Diboka tša Tirelo tša January
Beke e Thomago ka January 2
5 mets: Ditsebišo tša phuthego le Ditsebišo tše di swanetšego tše di tšwago go Tirelo ya Rena ya Mmušo. Mongwaledi le baswari ba thuto ya puku ba swanetše go kgonthiša gore dipego ka moka tša tirelo ya tšhemo tše di šiilwego ke nako tša dikgwedi tše di fetilego di tlišitšwe. Gopotša bagoeledi gore ba bege tirelo ya bona ya tšhemo ya December e sa le ka pela.
10 mets: “Kamoo go ka Rulaganywago Bokgoba-puku bja Pušo ya Modimo.” Polelo e theilwego go Morokami wa November 1, 1994, matlakala 28-31.
15 mets: “Thuto ya Motho ka Noši—Ta-ba ya Bohlokwa.” Dipotšišo le dikarabo. Akaretša dintlha tše di kgethilwego tše di theilwego go Morokami wa June 15, 1985, matlakala 8-13.
15 mets: “Go Diriša Dipuku tša Rena ka mo go Holago.” Boledišana le batheetši. Kgothaletša phuthego go hwetša sesola sa dipuku tše di sepedišwago tafoleng ya dipuku bakeng sa go di diriša tirelong. Rulaganyetša pontšho e tee goba tše pedi tše kopana tša dithero tše di šišintšwego.
Kopelo 188 le thapelo ya go phetha.
Beke e Thomago ka January 9
12 mets: Ditsebišo tša phuthego. Pego ya tša ditšhelete.
18 mets: “Bodiši bjo bo Agago.” Polelo ka mogolo yeo e theilwego tsebišong e lego ka tlase ga sehlogwana se se lego go matlakala 21-3 tokollong ya Morokami wa September 15, 1993. Gatelela keletšo ya Mangwalo ya go thuša go lebeletšana le mathata ka katlego.
15 mets: Na o Ikemišeditše go Lebeletšana le Boemo bjo bo Hlohlago Tumelo bja tša Kalafo? Polelo e matla eupša e le e tutuetšago ka mogolo yo a swanelegago go thuša banababo rena go lemoga mohola wa tšhireletšo wa karata ya rena ya Advance Medical Directive/Release le Identity Card. Boeletša lenaneo la January ya ngwagola go tiišetša gore bohle bao ba swanelegago ba bile ba nyaka tšhireletšo ye, ba ka e hwetša ka go tlatša dikarata. Bona Tirelo ya Rena ya Mmušo ya January 1994, letlakala 2, ka tlase ga “Beke e Thomago ka January 17” bakeng sa ditaba ka botlalo.
Kopelo 198 le thapelo ya go phetha.
Beke e Thomago ka January 16
10 mets: Ditsebišo tša phuthego. Ahla-ahla dintlha tše di bolelelwago tše di tšwago dimakasineng tša morago-rago. Kgothaletša bohle go tšea karolo tirelong ya tšhemo mafelo-bekeng a.
15 mets: A re se ke ra Lapa go Dira Botse. Polelo ka mogolo. Go lapa moyeng go ka fokotša lethabo le phišego tša rena tirelong ya Jehofa. Ahla-ahla ditsela tše dingwe tša go tsošološa matla a rena a moya o diriša ditšhišinyo tšeo di neilwego ka go Morokami wa January 15, 1986, letlakala 19 (lepokisi). Gatelela taba ya go thekga mediro ya phuthego ka moya ka moka.
