ಯೋಬ

37 ಈಗ ನನ್ನ ಹೃದಯ ಜೋರಾಗಿ ಬಡ್ಕೊಳ್ತಾ ಇದೆ,

ಎದೆ ನಡುಗ್ತಿದೆ.

 2 ದೇವರ ಗುಡುಗೋ ಸದ್ದನ್ನ,

ಆತನ ಬಾಯಿಂದ ಹೊರಡೋ ಗುಡುಗಿನ ಅಬ್ಬರವನ್ನ ಕಿವಿಗೊಟ್ಟು ಕೇಳಿ.

 3 ಆ ಸದ್ದು ಇಡೀ ಭೂಮಿಗೆ ಕೇಳಿಬರುತ್ತೆ,

ಆತನು ಮಿಂಚನ್ನ+ ಭೂಮಿಯ ಮೂಲೆ ಮೂಲೆಗೂ ಕಳಿಸ್ತಾನೆ.

 4 ಆಮೇಲೆ ಗುಡುಗಿನ ಗರ್ಜನೆ ಕೇಳಿಸುತ್ತೆ,

ಆತನು ಘನಗಾಂಭೀರ್ಯದ ಧ್ವನಿಯಿಂದ ಗುಡುಗ್ತಾನೆ,+

ಆತನು ಮಾತಾಡುವಾಗ ಮಿಂಚು ಪಳಪಳಿಸ್ತಾ ಇರುತ್ತೆ.

 5 ಗುಡುಗಿನ ಧ್ವನಿಗೆ+ ಜನ್ರನ್ನ ದೇವರು ಬೆಚ್ಚಿಬೆರಗಾಗೋ ತರ ಮಾಡ್ತಾನೆ,

ಆತನು ಮಾಡೋ ಅದ್ಭುತಗಳನ್ನ ಅರ್ಥ ಮಾಡ್ಕೊಳ್ಳೋಕೆ ನಮ್ಮಿಂದಾಗಲ್ಲ.+

 6 ಆತನು ಹಿಮಕ್ಕೆ ‘ಭೂಮಿ ಮೇಲೆ ಬೀಳು’ ಅಂತ ಅಪ್ಪಣೆ ಕೊಡ್ತಾನೆ+

ಮಳೆಗೆ ‘ಧಾರಾಕಾರವಾಗಿ ಸುರಿ’ ಅಂತ ಆಜ್ಞೆ ಕೊಡ್ತಾನೆ.+

 7 ಹೀಗೆ ಎಲ್ಲ ಮನುಷ್ಯರ ಕೆಲಸಗಳನ್ನ ದೇವರು ನಿಲ್ಲಿಸಿಬಿಡ್ತಾನೆ,

ಇವತ್ತೊ ನಾಳೆನೊ ಸಾಯೋ ಮನುಷ್ಯ ತನ್ನ ಕೆಲಸಗಳನ್ನ ಅರ್ಥ ಮಾಡ್ಕೊಳ್ಳೋ ಹಾಗೆ ಮಾಡ್ತಾನೆ.

 8 ಕಾಡು ಪ್ರಾಣಿಗಳು ಓಡೋಗಿ ಗುಹೆ ಸೇರ್ಕೊಳ್ಳುತ್ತೆ,

ಅಲ್ಲಿಂದ ಹೊರಗೆ ಬರೋದೇ ಇಲ್ಲ.

 9 ಬಿರುಗಾಳಿ ಹೊರಟು ಜೋರಾಗಿ ಬೀಸುತ್ತೆ,+

ಉತ್ತರದ ಗಾಳಿ ಚಳಿ ಹೊತ್ತು ತರುತ್ತೆ.+

10 ದೇವರ ಉಸಿರಿಂದ ನೀರು ಮಂಜುಗಡ್ಡೆ ಆಗುತ್ತೆ,+

ದೂರ ದೂರದ ವರೆಗೆ ಹರಡಿರೋ ನೀರು ಹಿಮಗಡ್ಡೆ ಆಗುತ್ತೆ.+

11 ಮೋಡಗಳನ್ನ ನೀರಿನ ಹನಿಗಳಿಂದ ತುಂಬಿಸ್ತಾನೆ,

ಮಿಂಚನ್ನ+ ಮೋಡಗಳಲ್ಲಿ ಚದರಿಸ್ತಾನೆ,

12 ಆತನು ಹೇಳಿದ ಕಡೆಗೆ ಮೋಡಗಳು ಹೋಗುತ್ತೆ,

ಭೂಮಿ ಮೇಲೆ ಅದರ ಕೆಲಸವನ್ನ ಪೂರೈಸುತ್ತೆ.+

13 ಶಿಕ್ಷೆ ಕೊಡೋಕೆ,+ ಭೂಮಿಗೆ ನೀರು ಹಾಯಿಸೋಕೆ,

ಶಾಶ್ವತ ಪ್ರೀತಿ ತೋರಿಸೋಕೆ, ಆತನು ಮೋಡಗಳನ್ನ ಬಳಸ್ತಾನೆ.+

17 ದಕ್ಷಿಣದ ಗಾಳಿಯಿಂದಾಗಿ ಭೂಮಿಯಲ್ಲಿ ಮೌನ ಆವರಿಸಿದಾಗ

ನಿನ್ನ ಬಟ್ಟೆ ಬಿಸಿಯಾಗೋಕೆ ಕಾರಣ ಏನಂತ ನಿನಗೆ ಗೊತ್ತಾ?+

19 ನಾವು ಆತನಿಗೆ ಏನು ಹೇಳಬೇಕಂತ ನೀನೇ ಹೇಳು,

ನಮಗೆ ಉತ್ತರ ಗೊತ್ತಿಲ್ಲ, ಯಾಕಂದ್ರೆ ನಾವು ಕತ್ತಲೆಯಲ್ಲಿ ಇದ್ದೀವಿ.

21 ಗಾಳಿ ಬೀಸಿ ದೇವರು ಆಕಾಶದ ಮೋಡಗಳನ್ನ ಸರಿಸದೇ ಇದ್ರೆ

ಸೂರ್ಯ ಎಷ್ಟೇ ಪ್ರಕಾಶಮಾನವಾಗಿದ್ರೂ

22 ಉತ್ತರ ದಿಕ್ಕಿಂದ ಹೊಂಬೆಳಕು ಆಕಾಶ ತೂರಿಕೊಂಡು ಬರುತ್ತೆ,

ದೇವರ ವೈಭವ+ ನೋಡಿ ಎಲ್ರಿಗೂ ಭಯವಿಸ್ಮಯ ಆಗುತ್ತೆ.

23 ಸರ್ವಶಕ್ತನನ್ನ ಅರ್ಥ ಮಾಡ್ಕೊಳ್ಳೋದು ನಮ್ಮ ಸಾಮರ್ಥ್ಯಕ್ಕೆ ಮೀರಿದ ವಿಷ್ಯ,+

ಆತನಿಗೆ ತುಂಬಾ ಶಕ್ತಿ ಇದೆ,+ ಆತನು ಯಾವತ್ತೂ ಅನ್ಯಾಯ ಮಾಡಲ್ಲ,+

ತನ್ನ ನೀತಿ-ನಿಯಮವನ್ನ ಯಾವತ್ತೂ ಮೀರಲ್ಲ.+