Sɔɔmɔ Kpee He Gbɛjianɔtoo
Otsi ni Jeɔ Shishi April 11
Min. 15: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛsafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ April 1 Buu-Mɔɔ kɛ April 8 Awake! lɛ aha. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii. Ha afee nɔkwɛmɔnɔ ko ni miitsɔɔ shiɛlɔ ko ni miiye odase yɛ gbɛjegbɛ nɔ yɛ nɔkwɛmɔnii lɛ ekome mli.
Min. 15: “Kã He Oshiɛ.” Ha toibolɔi lɛ awie ŋmalɛi ni aŋmalako amɛmli wiemɔi lɛ ahe bɔ ni be baaŋmɛ gbɛ.
Min. 15: “Feemɔ Ejurɔ ni Oke Nii.” Tsɔɔmɔ bɔ ni abaanyɛ akɛ sane lɛ atsu nii yɛ nyɛsafo lɛ mli, ni otsĩ gbɛ̀i pɔtɛɛi ni abaanyɛ atsɔ nɔ aye abua mɛi krokomɛi lɛ tã.
Lala 47 kɛ naagbee sɔlemɔ.
Otsi ni Jeɔ Shishi April 18
Min. 10: Asafoŋ adafitswai.
Min. 20: “Ní Wɔɔfee Biblia Mli Nikasemɔi ni Yaa Hiɛ—Fã 8.” Ha afee nɔkwɛmɔnɔ kuku ko ni miitsɔɔ shiɛlɔ ko ni miiha Biblia mli nikaselɔ hee ko wolo bibioo ni ji Yehowa Odasefoi—Namɛi Ni? Mɛni Amɛheɔ Amɛyeɔ? lɛ. Shiɛlɔ lɛ agbala jwɛŋmɔ kɛya mfoniri ni yɔɔ wolo bibioo lɛ baafa 20 lɛ nɔ, ni etsɔɔ bɔ ni ahaa Maŋshiɛmɔ lɛ mli kuku. Etsɔɔ maŋshiɛmɔ ni abaaha lɛ saneyitso, ni efɔ̃ nikaselɔ lɛ nine koni eba.
Min. 15: Ní Wɔkɛ Jwɛŋmɔ Kpakpa Aaahi Shi yɛ Kɔmpiuta Yinɔ Mli. (Tito 2:11, 12) Wiemɔ ni abaaha ni damɔ September 2002 Wɔ Maŋtsɛyeli Sɔɔmɔ lɛ baafa 8, kuku 1-7 lɛ, kɛ January 2000 Wɔ Maŋtsɛyeli Sɔɔmɔ lɛ baafa 5, kuku 24-26, kɛ baafa 6 kuku 35-36 lɛ nɔ. Kɛ́ saji otii krokomɛi ni yɔɔ nɔ ni aŋma ahɔ January 2000 Wɔ Maŋtsɛyeli Sɔɔmɔ lɛ mli lɛ kɔɔ nyɛhe lɛ, obaanyɛ okɛfata he bɔ ni be baaŋmɛ gbɛ.
Lala 169 kɛ naagbee sɔlemɔ.
Otsi ni Jeɔ Shishi April 25
Min. 15: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Kaimɔ shiɛlɔi koni amɛkɛ shiɛmɔyaa he akɔntaabui kɛha April lɛ aha. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛsafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ April 15 Buu-Mɔɔ kɛ April 22 Awake! lɛ aha. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii.
Min. 10: Asafoŋ niiashikpamɔi. Ha toibolɔi lɛ agba niiashikpamɔi ni amɛná beni amɛku sɛɛ amɛyasara mɛi ni amɛha amɛ Nyɛyaa nɔ Nyɛshia Kpe! wolo bibioo lɛ. Tsɔ hiɛ oto gbɛjianɔ koni afee niiashikpamɔi ni yɔɔ miishɛɛ lɛ ahe nɔkwɛmɔnii. Jiemɔ mɛi lɛ fɛɛ ayi yɛ bɔ ni amɛfi tafãa krɛdɛɛ lɛ sɛɛ lɛ hewɔ.
