Abụ Ọma
Maka onye na-eduzi abụ. Abụ Devid.
140 Jehova, biko, napụta m n’aka ndị ọjọọ.
Chebe m ka m ghara ịba n’aka ndị tigbuo zọgbuo,+
2 Ndị na-akpa nkata ihe ọjọọ n’obi ha+
Ma na-akpata nsogbu kwa ụbọchị.
3 Ha na-amụ ire ha ka ọ dị nkọ ka ire agwọ.+
Okwu ọjọọ ndị na-esi ha n’ọnụ apụta dị ka elò ajụala.+ (Sila)
4 Jehova, biko, chebe m ka m ghara ịba n’aka ndị ajọ omume.+
Chebe m ka m ghara ịba n’aka ndị tigbuo zọgbuo,
Ndị na-akpa nkata ka ha kwatuo m.
5 Ndị mpako siiri m ọnyà.
Ha tụsasịrị ụdọ n’akụkụ ụzọ ka ha jide m.+
Ha na-esiri m ọnyà dị iche iche.+ (Sila)
6 M sịrị Jehova: “Ị bụ Chineke m.
Jehova, biko, ṅaa ntị n’arịrịọ m na-arịọ ka i nyere m aka.”+
8 Jehova, biko, emerela ndị ajọ omume ihe ha chọrọ.
Ekwela ka nkata ha na-akpa nwee isi, ka isi ghara ibuwe ha.+ (Sila)
10 Ka a wụkwasị ha icheku ọkụ.+
11 Ka onye na-ekwutọ mmadụ ghara ịhụ ebe ọ ga-ebi n’ụwa.*+
Ka ihe ọjọọ chụwa ndị tigbuo zọgbuo ọsọ ma laa ha n’iyi.
13 N’eziokwu, ndị ezi omume ga-eto aha gị.
Ndị na-eme ihe dị mma ga-ebi n’ihu gị.+