina, ena bibi duadua vei iko e veiyabaki na siga e vakananumi kina na nona mate.
E dau vakananumi ena gauna cava na nona mate? Na cava mo cakava ni o vakavakarau ena siga bibi qo? Qo e rua na taro ena vinaka mera vakasamataka vakabibi na lotu vaKarisito yadua.
Me Caka Vakavica?
Eda dau vakananuma e veiyabaki eso na siga bibi. Kena ivakaraitaki, e sega ni taqusi rawa ena nodra vakanananu eso na nodra takali na wekadra lomani ena gauna a rusa kina na World Trade Center mai Niu Yoka ena 11 Seviteba 2001. Era dau guilecava dredre na tikinisiga qo e veiyabaki.
Ena gauna vakaivolatabu e dau vakananumi tale ga e veiyabaki eso na siga bibi. (Esiteri 9:21, 27) A vakarota o Jiova mera dauvakananuma e veiyabaki na Isireli na nodra vakabulai vakacakamana mai Ijipita. E vakatokai ena iVolatabu na soqo qo me Lakosivia, era dau vakananuma ga vakadua e veiyabaki na Isireli, ena tikinisiga era vakabulai kina.—Lako Yani 12:24-27.
Ni ratou sa vakananuma oti na Lakosivia o Jisu kei ratou na nona yapositolo, sa qai tekivutaka o Jisu na ivakayakavi bibi me vakananumi kina na nona mate. (Luke 22:7-20) Me vaka ni dau caka vakadua ga e veiyabaki na Lakosivia, na ivakayakavi tale ga a tauyavutaka o Jisu me sosomitaka na Lakosivia ena vakayacori vakadua e veiyabaki. Ena tikinisiga cava?
Ena Siga Cava?
Meda kila na isaunitaro qo, e bibi meda kila mada e rua na ka. Kena imatai, ena gauna vakaivolatabu e tekivu e dua na siga vou ena yakavi ni sa dromu na siga qai lai cava ena yakavi ni siga tarava ni sa dromu na siga. Koya gona, e tekivu na dua na siga mai na yakavi oya me yacova na yakavi ni siga e tarava.—Vunau ni Soro 23:32.
Kena ikarua, e duidui na ivolanivula ena gauna vakaivolatabu ni vakatauvatani kei na gauna qo. Na nodra vula e vakatokai me o Eta kei Naisani, e sega kina na vula o Maji se Epereli. (Esiteri 3:7) Era dau wilika na Jiu na nodra vula mai na dua na vula vou ina vula vou tarava. Na nodra soqo ni Lakosivia e dau caka ena ika14 ni siga ena imatai ni vula o Naisani. (Vunau ni Soro 23:5; Tiko Voli Mai na Lekutu 28:16) Qori na siga era vakoti Jisu kina ena kaunirarawa na kai Roma. A mate o Jisu ni oti na kena vakayacori na imatai ni soqo ni Lakosivia ena 1,545 na yabaki. E siga bibi dina na ika14 ni Naisani!
Ia na siga cava sara mada ena noda ivolanivula nikua e veidonui kei na ika14 ni Naisani? E rawarawa sara na noda cakacakataka na siga qo. Era dauwaraka na Jiu e veiyabaki e dua na siga ena loma ni vulaitubutubu e tautauvata vinaka na balavu ni bogi kei na balavu ni siga, me rau ya12 na aua. Na vula vou e volekata duadua na siga qo era dau okata me imatai ni Naisani ni sa dromu kina na siga e Jerusalemi. Ke da wilika e 14 tale na siga tarava eda na yacova na ika14 ni Naisani. Na siga qori e taucoko tu kina na vula. Ni cakacakataki vakaivolatabu na ika14 ni Naisani ni yabaki qo, e tekivu ni sa dromu oti na siga ena Sigatabu, 17 Epereli, 2011.a
Era sa vakavakarau tiko ena yabaki qo na iVakadinadina i Jiova kei ira kece era vinakata mera tiko ena ivakananumi ni mate i Jisu. Oni sureti moni tiko tale ga kina. Ke oni via kila na gauna kei na vanua ena caka kina na soqo qo, moni qai veitaratara kei ira na iVakadinadina i Jiova ena vanua oni vakaitikotiko kina. Na soqo qo ena sega ni caka ena mataka se yakavi, ena qai tekivu ni sa dromu oti na siga. Na vuna? E tukuni ena iVolatabu ni “ivakayakavi.” (1 Korinica 11:25) A tauyavutaka o Jisu na soqo bibi qo ena 1,978 na yabaki sa sivi, ia ena yabaki qo ena vakananumi tiko ena Sigatabu, 17 Epereli, 2011. Qo na itekitekivu ni Naisani 14, na siga a mate kina o Jisu. Na siga vinaka cava tale me vakananumi kina na nona mate?