20 mets: Matlafatša Bana ba Gago Bakeng sa Sekolo. Polelo e nago le dipoledišano le pontšho. Bafsa ba Bakriste lehono ba lebeletšane le dikgang tšeo ba bantši ka phuthegong ba sa naganego le ka tšona. Batswadi ka mo go kgethegilego ba swanetše go tsebišwa ka botlalo ka mathata a, e le gore ba matlafatše bana ba bona bakeng sa gore ba lebeletšane le diteko tša potego ka katlego. Boledišana le bafsa ba bararo ba nywaga e sa lekanego. Ke dikgateletšo dife tše dingwe tše kgethegilego kua sekolong tšeo ba swanelwago ke go lebeletšana le tšona letšatši le letšatši? Ke eng se se ba thušago gore ba kgomarele tswalano ya bona e botse le Jehofa? Rulaganyetša pontšho ya lapa le le hlahlobago gotee dirapa 2 le 3 go letlakala 11 la poroutšha ya Sekolo. Bana ba utolla gore ba a kwerwa gomme ba ikwa ba kgethollwa ka baka la go kgomarela ga bona ditekanyetšo tše phagamego tša boitshwaro tša Beibele. Hlogo ya lapa e kgothatša bana ka go bontšha go thabela ga gagwe mohlala wa bona le go ba gopotša gore Jehofa o thabišwa kudu ke boitshwaro bja bona. (Die. 27:11) Ngwanabo rena yo a swerego karolo o phetha ka go reta bafsa ka phuthegong mabapi le mediro ya bona e mebotse le go ba kgothaletša gore ba boledišane le batswadi ba bona, e le gore ba matlafatšwe moyeng ngwageng wo ka moka wa sekolo. Gopotša batswadi gore ba hweletše bana ba bona tokollo diklaseng tša thuto ya bodumedi.
Kopelo 196 le thapelo ya go phetha.
Beke e Thomago ka January 23
5 mets: Ditsebišo tša phuthego.
15 mets: “Bontšha Gore o a Kgomega ka go Dira Maeto a go Boela.” Bagoeledi ba bararo goba ba bane ba boledišana ka morero le bohlokwa bja go dira maeto a go boela. Gatelela pakane ya go thoma dithuto. Hlahloba dithero tše di šišintšwego. E-ba le pontšho e tee goba tše pedi gomme sehlopha se nea theto le ditšhišinyo bakeng sa go kaonefatša.
10 mets: Tše di nyakegago tša phuthego. Goba nea polelo e lego sehlogong se se rego, “Na Dithibelo di a go Nyamiša?” ka go Morokami wa September 1, 1994, matlakala 27-8.
15 mets: “Bontšhang go Naganela ba Bangwe—Karolo 1.” Dipotšišo le dikarabo. Akaretša dikgopotšo mabapi le go nyakega ga gore bagolo ba dirišane go lekoleng gore tlhaka, diphaephe tša meetse (plumbing), tshepedišo ya moya, ya phišo, ya mohlagase le ditlabakelo tša tša tšhireletšego ya Holo ya Mmušo di dula di lokišitšwe.—Bona Tirelo ya Rena ya Mmušo ya March 1987, letlakala 5.
Kopelo 116 le thapelo ya go phetha.
Beke e Thomago ka January 30
10 mets: Ditsebišo tša phuthego. Gopotša bagoeledi gore ba bege tirelo ya bona ya tšhemo ya January gatee-tee.
17 mets: “Go Dirwe go Gontši ka Mehla.” Dipotšišo le dikarabo. Rulaganyetša dipoledišano tše pedi goba tše tharo tše kopana le batho bao ba swaregilego bjalo ka mogolo, mosadi wa lapa goba mmulamadibogo; ba kgopele gore ba hlalose kamoo ba kgonago ka gona go kgomarela lenaneo le le tletšego gomme ba dula ba thabile.
18 mets: Sepedišang Puku ya Phela ka mo go sa Felego ka February. Hlalosa lebaka leo ka lona go nyakegago gore batho ba hwetše tsebišo yeo puku ye e nago le yona. (Bona Morokami wa April 1, 1988, matlakala 25-6, dirapa 17, 18.) Nea ditšhišinyo tše dingwe tše di bontšhago kamoo re ka thomago ka gona dithuto tša Beibele le batho ba ba thabelago bao re ba sepedišeditšego puku ya Phela ka mo go sa Felego. E-ba le mogoeledi yo a swanelegago yo a bontšhago ka boripana thero ya bobedi e lego ka tlase ga sehlogo se se rego “Bophelo/Lethabo” ka pukung ya Go Boledišana, letlakala 11.
Kopelo 199 le thapelo ya go phetha.