Sam
Chondii Deeve ve.
א [Alɛfi]
37 Duaunuŋ tumbe a wanaa dɛnɛ wɔɔŋnda,
Ɔɔ ma paŋala nda le.+
2 A cho suŋ hunɔɔ vesa maa bil,+
Nduyɛ ma nyamala maa bil puiyaa sɛnɛi nɛi vesa le wo.
ב [Bɛti]
3 Tiindaŋ Chɛhowa, ma tosa nyɛ cho o kɛndɔɔ wo.+
Wa achal o lɛŋndeŋ choo, ma tosa nyɛ cho sakpo wo.+
4 Wa a nyaale bɛndoo o Chɛhowa piɛiyo niŋ,
O cho yeemaŋ kɔl numndoŋ peelu.
ג [Kimɛɛ]
5 Mal yoomu numndo Chɛhowa o ba.*+
Tiindaŋ ndu, o cho num mala.+
6 O cho tosa mi sakpoyɛi numnde wa diondɔɔ, mɛɛ yɛŋndeŋ le wa nuaa fulaa idii yɛ.
Nduyɛ, mi sandii numnde wa mɛɛ paaleŋ le sim nuaa o bolleŋ choo yɛ.
ד [Dalɛti]
7 Mei doŋ Chɛhowa lachi,+
Ma biunuŋ ndu chumndo.
Wana sɔla hoo batiuwaa o tuula ndɔla wɔɔŋndaŋ niŋndo,+
Duaunuŋ tumbe a ndu le.
ה [Hee]
8 Mal kɔl tuuwo a tumbe bɛndu bɛndoo.+
Duaunuŋ tumbe okoŋ ma tosa dɛnɛ wɔɔŋndo le.*
9 Kanifuule, wanaa dɛnɛ wɔɔŋnda cho hunɔɔ tambei sɔla.+
Kɛ wanaa dɔu tiindaŋ ndaa o Chɛhowa niŋnda cho wa o lɛŋndeŋ choo.+
ו [Wau]
10 O bendu lɛ tiŋ te, mi wanaa dɛnɛ wɔɔŋnda lo pɛ.+
A tofa niŋ naa nda wa paandu wa,
A seeluŋ niŋ nda loŋ te.+
ז [Sayiŋ]
12 Wana dɛnɛ wɔɔŋndo kɛɛsiaa le mbo yii wana sakpoo dumbu.*+
O cho chiŋndoŋ sɔmndo le mbo chiŋalaŋ ndu.
13 Kɛ Chɛhowa cho ndu mamɔɔ,
Kanifuule o sina maa mɛɛlula ndɔlaŋ la cho suŋ fuuluu.+
ח [Hɛti]
14 Wanaa dɛnɛ wɔɔŋnda sooluu mɔɔŋ ndaŋ faŋndoŋ, ma kindu chiɔula ndalaŋ,
Le ma tɛɛmbuu wanaa cho o nyɛpalaa niŋnda vɛlɛ a wanaa bala fonduaa,
Nduyɛ ma diu diu wanaa cho o nɛi sakpoo choo wa.
15 Kɛ mɔɔŋ ndaŋ faŋndoŋ cho ndapila kɔltaŋ sɛɛsiaa,+
Mi chiɔula ndalaŋ la yomi yomi.
ט [Tɛti]
16 Nyɛ pɔmbɔ wana sakpoo nɔ wo bɛnda,
Mbo hiau nyɛm wanaa dɛnɛ wɔɔŋaa bɔɔbɔɔ nɔ tau tau woŋ.+
17 Bala wanaa dɛnɛ wɔɔŋnda la cho yomi yomi,
Kɛ Chɛhowa cho wanaa cho sakpo wa mala.
י [Yodi]
18 Chɛhowa cho chɔɔ nyɛpalaa cho wanaa nɔ tɔɔyaŋ te wa choo wo,
Nduyɛ nyɛm kɛŋ ndaŋ cho wa le fɛɛŋ a fɛɛŋ.+
19 Siɔmbula bii niŋ nda o teleŋ nyɛpalaa niŋ te.
Nduyɛ a teleŋ yima bɛnduaŋ, nyɛdiaa cho wa nda o ba tau.
כ [Kafi]
20 Kɛ wanaa dɛnɛ wɔɔŋnda cho tambei sɔla.+
Yaamɔɔwaa Chɛhowa wa cho lo pɛ maa bil puiyaa kɛndɛ kɛndɔɔ.