Na Ka o Rawa ni Cakava
Na cava o rawa ni cakava mo vakarautaki iko kina ena siga bibi qo? Dua, na nomu vakasamataka vakabibi na ka sa cakava o Jisu ena vukuda. Na ivola Na Cava Sara Mada e Kaya na iVolatabu? b e vakadinadinataki ni sa vukea e milioni mera vakasamataka vakabibi ra qai vakavinavinakataka na inaki ni nona mai mate ena vukuda o Jisu.—Maciu 20:28.
E dua tale na sala meda vakarautaka kina na lomada ena soqo bibi qo na noda wilika na ivolatukutuku ni veika a sotava o Jisu ni bera ni mate. O na raica ena tabana tarava e dua na chart. E tuvani tu ena yasana imatau na ivolatukutuku ena iVolatabu ni veika a yaco ni bera ni mate o Jisu, kei na vica na wase ni ivola Na Tamata Rogo Duadua a Bau Bula.c
Ena yasana imawi e volai kina na tikinisiga a yaco kina na veika oya kei na siga e veidonui kei na yabaki qo. Vakacava mo wilika na ivolatukutuku ena iVolatabu e vakamacalataka na veika a yaco me yacova yani na iVakayakavi ni Turaga? Ke o cakava qori o na vakavakarau vinaka kina ena siga bibi duadua ni yabaki.
[iVakamacala e ra]
a Era sega ni muria na tikinisiga qo na Jiu nikua mera vakananuma kina na Lakosivia. Na cava na vuna? Era vakabauta e levu na Jiu ni ivakaro ena Lako Yani 12:6 e dusia tiko mera vakananuma na Lakosivia ena ika15 ni Naisani. (Raica na Watchtower, 15 Feperueri, 1990, tabana e 14.) Ia a vakananuma o Jisu na Lakosivia ena Naisani 14, me vaka e tukuni ena Lawa a soli vei Mosese. Me ikuri ni vakamacala ni kena cakacakataki na tikinisiga qo, raica na Watchtower, 15 June, 1977, tabana e 383-384.
b Tabaka na iVakadinadina i Jiova. Raica na tabana e 47-56, 206-208. E tiko tale ga na ivola qo ena Web site www.watchtower.org.
c Tabaka na iVakadinadina i Jiova.
