Gimong ti Serbisio iti Enero
Lawas ti Enero 13-19
10 min: Lokal nga anunsio ken Dagiti Pakaammo manipud Ti Ministeriotayo iti Pagarian. Mausig met ti “Panagaramid a Sipipinget iti Pagayatan ti Dios.” Maiparegta ti suportar iti panagmagasina ti Sabado.
20 min: “Agplanokayo Itan iti Espesial nga Aktibidad ti Kalgaw.” Saludsod ken sungbat a panangusig. Parayrayen ti ragsak a maipaay iti auxiliary payunir a trabaho bayat dagiti bulbulan ti kalgaw. Kas ipalubos ti tiempo, mainterbio iti sumagmamano a pamilia ken indibidual, agraman agtutubo, maipapan ti planoda kadagiti bulbulan ti kalgaw. Report no mano ti nagserbi nga auxiliary payunir iti napalabas a kalgaw ken maigunamgunam kadagiti amin a padasenda a padaan wenno ringbawan dayta iti daytoy a tawen.
15 min: Lokal a kasapulan wenno “Paglibakanyo Aya Dagiti Managbasol a Pagannayasan?” Palawag a naibasar iti Ti Pagwanawanan, Agosto 15, 1991, pinanid 29-31.
Kanta 31 ken pangserra a kararag.
Lawas ti Enero 20-26
10 min: Lokal nga anunsio. Mairaman ti report iti kuenta agraman subalit ti Sosiedad iti kontribusion ti kongregasion.
20 min: “Panangiparang ti Naimbag a Damag—Panangitukon iti Panagadal ti Biblia iti Pagtaengan.” Saludsod ken sungbat a panangkobre. Paidemostra iti nasanay nga agibumbunannag no kasano a mairugi iti panagadal ti Biblia iti maysa kadagiti publikasion a maitukon bayat daytoy a bulan. Maparegta dagiti kakabsat a mangsaruno kadagiti naipakita nga interes adda man naipaima wenno awan.
15 min: “Saludsod.” Imatonan ti maysa a panglakayen. Maipaganetget no apay a maipaay ti asikaso maipapan iti konduktatayo kabayatan dagiti bautismo ken no kasano nga isarmingna ni Jehova ken ti damag iti Pagarian.
Kanta 196 ken pangserra a kararag.
Lawas ti Ene. 27–Peb. 2
10 min: Lokal nga anunsio. Teokratiko a Damdamag. Pagsaritaan iti lawag dagiti kaudian a ruar dagiti magasina a mabalin a mausar iti serbisio ti ngudo iti lawas.
20 min: “Panagtalinaed a Kupado iti Serbisio ni Jehova.” Saludsod ken sungbat a diskusion. Idemostra no kasano a ti ama, nga usarenna iti 1992 a kalendario, ket maisalaysayna iti pamilia ti iskediolda iti oras bayat ti Pebrero. Tinungenna no ania dagiti aldaw a naitaning nga agpaay iti serbisio ti tay-ak ken no kasano a makipagtrabaho iti kada miembro ti pamiliana.
15 min: “Agtutubo a Kristiano—Tumibkerkayo iti Pammati.” Palawag ti maysa nga ulo ti pamilia a naibatay iti artikulo ti Hulio 15, 1991 a Ti Pagwanawanan, pinanid 23-6. Mailawlawag dagiti wagas a dagiti agtutubo ket mapagballigianda a sarangten dagiti suot ti pammati idiay pagadalan.
Kanta 40 ken pangserra a kararag.
Lawas ti Pebrero 3-9
10 min: Lokal nga anunsio. Maidemostra ti presentasion dagiti agdama a magasina. Maparegta dagiti amin a makiramanda ti serbisio iti daytoy a ngudo ti lawas.
20 min: “Kinapayunir—Serbisio a Mangyeg iti Nabaknang a Gunggona.” Saludsod ken sungbat a panangadal. Mainterbio dagiti dua a payunir. Ania dagiti lapped a naparukmada ket nakastrekda iti payunir a serbisio? Ania ti nanggutugot kadakuada a nagpayunir? Ania ti timmulong kadakuada a nagballigi iti panagpayunirda? Paregtaen dagiti amin nga usigenda a sikakararag iti bukodda a kasasaad.
15 min: “Agbasa Tapno Palawaen ti Pannakaammoyo.” Tamingen ti manangaywan iti Teokratiko a Pagadalan iti Ministerio. Palawag a naibasar iti Agriingkayo!, Hulio 22, 1991, pinanid 25-7, a maigunamgunam ti kasapulan a panagbalin a nalalaing a managbasa. Tulongan dagiti timmabuno a mangipateg a ti pannakabael nga agbasa a silalawag ket saan nga umdas; masapul a patanoren iti laing a mangutob.
Kanta 201 ken pangserra a kararag.