Min. 20: “Ní Aaaye Abua Shiɛlɔi ni Abaptisiko Amɛ lɛ Koni Amɛya Amɛhiɛ.” Sɔɔmɔ nitsumɔ nɔkwɛlɔ lɛ baatsu he nii. Tsɔɔmɔ Biblia mli nikasemɔi abɔ ni asafoŋbii lɛ feɔ, kɛ mɛi abɔ ni abaptisiko amɛ ni kɛ amɛhe ewo Teokrase Sɔɔmɔ Skul lɛ mli lɛ. Wo mɛi fɛɛ hewalɛ koni amɛye amɛbua amɛ ni amɛya amɛhiɛ. Okɛ mlihilɛ awo asafo woloŋ nikasemɔ nɔkwɛlɔi lɛ hewalɛ koni amɛgbala amɛjwɛŋmɔ kɛya yelikɛbuamɔ ni amɛkɛaaha shiɛlɔi ni abaptisiko amɛ ni yɔɔ amɛkuu lɛ mli lɛ nɔ.
Lala 43 kɛ naagbee sɔlemɔ.
Otsi ni Jeɔ Shishi May 2
Min. 8: Asafoŋ adafitswai. Tĩi sane ni ji “Nyɛyaa nɔ Nyɛshia Kpe! Wolo Bibioo lɛ Kasemɔ” lɛ ni yɔɔ baafa 6 lɛ mli kuku. Tsɔɔmɔ mli akɛ sane nɛɛ tsɔɔ gbɛjianɔtoo ni akɛbaakase wolo bibioo lɛ. Wo mɛi fɛɛ hewalɛ koni amɛsaa amɛhe jogbaŋŋ, ni amɛkɛ amɛhe awo nikasemɔ lɛ ni baaje shishi yɛ May 23 otsi lɛ mli lɛ mli jogbaŋŋ daa otsi.
Min. 17: Ní Akɛ Mɛi ni Aha Amɛ Wolo Hee Bibioo lɛ Aaaje Biblia Mli Nikasemɔi Ashishi. Wiemɔ kɛ toibolɔi ni akɛaagba sane ni sɔɔmɔ nitsumɔ nɔkwɛlɔ lɛ baatsu he nii. Tĩi sɛɛkuu-kɛsaramɔ he nɔkwɛmɔnɔ ni afee yɛ March 14 otsi lɛ Sɔɔmɔ Kpee lɛ mli lɛ mli kuku, koni oma nɔ ni agbala jwɛŋmɔ kɛtee nɔ yɛ nakai saramɔ lɛ naagbee gbɛ lɛ nɔ mi titri. Ha nakai shiɛlɔi lɛ nɔŋŋ (kɛ́ ebaahi lɛ) kɛ nakai sane lɛ afee sɛɛkuu-kɛsaramɔ ni baanyiɛ sɛɛ lɛ he nɔkwɛmɔnɔ. No sɛɛ lɛ shiɛlɔ lɛ kɛ wolo bibioo lɛ sɛɛ atsu nii kɛto Biblia mli nikasemɔ he gbɛjianɔ, ní ato gbɛjianɔ akɛ abaasusu Taoɔ wolo bibioo lɛ nikasemɔ 1 lɛ he yɛ saramɔ ni baanyiɛ sɛɛ lɛ mli. Wo mɛi fɛɛ hewalɛ koni amɛkɛ amɛjwɛŋmɔ ama Biblia mli nikasemɔi ashishi ni amɛkɛ mɛi ni amɛha amɛ Nyɛyaa nɔ Nyɛshia Kpe! wolo bibioo lɛ eko lɛ aaaje lɛ nɔ.
Min. 20: “Abaahere Gbɔmɛi Srɔtoi Ayiwala.” Ha sane lɛ akɔ nyɛshikpɔŋkuku lɛ he.
Lala 112 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.