Sálmur

103 Ég vil lofa Jehóva,

allt sem í mér býr lofi heilagt nafn hans.

 2 Ég vil lofa Jehóva

og aldrei gleyma því sem hann hefur gert.+

 3 Hann fyrirgefur allar misgerðir þínar+

og læknar öll þín mein.+

 4 Hann endurheimtir líf þitt úr gröfinni+

og krýnir þig kærleika* sínum og miskunn.+

 5 Hann seður þig með gæðum+ alla ævidaga þína

svo að þú sért síungur og sterkur eins og örninn.+

 6 Jehóva er réttlátur+ og réttvís

gagnvart öllum kúguðum.+

 7 Hann gerði Móse vegi sína kunna+

og Ísraelsmönnum afrek sín.+

 8 Jehóva er miskunnsamur og samúðarfullur,+

seinn til reiði og sýnir tryggan kærleika* í ríkum mæli.+

 9 Hann finnur ekki stöðugt að okkur+

og er ekki reiður að eilífu.+

10 Hann kemur ekki fram við okkur í samræmi við syndir okkar+

né endurgeldur okkur eftir mistökum okkar+

11 því að eins hátt og himinninn er yfir jörðinni,

eins mikill er tryggur kærleikur hans til þeirra sem óttast hann.+

12 Eins langt og sólarupprásin er frá sólsetrinu,*

eins langt hefur hann fjarlægt afbrot okkar frá okkur.+

13 Eins og faðir sýnir börnum sínum miskunn

hefur Jehóva miskunnað þeim sem óttast hann+

14 því að hann veit vel hvernig við erum sköpuð,+

hann minnist þess að við erum mold.+

Hann blómstrar eins og blóm á engi+

16 en vindurinn blæs og blómið hverfur

eins og það hafi aldrei verið til.*

17 En Jehóva sýnir tryggan kærleika um alla eilífð*

þeim sem óttast hann+

og réttlæti sitt barnabörnum þeirra,+

18 þeim sem halda sáttmála hans+

og fara vandlega eftir fyrirmælum hans.

19 Jehóva hefur grundvallað hásæti sitt á himnum+

og konungsvald hans nær yfir allt.+

20 Lofið Jehóva, þið voldugu englar+

sem fylgið fyrirmælum hans+ og hlýðið orði hans.*

21 Lofið Jehóva, allar hersveitir hans,+

þjónar hans sem gerið vilja hans.+

22 Lofið Jehóva, öll verk hans,

alls staðar þar sem hann ríkir.