[Tikina bibi ena tabana e 22]
iVakananumi ni mate i Jisu Sigatabu, 17 Epereli, 2011
[Chart/iYaloyalo ena tabana e 23, 24]
(Raica tale na ivola)
IOTIOTI NI VICA NA SIGA
Tusiti 2011, 12 Epereli ▪ Siga ni Vakacecegu Maciu
2012 ․․․․․ Marika
2013 ․․․․․ Luke
9 NAISANI (tekivu ni sa dromu oti na siga)
▪ E tekivu □ Maciu 26:6-13
e dua na siga vou Kanavata kei Saimoni na vukavuka
ena gauna vakaivolatabu ▪ Kumuti Jisu o Meri □ Marika 14:3-9
ni sa dromu oti na siga, qai ena narita dina
cava ni sa karobo ena siga tarava ▪ Era lai sikovi Luke
Jisu kei Lasarusa □ Joni 12:2-11
na Jiu □ gt 101, p. 5-9
Vukelulu 2011, 13 Epereli ▪ Curu ena qaqa □ Maciu 21:1-11, 14-17
2012 ․․․․․ i Jerusalemi
2013 ․․․․․ ▪ Veivakavulici ena valenisoro □ Marika 11:1-11
□ gt 102
10 NAISANI (tekivu ni sa dromu oti na siga)
▪ Lai moce i
Pecani
Lotulevu 2011, 14 Epereli ▪ Sou i □ Maciu 21:12, 13,
2012 ․․․․․ Jerusalemi 18, 19
2013 ․․․․․ ▪ Vakasavasavataka na valenisoro □ Marika 11:12-19
▪ Vosa mai lomalagi □ Luke 19:45-48
o Jiova □ Joni 12:20-50
11 NAISANI (tekivu ni sa dromu oti na siga)
Vakaraubuka 2011, 15 Epereli ▪ Veivakavulici ena □ Maciu 21:19–25:46
2012 ․․․․․ valenisoro ni
2013 ․․․․․ vosa vakatautauvata
▪ Vunauci ira □ Marika 11:20–13:37
na Farisi
▪ Raica nona cau □ Luke 20:1–21:38
na yada
▪ Parofisaitaki ni na Joni
rusa o Jerusalemi
▪ Vakamacalataka na ivakatakilakila □ gt 105 ina 112, p. 1
ni nona na tiko tawarairai ena dua na gauna mai muri
12 NAISANI (tekivu ni sa dromu oti na siga)
Vkarauwai 2011, 6 Epereli ▪ Vakacegu kei iratou □ Maciu 26:1-5, 14-16
2012 ․․․․․ nona tisaipeli
2013 ․․․․․ mai Pecani
▪ Veivosakitaka o Jutasa □ Marika 14:1, 2, 10, 11
na sala me soli Jisu kina
Joni
13 NAISANI (tekivu ni sa dromu oti na siga)
Sigatabu 2011 17 Epereli ▪ Rau vakarautaka o □ Maciu 26:17-19
2012 ․․․․․ Pita kei Joni
2013 ․․․․․ na Lakosivia
▪ Eratou qai muri ena yakavi □ Mark 14:12-16
o Jisu kei ratou na □ Luke 22:7-13
tini na yapositolo Joni
14 NAISANI (tekivu ni sa dromu oti na siga)
▪ Kanavata ni □ Maciu 26:20-35
Lakosivia
▪ Vuya na yavadratou na nona □ Marika 14:17-31
apositolo
▪ Vakatalai Jutasa □ Luke 22:14-38
bogilevu tutu ▪ Bukiveretaki qai vesu □ Maciu 26:36-75
Moniti 2011 18 Epereli ena were o
2012 ․․․․․ Kecisemani
2013 ․․․․․ ▪ Ratou dro na yapositolo □ Marika 14:32-72
▪ Lewai vei ira na □ Luke 22:39-62
lewe ni Sanadrini
▪ Lewai tale vei ira □ Maciu 27:1-61
na lewe ni Sanadrini
▪ Totogimate me vakoti □ Luke 22:63–23:56
ena kau
▪ Kau na yagona □ gt 121 ina 127, p. 7
me bulu
15 NAISANI (tekivu ni sa dromu oti na siga)
▪ Siga ni Vakacecegu
Tusiti 2011 19 Epereli ▪ Vakadonuya o Pailato □ Maciu 27:62-66
2012 ․․․․․ me yadravi na Marika
2013 ․․․․․ ibulubulu kei Jisu Luke
Joni
16 NAISANI (tekivu ni sa dromu oti na siga)
Vukelulu 2011 20 Epereli ▪ Vakaturi □ Maciu 28:1-15
2012 ․․․․․ ▪ Rairai tale vei ratou □ Marika 16:1-8
2013 ․․․․․ na nona tisaipeli □ Luke 24:1-49
[iVakamacala e ra]
d Qo na naba ni wase ni ivola Na Tamata Rogo Duadua a Bau Bula (gt). Raica na chart ena ivola na “All Scripture Is Inspired of God and Beneficial,” tabana e 290 me baleta na tikinivolatabu e vakamacalataka na iotioti ni vica na siga e vunau voli kina o Jisu, tabaka na iVakadinadina i Jiova.