व्यवस्था
३० “मैले तिमीहरूको अगाडि राखिदिएको आशिष् र सरापबारे जे-जे भनेँ, ती सबै तिमीहरूमाथि पूरा हुनेछन्।+ अनि यहोवा परमेश्वरले तिमीहरूलाई जातिजातिमाझ तितरबितर पार्नुभएपछि+ तिमीहरूले ती सबै कुरा सम्झनेछौ।+ २ अनि तिमीहरू यहोवा आफ्ना परमेश्वरकहाँ फर्कनेछौ+ र मैले आज बताएका उहाँका सबै आज्ञा तिमीहरू र तिमीहरूका छोराहरूले आफ्नो सारा हृदयले र आफ्नो सारा ज्यानले पालन गर्नेछौ।+ ३ तब यहोवा तिमीहरूका परमेश्वरले तिमीहरूलाई कैदबाट छुटाएर ल्याउनुहुनेछ,+ तिमीहरूलाई कृपा देखाउनुहुनेछ+ अनि यहोवा तिमीहरूका परमेश्वरले तिमीहरूलाई जहाँ-जहाँ तितरबितर पार्नुभएको थियो, त्यहाँबाट फेरि जम्मा गरेर ल्याउनुहुनेछ।+ ४ तिमीहरू पृथ्वीको पल्लो छेउसम्म तितरबितर भए पनि यहोवा तिमीहरूका परमेश्वरले तिमीहरूलाई जम्मा गर्नुहुनेछ र फर्काएर ल्याउनुहुनेछ।+ ५ तिमीहरूका पुर्खाले अधिकार गरेको देशमा यहोवा तिमीहरूका परमेश्वरले तिमीहरूलाई ल्याउनुहुनेछ र तिमीहरूले त्यसलाई आफ्नो बनाउनेछौ। उहाँले तिमीहरूका पुर्खाहरूको भन्दा तिमीहरूको फलिफाप गराउनुहुनेछ र तिमीहरूको सङ्ख्या धेरै गुणा बढाउनुहुनेछ।+ ६ यहोवा तिमीहरूका परमेश्वरले तिमीहरूको र तिमीहरूका सन्तानको हृदय शुद्ध पार्नुहुनेछ,*+ जसले गर्दा तिमीहरूले यहोवा परमेश्वरलाई आफ्नो सारा हृदयले अनि आफ्नो सारा ज्यानले प्रेम गर्न सक्नेछौ र तिमीहरू जीवित रहनेछौ।+ ७ तब यहोवा तिमीहरूका परमेश्वरले यी सबै सराप तिमीहरूका शत्रुहरूमाथि खन्याउनुहुनेछ, जसले तिमीहरूलाई घृणा गरे र तिमीहरूको खेदो गरे।+
८ “तिमीहरू यहोवा परमेश्वरकहाँ फर्कनेछौ, उहाँको कुरा सुन्नेछौ र उहाँका सबै आज्ञा पालन गर्नेछौ, जुन आज म तिमीहरूलाई बताउँदै छु। ९ यहोवा तिमीहरूका परमेश्वरले तिमीहरूका सबै काममा प्रचुर मात्रामा आशिष् बर्साउनुहुनेछ।+ उहाँले तिमीहरूका छोराछोरी, गाईवस्तु र भूमिको उब्जनी बढाउनुहुनेछ। जसरी यहोवा परमेश्वरले खुसीसाथ तिमीहरूका पितापुर्खाको फलिफाप गराउनुभएको थियो, त्यसरी नै तिमीहरूको पनि खुसीसाथ फलिफाप गराउनुहुनेछ।+ १० किनकि तिमीहरूले यहोवा आफ्ना परमेश्वरको कुरा सुन्नेछौ र व्यवस्थाको यस पुस्तकमा लेखिएका उहाँका आज्ञाहरू र नियमहरू पालन गर्नेछौ अनि तिमीहरू आफ्नो सारा हृदयले र आफ्नो सारा ज्यानले यहोवा आफ्ना परमेश्वरकहाँ फर्कनेछौ।+
११ “मैले आज तिमीहरूलाई दिएको आज्ञा बुझ्न वा पालन गर्न धेरै गाह्रो छैन।*+ १२ के यो आज्ञा स्वर्गमा छ र, ताकि तिमीहरूले यसो भन्नुपरोस्, ‘यो आज्ञा सुन्न र त्यसअनुसार चल्न स्वर्गमा उक्लेर कसले त्यो ल्याइदेला?’+ १३ अथवा के यो आज्ञा समुद्रपारि छ र, ताकि तिमीहरूले यसो भन्नुपरोस्, ‘यो आज्ञा सुन्न र त्यसअनुसार चल्न समुद्रपारि गएर कसले त्यो ल्याइदेला?’ १४ तिमीहरूले पालन गर्न सक भनेर+ व्यवस्थाको यो सन्देश तिमीहरूकै नजिक, तिमीहरूकै मुखमा र तिमीहरूकै हृदयमा छ।+
१५ “हेर! आज म तिमीहरूसामु एउटा छनौट राख्दै छु: तिमीहरू कि त जीवन र आशिष् रोज कि मृत्यु र सराप।+ १६ यहोवा परमेश्वरलाई प्रेम गरेर,+ उहाँको मार्गमा हिँडेर अनि उहाँका आज्ञा, नीतिनियम र फैसला पालन गरेर आज मैले तिमीहरूलाई दिने यहोवा परमेश्वरका आज्ञाहरू सुन्यौ भने तिमीहरू जीवित रहनेछौ+ र तिमीहरूको वृद्धि हुनेछ। अनि तिमीहरू जुन देश अधिकार गर्न जाँदै छौ, त्यहाँ यहोवा परमेश्वरले तिमीहरूलाई आशिष् दिनुहुनेछ।+
१७ “तर तिमीहरूको मन बहकियो+ र तिमीहरूले परमेश्वरको कुरा सुनेनौ अनि अरू देवीदेवतातर्फ आकर्षित भएर उनीहरूलाई ढोग्न थाल्यौ र उनीहरूकै सेवा गर्न थाल्यौ भने+ १८ आज म तिमीहरूलाई भन्छु, तिमीहरू पक्कै नाश हुनेछौ।+ तिमीहरूले यर्दनपारि जुन देश अधिकार गर्नेछौ, त्यहाँ तिमीहरू लामो समयसम्म बस्न पाउनेछैनौ। १९ आज म तिमीहरूसामु एउटा छनौट राख्दै छु: तिमीहरू कि त जीवन र आशिष् रोज कि मृत्यु र सराप।+ तिमीहरू जे रोज्छौ, त्यसको साक्षी आकाश र पृथ्वी छन्। तिमीहरूले जीवनै रोज, तब तिमीहरू र तिमीहरूका सन्तान जीवित रहनेछौ।+ २० त्यसको लागि तिमीहरूले यहोवा आफ्ना परमेश्वरको कुरा सुन्नू, उहाँप्रति वफादार रहनू+ र उहाँलाई प्रेम गरिरहनू+ किनकि तिमीहरूलाई जीवन दिने उहाँ नै हुनुहुन्छ। अनि यहोवा परमेश्वरले तिमीहरूका पुर्खा अब्राहाम, इसहाक र याकुबलाई जुन देश दिन्छु भनेर कसम खानुभएको थियो, त्यस देशमा उहाँले नै तिमीहरूलाई लामो समयसम्म रहिरहन दिनुहुनेछ।”+