A cho lo pɛ maa ikum.
ל [Lamɛdi]
21 Te wana dɛnɛ wɔɔŋndo you pɛ nyɔɔ, o miŋgi le.
Kɛ wana sakpoo nɔ kɛndɛi* nduyɛ mbo yɔŋgu a kɔl ndɔɔ kpou.+
22 Wanaa Mɛlɛka dɔu sala wa cho wa o lɛŋndeŋ choo ni.
Kɛ wanaa o handu sendioo choo wa nda, o cho nda tɛɛmbuu kpou.+
מ [Mɛmi]
נ [Nuŋ]
25 Chɔŋ o chuaambɔyɛi nii niŋ haaa mi yuuwa,
Kani bɛɛ I chi wɔ mi Mɛlɛka mal wana cho sakpo wo,+
Kɛlɛŋgaa niŋ te mi chuauwaa nduaa wa keiyo piɛileŋ le nyɛdiaa* le.+
26 Mbo you waŋndo nyɔɔ a kɔl ndɔɔ kpou,+
Le hei, Mɛlɛka cho hunɔɔ chuauwaa nduaa dɔwɔɔ sala.
ס [Samɛki]
27 Mulul yɔŋ wɔɔŋndo kɔɔ, ma tosa nyɛ cho o kɛndɔɔ wo,+
Okoŋ ma wa achal le fɛɛŋ a fɛɛŋ.
28 Kanifuule Chɛhowa kaala sandei,
Nduyɛ o mel wanaa nduaa chɔm lo lechoo wo wa le.+
ע [Ayiŋ]
Le teleŋ o teleŋ o cho wa nda mandaa.+
Kɛ chuauwaa wanaa dɛnɛ wɔɔŋnda nda, o cho nda tɛɛmbuu.+
פ [Pe]
30 Sɔɔŋ taasioŋ fula wana cho sakpo wo o sondo ni,
Nduyɛ a sɔɔŋ cho sakpo woŋ okɔɔ o suaa ni.+
צ [Sadi]
32 Wana dɛnɛ wɔɔŋndo cho wana sakpoo mɛŋgɛlaa,
Mbo nuuviaa nɛilaŋ le ndu diyɔɔ.
33 Kɛ Chɛhowa cho ndu malɔɔ wana koŋ o ba le.+
O yɔŋ bɛɛ ma kilul ndu yamɛi, Mɛlɛka yaala niŋ ndu le.+
ק [Kilofi]
34 Tiindaŋ Chɛhowa, ma tol nɛi ndɔɔ kɔɔli.
O cho num heelu tema, mbo tosa mi lɛŋndeŋ le wa le num.
Teleŋ wanaa dɛnɛ wɔɔŋnda cho hunɔɔ tambei sɔla wo,+ a cho ndi chɔ a lehɔl pɛɛŋ.+
ר [Luɛsi]
35 Mi cha wana dɛnɛ wɔɔŋ kɔl vesɛi bɛndoo,
O wa hiouwɔɔ lachi a batiuwaa sɔlaa, mɛɛ yɔmndo wa nuaa puiyo o lɛŋnde kɛndɛ kɛndɛleŋ choo yɛ.+
36 Kɛ o lepilɛ niŋ kpe, mbo lo pɛ.+
Mi hiau lachi a ndu nuuviaa, kɛ I seeluŋ ndu le.+
ש [Shiŋ]
37 Mɛɛndaŋ wana nɔ tɔɔyaŋ o tɔɔyaŋ te wo,*
Ma kɛsi wana cho sakpo wo+ hɔlteŋ choo,
Kanifuule kɔl nyuloo cho wa le wana koŋ o chilaŋ niŋ.+
38 Kɛ wanaa dɛnɛ wɔɔŋnda kpou cho hunɔɔ tambei sɔla,
Nduyɛ chila ve niŋ le nda kposoŋ te.+
ת [Tau]
39 Chɛhowa piŋi wanaa cho sakpo wa ni.+
Ndu cho fondaŋ kala kala nda viaŋnuŋ a teleŋ kpundɔɔ wo ni.+
40 Chɛhowa cho nda mala, mbo piŋi nda.+
O cho nda piŋi wanaa dɛnɛ wɔɔŋnda o ba, mbo chiindiaa nda.
Kanifuule, o ndu lo nda viaŋnuŋ ni.+